ኢሳያሳ ቲንቢቴ 58:12 - ጋሞ ማጻፋ

¹² ኔ ዳቦቲ ቤኒ ዮቻታ ዬጋና፤ ካሴ ላሌቲዳይታ ዛሪ ኬጻና፤ ኔኒ ላሌቲዳ ጊምቤ ዛሪ ኦራጺሲዛዴ፥ ዎጋ ኦጌቲ ዲዛ ካታማታ ዛሪ ጊግሲዛዴ ጌቴታና» ጌስ።

Geeshsha Maxaafa

¹² Ne dabboti beni yochchata yeggana; kase laalettidayta zaari keexxana; neni laalettida gimbe zaari ooraxissizaade, wogga ogeti diza katamata zaari giigsizaade geetettana» gees.

ኢሳያሳ ቲንቢቴ 58:12 Referans Kwoze

ኢሳያሳ ቲንቢቴ 61:4

ኢስቲ ቤኒ ላሌቲዳይታ ዛሪ ኬጻና፤ ካሴ ዎዴ ኩንዲዳይታካ ዛሪ ኤሳና፤ ዳሮ ዬሌታታፔ ካሴ ኩንዲዳይታኔ ላሌቲዳ ካታማታ ዛሪ ኬጻና።

ሂዚቄላ ቲንቢቴ 36:33

«ኡባ ሃሪዛ ጎዳይ፥ ‹ታኒ ኢንቴና ኢንቴ ናጋራ ኡባፌ ጌሺዛ ጋላስ ኢንቴ ካታማቲ ሲሚዲ ኣሳ ዱሳሶ ጊዳና፤ ቡቲዳይቲ ሲሚዲ ጊምቤታና።

ናሂሚያ ማጻፋ 2:17

ሃይሳፌ ጉዬ፥ «ኣኔ ኑስ ዲዛ ሜቶ ጼሊቴ! ዬሩሳላሜይ ላሌቲዳ ላሌ ዶሬ ጊዲዴስ፤ ኢዚ ጊምቤዛ ፔንጌቲካ ታማን ጹጌቲ ይዳ፤ ሄሳ ጊሻስ ኣኔ ዴንዲዲ ካታማዛ ጊምቤ ዛሪ ጊምቦስ፤ ኑ ቦላ ጋኪዳ ዬላቴካ ኣኔ ዲጎስ» ጋዲስ።

ኣሞጼ ቲንቢቴ 9:14

ዲኤቲ ቢዳ ኢስራኤሌ ኣሳ ሃ ኢስታ ዴሬ ዛራ ኤሃና፤ ላሌቲዳ ካታማታ ዛሪ ኬጺዲ ኢዛን ዴኣና፤ ኢስቲ ዎይኔ ቶኪዲ ኢዛፔ ኣጌቲዳ ኡሹ ኡያና፤ ዱማ ዱማ ኣይፊዛ ሚ ቶኪዲ ኢዛ ኣይፌ ማና።

ኣሞጼ ቲንቢቴ 9:11

«ጮ ኩንዲ ላሌቲዳ ኬ ማላ ጊዲዳ ዳዊቴ ዜሬታ ካዎቴስ ታኒ ዛራ ኤሳና ዎዴይ ያና፤ ታኒ ጊምቤዛ ዛራ ጊምባና፤ ላሌቲዳይሳካ ኦራጺሳና፤ ካሴይሳ ዛራ ኦና።

ኤርማሳ ቲንቢቴ 31:38

ጎዳይ፥ «ሃናኒኤሌ ጊምቤፌ ዶሚዲ ጉላ ፔንጌ ጋካናስ ካታማያ ታስ ጎዳስ ኦሴታና ዎዴይ ያና።

ኢሳያሳ ቲንቢቴ 51:3

«ጎዳይ ጺዮኖ ቱሙ ሚንና፤ ኢዚ ላሌቴ ቃታን ጼላና፤ ኢዚ ባዞ ቢታዛ ኤዴኔ ማላ፥ ኢዚ ባዞ ቢታዛ ጎዳ ኣታኪልቴሶሆ ማላ ኦና፤ ኢሻሎይኔ ኡፋይሲ፥ ጋላታይኔ ዬ ጬንጉርሲ ኢዚን ሴቴታና።

