ያቆቤ ኪታ 1:21 - ጋሞ ማጻፋ

²¹ ሄሳ ጊሻስ ቱናቴኔ ዳልጊዳ ኢታቴ ኢንቴፌ ኬሲ ዬጊዲ ኢንቴ ሼምፖ ኣሻናስ ዳንዳይዛ ኢንቴ ጊዶን ቶኬቲዳ ቃላ ኣሽኬቴራ ኤኪቴ።

Geeshsha Maxaafa

²¹ Hessa gishshas tunateththinne dalgida iitateththi inttefe kessi yeggidi intte shemppo ashshanaas dandayza intte giddon tokettida qaalaa ashketeththara ekkite.

Gamo Geesha Maxxafa New Testamen

²¹ Hessa gish tunatethinne dalggida iittatethi intefe kessi yegidi inte shemppo ashanaas danda7iza inte gidon toketida qaala ashketethara ekkite.

ያቆቤ ኪታ 1:21 Referans Kwoze

ኤፌሶኔ ኣሳስ 4:22

ኢንቴ ካሴ ዲዛ ዱሳይ ባሌዛ ኣሞን ቂታቲዳ ጊሻስ ካሴ ጬጋ ኣሳቴ ኢንቴፌ ቃሪ ዬጋና ማላ ታማርዴታ።

ኤፌሶኔ ኣሳስ 1:13

ኢንቴካ ቃሴ ቱማ ቃላ ሄሲካ ኢንቴና ኣሺዛ ሚሺራቾ ቃላ ሲዪዲ ኪርስቶሳን ኣማኒዴታ፤ ኢዛ ኣማኒዲ ካሴ ኢሜታና ጌቴቲዳ ጺሎ ኣያና ማታሜን ኣታሜቲዴታ።

1ጴጽሮሳ ኪታ 2:11

ታ ሲቆቶ! ኢንቴ ሃይሳ ኣላሜዛ ቦላ ኢማኔ ቤቴ ኣስ ጊዲዳ ጊሻስ ሼምፖራ ኦሌቲዛ ኣሾ ኣሞቴታፔ ሃካና ማላ ታ ኢንቴና ሃዳራ ጋይስ።

ዮሃኒሳ ሚሺራቾ 6:63

ኣሳስ ዴኦ ኢሚዛይ ጾሳ ኣያናኮ! ኣሳ ዎልቃይ ቃሴ ኣይኮካ ጎኤና፤ ታ ኢንቴስ ዮቲዳ ቃላይ ዴኦ ኢሚዛ ኣያና።

ዬ ማጻፋ 25:9

ኣሽኬታ ሱሬ ኦጌራ ካሌስ፤ ኢስታካ ባ ኦጌ ታማርሴስ።

1ጴጽሮሳ ኪታ 2:1

ሄሳ ጊሻስ ኢታቴ ዉርሲ፥ ባሌ ዉርሲ፥ ቆፔ ቆሞን ሃኖ፥ ቃናቴቴ ኣይኮ ቆሞ ዚጊርስ ኢንቴፌ ዲጊቴ።

Ibirawe 12:1

ሄሳ ጊሻስ ሻራ ማላ ኑና ዩዪ ኣዳ ዳሮ ማርካቲ ኑስ ዲሺን ኑና ዴጺዛ ቶሆኔ ቃሴ ኑና ቃቺ ኦይኪዛ ናጋራ ዉርሲ ኑፔ ዎራ ዬጊዲ ኑ ሲንን ዲዛ ዎ ጌንጫኒኔ ዳንዳያን ኣኔ ዎጾስ።

ያቆቤ ኪታ 4:8

ጾሳኮ ሺቂቴ፤ ኢዚካ ኢንቴኮ ሺቃና፤ ኢንቴኖ ናጋራንቻቶ! ኢንቴ ኢንቴ ኩሼ ጌሺቴ፤ ኢንቴኖ ናምኡ ቆፋን ቃጺዛይቶ! ኢንቴ ኢንቴ ዎዚና ጌሺቴ።

