ኢሳያሳ ቲንቢቴ 58:8 - ጋሞ ማጻፋ

⁸ ኔ ሄሳ ኦኮ ኔ ፖኦይ ዎንታ ጻልቄ ማላ ጫራና፤ ፓጻቴ ኔስ ኤሶን ጋካና፤ ጺሎቴ ኔፔ ሲንራ ባና፤ ጾሳ ቦንቾይ ኔና ጋራዳና።

Geeshsha Maxaafa

⁸ Ne hessaththo ooththiko ne poo7oy wontta xalqqe mala caarana; paxateththi nees eeson gakkana; xilloteththi neeppe sinththara baana; Xoossa bonchchoy nena garadana.

ኢሳያሳ ቲንቢቴ 58:8 Referans Kwoze

ኢሳያሳ ቲንቢቴ 52:12

ጊዲኮካ ኤሶን ኬዜኬታ፤ ዎይኮ ቤቲ ቤኬታ፤ ጎዳይ ኢንቴፌ ሲን ኣዲ ኢንቴና ካሌና፤ ኢስራኤሌ ጾሳይካ ጉዬራ ኢንቴና ናጋና።

ኤርማሳ ቲንቢቴ 33:6

«ጊዶ ኣቲን ታኒ ኢዚስ ፓጻቴኔ ፓያቴ ዛራ ኢማና፤ ታ ዴሬዛካ ፓና፤ ታ ኢስታ ዳሮ ሳሮቴኒኔ ዎፓቴን ዎና።

ዬ ማጻፋ 37:6

ኢዚ ኔ ጺሎቴ ማላዶ ጻልቄ ማላ ኬሳና፤ ኔ ዮኦዛ ፒርዳካ ሴታ ጋላሳ ኣዋ ማላ ፖኢሳና።

ኤርማሳ ቲንቢቴ 30:17

ኢንቴና ጊዲኮ ታኒ ዛራዳ ፓዪሳና፤ ኢንቴ ማዱንካ ፓና። ጋሶይካ ኢስታስ፥ ‹ካቲዳሮ፤ ኦኒካ ኮዮንታ ጺዮኖ› ጊዳ ጊሻሳ» ጌስ ጎዳይ።

