ኢሳያሳ ቲንቢቴ 61:1 - ጋሞ ማጻፋ

¹ ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

Geeshsha Maxaafa

¹ Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

ኢሳያሳ ቲንቢቴ 61:1 Referans Kwoze

ሉቃሳ ሚሺራቾ 7:22

ዮሃኒሲ ኪቲን ኢዛኮ ዪዳይታ፥ «ቢዲ ኢንቴ ኢንቴ ኣይፌራ ቤኢዳይሳኔ ሲዪዳይሳ ዮሃኒሳስ ዮቲቴ። ኣይፌ ቆቄቲ ጼሌቴስ፤ ቶሆ ዎቤቲ ሱሬ ሄሜቴቴስ፤ ኢንቺራቻ ሃርጊዛይቲ ፓጺዳ፤ ቱሌቲ ሲዪዳ፤ ሃይቂዳይቲ ሃይቆፔ ዴንዲዳ፤ ማንቆታስ ሚሺራቾ ቃላይ ዮቴቴስ።

ኢሳያሳ ቲንቢቴ 42:7

ኔ ቆቄታ ኣይፌ ዶይኣና፤ ዲኤቲዳይታ ቃሾ ኬፌ ቢርሻና፤ ማን ኡቲዳይታካ ካርቻሌፌ ኬሳና።

Maatosa 11:5

ቆቄቲ ጼሌቴስ፤ ዎቤቲ ሄሜቴቴስ፤ ኢንቺራቻ ሃርጊዛይቲ ፓጼቴስ፤ ቱሌቲ ሲዬቴስ፤ ሃይቂዳይቲ ሃይቆፔ ፓጺ ዴንዴቴስ፤ ማንቆታስ ሚሺራቾ ቃላይ ዮቴቴስ።

ዬ ማጻፋ 147:3

ዎዚናይ ሜቂዳይታ ኢዚ ኮሌስ፤ ኢስታ ማዱንካ ኢዚ ፓስ።

ኢሳያሳ ቲንቢቴ 42:1

ጎዳይ፥ «ታኒ ካ ኦይኪዳ ታ ኣሽካራይ፥ ታ ኢዛን ኡፋዬቲዛ ሙሩታይ ሃይሳ፤ ታኒ ታ ኣያና ኢዛ ቦላ ዎዲስ፤ ኢዚ ካዎቴታስ ሱሬ ፒርዳ ኤሃና።

ሃዋሬታ ኦሶ 10:38

ጾሲ ናዚሬቴ ዬሱሳ ጺሎ ኣያናኒኔ ዎልቃን ቲይዴስ፤ ኢዚካ ጾሲ ኢዛራ ዲዛ ጊሻስ ባ ጋኪዳሶን ኡባን ሎኦ ኦሼ ጻላኤ ጎዳቴ ጊዶን ዲዛይታ ኡባ ፓዴስ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 49:9

ኔኒ ዲኤቲዳይታ፥ ‹ሃ ኬዚቴ!› ማን ዲዛይታ፥ ‹ፖኦን ኬዚቴ› ጋና ማላ ታ ኦዲስ። ኢስቲ ኦጌይ ዲዛሶን ዲዛሶን ካ ማና፤ ኣይኮይ ባይንዳ ዙምቡላ ቦላ ሄሜቲዛሶ ዴማና።

ዬ ማጻፋ 34:18

ጎዳይ ዎዚናይ ሜቂዳይታስ ማታን ዴስ፤ ቃሴ ሂዶታ ቃንጺዳይታካ ኣሼስ።

ኢሳያሳ ቲንቢቴ 48:16

«ታኮ ሃ ሺቂዲ ሃይሳ ሲዪቴ፤ ታኒ ኮይሮፔ ዶማዳካ ጌማን ሃሳያቤኬ፤ ኢዚ ፖሌቲሺን ታ ሄን ዳይስ» ጌስ። ሃኢካ ኡባ ሃሪዛ ጎዳይኔ ኢዛ ኣያናይ ታና ኪቲዳ።

