ኢሳያሳ ቲንቢቴ 8:19 - ጋሞ ማጻፋ

¹⁹ ኣሳይ ኢንቴና፥ «ቤሶንታዝ ታታፌቲሼኔ ሳሱኬቲሼ ሃሳዬቲዛ ቢቲዛይታኔ ሞይቲሌ ጼይጊዛይታ ኦይቺቴ» ጊኮ ዴሬይ ባ ጎዳ ኦይቻናስ ቤሴኔ? ዴኦ ጾሳ ኣጊዲ ሃይቂዳይታ ኦይሾ ኣይስ ኮሺዜ?

Geeshsha Maxaafa

¹⁹ Asay inttena, «Bessonttaaz tattafettishenne Saasukettishe haasayettiza bitizaytanne moytille xeygizayta oychchite» giikko derey ba GODAA oychchanaas bessennee? De7o Xoossaa aggidi hayqqidayta oysho ays koshshizee?

ኢሳያሳ ቲንቢቴ 8:19 Referans Kwoze

1ታሪኬ ማጻፋ 10:13

ሳኦሊ ጎዳስ ኣማኔቲቤና፤ ኢዛ ቃላካ ናጎንታ ኢጺዲ ሞይቲሌ ጼይጊዛይታ ዞሬ ኦይቺዳ ጊሻስ ሃይቂዴስ።

ሌዌታ ማጻፋ 20:6

« ‹ኦኒካ ኢስታፌ ዞሬ ኦይቻናስ ሞይቲሌ ጼይጊዛይታኮኔ ማሮታኮ ቢኮ ሄሳዴ ቦላ ታ ኢታ ሃንቆ ዬዳና፤ ሄሳፌ ጉዬ ሄሳዴ ታኒ ኢዛ ዴሬ ጊዶፌ ሻካ ይሳና።

2ታሪኬ ማጻፋ 33:6

ሄኖሜ ና ሾባን ባ ኣቱማ ናይታ ታማን ጹጊዲ ያርሺዴስ፤ ኢዚ ባ ሁኤንካ ቢቲዛዴ፥ ጎጂዛዴኔ ማሮዛዴ ጊዲዲ ሞይቲሌ ጼይጊዛይታኔ ኢታ ኣያናታራ ሃሳዬቲዛይታ ዞሬ ኦይቺዴስ፤ ጎዳ ሲንን ኢዚ ዳሮ ኢታ ሚሽ ኦዲ ኢዛ ሃንቄዴስ።

ዬ ማጻፋ 106:28

ሄሳፌ ጉዬ ኢስቲ ባኣሊ-ፔኦሬን ዲዛ ኤቃስ ጎይኒዛይታራ ኢሲፌ ጋይቲዳ፤ ሼምፖይ ባይንዳ ኤቃታስ ያርሼቲዳ ያርሾዛ ሚዳ።

ሌዌታ ማጻፋ 19:31

« ‹ሞይቲሌ ሃሳይሲዛይታ ዎይኮ ኢታ ኣያናታ ሃሳይሲዛይታ ዞሬ ኦይቾፋ፤ ኢንቴ ቱኖንታ ማላ ኢስታ ኮዮፒቴ፤ ታኒ ጎዳይ ኢንቴ ጾሳ።

ኢሳያሳ ቲንቢቴ 29:4

ኔኒ ዱጌ ዎና፤ ቢታ ጋርሳፌ ፑዴ ሃሳያና፤ ኔ ሃሳያይ ጉዱላ ጊዶፌ ኬዛና፤ ኔ ጬንጉርሲ ሞይቲሌ ጬንጉርሳ ማላ ቢታ ጋርሳፌ ፑዴ ኬዛና፤ ኔ ሃሳያይካ ጉዱላ ጊዶፌ ሳሱኬታና።

ኢሳያሳ ቲንቢቴ 19:3

ጊብጼታ ዎዚናይ ላቤታና፤ ታኒ ኢስታ ሃልቾ ሃዳ ኦና። ኢስታ ኤቃ ጾሳታኔ ሞይቲሌታ፥ ቱና ኣያና ጼይጊዛይታኔ ማሮታ ዞሬ ኦይቻና።

1ሳሜላ ማጻፋ 28:8

ሄሳ ጊሻስ ሳኦሊ ባ ማይኦ ላሚ ሃራ ማይኦ ማይኢዲ፥ ባ ሜካ ላሚዲ ናምኡ ኣሳታራ ኢሲፌ ኦማርስ ማጫሳይኮ ቢዴስ፤ ኢዚካ ኢዞ፥ «ታስ ሞይቲሌታ ኦይቻርኪ፤ ታ ኔስ ዮቲዛዴ ዴንርኪ» ጊዴስ።

