ኢሳያሳ ቲንቢቴ 66:23 - ጋሞ ማጻፋ

²³ ኣጊና ጼሮፔ ቢዲ ሃራ ኣጊናይ ጼራና ጋካናስ፥ ኢሲ ሳምባታፔ ቢዲ ሃራ ሳምባታ ጋካናስ፥ ኣስ ጊዲዳ ኡባይ ታስ ጎይናና ያና።

Geeshsha Maxaafa

²³ Agina xeeroppe biidi hara aginay xeerana gakkanaas, issi Sambatappe biidi hara Sambata gakkanaas, as gidida ubbay taas goynnana yaana.

ኢሳያሳ ቲንቢቴ 66:23 Referans Kwoze

ሂዚቄላ ቲንቢቴ 46:1

« ‹ኡባ ሃሪዛ ጎዳይ፡ ጊዶ ዳባባ ጌልዛ ኣርሼ ኬሳ ባጋ ዲርሳ ፔንጌይ ኦሶ ጋላስ ኡሱፑናታንካ ጎርዴቲ ጋምኦ፤ ጊዶ ኣቲን ሳምባታ ጋላሲኔ ኣጊናይ ጼሪዛ ጋላስ ዶዬቶ።

ዛካራሳ ቲንቢቴ 14:16

ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።

ሂዚቄላ ቲንቢቴ 46:6

ኣጊናይ ጼሪዛ ጋላስ ጋላስ ቃሴ ኢሲ ዎፋኖ፥ ኡሱፑን ዶርሳ ላቃኔ ኢሲ ርሾ፥ ቦሬይ ባይንዳ ቦላራ ዲዛይታ ኡባ ሺሺ ኢሞ።

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ዮሃኒሳ ኣጁታ 15:4

ጎዶ፥ ኔስ ባቦንታ ኣሲኔ ኔ ሱን ቦንቾንታ ኣሲ ኦኔ? ኔኒ ኔርካ ጌሻ፤ ኔ ቱማ ፒርዳይ ቆንጪዳ ጊሻስ ዴሬቲ ዉሪ ዪዲ ኔ ሲንን ኔስ ጎይናና» ጊ ዬጺዳ።

ዮሃኒሳ ሚሺራቾ 4:23

ጊዶ ኣቲን ቱሙ ጎይኒዛይቲ ጾሳ ኣዋስ ኣያናኒኔ ቱማን ጎይኒዛ ዎዴይ ቡሮ ያና፤ ሃራይ ኣቶሺን ሃኢካ ዪዴስ። ጾሳይ ኣዋይካ ኮይዛይ ሄሳ ማላ ጎይኒዛይታ።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ዛካራሳ ቲንቢቴ 14:14

ዩሁዳ ኣሳይ ዬሩሳላሜ ባጋ ጊዲዲ ኦሌታና፤ ባና ዩዪ ኣዳ ካዎቴቲ ሃሪዳ ኣቆታ ኡባ ዎርቃ፥ ቢራ፥ ማይኦኔ ቆዳይ ባይንዳ ሚሽ ዲኢ ኤካና።

ዬ ማጻፋ 65:2

ኣቤት ዎሳ ሲዪዛይሶ! ኣሳይ ኡባይ ኔኮ ያና።

2ካዎታ ማጻፋ 4:23

ኢዚ ኣዚናዚካ፥ «ኔ ሃች ኢዛኮ ባናስ ኣይስ ኮያዲ? ሃች ኣጊና ጼሮ ዎይኮ ሳምባታ ጋላስ ጊዴና» ጊዴስ። ኢዛካ ዛራዳ፥ «ኤ ሄሲ ሊኬሺን ታ ቡስ ባና» ጋዱስ።

ኢሳያሳ ቲንቢቴ 19:21

ጎዳይ ባና ጊብጼታስ ቆንጪሳና፤ ኢስቲካ ሄ ጋላስ ጎዳ ኤራና፤ ያርሾኒኔ ካ ያርሾን ኢዛ ጎይናና። ኢስቲ ጎዳስ ኣዲኔታና፤ ባ ኣዲኔቲዳይሳካ ጋና።

