ያቆቤ ኪታ 5:11 - ጋሞ ማጻፋ

¹¹ ዳንዳያን ጌንጪዳ ኣሳታ ኑ ኢስታ፥ «ኢስቲ ኣንጄቲዳይታ» ጊ ቆዲዛይሳ ኢንቴ ኤሬታ። ኢዮቢ ዋኒ ዳንዳይዳኮ ኢንቴ ኢዛ ጊሻስ ሲዪዴታ። ጎዳይ ኢዛ ዉርሴን ኣይ ኦዳኮ ኢንቴ ቤዪዴታ፤ ጎዳይ ኣሳስ ኬሂ ሚሼቲዛዴኔ ማሪዛዴ።

Geeshsha Maxaafa

¹¹ Dandayan genccida asata nu istta, «Istti anjjettidayta» gi qoodizayssa intte ereeta. Iyoobi waani dandaydaakko intte iza gishshas siyideta. Goday iza wurseththan ay ooththidaakko intte beyideta; Goday asas keehi mishettizaadenne maarizaade.

Gamo Geesha Maxxafa New Testamen

¹¹ Danda7an genccida asata nu istta “IstTi anjjetidayta” gi qoodizayssa inte ereista. Iyobey wanii danda7idakonne inte iza gish siyidista. Goday iza wurisethan ay oothidakone inte beyidista. Goday asas keehi michetizadenne marizadekko.

ያቆቤ ኪታ 5:11 Referans Kwoze

ያቆቤ ኪታ 1:12

ፓጬን ሚኒ ኤቂዳዴይ ኢዚ ኣንጄቲዳዴ፤ ጋሶይካ ኢዚ ፓጬራ ኤቄቲሺን ጾሲ ባና ዶሲዛይታስ ኢሚዳ ሂዶታ ዴኦ ኣኪሊሌ ኢዚ ኤካና።

ኬሳ ማጻፋ 34:6

ጎዳይ ሙሴ ሲንራ፥ «ታኒ ጎዳይ ቃታይኔ ማሮታይ ኩሚዳ ጾሳ፥ ሃንቄታናስ ጋምኢዛ፥ ሜርናስ ሲቂዛኔ ኣማኔቴይ ዳሪዳ ጾሳ።

Maatosa 10:22

ታ ጊሻስ ኣሲ ዉሪካ ኢንቴና ኢጻና። ጊዶ ኣቲን ዉርሴ ጋካናስ ሚኒ ኤቂዳይ ኢዚ ኣታና።

2ጴጽሮሳ ኪታ 2:9

ሂስቲን ሄሲ ዉሪካ ሄሳ ማላ ጊዲኮ ጎዳይ ባስ ጎይኒሼ ዲዛ ኣሳታ ፓጬፔ ኣሻናይሳኔ ናጋራንቻታካ ዎስቲ ቃጻያናኮኔ ፒርዳ ጋላሳስ ዎስቲ ኢስታ ናጊዲ ጋናኮ ሄሳ ኢዚ ኤሬስ ጉሳ።

ዬ ማጻፋ 86:15

ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።

ኢዮቤ ማጻፋ 2:10

ኢዮቢካ፥ «ዋናዳ ኤያ ማጫሳ ሃሳያ ሃሳያይ? ጾሲ ሎኦ ሚሽ ኢሚዛ ዎዴ ኡፋይሳን ኤኮስ፤ ሃኢ ጊዲኮ ኢታ ኢዚ ኑ ቦላ ኤሂሺን ኢዛ ቦላ ዙዙማናስ ቤሲዜ?» ጊዴስ። ኢዮቢ ሃ ኡባ ሜቶይኔ ዋዬይ ኢዛ ቦላ ጋኪንካ ኢዚ ጾሳ ቦላ ኢታ ሚሽ ሃሳይዲ ናጋራ ኦቤና።

1ጴጽሮሳ ኪታ 1:13

ሄሳ ጊሻስ ኢንቴ ኢንቴ ዎዚና ሱሪሲዲ ኦሶስ ጊጌቲቴ፤ ዎጋራ ዴኢቴ። ዬሱስ ኪርስቶሲ ቆንጪዛ ዎዴ ኢንቴ ኢዛ ኪያቴ ዴማናስ ኢንቴስ ኩሜ ሂዶታይ ዴኦ።

