ኢሳያሳ ቲንቢቴ 66:18 - ጋሞ ማጻፋ

¹⁸ «ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።

Geeshsha Maxaafa

¹⁸ «Tani istta oosonne istta qofa eriza gishshas, kawoteththata ubbaanne dumma dumma qaalan haasayza ubbata issife shiishshanaas yaana; isttika yiidi ta bonchcho be7ana.

ኢሳያሳ ቲንቢቴ 66:18 Referans Kwoze

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

ኢሳያሳ ቲንቢቴ 2:2

ዎዴ ዉርሴን ጾሳ ኬ ኢዛ ቦላ ኬጼቲዳ ዙማይ ሃራ ዙማ ኡባፌ ቂ ቤታና። ዙምቡላታ ኡባፌ ቁ ቁ ጋና፤ ኡባ ካዎቴቲ ሄ ጎቻና።

ዮሃኒሳ ኣጁታ 2:13

ኔኒ ጻላኤ ኣልጋይ ዲዛሶን ዲዛይሳ ታኒ ኤራይስ፤ ጊዶ ኣቲን ኔኒ ታ ሱን ሎኤ ኦይካዳሳ፤ ኔ ታና ኣማኒዛይሳ ኣጋቤካ፤ ታስ ኣማኔቲዳ ማርካ ጊዲዳ ኣንቲጳሲ ጻላኤይ ዲዛ ኢንቴ ካታማን ኣሳ ኩሼን ሃይቂዳ ዎዴካ ኔ ታና ኣማኖ ኣጋቤካ።

ዮሃኒሳ ኣጁታ 2:9

ታኒ ኔ ዋዬዛኔ ኔ ማንቆቴ ኤራይስ፤ ጊዲኮካ ኔኒ ዱሬኮ። ኣይሁዳ ጊዶንታ ዲሼ ባና ኑኒ ኣይሁዳኮ ጊዛ ጻላኤ ማባራ ጊዲዳይቲ ሄይቲ ኔ ሱን ሞሮይሳ ታ ኤራይስ።

ዮሃኒሳ ኣጁታ 2:2

ታኒ ኔ ኦሶዛ፥ ዳፌቴኔ ዳንዳያካ ኤራይስ፤ ቃሴ ኔኒ ኢታታ ዬጋ ኣናስ ዳንዳዮንታይሳ ሃዋሬታ ጊዶንታ ዲሼ ባና ሃዋሬታ ጊዛይታካ ሻካዳ ኢስቲ ዎርዳንቻታ ጊዶይሳ ኔ ጋካ ዴሚዳይሳ ታ ኤራይስ።

Ibirawe 4:12

ጾሳ ቃላይ ፓጻ ዲዛይሳኔ ኦዛ ቃላ፤ ናምኡ ባጋ ቃራ ማሻፌካ ኣ ቃራ፤ ሼምፖኔ ኣያና፥ ሻያኔ ኮልካ ሻካና ጋካናስ ጫዴስ፤ ዎዚና ቆፋኔ ኣሞቴካ ፓጪ ጼሌስ።

1ቆሮንቶሴ ኣሳስ 3:20

ቃሴካ ሃራሶን፥ «ኤራንቻታ ቆፋይ ሃዳ ጊዲዳይሳ ጎዳይ ኤሬስ» ጌቴቲ ጻፌቲዴስ።

ኦሮሜ ኣሳስ 16:26

ሃኢ ቃሴ ሃይሲ ቱማይ ቆንጪዴስ፤ ሜርና ጾሳ ኣዛዞን ዉሪካ ኣማኒዲ ኣዛዜታና ማላ ናቤታ ማጻፋ ባጋራ ዴሬቲ ዉሪካ ኢዛ ኤራና ማላ ሃኒዴስ።

ዮሃኒሳ ሚሺራቾ 17:24

«ታ ኣዋዉ! ኔ ታና ሃይሲ ኣላሜይ ሜታናፔ ካሴ ዶሲዳ ጊሻስ ኔ ታስ ኢሚዳ ታ ቦንቾዛ ኢስቲ ቤያና ማላ ሃይቲ ኔ ታስ ኢሚዳይቲካ ታ ዲዛሶን ታናራ ዳና ማላ ዶሳይስ።

ዮሃኒሳ ሚሺራቾ 5:42

ታ ኢንቴና ኤራይስ፤ ጾሳ ሲቆይ ኢንቴናን ባይንዳይሳካ ኤራይስ።

ሉቃሳ ሚሺራቾ 5:22

ዬሱሲ ኢስታ ቆፋ ኤሪዳ ጊሻስ፥ «ኢንቴ ኢንቴ ዎዚናን ኣይስ፥ ሄሳ ቆፔቲ?

