ኢሳያሳ ቲንቢቴ 64:11 - ጋሞ ማጻፋ

¹¹ ኑ ኣዋቲ ካሴ ኔና ኢዛን ጋላቲዛ ጾሳ ኬይ ታማን ጹጌቲዴስ፤ ካሴ ሎኦሶቲ ኡባቲካ ይዳ።

Geeshsha Maxaafa

¹¹ Nu aawati kase nena izan galatiza Xoossa Keeththay taman xuugettides; kase lo7osoti ubbatikka dhayda.

ኢሳያሳ ቲንቢቴ 64:11 Referans Kwoze

2ካዎታ ማጻፋ 25:9

ጎዳ ኬ፥ ካዎቴ ኬኔ ዬሩሳላሜን ዲዛ ኬታ ኡባ ጹጊዴስ፤ ኤሬቲዳ ጊታ ኬታካ ታማን ጹጊዴስ።

ኤርማሳ ዚላስ 1:7

ዬሩሳላሜይ ሜቶቲዳ ዎዴኒኔ ዋዬቲዳ ጋላሳታን ካሴ ኢዚስ ዲዛ ኣቆታ ዩሻ ቆፓዉስ፤ ኢዛ ሞርኬ ኩሼን ኩንዲዳ ዎዴ ኢዞ ማዲዛይ ኦኒካ ባይንዳ ዎዴ፥ ኢዚ ሞርኬቲ ኢዚ ኩንዴ ቤኢዲ ኢዚ ቦላ ሚጪዳ።

2ታሪኬ ማጻፋ 36:19

ሄሳፌ ጉዬ ባቢሎኔ ኦላንቻቲ ጾሳ ኬ ታማን ጹጊዳ፤ ዬሩሳላሜ ዲርሳ ጊምቤዛካ ላሊዳ፤ ካዎቴ ኬታ ታማን ጹጊዳ፤ ሄን ዴኢዛ ኣልኦ ሚሻታ ኡባካ ይሲዳ።

ሂዚቄላ ቲንቢቴ 24:21

ኢስራኤሌ ኬስ ኡባ ሃሪዛ ጎዳይ፥ ‹ኢንቴ ጬቄቲዛ ዎልቃ፥ ኢንቴ ኣይፌ ሼምፒሲዛሶዛኔ ኢንቴ ዎዚናስ ኡፋይስ ጊዲዳ ጾሳ ኬ ታይሳ ታ ቱኒሳና። ኢንቴ ዬጊ ቢዳ ኢንቴ ማጫ ናይቲኔ ኣቱማ ናይቲ ማሻን ዉራና።

ኤርማሳ ዚላስ 2:7

ጎዳይ ያርሾ ያርሺዛሶሆዛ ካዴስ፤ ባ ኬካ ኣጊዴስ፤ ባ ካዎቴ ኬ ጊምቤታ ሞርኬስ ኣ ኢሚዴስ፤ ባኣሌ ጋላሳታን ኦዛይሳ ኢስቲ ጎዳ ኬን ኬሂ ዋሲዳ።

ኤርማሳ ቲንቢቴ 52:13

ጎዳ ኬዛኔ ካዎቴ ኬ ሄሳካ ዬሩሳላሜን ዲዛ ኬ ኡባካ ታማን ጹጊዴስ፤ ሃራ ዎልቃማ ኬታካ ዲፒ ሂስቲ ጹጊዴስ።

Maatosa 24:2

ኢዚካ ኢስታስ፥ «ሃይሳ ኡባ ጼሌቲ? ታ ኢንቴስ ቱሙ ጋይስ፤ ሃይሲ ኢንቴ ቤኢዛ ኢሶይ ኢሳ ቦላ ዲዛ ሹቻይ ላሌቶንታ ኢሲ ሹቺካ ሃይሳ ዴና» ጊዴስ።

ሂዚቄላ ቲንቢቴ 24:25

ጎዳይ ታና፥ «ሃይሶ ኣሳ ናዉ! ባንታ ዎልቃ፥ ባንታ ኡፋይሳ፥ ባንታ ቦንቾ፥ ኢስታ ኣይፌስ ሼምፖሶኔ ኢስታ ዎዚናስ ኡፋይስ ጊዲዳ ኢስታ ማጫ ናይታኔ ኣቱማ ናይታ ጋ ታ ኢስታፌ ኤኪዛ ዎዴ፥