ሉቃሳ ሚሺራቾ 6:36

ኢንቴ ኣዋይ ኪያ ጊዲዳ ማላ ኢንቴካ ኪያታ ጊዲቴ።

ኤርማሳ ዚላስ 3:22

ሄሲካ ኑኒ ዮንታ ኣጊዳይ ጎዳ ሲቆይ ዳሮ ጊዲዳ ጋሶና፤ ኢዛ ቃታይካ ሜርናስ ዉሮንታ ጊሻሳ።

ዬ ማጻፋ 103:8

ጎዳይ ቃቲዛዴኔ ማሪዛዴ፤ ኢዚ ሃንቄታናስ ኤሶቶንታዴ፤ ኢዛ ሲቆይ ኬሂፔ ዳሮ።

Ibirawe 10:39

«ኑኒ ጊዲኮ ኣማኒዲ ኣቲዳይታ ባጋ ኣቲን ጌዴ ጉዬ ኡንዱዲ ይዛይታ ባጋ ጊዶኮ» ጊዴስ።

Ibirawe 3:14

ኑስ ካሴ ኮይሮፔ ዲዛ ኣማኖ ኑኒ ዉርሴ ጋካናስ ሎኤ ሚን ኦይኪኮ ኑኒ ኪርስቶሳራ ኢሲፌ ላታና።

ኤፌሶኔ ኣሳስ 2:4

ጊዶ ኣቲን ጾሲ ኬሂ ሲቂዳ ጊሻስ ባ ማሮ ዳሮን ኑኒ ኑ ቆሆ ዳሮቴን ሃይቂዳይታ ጊዲ ዲሺን ኪርስቶሳ ባጋራ ኑና ኣሺዴስ፤ ኢንቴ ፓጺዳይ ኢዛ ኪያቴና።

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

1ታሪኬ ማጻፋ 21:13

ዳዊቲ ጋዴስ፥ «ታ ዶራናስ ኬሃ ሜቶታዲስ፤ ጊዲኮካ ጎዳ ጾሳ ማሮታይ ኬሂ ጊታ ጊዲዳ ጊሻስ ኣሳ ኩሼን ኩንዳናፔ ጾሳ ኩሼን ኩንዴ ታስ ሎኦ» ጊዴስ።

Ibirawe 3:6

ኪርስቶሲ ጊዲኮ ጾሳ ኬ ቦላ ኣማኔቲዳ ና ማላ። ኑኒካ ኢዛ ቦላ ኣማኔቲዛ ኡፋይሳይኔ ጬቄቲዛ ሂዶታ ሎኤ ኦይኪኮ ኑ ኢዛስ ዱሳ ኬ።

ኤፌሶኔ ኣሳስ 1:6

ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።

ኦሮሜ ኣሳስ 2:4

ዎይኮ ጾሳ ኪያቴ ኔና ማሮቴኮ ካሌዛይሳ ሻካ ኤሮንታ ዳሼ ኢዛ ጊታ ኪያቴኔ ኢዛ ዳንዳያ ዱሬቴ ኔ ሌቃይ?

ሉቃሳ ሚሺራቾ 1:50

ኢዛ ማሮይ ኢዛስ ባቢዛይታስ ና ና ጋካናስ ዳና።

ዮናሳ ቲንቢቴ 4:2

ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።

ኢዩኤሌ ቲንቢቴ 2:13

ኢንቴ ኢንቴ ካዮ ቤሳናስ ማይኦ ዳኬ ጻላ ጊዴና፤ ሄሳፌ ቦላራ ኢንቴ ዎዚናይ ሜቂን ማሬቲቴ፤ ጎዳ ኢንቴ ጾሳይ ኪያኔ ማሪዛ ጾሳ፥ ሃንቆስካ ኤሶቴና፤ ሜርና ሲቆን ኢዚ ዱሬኔ ቃጻያናስ ኤሶቶንታ ጾሳ፤ ሄሳ ጊሻስ ኢንቴ ኢዛኮ ሲሚቴ።

ኢሳያሳ ቲንቢቴ 63:9

ኢስታ ሜቶ ኡባን ጬጪዴስ፤ ኢዛ ዱሳ ኤሪሲዛ ኪታንቻይ ኢስታ ኣሺዴስ፤ ኢዚ ባ ሲቆኒኔ ባ ማሮቴን ኢስታ ዎዚዴስ። ካሴ ኣዳ ዎዴ ኡባን ኢስታ ዴንዴሲኔ ቶኪዴስ።

ኢሳያሳ ቲንቢቴ 63:7

ጎዳ ኪያቴ፥ ጎዳይ ኑስ ኦዳ ኦሶ ኡባ ጊሻስ፥ ኢዚ ጋላቴቲዛ ኦሶዛ ጊሻስ፥ ኢዛ ሲቆዛኔ ኢዛ ኪያቴ ኬና፥ ኢስራኤሌ ኬስ ኢዚ ኦዳይሳ፥ ኤ ኢዚ ኦዳ ሎኦ ኦሶታ ጊሻስ ታ ዮታና።