ዬ ማጻፋ 85:13

ጺሎቴ ኢዛፔ ሲንራ ባና፤ ኢዚ ባናሶካ ኢዛስ ጊጊሳና።

ሚልካሳ ቲንቢቴ 4:2

«ታ ሱንስ ባቢዛ ኢንቴስ ቃሴ ጺሎቴ ኣርሼይ ባ ቄፌ ጋርሳን ፓዛዝ ኤካ ያና፤ ኢንቴካ ቢርሺ ዬዲዳ ጋሎ ማራ ማላ ጺኬቲሼ ኬዛና።

ሃዋሬታ ኦሶ 10:35

ጊዶ ኣቲን ጾሳስ ባቢዛይታኔ ጺሎ ኦዛይታ ኡባ ኦና ባጋፌ ጊዲንካ ኢዚ ኤኬስ።

ኬሳ ማጻፋ 14:19

ሄሳፌ ጉዬ ካሴ ኢስራኤሌ ኣሳ ሲንራ ቢዛ ጾሳ ኪታንቻይ ኣሳፔ ጉዬ ኣ ኤቂዴስ። ቱሳ ማላ ሻራይካ ኢስታ ሲንፌ ጉዬ ባጋ ዩዪዲ፥

ሌሚሶ ማጻፋ 4:18

ጺሎታ ኦጌይ ሴታ ጋላስ ጋካናስ ፖኢ ፖኢ ቢዛ ማላዶ ጻልቄ ማላ።

ዬ ማጻፋ 97:11

ጺሎታስ ፖኦይ ፖኢ ፖኢ ባና፤ ዎዚና ሱሬታስ ኡፋይሲ ዳና።

ሆሴኤ ቲንቢቴ 14:4

ጎዳይ፥ «ታ ሃንቆይ ኢስታ ቦላፌ ሲሚዳ ጊሻስ ታስ ኣማኔቶንታ ኢጺዳ ታ ዴራ ታ ፓና፤ ታ ኢስታ ጮ ሜላ ሲቃና።

ኢዮቤ ማጻፋ 11:17

ኔ ሼምፖያ ሴታ ጋላሳ ኣዋፔ ኣዳ ፖኣና፤ ማይካ ዎንታ ፖኦ ማላ ጊዳና።

ኢሳያሳ ቲንቢቴ 57:18

ታኒ ኢዛ ኦጌታ ቤኣዲስ፤ ጊዲኮካ ታ ኢዛ ፓናኔ ካሌና፤ ኢዛሲኔ ኢዛ ጊሻስ ዬኪዛ ጌሻታ ታ ሚንና።

ኢሳያሳ ቲንቢቴ 30:26

ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

ዬ ማጻፋ 112:4

ኪያ፥ ቃቲዛኔ ጺሎ ኦዛ ሱሬ ኣሳስ ማ ጊዶን ፖኦይ ፖኤስ።

ሃዋሬታ ኦሶ 10:31

ታና፥ ‹ቆርኖሎሳ! ኔ ዎሳይ ሲዬቲዴስ፤ ኔ ማንቆታስ ኢሚዛ ሙጹዋታይ ጾሳ ሲን ጋኪዴስ።

ሃዋሬታ ኦሶ 10:4

ቆርኖሎሲካ ዳጋማራ ቲሺ ሂስቲ ጼሊሼ፥ «ጎዶ ሃይሲ ኣዜ?» ጊዴስ። ኪታንቻይካ ዛሪዲ፥ «ኔ ዎሳይኔ ኔ ሙጹዋታይ ቆፌታናስ ፑዴ ጾሳ ሲን ጋኪዴስ።

ኢሳያሳ ቲንቢቴ 26:2

ባ ኣማኖ ናጊዳ፥ ጺሎ ካዎቴቲ ጌላና ማላ ፔንጌታ ዶይቴ።

ኢሳያሳ ቲንቢቴ 33:24

ጺዮኔን ዲሼ፥ «ታ ሳኬታዲስ» ጋና ኣሲ ዴና፤ ሄን ዴኢዛ ኣሳታ ናጋራይ ኣቶ ጌቴታና።

ኢሳያሳ ቲንቢቴ 60:1

ጎዳይ፥ «ኔ ፖኦይ ዪዳ ጊሻስ ዴንዳዳ ፖኢሳ፤ ጎዳ ቦንቾይ ኔ ቦላ ፖኢዴስ።

ኢሳያሳ ቲንቢቴ 62:1

ኢዚ ጺሎቴ ማላዶ ፖኦ ማላ ጶላናሼ ጋካናስ፥ ኢዚ ኣቶቴ ጾምፔ ማላ ፖኣናሼ ጋካናስ ታ ጺዮኒ ጊሻስ ጮኡ ጊኬ፤ ዬሩሳላሜ ጊሻሲካ ሲርጲ ጊኬ።

ሌሚሶ ማጻፋ 11:17

ኪያ ኣሲ ባና ጎኤስ፤ ሜንጼ ኢታ ኣሲ ጊዲኮ ባ ቦላ ሜቶ ኤሄስ።

ሌሚሶ ማጻፋ 11:25

ኪያ ኣሲ ዱሬታና፤ ሃራታስ ኢሚዛይ ባስ ዎፓ ዴሜስ።

ኢሳያሳ ቲንቢቴ 60:2

ቤኣ፥ ማይ ሳኣ ካማና፤ ሳካና ማይ ዴራ ጎዚ ኦይካና፤ ጊዶ ኣቲን ጎዳይ ኔስ ጋካና፤ ባ ቦንቾካ ኔ ቦላ ፖኢሳና።