Maatosa 12:25

ዬሱሲካ ኢስታ ቆፋ ኤሪዲ፥ «ባ ጊዶን ኢሶይ ኢሳፌ ሻኬቲዛ ካዎቴ ዉሪካ ኩንዳና፤ ባ ጊዶን ሻኬቲዛ ካታማይ ዎይኮ ኬ ኣሲ ሚኔና።

Maatosa 9:4

ዬሱሲ ኢስታ ቆፋ ኤሪዲ፥ «ኢንቴ ዎዚናን ኢታ ዮኦ ኣዛስ ቆፔቲ?

ኣሞጼ ቲንቢቴ 5:12

ኢንቴ ቆሆይ ኣይ ማላ ዳሮኮኔ ኢንቴ ናጋራይ ኣይ ማላ ዴጾኮ ታ ኤራይስ፤ ኢንቴ ጺሎ ኣሳታ ኡንኤታ፤ ማታኤ ኤኪዲ ፒርዳሶን ማንቆታስ ጌላ ፒርዴታ።

ኢዩኤሌ ቲንቢቴ 3:2

ታኒ ካዎቴታ ኡባ ሺሻዳ ዱጌ ኢዮሳፊጼ ዙሌ ዎና፤ ሄንካ ታ ኢስታ ቦላ ፒርዳና፤ ጋሶይካ ታ ዴሬ ኢስራኤሌ ኣሳ ካዎቴታ ጊዶን ላሊዲ ኢስቲ ቢታ ጊሼቲ ኤኪዳ ጊሻሳ።

ሂዚቄላ ቲንቢቴ 39:21

«ካዎቴታ ጊዶን ታኒ ታ ቦንቾ ቆንጪሳና፤ ካዎቴቲ ኡባይ ታኒ ኢስታ ቦላ ኤሂዳ ቂጻቴኔ ታ ኢስታ ቦላ ዴጼዳ ኩሼ ቤኣና።

ሂዚቄላ ቲንቢቴ 38:10

« ‹ኡባ ሃሪዛ ጎዳይ ሄ ዎዴ ኔ ካሃን ቆፋይ ጌሊን ኔኒ ኢታ ሚሽ ሃልቻና።

ኢሳያሳ ቲንቢቴ 66:10

«ኢንቴኖ ዬሩሳላሞ ሲቂዛ ኡባቶ፥ ኢዚራ ኡፋዬቲቴ፤ ኢንቴ ኢዚራ ሆምቦጪቴ፤ ኢዚስ ዬኪዳ ኡባቲ ኢዚራ ኬሂ ኡፋዬቲቴ።

ኢሳያሳ ቲንቢቴ 37:28

«ጊዶ ኣቲን ኔኒ ኡቲዛሶ፥ ኔ ኣይዴ ያዳ ኣይዴ ባናኮ፥ ኔ ታ ቦላ ዋና ሃንቆን ዴንዳናኮ ታ ኤራይስ።

ዬ ማጻፋ 82:8

ኣቤት ጾሳዉ! ዴንዳ! ሳኣ ቦላ ፒርዳ፤ ካዎቴ ኡባይ ኔሳ።

ዬ ማጻፋ 72:17

ካዎዛ ሱን ሜርናስ ሚኒ ዴኦ፤ ኣርሼይ ዴኢዛ ኬና ጼይጌቲሼ ጋምኦ። ካዎቴ ኡባይ ኢዛ ባጋራ ኣንጄቶ፤ ዴሬ ኡባይ ኢዛ፥ «ኔ ኣንጄቲዳዴ» ጊ ኣንጆ።

ዬ ማጻፋ 72:11

ካዎቲ ኡባይ ኢዛስ ጉልባታና፤ ካዎቴይ ኡባይ ኢዛስ ሃሬታና።

ዬ ማጻፋ 67:2

ኔ ኦጌቲ ሳኣ ቦላን፥ ኣሺዛ ኔ ዎልቃይካ ካዎቴታ ኡባ ጊዶን ኤሬቴቶ።

ኢዮቤ ማጻፋ 42:2

«ታ ጎዳዉ! ኔኒ ኡባ ሚሽ ኦናስ ዳንዳይዛይሳ ታ ኤራዲስ፤ ኔ ቆፋካ ጲ ዲጋናይ ዴና።

ዛሬ ማጻፋ 31:21

ዳሮ ሜቶይኔ ባሺ ኢስታ ቦላ ጋኪዛ ዎዴ ሃ ዬይ ኢስታ ናይታ ዶናፔ ኪቼና ጊሻስ ኢስታ ቦላ ማርካ ጊዳና። ጋሶይካ ታኒ ጫቂዳ ቢታ ኢስታ ቡሮ ጌልንታ ዳሼ ሃራካ ኢስቲ ቆፒዛ ቆፋ ኤራይቻዲስ» ጊዴስ።