ኢሳያሳ ቲንቢቴ 19:23

ሄ ዎዴ ጊብጼፔ ኣሶሬ ጋካናስ ዎጋ ኦጌይ ኦሴታና፤ ኣሶሬቲ ጊብጼ፥ ጊብጼ ኣሳይ ኣሶሬ ባና፤ ቃሴ ጊብጼቲኔ ኣሶሬቲ ኢሲ ቦላ ጎይናና።

ኢሳያሳ ቲንቢቴ 27:13

ሄ ጋላስ ጊታ ዛዬይ ፑኔታና፤ ኣሶሬን ዲኤቲዳይቲኔ ጊብጼን ኡንኤቲዳይቲ ጉዬ ዬሩሳላሜ ሲሚ ዪዲ ጌሻ ዙማ ቦላ ጎዳስ ጎይናና።

ኢሳያሳ ቲንቢቴ 49:7

ካቲዳይሳሲኔ ካዎቴን ኢጼቲዳይሳስ፥ ዴሬ ሃሪዛይታ ኣሽካራ ጊዲዳ ኔስ፥ ጎዳይ፥ ኢስራኤሌ ኣሺዛ ጌሻይ፥ «ካዎቲ ኔና ቤኢዲ ዴንዲ ኤቃና፤ ካዎ ናይቲ ኔና ቤኢዲ ኔስ ዚጋና፤ ጋሶይካ ኔና ዶሪዳ ጎዳይ፥ ኢስራኤሌ ጌሻይ ኣማኔቲዳዴ» ጌስ።

ሂዚቄላ ቲንቢቴ 20:40

ታ ጌሻ ዙማ ቦላ፥ ቁ ጊዳ ኢስራኤሌ ዙማ ቦላ ሄን ኢስራኤሌ ኣሳይ ኡባይ ታስ ኡባ ሃሪዛ ጎዳስ ጎይናና። ታኒካ ሄን ኢንቴና ሞካ ኤካና፤ ኢንቴ ካ ያርሾ፥ ኢንቴ ባይራ ኢሞታኔ ጌዪዳ ኢንቴ ያርሾታ ኡባ ታኒ ሄን ኮያይስ።

ሂዚቄላ ቲንቢቴ 45:17

ሃላቃዚ ኢስራኤሌ ኣሳይ ቦንቺዛ ባኣሌታን፥ ኣጊናይ ጼሪዛ ጋላሳታኒኔ ሳምባታታን ጹጊዛ ያርሾታ፥ ካ ያርሾታኔ ኡሻ ያርሾታ ሺሺ ኢሞ። ኢስራኤሌ ኣሳ ናጋራ ኣቶ ጊሳናስ፥ ናጋራ ያርሾታ፥ ካ ያርሾታ፥ ጹጌቲዛ ያርሾታኔ ኢሲፌቴ ያርሾታ ኡባ ኢዚ ሺሺ ኢሞ።

ዬ ማጻፋ 22:28

ኣይስ ጊኮ ማታይ ኢዛሳ፤ ካዎቴይ ኡባይ ኢዛስ ሃሬታና።

ዬ ማጻፋ 65:3

ኑ ናጋራይ ኑና ሚቲዴስ፤ ኔኒ ጊዲኮ ኑ ባላ ኣቶ ጋ ዉርሳዳሳ።

ኢሳያሳ ቲንቢቴ 2:2

ዎዴ ዉርሴን ጾሳ ኬ ኢዛ ቦላ ኬጼቲዳ ዙማይ ሃራ ዙማ ኡባፌ ቂ ቤታና። ዙምቡላታ ኡባፌ ቁ ቁ ጋና፤ ኡባ ካዎቴቲ ሄ ጎቻና።

ዛካራሳ ቲንቢቴ 14:18

ጊብጼ ኣሳይካ ሄ ቦንታ ኢራይ ኢስታስ ቡኬና፤ ዬሩሳላሜ ኬዚዲ ዳሴ ባኣሌ ቦንቾንታ ኢጺዳ ካዎቴታ ቦላ ጎዳይ ኤሃና ቦሻ ኢስታ ቦላ ኤሃና።

ዛካራሳ ቲንቢቴ 14:19

ጊብጼ ኣሳካ ጊዲን ሃራ ዴሬ ኣሳ ካዎታ ጊዲን፥ «ዳሴ ባኣሌ ኑ ቦንቾኮ» ጊኮ ኢስታ ቦላ ያና ቂጻቴይ ሃይሳፌ ቦላን ዲዛይታ፤