ኤራንቻታ ማጻፋ 7:8

ኢሲ ሚሻስ ዶሜፌ ዉርሴ ኪያ፤ ቃሴ ኦቶራንቻፌ ዳንዳያንቻይ ኪያ።

ዬ ማጻፋ 119:132

ሃ ታኮ ሲማ፤ ኔ ሱን ሲቂዛይታ ኡባስ ኔኒ ኦዛይሳ ማላ ታስካ ቃታ።

ዬ ማጻፋ 116:5

ጎዳይ ኪያኔ ጺሎ፤ ኑ ጾሳይ ማሪዛይሳ።

ዬ ማጻፋ 103:13

ኣዋይ ባ ናይታስ ቃቲዛ ማላ ጎዳይ ባስ ያዪዛይታስ ቃቴስ።

ዬ ማጻፋ 94:12

ኣቤት ጎዳዉ! ኔኒ ሴሪዛዴይኔ ኔኒ ኔ ዎጋፔ ታማርሲዛ ኣሲ ኣንጄቲዳዴ።

ዬ ማጻፋ 86:5

ኣቤት ጎዳዉ! ኔኒ ኑስ ኪያኔ ኣቶ ጊዛዴ፤ ኔና ዎሲዛ ኡባስ ኔ ሜርና ሲቆ ቤሳሳ።

ዬ ማጻፋ 78:38

ጊዶ ኣቲን ኢዚ ኢስታ ማሪዛዴ ጊዲዳ ጊሻስ ኢስታ ኢታቴ ኣቶ ጊዴስ፤ ኢስታካ ይሲቤና፤ ዳሮ ዎዴ ባ ሃንቆዛ ኢስታ ቦላፌ ቴቂዴስ፤ ባ ሃንቆዛ ቦሻ ኡባ ኢስታ ቦላ ዬዲቤና።

ዬ ማጻፋ 37:37

ኣኔ ሎኦ ኣስ ኣኬካ፤ ሱሬ ኣስ ቤኣ፤ ሳሮ ኣሳስ ዉርሴ ሎኦ ጊዳና።

ኢዮቤ ማጻፋ 23:10

ኢዚ ታ ታንጎ ኡባ ኤሬስ፤ ታና ኢዚ ፓጪኮካ ታኒ ዎርቃ ማላ ጌሽ ጊዳ ዲሺን ኢዚ ታና ዴማና።

ኢዮቤ ማጻፋ 1:2

ኢዛስ ላፑን ኣቱማ ናይቲኔ ሄ ማጫ ናይቲ ዴቴስ።

ናሂሚያ ማጻፋ 9:17

ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።

2ታሪኬ ማጻፋ 30:9

ኢንቴ ኢንቴ ጎዳኮ ሲሚኮ ጎዳ ኢንቴ ጾሳይ ቃቲዛዴኔ ማሪዛዴ ጊዲዳ ጊሻስ ኢንቴ ኢሻታኔ ኢንቴ ናይታ ዲኢ ኤፊዳይታ ሲንን ኢስቲ ማሮቴ ዴሚዲ ሃ ቢታ ሲማና፤ ኢንቴ ኢዛኮ ሲሚኮ ኢዚ ባ ሲን ኢንቴኮ ዛራና» ጊዛ ዳብዳቤ ኤፊዳ።

ዳኔላ ቲንቢቴ 9:9

ኣቤት ጎዳ ኑ ጾሳዉ! ኑኒ ኔ ቦላ ማካሊኮካ ኔኒ ማሪዛኔ ኣቶ ጊዛ ጾሳ።

ዬ ማጻፋ 145:8

ጎዳይ ቃቲዛይሳኔ ማሪዛይሳ፤ ኢዚ ሃንቄታናስ ኤሶቶንታይሳኔ ሲቆይ ኩሚዳይሳ።

ዬ ማጻፋ 51:1

ኣቤት ጾሳዉ! ኔ ሜርና ሲቆዛ ማላ ታና ማራ፤ ኔ ቃታ ዳሮን ታ ሞሮዛ ቁጫ።

ናሂሚያ ማጻፋ 9:31

ጊዶ ኣቲን ኔ ማሮቴ ጊታቴፌ ዴንዲዳይሳን ኢስታ ኣጋቤካ፤ ኔ ኪያኔ ኣቶ ጊዛ ጾሳ ጊዲዳ ጊሻስ ኢስታ ይሳቤካ።

ኢዮቤ ማጻፋ 1:1

ኡጼ ጌቴቲዛ ዴሬን ኢሲ ኢዮቤ ጌቴቲዛ ኣሲ ዴስ። ኢዚካ ኢታ ኡባፌ ሃኪዳዴ፤ ዎሶይ ኢዛ ቦላ ባይንዳዴ፤ ጾሳስ ያዪዛዴኔ ሱሬ ኣሳ።

ያቆቤ ኪታ 1:2

ታ ኢሻቶ! ኢንቴ ቦላ ዱማ ዱማ ዋዬይ ጋኪኮ ሄሳ ዉርሲ ኡፋይሳን ቆዲቴ።

1ጴጽሮሳ ኪታ 3:14

ኢንቴ ሎኦ ኦዳ ጊሻስ ዋዬ ቤኢኮካ ኢንቴ ኣንጆ ኤካና፤ ኣሳይ ኢንቴ ቦላ ኢታ ኦናስ ማንዴቲዛይሳስ ባቦፍቴኔ ዳሮ ቆፖፍቴ።

ሉቃሳ ሚሺራቾ 11:10

ኣይስ ጊኮ ዎሲዛይ ዉሪ ኤካና፤ ኮይዛይካ ዴማና፤ ካሬ ቆጺዛዴስካ ዶዬታና።