ኢሳያሳ ቲንቢቴ 9:3 - ጋሞ ማጻፋ

³ ኔኒ ካዎቴ ዳርሳዳሳ፤ ኢስታስ ኡፋይሳ ቦላ ኡፋይስ ጉጃዳሳ፤ ኣሳይ ካ ሺሺሼኔ ዲኢ ኤኪዳ ሚሽ ጊሼቲሼ ኡፋዬቲዛ ማላ ኢስቲካ ኔ ሲንን ኡፋዬታና።

Geeshsha Maxaafa

³ Neni kawoteththaa darsadasa; isttas ufayssaa bolla ufays gujjadasa; asay kath shiishshishenne di7i ekkida miish gishettishe ufayettiza mala isttika ne sinththan ufayettana.

ኢሳያሳ ቲንቢቴ 9:3 Referans Kwoze

ዬ ማጻፋ 119:162

ዳሮ ሚሽ ዲኢዳ ኣሲ ኡፋዬቲዛ ማላ ኔኒ ጊዳ ቃላን ታኒ ኡፋዬታይስ።

1ጴጽሮሳ ኪታ 1:8

ኢንቴ ዬሱስ ኪርስቶሳ ኣይፌራ ቤኦንታ ኣጊኮካ ኢንቴ ኢዛ ዶሴታ፤ ሃኢካ ኢንቴ ኢዛ ቤኦንታ ኣጊኮካ ኢዛ ኣማኔታ፤ ጮ ቃላን ቆንጪሳና ዳንዳዮንታ ጊታ ቦንቾ ኡፋይስ ኢንቴ ኡፋዬቴታ።

ኢሳያሳ ቲንቢቴ 26:15

ኣቤት ጎዳዉ! ኔኒ ካዎቴ ዳርሳዳሳ፤ ኔኒ ዴራ ዳርሳዳሳ። ኔኒ ቦንቼታዳሳ፤ ቢታ ዛዋ ኡባካ ኣሳዳሳ።

ኢሳያሳ ቲንቢቴ 66:10

«ኢንቴኖ ዬሩሳላሞ ሲቂዛ ኡባቶ፥ ኢዚራ ኡፋዬቲቴ፤ ኢንቴ ኢዚራ ሆምቦጪቴ፤ ኢዚስ ዬኪዳ ኡባቲ ኢዚራ ኬሂ ኡፋዬቲቴ።

ኢሳያሳ ቲንቢቴ 65:18

ጊዶ ኣቲን ታኒ ሜዛይሳን ኡፋዬቲቴ፤ ሜርናስ ሆምቦጪቴ፤ ታኒ ዬሩሳላሜ ኡፋይሳስ፥ ኢዚ ዴራካ ሆምቦጬስ ሜና።

ኢሳያሳ ቲንቢቴ 35:10

ጎዳይ ማዲዳይቲ ሲማና፤ ኢስቲ ዬጺሼ ጺዮኔ ጌላና፤ ሜርና ኡፋይሳ ካላቻ ማላ ጎጻና፤ ኢንጄኔ ኡፋይስ ዴማና፤ ጬጬይኔ ካዮይ ሄፔ ባቃታና።

1ሳሜላ ማጻፋ 30:16

ሄሳፌ ጉዬ ኢዚ ዳዊቴ ካሌ ኤፊ ጋሺን ዎራጂዳይቲ ፊሊስጼሜፔኔ ዩሁዳፔ ዲኢ ኤኪዳ ዳሮ ሚሻፌ ዴንዲዳይሳን ዱማ ዱማሶን ሚሼ፥ ኡዪሼ፥ ዬጺሼኔ ጉፒሼ ዴቴስ።