Titosas 2:11

ኣሳስ ኢዛፔ ማሮይ ቤቲዛ ጾሳ ኪያቴ ኣሳ ኡባስ ቆንጪዴስ።

ኦሮሜ ኣሳስ 1:16

ኣማኒዛይቲ ዉሪ ኣታና ማላ ጾሳ ዎልቃ ጊዲዳ ጊሻስ ታኒ ሚሺራቾ ቃላን ዬላቲኬ፤ ሄሲካ ኮይሮ ኣይሁዳታስ ካሊዲ ኣይዛቤታሳ።

Ibirawe 4:2

ሄይታንታስ ሳባኬቲዳ ማላ ኑስካ ሚሺራቾ ቃላይ ሳባኬቲዴስ፤ ጊዲኮካ ሲዪዳ ኣሳታራ ሲዪዳ ቃላይ ኢስታራ ኣማኖን ዋላኬቶንታ ኣጊዳ ጊሻስ ኢስታ ጎኢቤና።

Ibirawe 2:3

ኑ ቃሴ ሄሳ ማላ ጊታ ማሮቴ ጮ ሌፒ ሂስቲኮ ዋኒ ኣታኔ? ሃይሲ ማሮቴይ ኮይሮ ጎዳ ባጋራ ኑስ ዮቴቲዴስ፤ ኢዛፔ ሲዪዳይቲካ ኑስ ጌሺ ዮቲዳ።

1ቆሮንቶሴ ኣሳስ 15:2

ታ ኢንቴስ ሳባኪዳ ቃላ ኢንቴ ሎኤ ኦይኪኮ ሄ ሚሺራቾ ቃላን ኢንቴ ኣታና፤ ሄሳ ማላ ጊዶንታ ኣጊኮ ኢንቴ ኣማኖይ ሃዳ።

ኦሮሜ ኣሳስ 6:17

ኢንቴ ካሴ ናጋራስ ኣይሌታ ጊዲኮ ኢንቴስ ኢሜቲዳ ቲሚርቴዛስ ኢንቴ ዎዚናፔ ኣዛዜቲዳ ጊሻስ ጾሲ ጋላቴቶ።

ኢሳያሳ ቲንቢቴ 29:19

ኣሽኬቲ ጎዳን፥ ሂዬሳቲ ኢስራኤሌ ጌሻን ዛሪ ዛሪ ኡፋዬታና።

ዮሃኒሳ ሚሺራቾ 6:68

ሄ ዎዴ ሲሞና ጌቴቲዛ ጴጽሮሲ፥ «ጎዶ፥ ኔስ ሜርና ዴኦ ቃላይ ዲሺን ኑ ኦናኮ ባኔ?

1ታሶሎንቄ ኣሳስ 2:13

ኢንቴ ኑፔ ሲዪዳ ጾሳ ቃላ ኤኪዳ ዎዴ ኣማኒዛ ኢንቴ ኣቻን ቱሙ ኦዛ ጾሳ ቃላ ማላ ኤኪዴታ ኣቲን ጮ ኣሳ ቃላ ማላ ኢንቴ ኤኮንታ ኣጊዳ ጊሻስ ኑኒ ጾሳ ቃንጾይ ባይንዳ ጋላቶስ።

2ቆሮንቶሴ ኣሳስ 7:1

ሄሳ ጊሻስ ታ ሲቆቶ! ሃይሲ ሂዶታይ ኑስ ኢሜቲዳ ጊሻስ ኣሾኔ ኣያና ቱኒሲዛ ኣይ ሚሻፌካ ኣኔ ኑና ጌሾስ፤ ጾሳስ ያሻን ኑ ጌሻቴ ኣኔ ኩሜ ሂስቶስ።

ኢሳያሳ ቲንቢቴ 30:22

ሄሳፌ ቢራን ሜሼቲዳ ኢንቴ ኤቃ ጾሳታኔ ዎርቃን ሜሼቲዳ ሚስሌታ ኢንቴ ሞራና፤ «ኑፔ ሃኪቴ» ጊዲ ቱና ጫርቃ ማላ ኢንቴ ዎራ ዬጋና።

ኢሳያሳ ቲንቢቴ 2:20

ሄ ጋላስ ኣሳይ ጎይናናስ ሜዳ ባንታ ቢራ፥ ዎርቃ ሚስሌታ ጊሮሲኔ ካፎታስ ኦላና።

ሃዋሬታ ኦሶ 13:26

«ኢንቴኖ ኣብራሃሜ ዜሬፌ ዬሌቲዳ ኑ ኢሻቶ! ቃሴካ ኢንቴ ጊዶንካ ጾሳስ ያዪዛይቲ ዉሪ ሃይሲ ኣቶቴ ኪታይ ኪቴቲዳይ ኑስ ኡባታሳ!