ዛሬ ማጻፋ 18:11

ቃሴካ ዳጋሚዛዴይ (ጎጂዛይ)፥ ዎይኮ ሞይቲሌ ጼይጊዛዴይ ዎይኮ ኢታ ኣያናታራ ሃሳይዛዴይ፥ ዎይኮ ሃይቂዳ ኣሳታ ኣያናራ ሃሳይዛዴይ ኢንቴ ጊዶን ዶፖ።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

2ካዎታ ማጻፋ 21:6

ባ ናዛ ጹጌቲዛ ያርሾ ሂስቲ ሺሺዴስ፤ ሂስቲዲ ሙሬኒዛይታ፥ ማሮታ፥ ሞይቲሌ ሃሳይሲዛይታኔ ኣያና ካዪዛይታ ዞሬ ኦይቺዴስ፤ ጎዳ ሃንቄዛ ኢታ ሃኖታ ኢዛ ሲንን ኦዴስ።

2ካዎታ ማጻፋ 1:3

ጎዳ ኪታንቻይ ቴሲቤ ዴሬ ኣስ ናቤ ኤላሳስ፥ «ኔኒ ዴንዳዳ ሳማሪያ ካዎይ ኪቲዳ ኣሳታራ ጋይታናስ ኬዛ ባዳ ሄ ኣሳታስ፥ ‹ኢንቴ ኣቃሮኔ ኤቃ ጾሳ ባኣሊ-ዜቡላ ኦይቻናስ ቢዛይ ኢስራኤሌን ጾሲ ባይንዳ ጊሻሴ?› ጋዳ ኢስታ ኦይቻ።

2ካዎታ ማጻፋ 23:24

ሄሳፌ ቦላራ ኢዮሲያሲ ሞይቲሌ ሃሳይሲዛይታ፥ ኣያናታ ጼይጊዛይታ፥ ኣሲ ባ ሁኤን ሁኤን ጎይኒዛ ጾሳታ፥ ኤቃ ጾሳታ፥ ዩሁዳኒኔ ዬሩሳላሜን ቤቲዳ ሃራ ሻቲዛ ሚሽ ኡባ ይሲዴስ፤ ኢዚ ሄሳ ኦዳይካ ቄሴ ኪልቂያሲ ጎዳ ኬ ጊዶፌ ዴሚዳ ማጻፋን ጻፌቲ ዲዛ ዎጋይ ፖሌታና ማላሳ።

1ሳሜላ ማጻፋ 28:16

ሳሜሊ ኢዛስ፥ «ሂስቲን ጎዳይ ኔፔ ሃኪኮ፥ ኔስ ኢዚ ሞርኬ ጊዲኮ ኔ ታና ኣይስ ኦይቻይ?

2ጴጽሮሳ ኪታ 2:1

ጊዶ ኣቲን ቤኒ ዎዴ ዎርዶ ናቤቲ ዴሬ ጊዶን ዲዛይሳ ማላ ሄሳካ ሃኢ ኢንቴ ጊዶን ዎርዶ ኣስታማሬቲ ዴኣንዴቴስ፤ ሄይታንቲ ኣሳ ይሲዛ ዎርዶ ቲሚርቴ ቆታራ ዲጫና ማላ ኦቴስ፤ ባና ኣሺዳ ጎዳካ ካዲዲ ባና ኤሶን ይሲዛዝ ባ ቦላ ኤሄቴስ።

1ሳሜላ ማጻፋ 28:11

ማጫሳያካ፥ «ኔስ ኦና ዴን?» ጋዳ ኦይቻዱስ። ኢዚካ፥ «ታስ ሳሜላ ዴን» ጊዴስ።

1ታሶሎንቄ ኣሳስ 1:9

ኢንቴ ኑና ዎስቲ ሞኪ ኤኪዳኮኔ ዴኦን ዲዛ ቱሙ ጾሳስ ኦናስ ኢንቴ ኤቃታፔ ጾሳኮ ዋኒ ሲሚዳኮ ኣሳይ ኢንቴ ጊሻስ ሃሳዬስ።

ሃዋሬታ ኦሶ 16:16

ኢሲ ጋላስ ኑ ዎሳሶ ቢሺን ካዮ ካዮታ ማሮቲዛ ኢሲ ጋራዴ ና ዲዛራ ኑና ዴማዱስ፤ ኢዛካ ባ ማሮቴን ባና ኣይሲዛይታስ ዳሮ ሚሽ ጌልዉስ።