ሉቃሳ ሚሺራቾ 11:22

ጊዶ ኣቲን ኢዛፔ ሃራ ሚኖ ኣሲ ዪዲ ጾኒኮ ኢዚ ኣማኔቲዳ ኦላ ሚሻታ ዎ ኤኪዲ ኢዛስ ዲዛ ሃሮዛካ ዉርሲ ሃራስ ጊሻና።

ዬ ማጻፋ 4:7

ካኔ ዎይኔ ኡሹ ዳሮ ዴሚዲ ሃራቲ ኡፋዬቲዛይሳፌ ኣዳ ኔኒ ታ ዎዚና ኡፋይሳን ኩንዳሳ።

ፒሊጲሲዮሴ ኣሳስ 4:4

ኣይ ዎዴካ ጎዳን ኡፋዬቲቴ፤ ቃሴካ ታ ኢንቴና ኡፋዬቲቴ ጋይስ።

ዛካራሳ ቲንቢቴ 10:8

ታኒ ኢስታ ዋይቄን ጼይጋዳ ኢሲ ቦላ ሺሻና፤ ቱማፔ ታ ኢስታ ዎዛና፤ ካሴ ማላ ታ ኢስታ ዳርሳና።

ዛካራሳ ቲንቢቴ 8:23

«ሄ ጋላሳታን ዱማ ዱማ ዴሬፔ ዱማ ዱማ ቃላን ሃሳይዛ ታሙ ኣሳቲ ኢሲ ኣይሁዳ ኣሳ ማይኦ ማጫራ ኦይኪዲ፥ ‹ኢንቴናራ ጾሲ ዲዛይሳ ኑ ሲዪዳ ጊሻስ ኑ ኢንቴናራ ኢሲፌ ባና› ጋና» ጊዴስ።

ዛካራሳ ቲንቢቴ 2:11

ሄ ጋላስ ዳሮ ካዎቴቲ ጎዳኮ ሺቂዲ ኢዛ ዴሬ ጊዳና፤ ኢዚካ ኔ ጊዶን ዴኣና፤ ኡባፌ ዎልቃማ ጎዳይ ታና ኔኮ ኪቲዳይሳ ኔካ ኤራና።

ሆሴኤ ቲንቢቴ 4:7

ቄሴታ ቆዳይ ዳሪ ዳሪ ቢሺን ኢስቲ ታ ቦላ ኦዳ ናጋራይ ዳሪ ዳሪ ቢዴስ፤ ባንታ ቦንቾካ ካዉሻን ላሚዳ።

ኤርማሳ ቲንቢቴ 31:7

ጎዳይ፥ «ያቆቤ ዴራስ ኡፋይሳን ዬጺቴ፤ ካዎቴታ ሃላቃስ ኢሊሊ ጊቴ፤ ኢንቴ ጋላታካ ሲሲቴ፤ ‹ጎዳዉ ኢስራኤሌፔ ጫሻ ኣቲዳ ኔ ዴራ ኣሻ› ጊቴ።

ኢሳያሳ ቲንቢቴ 61:10

ታኒ ጎዳን ኬሂፔ ኡፋዬታይስ፤ ታ ሼምፖያካ ታ ጾሳን ሆምቦጫዉስ፤ ሚሺራይ ባ ሁኤን ካላቻ ጎጺዛ ማላ፥ ሚሺራያካ ባና ኢንቁን ሴሌዛ ማላ ኣቶቴ ማይኦ ታና ማይዚዴስ፤ ጺሎቴ ሴሎካ ታ ቦላ ጎጲዴስ።

ኢሳያሳ ቲንቢቴ 61:7

ታ ዴሬይ ዬላቲዳይሳ ቆ ናምኡ ኩሼ ኤካና፤ ካዉዪዳይሳ ቆ ባንታ ጺንጾን ኡፋዬታና፤ ባንታ ቢታስ ናምኡ ኩሼ ላታና፤ ሜርና ኡፋይሲ ኢስታስ ጊዳና።

ኢሳያሳ ቲንቢቴ 55:12

ኢንቴ ኡፋይሳን ኬዛና፤ ሳሮን ሞይዜታና። ዙማቲኔ ዙምቡላቲ ኢንቴ ሲንን ኢሊሊሳራ ዬጻና፤ ዴምባን ዲዛ ሚቲ ኡባይካ ባንታ ኩሼ ባቃና።

ኢሳያሳ ቲንቢቴ 54:1

ጎዳይ፥ «ሃኔ ማይኔ ማጫሳዬ፥ ና ዬላ ኤሮንታሬ ዬጻ፤ ኢሊሊ ጋዳ ኡፋይሳን ዋሳ፤ ሃኔ ሚጻታ ኤሮንታሬ፥ ባ ኣዚናራ ዲዛሪ ናይታፔ ኣዚናይ ኣጊዳሪ ናይቲ ዳራና» ጌስ።

ኢሳያሳ ቲንቢቴ 35:2

ኢዚ ዳሮ ኡፋዬታናኔ ሚጫና፤ ሊባኖሴ ቦንቾይ ኢዛስ ኢሜታና፤ ቃርሜሎሴኔ ላሻሮኔ ቴማ ኢዚ ማይኣና፤ ኑ ጎዳ ቦንቾኔ ጾሳ ጊታቴ ኢስቲ ቤኣና።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ኢሳያሳ ቲንቢቴ 12:1

