ኢሳያሳ ቲንቢቴ 66:16 - ጋሞ ማጻፋ

¹⁶ ታማኒኔ ማሻን ጎዳይ ባ ፒርዳ ኣሳ ኡባ ቦላ ኤሃና፤ ዳሮቲ ጎዳ ማሻን ሹኬታና።

Geeshsha Maxaafa

¹⁶ Tamaninne mashshan GODAY ba pirdaa asa ubbaa bolla ehana; daroti GODAA mashshan shukettana.

ኢሳያሳ ቲንቢቴ 66:16 Referans Kwoze

ኢሳያሳ ቲንቢቴ 30:30

ጎዳይ ኤጺዛ ሃንቆኒኔ ሚዛ ታማን፥ ጎቴ ጫርኮኒኔ ዳዳን፥ ሻቻ ሹቻን፥ ቴማይ ኩሚዳ ባ ጬንጉርሳ ኣሳ ሲሳና፤ ዎሼ ባ ቄሳ ኢዚ ቤሳና።

ኢሳያሳ ቲንቢቴ 27:1

ሄ ጋላስ ጎዳይ ሌዋታኔ ጌቴቲዛ ጾንጌቲዛ ሾሻኔ ጻጼቲዛ ሾሻ ባ ሚኖ፥ ጊታኔ ዎልቃማ ጊ ማሻን ቃጻያና፤ ኣባን ዲዛ ዎጋ ዶኣ ቃንጼሬ ዬጋና።

ኢሳያሳ ቲንቢቴ 3:13

ጎዳይ ፒርዳናስ ሺሎታን ኡቲዴስ፤ ዴራ ቦላ ፒርዳናስ ዴንዲዴስ።

ኢሳያሳ ቲንቢቴ 10:4

ቃሼቲዳ ኣሳራ ኢሲፌ ቃሼቴፌ ሹኬቲዛ ኣሳራ ኢሲፌ ሹኬቴፌ ኣቲን ሃራይ ኢንቴስ ኣታናሶይ ዴና። ሄሲ ኡባይ ሃኒንካ ጎዳ ሃንቆይ ዶቺቤና፤ ቃጻያናስ ኢዚ ባ ኩሼ ዴን ዎዴስ።

ኢሳያሳ ቲንቢቴ 31:8

«ኣሶሬይ ኣሳ ማሻ ጊዶንታ ማሻን ሃይቃና፤ ኣሾ ማይኢዳዴ ማሻ ጊዶንታ ሃራ ማሻይ ኢዛ ማና፤ ኢዚ ጊ ማሻ ሲንፌ ባቃታና፤ ናቴቲ ዶሳይ ባይንዳ ዎልቃን ኦና።

ኢሳያሳ ቲንቢቴ 65:12

ታ ጼይጊን ዛሮንታ ኢጺዳ ጊሻስ፥ ታ ዮቲን ሲዮንታ ኢጺዳ ጊሻስ፥ ታ ሲንንካ ኢታ ኦዳ ጊሻስ፥ ታና ሃንቄዛ ሚሽ ኢንቴ ዶሪዳ ጊሻስ፥ ታ ኢንቴና ማሻስ ኣ ኢማና፤ ኢንቴ ኡባይካ ሹኬታናስ ቆ ኢማና» ጌስ።

ኤርማሳ ቲንቢቴ 25:31

ጎዳይ ካዎቴታ ቦላ ፒርዲዛ ዎዴ ኢዛ ጬንጉርሳይ ቢታ ጋጻ ጋካናስ ሲዬታና፤ ኢዚ ኣስ ኡባ ቦላ ፒርዳና፤ ኢታታካ ማሻስ ኣ ኢማና› » ጊዴስ።

ኤርማሳ ቲንቢቴ 25:33

ሄ ዎዴን ጎዳይ ዎዳይታ ኣሃይ ቢታ ጋጻፔ ቢታ ጋጻ ጋካናስ ፖርጩ ጊ ኩንዳና፤ ኢስታስ ዬኬቴና፤ ኢስታ ኣሃይ ሺቄናኔ ሞጌቴና፤ ቢታ ቦላ ቡራ ማላ ኦሌታና።

ኤርማሳ ቲንቢቴ 45:5

ሂስቲን ኔኒ ኔስ ጊታ ሚሽ ኮያይ? ኣሳ ናይታ ኡባ ቦላ ታኒ ባሽ ኤሃና ጊሻስ ኔ ሄሳ ኮዮፓ፤ ጊዶ ኣቲን ኔኒ ቢዳሶ ኡባን ታ ኔ ሼምፖ ኣሻና» ጌስ።