ሜቴ ማጻፋ 41:24

ሄ ሹሊ ኡቲዳ ቲያቲ ላፑን ሎኦ ቲያታ ሚቲዳ። ታኒ ሃ ኣጉሞዛ ማሮታስ ዮታዲስ፤ ጊዶ ኣቲን ታስ ኣጉሞዛ ቢርሺዛ ኣሲ ቤቲቤና» ጊዴስ።

ኢሳያሳ ቲንቢቴ 26:14

ኢስቲ ሃይቂዳ፤ ሲሚዲ ሼምፖራ ፓጻ ዴኤቴና፤ ኢስታ ሼምፖይ ሲሚ ዬና፤ ኔኒ ኢስታ ቃጻያዳሳኔ ይሳዳሳ፤ ኢስታ ሃሳኢሲዛ ሚሽ ኡባ ፒታ ይሳዳሳ።

ኢሳያሳ ቲንቢቴ 30:2

ታና ዞሬ ኦይቾንታ ጊብጼ ዎቴስ፤ ካዎ ፓሮኔይ ኢስታስ ጎንዳሌ ጊዳና ማላ ጊብጼ ኩዋን ኣታና ኮዬቴስ።

ኢሳያሳ ቲንቢቴ 45:11

«ኢስራኤሌ ጌሻይ፥ ኢዛ ሜዳ ጎዳይ ሲንፌ ሃናና ሃኖታ ጊሻስ፥ ‹ታ ናይታ ጊሻስ ታና ኦይቼቲ? ታ ኩሼ ኦሶታ ጊሻስ ኣዛዜቲ?

ኢሳያሳ ቲንቢቴ 47:12

ሄኮ ቤኣ፤ ኔኒ ናቴፌ ዶማዳ ኦሼ ዳቡርዳ ቢታታኔ ዳሮ ሙሬኖታ ጉጃ ጉጃ ኦ፤ ኦኔ ኤሪዛይ ኔስ ሃናናኮ፥ ኦኔ ኤሪዛይ ኔኒ ኔ ሞርኬታ ሺሮሳናኮ?

ኢሳያሳ ቲንቢቴ 47:13

ኔ ኤኪዳ ዞሬ ኡባይ ኔና ዳቡራራ ኣሺዴስ፤ ኣጊናፔ ኣጊና ጋካናስ ጾሊንቴ ጼሊ ካዪዛይቲ፥ ጾሊንቴ ታይቢዛይቲ ኣኔ ሃ ዬቶ፤ ኔና ጋኪዛ ሜቶፔ ኣኔ ኢስቲ ኔና ኣሼቶ።

ኤርማሳ ቲንቢቴ 27:9

ሄሳ ጊሻስ ኢንቴና፥ ‹ባቢሎኔ ካዎስ ሃሬቴኬታ› ጊዛ ኢንቴ ናቤታ፥ ሙሬኒዛይታ፥ ኣጉሞ ኣጉሜቲዛይታ፥ ሞይቲሌ ጼይጊዛይታ ሲዮፒቴ።

ሚኪያሳ ቲንቢቴ 5:12

ኢንቴ ማሮቲዛይሳካ ይሳና፤ ሄሳፌ ጉዬ ማሮቴኬታ።

ዛሬ ማጻፋ 18:10

ባ ኣቱማ ና ዎይኮ ማጫ ና ያርሾስ ጊዲ ታማን ጹጊዛ ኣይ ኣሲካ ኢንቴ ጊዶን ዶፖ፤ ቢቲዛይ፥ ማራጬ ጼሊዛይ፥ ሙሬኒዛይኔ ማሮይ ኢንቴ ጊዶን ዶፖ።

1ሳሜላ ማጻፋ 28:7

ሳኦሊካ ባ ኦሳንቻታ፥ «ኣኔ ሃይቂዳ ኣስ ዴንዛ ማጫስ ታስ ኮዪቴ፤ ታኒ ባዳ ኢዞ ኦይቻና» ጊዴስ። ኢስቲካ ኢዛስ፥ «ሄኮ ሃይቂዳ ኣስ ዴንዛ ማጫሳያ ኤን-ዶሬን ዳዉስ» ጊዳ።