ዳናታ ማጻፋ 1:10 - ጋሞ ማጻፋ

¹⁰ ሂስቲዲ ካሴ ቂሪያቴ-ኣርባኤ ጌቴቲዛ ኬብሮኔ ካታማን ዲዛ ካናኔታ ኦሊዳ፤ ቃሴ ሻሻዬ፥ ኣሂማኔኔ ታሊማዬ ጌቴቲዛ ቆሞታ ጾኒዳ።

Geeshsha Maxaafa

¹⁰ Histtidi kase Qiriyaate-Arba7e geetettiza Kebroone katamaan diza Kanaaneta olida; qasse Shashaye, Ahimaanenne Talimaye geetettiza qommota xoonida.

ዳናታ ማጻፋ 1:10 Referans Kwoze

ኢያሶ ማጻፋ 14:15

ኬብሮኔይ ካሴ ኤናቄታ ኡባፌ ባይራ ጊዲዳ ኣርባኤ ሱንን ቂሪያቴ-ኣርባኤ ጌቴታ ጼይጌታዱስ። ሄሳፌ ጉዬ ሄ ቢታያ ኦላፔ ሼምፓዱስ።

ታይቦ ማጻፋ 13:22

ኮይሮ ጌዴ ኔጌቤ ቢዲ ሄራ ኬብሮኔ ጋኪዳ፤ ኬብሮኔይካ፥ «ኤናቄ» ጌቴቲዛ ጌሳኔ ጉባ ጊታ ኣሳታ ዜሬ ጊዲዳ ኣሂማኔ፥ ሻሻዬኔ ታሊማዬ ጌቴቲዛ ዛርኬቲ ዲዛ ቢታ። [ኬብሮኔይ ጊብጼን ዲዛ ጻኖሴ ካታማይፔ ላፑን ላይ ሲንታ ኤቃዱስ።]

ኤርማሳ ቲንቢቴ 9:23

ጎዳይ፥ «ኣ ኤራንቻይ ባ ኣ ኤራቴን ጬቄቶፎ፤ ዎልቃማይ ባ ዎልቃን ጬቄቶፎ፤ ዎይኮ ዱሬይ ባ ዱሬቴን ጬቄቶፎ።

ኤራንቻታ ማጻፋ 9:11

ታኒ ሳሎ ጉፋንን ሃራ ሚሽ ቤኣዲስ፤ ዎን ጾኖይ ፒላታታስ ኦላን ጾኖይ ዎልቃማታስ ጊዴና፤ ካ ኣ ኤራንቻታስ፥ ዱሬቴ ኪጳታንቻታስ፥ ሳባይ ኤራንቻታስ ጊዴና፤ ጊዶ ኣቲን ኡባቲካ ዎዴይኔ ቃዳይ ጋዳ ማላ ሃኔቴስ።

ዳናታ ማጻፋ 1:20

ሙሴይ ጊዳ ማላን ኬብሮኔ ካታማ ካሌቤስ ኢሚዳ፤ ሂስቲን ካሌቤይ ኤናቄ ዛሬ ሄ ቆሞታ ዴራፔ ዴን ጎዲዴስ።

ታይቦ ማጻፋ 13:33

ኔፍሌሜ ባጋ ጊዲዳ ኤናቄ ናይታ ኑኒ ሄን ቤይዶስ፤ ኑኒ ኢስታ ኣቻን ቄሪ ጉምባሮ ሚሳቲዶስ፤ ኢስቲካ ኑና ሄሳ ጼሎንታ ኣጌቴና» ጊዳ።

ሜቴ ማጻፋ 23:2

ኢዛ ካናኔ ቢታን ዲዛ (ኬብሮኔ ጌቴቲዛ) ቂሪያቴ-ኣርባኤ ካታማን ሃይቂን ኣብራሃሜይ ሳራስ ዬኪዴሲኔ ካዮቲዴስ።

ሜቴ ማጻፋ 37:14

ያቆቤይካ፥ «ባዳ ኔ ኢሻቲኔ ሜሄይ ሳሮ ዲዛኮ ቤኣ ያዳ ኢስታ ሃኖታ ታስ ዮታ» ጊዲ ኢዛ ኬብሮኔ ሾባ ኪቲን ኢዚ ሴኬሜ ቢዴስ።

ኢያሶ ማጻፋ 10:36

ሄሳፌ ጉዬ ኢያሶይኔ ኢዛራ ዲዛ ኢስራኤሌ ኣሳ ኡባይ ኤጊሎኔፔ ኬዚ ቢዲ ኬብሮኔ ኦሊዳ።

ዳናታ ማጻፋ 1:9

ሄሳፌ ጉዬ ዩሁዳ ኣሳይ ጌዜን፥ ኔጌቤኒኔ ሄ ዴሬ ጋን ዲዛ ካናኔታ ኦላናስ ቢዴስ።