ሄ ዎዴ ኔኒ፥ «ኣቤት ጎዳዉ፥ ካሴ ኔ ታ ቦላ ሃንቄታዳሳ፤ ሃኢ ጊዲኮ ኔኒ ኔ ሃንቆዛፔ ሲማዳ ታና ሚንዳ ጊሻስ ታ ኔና ሳባይስ።

ዬ ማጻፋ 107:38

ኢዚ ኢስታ ኣንጂን ኢስቲ ኬሂ ጮራቲዳ፤ ኢስታ ሜሄታካ ጉቤና።

ናሂሚያ ማጻፋ 9:23

ኢስታስ ቆዳይ ሳሎ ጾሊንቴ ማላ ዳሪዳ ናይታ ኢማዳሳ፤ ካሴ ኢስታ ኣዋታስ ኔ ኢማና ጋ ቃላ ጌሊዳ ቢታ ኢስቲ ጾኒ ላታና ማላ ኦዳሳ።

ዳናታ ማጻፋ 5:3

«ኢንቴኖ ካዎቶ! ሃይሳ ሲዪቴ! ኢንቴኖ ዴሬ ሃሪዛይቶ! ኤዝጊቴ! ታኒ ጎዳስ ዬጻና፤ ኢስራኤሌ ጎዳስ ጋላታ ማዛሙሬ ዬጻና።

ሃዋሬታ ኦሶ 8:8

ሄሳ ጊሻስ ሄ ካታማ ኣሳይ ዳሮ ኡፋዬቲዴስ።

ኢዮቤ ማጻፋ 12:23

ካዎታካ ጊታሳና፤ ዛሪዲካ ይሳና፤ ካዎቴካ ዳርሳና፤ ዛሪዲካ ላላና።

ኢሳያሳ ቲንቢቴ 65:14

ታ ኣሽካራቲ ዎዚናፔ ኡፋይሳን ዬጻና፤ ኢንቴ ጊዲኮ ዎዚናይ ሜቂን ኢንቴ ዋሳና፤ ኢንቴ ኣያናይ ሜቂዳ ጊሻስ ኢንቴ ዎ ዎ ጊዲ ዋሳና።

ሌዌታ ማጻፋ 26:13

ኢንቴ ኣይሌቴን ሃሬቶንታ ማላ ጊብጼ ቢታፌ ኢንቴና ኬሲዳይ ታኒ ጎዳ ኢንቴ ጾሳ፤ ታኒ ኢንቴ ኣይሌቴ ቃምባራ ሜንዳ ኢንቴ ቁ ጊዲ ባና ማላ ኦዲስ።

ዳናታ ማጻፋ 7:22

ሄ ጼቱ ጌዶኔ ኣሳይ ባ ዛዬ ዛዬ ፑኒዳ ዎዴ ሞርኬታ ኦላንቻቲ ባንታ ጊ ማሻን ኢሶይ ኢሳ ዎና ማላ ጎዳይ ኦዴስ፤ ሄሳ ጊሻስ ኣቲዳ ኦላንቻቲ ዜሬራ ባጋራ ጌዴ ቤቲ-ሲጼ ጌቴቲዛ ካታማራ ኣ ቢዲ ጻባታ ማታን ዲዛ ኣቤሊ-ማሆሌ ጋካናስ ባቃቲዳ።

ዳናታ ማጻፋ 8:12

ኢስቲካ ኡባይ ዳጋሚዳ፤ ሚዲያሜ ካዎቲ ዜባሃይኔ ጻልሙናይ ናምኣይካ ባቃቲዳ፤ ጊዶ ኣቲን ጌዶኒ ኢስታ ዬዴ ጋኪዲ ኦይኪዴስ።

ኢሳያሳ ቲንቢቴ 10:26

ኡባፌ ዎልቃማ ጎዳይ፥ «ሚዲያሜ ኣሳ ሄሬቤ ዛላ ኣቻን ሾጮይሳ ኢዚ ኢስታ ጹርቃፌራ ዋና፤ ኢዚ ጊብጼታ ቦላ ኦዳይሳ ባ ጉፌዛ ኣባ ቦላ ዴንና።

ኢሳያሳ ቲንቢቴ 14:5

ጎዳይ ኢታ ጻምኣኔ ሃሪዛይታ ካዎቴ ጉፌ ሜንዴስ።