ሃዋሬታ ኦሶ 26:18

ኔ ኢስታ ኣይፌ ዶያና ማላኔ ማፔ ፖኦን ኬሳና ማላ ቃሴካ ጻላኤስ ሃሬቲዛሶፔ ጾሳኮ ኔ ዛራና ማላ ኦና፤ ኢስቲካ ታና ኣማኒዳ ጊሻስ ባ ናጋራፔ ማሬታና፤ ቃሴ ዶሬቲዳይታ ጊዶን ኢስቲ ጺንጾ ዴማና› ጊዴስ።

ዮሃኒሳ ሚሺራቾ 3:34

ጾሲ ኪቲዳዴይ ጾሳ ቃላ ዮቴስ። ጾሲካ ኢዛዴስ ባ ኣያና ማኪ ኢሜና።

Maatosa 3:16

ዬሱሲ ጻማቄቲዲ ሃፌ ኬዚዳ ማላ ሄራካ ሳሎይ ዶዬቲን ጾሳ ኣያናይ ሃራጴ ሚሳቲዲ ኢዛ ቦላ ዎሺን ቤዪዴስ።

ሆሴኤ ቲንቢቴ 6:1

ዴሬዚ፥ «ሃ ዪቴ፥ ኣኔ ጎዳኮ ሲሞስ! ኢዚ ኑና ሜንዳ ማላ ኢዚካ ኑና ዛሪዲ ኮላና፤ ኢዚ ኑና ማዱንዳ ማላ ዛሪዲካ ኢዚ ኑ ማዱን ፓና።

ዬ ማጻፋ 45:7

ኔኒ ጺሎቴ ዶሳሳ፤ ማካላቴ ኢጻሳ። ሄሳ ጊሻስ ጾሳይ፥ ኔ ጾሳይ ኔ ላጌታፔካ ኣዲ ኔና ኡፋይሳ ዛይቴን ቲይዴስ።

ዬ ማጻፋ 22:26

ሂዬሳቲ ሚዲ ካላና። ጎዳ ኮይዛይቲ ኢዛ ጋላታና። ኢስቲ ሜርናስ ኡፋዬታና።

ዬ ማጻፋ 102:20

ሄሲካ ቃሼቲዳ ኣሳታ ዋሶ ሲያናሲኔ ሃይቆስ ፒርዴቲዳ ኣሳታ ቃሾፔ ቢርሻናሳ።

ዬ ማጻፋ 51:17

ጾሳስ ሺቂዛ ያርሾይ ኣሽኬ ኣያና፤ ኣቤት ጾሳዉ! ሜቂዳ ዎዚና ኔ ካካ።

ዬ ማጻፋ 2:6

ጎዳይ፥ «ታኒ ታ ጌሻ ዙማ ጺዮኔ ቦላ ታ ካዎዛ ካዎዲስ» ጌስ።

ኢሳያሳ ቲንቢቴ 59:21

ቃሴካ ጎዳይ፥ «ታ ባጋራ ታሲኔ ኢስታስ ዲዛ ጫቆ ቃላይ ሃይሳ፤ ኢንቴ ቦላ ዲዛ ታ ኣያናይኔ ታኒ ኢንቴ ዶናን ዎዳ ታ ቃላይ ሃቺፌ ዶሚዲ ሜርና ጋካናስ፥ ኢንቴ ዶናፔ፥ ኢንቴ ናይታ ዶናፔኔ ኢንቴ ዜሬ ዶናፔ ሻኬቴና» ጌስ።