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

1ጴጽሮሳ ኪታ 1:9

ኢንቴ ናጊዛ ኢንቴ ሼምፖይስ ኣቶቴ ኢንቴ ኣማኖን ዴሚዴታ።

ኦሮሜ ኣሳስ 11:17

ኬ ማታን ዲዛ ዎጋራ ሚ ሃጋታ ማላቲ ኢንቴ ሜቂ ዎን ሃንኮ ዎራን ዲዛ ዎጋራ ሚታ ሚሳቲዛ ኣይዛቤቲ ኢንቴ ኪቾሳን ጊዲዲ ኢንቴ ሃሮኔ ኢንቴ ኣንጆ ሻኪ ኤኪዛዴንታ ጊዲኮ፥

ሃዋሬታ ኦሶ 10:33

ታኒካ ሄራካ ኔኮ ኣስ ኪታዲስ፤ ኔ ዩሳይካ ሎኦ፤ ሂስቲኮ ጎዳይ ኔና ኣዛዚዳይሳ ኔ ኑስ ዮቲኮ ጾሲ ዮቲዳይሳ ኔፔ ሲያናስ ኑ ዉሪካ ሃይሳን ጾሳ ሲንን ዶስ» ጊዴስ።

Maatosa 5:5

ኣሽኬቲ ኣንጄቲዳይታ፤ ኣይስ ጊኮ ኢስቲ ቢታ ላታና።

ሶፎናሳ ቲንቢቴ 2:3

ኢንቴኖ ቢታ ቦላ ዲዛ ኣሽኬቶ፤ ኢዛ ኣዛዞካ ፖሊዛይቶ! ጎዳ ኮዪቴ፤ ጺሎቴኔ ኣሽኬቴ ኮዪቴ፤ ጎዳ ሃንቆ ጋላሳፌ ኢንቴ ኣታናኮ ኦኔ ኤሪዛይ!

ሂዚቄላ ቲንቢቴ 36:25

ታኒ ኢንቴና ጺሎ ሃን ኣራጫና፤ ኢንቴካ ጌያና፤ ሂስታዳ ታ ኢንቴና ኢንቴ ኤቃ ጾሳታ ኡባፌኔ ኢንቴ ቱናቴ ኡባፌ ጌሻና።

ሂዚቄላ ቲንቢቴ 18:31

ኢንቴ ታ ቦላ ኦዳ ቆሆ ኡባ ዎራ ኦሊቴ፤ ኢንቴስ ኦራ ዎዚናይኔ ኦራ ኣያናይ ዴኦ፤ ኢንቴኖ ኢስራኤሌ ኣሳቶ ኣይስ ሃይቄቲ?

1ታሶሎንቄ ኣሳስ 1:5

ጋሶይካ ሚሺራቾ ቃላይ ኢንቴኮ ዪዳይ ዎልቃራ ጺሎ ኣያናኒኔ ሎኤ ሻኪ ኤሪን ኣቲን ጮ ቃላ ጻላን ጊዴና፤ ቃሴካ ኑ ኢንቴ ጊሻስ ጊዲ ዋኒ ዴኢዳኮ ኢንቴ ኤሬታ።

ኤፌሶኔ ኣሳስ 5:4

ኢንቴ ጋላታ ጋላቲዛይታ ጊዲቴ ኣቲን ኣሴ ዬላቺዛ ላፋ ሃሳያይ፥ ጮ ኤያቴ ዮኦይ ኢንቴስ ቤሶንታ ጊሻስ ሄሳ ማላይ ኢንቴ ጋርሳን ዶፖ።

ኤፌሶኔ ኣሳስ 4:25

ኑ ዉሪካ ኢሲ ኣሾ ጊዲዳ ጊሻስ ዎርዶቴ ዲጊዲ ኑኒ ኑ ጋርሳን ኢሶይ ኢሳራ ኣኔ ቱማ ሃሳዮስ።

1ጴጽሮሳ ኪታ 1:22

ኢንቴ ኣማኒዛይታ ሱሬ ዎዚናፔ ሲቃና ማላ ቱማስ ኣዛዜቴን ኢንቴ ኢንቴ ኣሳቴ ጌሺዴታ፤ ሄሳ ጊሻስ ኢንቴ ኢንቴ ጊዶን ኢሶይ ኢሳራ ሎኤ ሲቄቲቴ።