ኢሳያሳ ቲንቢቴ 66:3 - ጋሞ ማጻፋ

³ «ጊዶ ኣቲን ታስ ቦራ ያርሺዛዴይ ኣስ ዎዛዴ ማላ፥ ዶርሳ ላቃ ያርሺዛዴይ ካና ጩሊ ዎዛ ኣሳ ማላ፤ ካ ያርሾ ሺሺዛዴይ፥ ጉዱን ሱ ሺሺዛዴ ማላ፤ ቆፊሶስ ኤጻኔ ታስ ጩኣሲዛዴይ፥ ኤቃ ጾስ ጎይኒዛ ኣሳ ማላ፤ ኢስቲ ባንታ ኦጌ ዶሪዳ፤ ኢስታ ሼምፖያካ ኢስታ ቱናቴን ኡፋዬታዉስ።

Geeshsha Maxaafa

³ «Gido attiin taas boora yarshizaadey as wodhizaade mala, dorsa laaqqa yarshizaadey kana cuulli wodhiza asa mala; kaththa yarsho shiishshizaadey, guddunththa suuth shiishshizaade mala; qofsos exaane taas cu7asizaadey, eeqa xoos goynniza asa mala; istti bantta oge doorida; istta shemppoyakka istta tunateththan ufayettawus.

ኢሳያሳ ቲንቢቴ 66:3 Referans Kwoze

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ኢሳያሳ ቲንቢቴ 66:17

ጎዳይ፥ «ኣታኪልቴይ ዲዛሶሆ ቢዲ ኢስታፌ ኢሳስ ጎይናናስ ባና ጌሺዛይቲኔ ዱማሲዛይቲ፥ ጉዱን ኣሾኔ ኤጬሬ ኣሾ፥ ቱኒዳ ሚሻታ ሚዛ ኡባቲ ባ ፒርዳ ዉርሴን ኢሲፌ ኤካና» ጌስ።

ኢሳያሳ ቲንቢቴ 65:12

ታ ጼይጊን ዛሮንታ ኢጺዳ ጊሻስ፥ ታ ዮቲን ሲዮንታ ኢጺዳ ጊሻስ፥ ታ ሲንንካ ኢታ ኦዳ ጊሻስ፥ ታና ሃንቄዛ ሚሽ ኢንቴ ዶሪዳ ጊሻስ፥ ታ ኢንቴና ማሻስ ኣ ኢማና፤ ኢንቴ ኡባይካ ሹኬታናስ ቆ ኢማና» ጌስ።

ሌዌታ ማጻፋ 2:2

ኣሮኔ ዜሬፌ ጊዲዳ ቄሴታኮ ኤኪ ዮ፤ ሄ ዎዴ ኢዛ ኦሶ ታራይ ጋኪዳ ቄሴይ ሄ ሌዛፔ ባ ኩጳ ኩሜ ዛይቴዛኔ ኤጻኔዛ ኤኪዲ ዉሪካ ጾሳስ ሺቂዳይሳ ኤሪሳናስ ያርሾ ሺሺዛይሳ ቦላ ታማን ጹጎ፤ ሄሳ ማላ ካ ያርሾ ሳዎይ ጾሳ ኡፋይሴስ።

ሌሚሶ ማጻፋ 21:27

ኢታ ኣሳ ያርሾይ ሃራሴስ፤ ኢታ ቆፋን ሺሺዛ ጊዲኮ ኣይ ማላ ኢታ ጊዳኔ?