2ታሪኬ ማጻፋ 7:6

ቄሴቲካ ባንታስ ጊጊዳሶሆን ኤቂን ሌዌቲ ቃሴ ካዎ ዳዊቲ ጎዳ ሳባናስ ካሴ ኦዳ ዬ ዬጺዛ ሚሻ ኦይኪ ኢስታ ሲንን ኤቂዲ፥ «ኢዛ ማሮቴ ሜርናሳ» ጊ ዬጺሼ ጎዳ ጋላቲዳ፤ ቄሴቲ ሌዌታ ሲንን ኤቂዲ ጹሩምባ ፑኒሺን ኢስራኤሌ ኣሳይ ኡባይ ኤቂዴስ።

2ታሪኬ ማጻፋ 7:3

ኢስራኤሌ ኣሳይ ኡባይ ታማይ ሳሎፔ ዎሺኒኔ ጎዳ ቦንቾይ ጾሳ ኬ ኩሚሺን ቤኢዲ ቢታን ጉፋኒዲ ጎይኒሼ፥ «ጎዳይ ኪያ! ኢዛ ማሮቴካ ሜርናሳ» ጊዲ ጎዳ ጋላቲዴስ።

2ታሪኬ ማጻፋ 6:4

ሂስቲዲ ኢስታስ፥ «ጎዳ ኢስራኤሌ ጾሳይ ጋላቴቶ! ታ ኣዋ ዳዊቴስ ኢሚዳ ሂዶታ ቃላ ባ ኩሼን ፖሊዴስ፤ ሄ ሂዶታ ቃላን፥

1ካዎታ ማጻፋ 8:56

«ኢዚ ካሴ ኢሚዳ ሂዶታ ቃላ ማላ ባ ዴሬ ኢስራኤሌስ ሼምፖ ኢሚዳ ጎዳስ ጋላታይ ጊዶ፤ ኢዚ ባ ኣሽካራ ሙሴ ባጋራ ኢሚዳ ሂዶታ ቃላ ኡባ ፖሊዴስ።

1ካዎታ ማጻፋ 8:14

ኢስራኤሌ ኣስ ኡባይ ዱላታን ኩሚ ኤቂዲሺን ካዎይ ኢስታኮ ሲሚዲ፥

ዛሬ ማጻፋ 29:23

ሄ ቢታያ ሙሌራ ጹጌቲዳ ማጺኔኔ ዲኔ ጌቴቲዛ ቢዲን ጊዳና፤ ኢሲ ሚሺካ ኢዚን ቶኬቴና፤ ኣይ ሚሺካ ኢዚን ሞኬና፤ ኢዚን ፑዴ ዲጪዛ ሚሺ ቤቴና፤ ኢዚ ቦላ ጋካና ኩንዴ ጎዳይ ኬሂ ሼኔቲዲ ሙሌራ ይሲዳ ሶዶሜ ማላኔ ጋሞራ ማላ፥ ኣዳማ ማላኔ ጻቦይሜ ማላ ጊዳና።

ኢሳያሳ ቲንቢቴ 63:18

ጉ ዎዴስ ኔ ዴሬይ ጌሻሶሆዛ ላቲዴስ፤ ሃኢ ጊዲኮ ኑ ሞርኬቲ ኔ ኬ ዬዳ።

ኤርማሳ ዚላስ 2:1

ጎዳይ ጺዮኔ ማጫ ናዮ ባ ሃንቆን ዎስቲ ካዉሺዴ! ኢስራኤሌ ቦንቾ ሳሎፔ ዱጌ ሳኣን ዬጊዴስ፤ ኢዚ ባ ሃንቆ ጋላስ ባ ቶሆ ሼምፒሲዛሶ ጊዲዳሮ ዛሪ ቆፓናስ ኮዪቤና።

ዛካራሳ ቲንቢቴ 1:12

ሄሳፌ ጉዬ ጎዳ ኪታንቻይ፥ «ኡባፌ ዎልቃማ ጎዳዉ! ላፑን ታሙ ላይታን ኔ ኢስታ ቦላ ሃንቄቲዳ ዬሩሳላሜኔ ዩሁዳ ካታማታ ኔ ኣዪዴ ጋካናስ ማርኪ?» ጊዴስ።