ዬ ማጻፋ 97:6

ሳሎቲ ኢዛ ጺሎቴ ኣዋጄቴስ፤ ኣሳይ ኡባይ ኢዛ ቦንቾ ቤኤስ።

ዬ ማጻፋ 139:2

ታኒ ኣዉዴ ኡቲዛኮኔ ኣዉዴ ኤቂዛኮ ኔኒ ኤራሳ፤ ኔኒ ታ ቆፋ ኡባ ሃኮፔ ኣኬካሳ።

ኢሳያሳ ቲንቢቴ 11:9

ጌሺ ጊዲዳ ታ ዙማ ቦላ ቆሄቴና ዎይኮ ኦኒካ ዬና፤ ሃ ኣባ ኩሚዛ ማላ ሳኣ ኡባይ ጎዳ ኤሮን ኩማና።

ኢሳያሳ ቲንቢቴ 45:22

«ኢንቴኖ ቢታ ጋጻን ዴኢዛ ኡባቶ! ታኮ ሲሚዲ ኣቲቴ። ታኒ ጾሳ፤ ታፔ ኣቲን ሃራይ ዴና።

ኢሳያሳ ቲንቢቴ 52:10

ጎዳይ ባ ጌሻ ቄሳ ካዎቴታ ኡባ ሲንን ቆንጪሳና፤ ቃሴ ቢታ ጋጻን ዲዛ ኡባይካ ኑ ጾሳ ኣቶቴ ቤኣና።

ኢሳያሳ ቲንቢቴ 55:8

ጎዳይ፥ «ታ ቆፋይ ኢንቴ ቆፋ ማላ፥ ኢንቴ ኦጌይካ ታ ኦጌ ማላ ጊዴና።

ኢሳያሳ ቲንቢቴ 56:8

ላሌቲዳ ኢስራኤሌ ሺሺዛ፥ ኡባ ሃሪዛ ጎዳይ፥ «ሺቂዳይታ ቦላ ጉጃ፥ ታኒ ሃራታካ ዛራ ሺሻና» ጌስ።

ኢሳያሳ ቲንቢቴ 57:12

ታኒ ኔ ጺሎቴኔ ኔ ኦሶ ቆንጪሳና፤ ኢስቲካ ኔና ጎኤቴና።

ኢሳያሳ ቲንቢቴ 59:7

ኢስታ ቶሆቲ ናጋራኮ ዎጼቴስ፤ ጺሎ ሱ ጉሳናስ ኤሶቴቴስ፤ ኢስቲ ኢታ ቆፋ ቆፔቴስ። ባሺኔ ቆሆይ ኢስቲ ኣዳ ኦጌ ኡባስ ማላታ።

ኢሳያሳ ቲንቢቴ 65:2

ማካላንቻ ዴሬታስ፥ ኢታ ኦጌራ ቢዛይታስ፥ ባንታ ዎዚና ኣሞ ካሊዛይታስ፥ ታ ኩሼ ጋላስ ኩሜ ሚጫዲስ።

ኤርማሳ ቲንቢቴ 3:17

ሄ ዎዴን ኢስቲ ዬሩሳላሜ፥ ‹ጎዳ ኣራታ› ጊ ጼይጋና። ካዎቴ ኡባፌ ኣሳይ ጎዳ ሱን ቦንቻናስ ዬሩሳላሜ ሺቃና። ሄሳፌ ኢስቲ ባንታ ኢታ ዎዚና ሃኖቴ ካሌቴና።

ዛካራሳ ቲንቢቴ 14:16

ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ዬ ማጻፋ 94:11

ጎዳይ ኣሳ ቆፋይ ሎንታይሳኔ ሃዳ ጊዲዳይሳ ኤሬስ።

ኢሳያሳ ቲንቢቴ 40:5

ሄ ዎዴ ጎዳ ቦንቾይ ቆንጫና፤ ኣሾ ማይኢዳ ኡባይ ሄሳ ሃሳይዴስ» ጌስ።

ኤርማሳ ቲንቢቴ 16:17

ታ ኣይፌይ ኢስታ ኦጌ ኡባ ቤኤስ፤ ኢስቲ ታፔ ጌሜቴና፤ ኢስታ ናጋራይካ ታ ኣይፌፔ ጌሚቤና።