Ibirawe 1:9

ኔኒ ጺሎቴ ዶሳዳሳ፤ ማካላካ ኢጻሳ፤ ሄሳ ጊሻስ ጾሲ ኔ ጎዳይ ኔና ኔ ላጌታፔ ቦላ ኬሲዴስ፤ ኔና ኡፋይሳ ዛይቴ ቲይዴስ» ጌስ።

2ቆሮንቶሴ ኣሳስ 7:6

ጊዶ ኣቲን ሙዞቲዳይታ ሚንዛ ጎዳይ ቲቶሳ ዩሳን ኑና ሚንዴስ።

ዳኔላ ቲንቢቴ 9:24

«ማካላቴ ኤሳናስ፥ ናጋራ ዲጋናስ፥ ቆሆ ዉርሳናስ፥ ሜርና ጺሎቴ ኤሃናስ፥ ኣጁታኔ ቲንቢቴ ማታሜን ሾጫናስ፥ ጌሽ ጊዲዳ ጊዶ ቆልኣ ቲስታናስ ኔ ዴራ ጊሻሲኔ ኔ ጌሻ ካታማይ ጊሻስ ላፑን ታሙ ሳሚንታይ ኣዋጄቲዴስ።

ዬ ማጻፋ 69:32

ቆሄቲዳይቲ ታና ጾሳይ ኣሺዳይሳ ቤኢዲ ኡፋዬቴቶ። ኢንቴኖ ጾሳኮ ሺቂዛይቶ ኢንቴ ዎዚናይ ሚኔቶ።

ኢሳያሳ ቲንቢቴ 66:2

ሃይታ ኡባ ታ ኩሼይ ኦቤኔ? ሃይቲ ቤታና ማላ ኦዳይ ታና ጊዲኪና? ታኒ ኣሽኬ፤ ዎዚናይ ሜቂዳዴኔ ታ ቃላስካ ኮኮሪዛዴኮ ታ ጼላይስ።

ዬ ማጻፋ 25:9

ኣሽኬታ ሱሬ ኦጌራ ካሌስ፤ ኢስታካ ባ ኦጌ ታማርሴስ።

ዮሃኒሳ ሚሺራቾ 1:41

ኢንዲራሲ ኮይሮ ባ ኢሻ ሲሞናኮ ቢዲ፥ «ጾሲ ኪቲዳ ኪርስቶሳ ኑ ዴሚዶስ!» ጊዴስ።

ዬ ማጻፋ 149:4

ጎዳይ ባ ኣሳን ኡፋዬቴስ፤ ኣሽኬታ ኣሺዲ ቦንቾን ፑላሴስ።

ሃዋሬታ ኦሶ 4:27

«ቱማፔ ሄርዶሲኔ ጳንጾሳ ጲላጾሲ ኢስራኤሌታራኔ ሃራ ዴሬ ኣሳራ ሃኖ ካታማይን ኔ ዶራ ቲይዳ ጌሻ ናዛ ዬሱሳ ቦላ ዮኦ ቃቻናስ ሺቄቲዳ።

ኤርማሳ ቲንቢቴ 34:8

ካዎ ሴዴቂያሲ ኣይሌቴ ጋርሳን ዲዛይታ ላኣ ኬሳናስ ዬሩሳላሜን ዲዛ ኣሳ ኡባራ ጫቄቲዳፔ ጉዬ ጎዳ ቃላይ ኤርማሳኮ ዪዴስ።

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

2ቆሮንቶሴ ኣሳስ 3:17

ጎዳይ ኣያና። ጎዳ ኣያናይ ዲዛሶን ኣይሌቴ ዴና።

ኢሳያሳ ቲንቢቴ 29:19

ኣሽኬቲ ጎዳን፥ ሂዬሳቲ ኢስራኤሌ ጌሻን ዛሪ ዛሪ ኡፋዬታና።

ኢሳያሳ ቲንቢቴ 30:19

ኢንቴኖ ዬሩሳላሜን ዴኢዛ ጺዮኔ ዴሬዞ! ሃይሳፌ ሲንን ኢንቴ ዬኬኬታ፤ ኢንቴ ኢዛኮ ዋሲሺን ኢዚ ኢንቴና ዋኒ ማሬኔ? ኢንቴ ዋሶ ኢዚ ሲዪዲ ኢንቴስ ኤሶን ዛሮ ኢማና።