ኤርማሳ ቲንቢቴ 46:15

ዎልቃማ ጊዲዳ ኣጵሴ ጌቴቲዛ ኤቃ ጾሳይ ኣይስ ኩንዲዴ? ጎዳይ ኢዛ ሱጊ ዬጊዳ ጊሻስ ኤቃና ዳንዳይቤና።

ሂዚቄላ ቲንቢቴ 5:15

ሃንቆኒኔ ቦሻን ቃሴካ ዪሎኒኔ ሃንቆን ታ ኔ ቦላ ፒርዳ ኤሂዛ ዎዴ ኔ ዩሾን ዲዛ ካዎቴታስ ኔኒ ቂሲኔ ሚቻስ፥ ሴራሲኔ ዳጋማስ ማላታ ጊዳና። ታኒ ጎዳይ ሃይሳ ዮታዲስ።

ሂዚቄላ ቲንቢቴ 38:17

«ኡባ ሃሪዛ ጎዳይ፥ ‹ታ ቤኒ ዎዴ ታ ኣይሌ ኢስራኤሌ ናቤታ ባጋራ ኢዛ ጊሻስ ዮቲዳ ሄ ቢታኔይ ኔና ጊዲኪ? ኢስቲ ሄ ዎዴ ታኒ ኔና ኢስታ ቦላ ኤሃናይሳ ዳሮ ላይታን ቲንቢቴ ዮቲዳ› ጌስ።

ኢዩኤሌ ቲንቢቴ 3:2

ታኒ ካዎቴታ ኡባ ሺሻዳ ዱጌ ኢዮሳፊጼ ዙሌ ዎና፤ ሄንካ ታ ኢስታ ቦላ ፒርዳና፤ ጋሶይካ ታ ዴሬ ኢስራኤሌ ኣሳ ካዎቴታ ጊዶን ላሊዲ ኢስቲ ቢታ ጊሼቲ ኤኪዳ ጊሻሳ።

ኣሞጼ ቲንቢቴ 7:4

ኡባፌ ዎልቃማ ጎዳይ ታና ኣጁታ ቤሲዴስ፤ ጎዳይ ቃጻያናስ ታማ ፒርዳ ዬዲዴስ፤ ታማዚካ ዎጋ ጊታ ኣባ ሚቺዲ ቢታ ሙስ ኦይኪዴስ።

ናሆሜ ቲንቢቴ 3:3

ቶጋንቻይ ቶጌስ፤ ማሻይ ፖፖልኡ ጌስ፤ ቶራይ ጾልቄቴስ፤ ዳሮይ ሃይቂዴስ፤ ኣሃይ ኣሃ ቦላ ኮሬቲዴስ፤ ኢዛስ ቆዳይካ ዴና፤ ኣ ቢዛሶይካ ቤቲቤና።

ናሆሜ ቲንቢቴ 3:15

ኔና ሄን ታማይ ማና፤ ማሻይካ ኔና ቃንጻና፤ ጉምባሮይ ሚዛ ማላ ኔና ጋርጫና፤ ጉምባሮ ማላ ዬሌታ፤ ቦሌ ማላ ዳራ።

ዛካራሳ ቲንቢቴ 14:5

ኢንቴኒካ ኣዜሌ ጋካናስ ዙማ ታኒ ናምኡ ኬሲ ሻኪዳ ሾባራ ባቃታና፤ ካሴ ዩሁዳ ካዎ ኦዚያ ዎዴ ቢታይ ቃጺን ቤኒ ኢንቴ ኣዋቲ ጋንጊዳ ማላ ኢንቴ ጋንጋና፤ ሄሳፌ ጉዬ ጎዳ ታ ጾሳይ ጌሻታራ ኢሲፌ ያና።

ኢሳያሳ ቲንቢቴ 34:2

ጎዳይ ካዎቴ ኡባ ሃንቄቲዴስ፤ ኢዛ ሃንቆይካ ኢዛ ኦላንቻታ ኡባ ቦላና። ኢዚ ኢስታ ሙሌራ ይሳና፤ ሹካስካ ኣ ኢማና።

ሂዚቄላ ቲንቢቴ 28:18

ኔ ናጋራኒኔ ኔ ጪሞ ዛልኤ ዳሮፔ ዴንዲዳይሳን፥ ኔ ጎይኒዛ ኬታ ቱኒሳዳሳ። ሄሳ ጊሻስ ታኒ ታማይ ኔ ጊዶፌ ኬዛና ማላ ኦዲስ፤ ኢዚካ ኔና ሚዴስ። ኔና ቤኢዛ ኡባ ሲንን፥ ቢታ ቦላ ኔና ቢዲን ኬሳዲስ።