ዛሬ ማጻፋ 23:18

ጎዳ ኢንቴ ጾሳይ ላይማ ኢጺዛ ጊሻስ ኣዴ ጊዲን ዎይኮ ማጫሲ ላይማቴን ዴሚዳ ሚሽ ኣዲና ጋሶ ጊዲ ጎዳ ኢንቴ ጾሳ ኬ ኤሆፔቶ።

ዛሬ ማጻፋ 14:8

ጉዱን ቂንጪፊሌይ ጳልቄ ጊዲኮካ ባንቺኮንታ ጊሻስ ኢዚ ሃንኮ ቱናታራ ኢሲፌ ቆዴቴስ፤ ሃይታንታ ማላ ሜዶሳታ ሞፒቴኔ ኢስታስ ኣሃካ ቦቾፍቴ።

ዳናታ ማጻፋ 10:14

ቢዲ ኢንቴ ዶሪዳ ጾሳታስ ዋሲቴ፤ ኢንቴ ሜቶቲዳ ዎዴ ኢስቲ ኢንቴና ኣሼቶ» ጊዲ ዛሪዴስ።

ኢሳያሳ ቲንቢቴ 57:17

ኢዛ ናጋራ ጊሻሲኔ ኢዛ ዪቄቴ ጊሻስ ታ ሃንቄታዲስ፤ ታ ኢዛ ቃጻያዲስ፤ ታ ሲንካ ሃንቆን ኢዛፔ ጌንዲስ፤ ጊዶ ኣቲን ሃኢካ ሲሚዲ ኢዚ ባ ኦጌን ቢዴስ።

ዳናታ ማጻፋ 5:8

ኢስራኤሌ ኣሳይ ኣላጋ ጾሳታ ዶሪዳ ዎዴ፥ ቢታን ኦላይ ዴንዲዴስ፤ ኦይዱ ታሙ ሺ ኢስራኤሌ ኦላንቻታ ጊዶን ኢሲ ጎንዳሌይ ዎይኮ ኢሲ ቶራይ ቤቲቤና።

ኢሳያሳ ቲንቢቴ 44:19

ኦኒካ ታኪ ጊ ቆፒቤና፤ ኤራቴ ዎይኮ ኣኬካይ ባይንዳ ጊሻስ፥ «ባጋ ታማን ኤዲስ፤ ኢዛ ቦንቆን ካ ካዲስ፤ ኢዛን ኣሾ ጺጻዳ ማዲስ፤ ሂስቲን ኣቲዳይሳን ዎስታዳ ታኒ ሃራሲዛ ሚሽ ኦኔ? ሚ ኣኖስ ታኒ ጎይናና ቤሲዜ?» ጋናስ ዳንዳይቤና።

ኢሳያሳ ቲንቢቴ 65:2

ማካላንቻ ዴሬታስ፥ ኢታ ኦጌራ ቢዛይታስ፥ ባንታ ዎዚና ኣሞ ካሊዛይታስ፥ ታ ኩሼ ጋላስ ኩሜ ሚጫዲስ።

ኤርማሳ ቲንቢቴ 6:20

ኤጻኔይ ሳባ ቢታፌ ሳዊዛ ቂማሜይ ሃኮ ቢታፌ ዪኮ ታና ኣይ ጋኔ? ጹጌቲዛ ኢንቴ ያርሾዛካ ታ ኤኪኬ፤ ኢንቴ ሺሺዛ ሃራ ያርሾይካ ታና ኡፋይሴና» ጌስ።

ዳናታ ማጻፋ 21:25

ሄ ዎዴ ኢስራኤሌ ቢታን ካዎይ ባዋ፤ ኣሲ ኡባይ ባስ ሎኦ ሚሳቲ ቤቶይሳ ጮ ኦስ።

ኢሳያሳ ቲንቢቴ 53:6

ኑኒ ኡባይ ዶርሳ ማላ ቶይላቲ ይዶስ፤ ኑኒ ኢሶይ ኢሶይ ኑ ኦጌ ቢዶስ፤ ጎዳይ ኑ ኡባ ቆሆ ኢዛ ቦላ ዎዴስ።

ሃጌ ቲንቢቴ 2:14

ሄሳፌ ጉዬ ሃጌይ፥ « ‹ሃይሲ ዴሬይኔ ሃይሳ ባጋ ኣሳይካ ሄሳ ማላ፤ ኢስታ ኦሶይኔ ኢስቲ ታስ ሺሺዛ ኢሞታይ ዉሪካ ሄሳ ማላ ታ ሲንን ቱና› ጌስ ጎዳይ።