ኢሳያሳ ቲንቢቴ 30:26

ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

ኢሳያሳ ቲንቢቴ 32:7

ዎጋይ ባይንዳ ኣሳታ ሂላቴ ኢታ፤ ሜቶታንቻታ ማጋናይ ሱሬ ጊዲኮካ ሂዬሳታ ዎርዶራ ይሳናስ ኢታቴን ዩሺ ቆፔስ።

ኢሳያሳ ቲንቢቴ 40:9

ኔኖ ሚሺራቾ ጺዮኔስ ዮቲዛይሶ፥ ቃ ዙማ ቦላ ኬዛ፤ ኔኖ ሚሺራቾ ዬሩሳላሜስ ዮቲዛይሶ፥ ኔ ጬንጉርሳ ቁ ሂስታ ዋሳ፤ ቁ ሂስታ፥ ባቦፋ፤ ዩሁዳ ካታማታስ፥ «ሄኮ ኢንቴ ጾሳ» ጋዳ ዮታ።

ኢሳያሳ ቲንቢቴ 52:7

ዙማ ቦላ ኤቂዳ ቶሆቲ፥ ሚሺራቾ ኤኪ ዪዛ ቶሆቲ፥ ሳሮቴ ዮቲዛይቲ፥ ሎኦ ሚሺራቾ ዮቲዛይቲ፥ ኣቶቴ ኣዋጂዛይቲ፥ ጺዮኖካ፥ «ኔ ጾሳይ ካዎቲዴስ» ጊዛ ቶሆቲ ኣይ ማላ ሎኦ!

ኢሳያሳ ቲንቢቴ 57:18

ታኒ ኢዛ ኦጌታ ቤኣዲስ፤ ጊዲኮካ ታ ኢዛ ፓናኔ ካሌና፤ ኢዛሲኔ ኢዛ ጊሻስ ዬኪዛ ጌሻታ ታ ሚንና።

ሚኪያሳ ቲንቢቴ 3:8

ታ ቃሴ ያቆቤስ ኢዛ ቆሆዛ፥ ኢስራኤሌሲካ ኢዛ ናጋራ ዮታናስ ዎልቃን፥ ጾሳ ኣያናን፥ ቱማ ፒርዳኒኔ ሚኖቴን ኩማዲስ።

ኬሳ ማጻፋ 28:41

ኔኒ ሃ ማይኦታ ኔ ኢሻ ኣሮኔኔ ኢዛ ናይታ ማይዚዳፔ ጉዬ፥ ኢስቲ ቄሴቴን ታስ ኦና ማላ ኢስታ ዎጋራ ዛይቴ ቲያ፤ ቲያዳ ኢስቲ ቄሴ ጊዲዲ ታስ ኦና ማላ ኢስታ ዱማሳ።

ኬሳ ማጻፋ 29:7

ቲዪዛ ዛይቴካ ኤካዳ ኢዛ ሁኤን ቲጋዳ ቲያ።

ሌዌታ ማጻፋ 7:35

ሃይሲካ ጎዳይ ኣሮኔኔ ኢዛ ናይታ ቄሴ ሂስቲ ሹሚዳ ጋላስ ጎዳስ ሺቂዲ ጹጌቲዛ ያርሾፌ ቄሴታ ጊሻ ጊዳና ማላ ሻኪዳዛ።

ዬ ማጻፋ 68:7

ኣቤት ጾሳዉ! ኔኒ ኔ ኣሳ ካሌዳ ዎዴ፥ ኔኒ ኢስታራ ባዞ ካንዳ ዎዴ፥

ኤርማሳ ቲንቢቴ 52:33

ኢዮኣኪኔይ ቃሾሶን ዲሼ ማይኢዳ ማይኦዛ ኢዛፔ ቃሪ ዬጊዴስ፤ ሄሳፌ ቢዲ ሃይቃና ጋካናስ ባ ዲዛ ዎዴ ኡባን ካዎዛ ማዳፌ ሚሼ ጋምኢዴስ።