ኢሳያሳ ቲንቢቴ 49:8

ጎዳይ፥ «ታኒ ዶሪዳ ዎዴ ኔ ኦይሻ ዛራና፤ ኣቶቴ ጋላስ ታኒ ኔና ማዳና፤ ዴራስ ጫቆ ቃላ ጊዳና ማላ፥ ቢታዮካ ኔ ዛራ ኤሳና ማላ፥ ካሴ ቢታ ዬጊ ይዳይታስ ኢስታ ጺንጾ ኔ ዛራ ኢማና ማላ፥ ታ ኔና ማዳና፤ ታ ኔስ ኦና።

ዳኔላ ቲንቢቴ 9:25

«ኔ ሃይሳ ኤራ፥ ኣኬካ፤ ዬሩሳላሜ ዛሪ ኦናሲኔ ኦራናስ ኣዋጃይ ኬዚዳ ጋላሳፌ ዶሚዲ ሃሪዛ ቲዬቲዳዴይ ያና ጋካናስ ላፑን ሳሚንታኔ ኡሱፑን ታማኔ ናምኡ ሳሚንታ ጊዳና፤ ዬሩሳላሜ ኦጌቲኔ ኢዚስ ዲርሳቲ ዛሪ ኦራጻና፤ ሄሲ ፖሌታናይ ሜቶ ዎዴና።

ሂዚቄላ ቲንቢቴ 36:4

ሄሳ ጊሻስ ኢስራኤሌ ዙማቶ! ኡባ ሃሪዛ ጎዳ ቃላ ሲዪቴ! ኡባ ሃሪዛ ጎዳይ ዙማታሲኔ ዙምቡላታስ፥ ዙሌታሲኔ ሃ ዛራታስ፥ ላሌቲዲ ቡላቲዳሶታሲኔ ኢንቴ ዩሾን ዲዛ ሃራ ካዎቴታን ቦንቄቲዲኔ ቂቲዲ ሜላ ኣቲዳ ካታማታስ፥

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

ኢሳያሳ ቲንቢቴ 44:28

ቂሮሴካ፥ ‹ኢዚ ታ ሄንንቻ፤ ኢዚ ታ ሼኔ ፖላና› ጋና፤ ዬሩሳላሜይካ፥ ‹ሲማ ኤቁ› ጋና፤ ጾሳ ኬስ፥ ‹ኢዛ ዮቺ ዬጌቶ› ጋና» ጌስ።

ናሂሚያ ማጻፋ 6:1

ሳንባላጼይ፥ ጾቢያይ፥ ኣራቤ ዴሬ ኣስ ጌሻሜይኔ ሃራ ኑ ሞርኬቲካ ታኒ ጊምቤዛ ጊምባ ዉርሲዳይሳኔ ኦሴቶንታ ኣቲዳ ፓጬሶይ ባይንዳይሳ ሲዪዳ፤ ጊዶ ኣቲን ታኒ ቡሮ ጊምቤ ፔንጌታስ ሳንቃታ ጌልቤኬ።

ናሂሚያ ማጻፋ 2:5

ካዋስ፥ «ካዎ! ታኒ ኔና ኡፋይሲዛ ጊዲኮ ቃሴ ታ ኦይሾ ኔ ኤኪዛ ጊዲኮ ካሴ ታ ኣዋቲ ሞጌቲዳሶ ዩሁዳ ዴሬ ባዳ ሄ ካታማዮ ዛራዳ ኬጻና ማላ ታና ዬዳርኪ» ጋ ዎሳይስ።

ኢዮቤ ማጻፋ 3:14

ሃኢ ላሌቲ ቤቲዛይታ ባስ ኬጺዳ ቢታ ካዎታራኔ ዞሪዛይታራ ታ ስካዳ ሼምፖ ዴማናኮሺን።

ኢሳያሳ ቲንቢቴ 30:13

ሃይሲ ሃ ናጋራዚ ጳልቄቲ ኩንዳናኔ ቆፖንታ ዲሺን ኩንዲዛ ጊታ ጊምቤ ማላ ኢስታስ ጊዳና።

ሂዚቄላ ቲንቢቴ 13:5

ጎዳ ጋላሳን ዪዛ ኦላን ዲርሳይ ሚኒ ኤቃናስ ዳንዳያና ማላ ጳልቄቲዳ ኢስራኤሌ ጊምቤዛ ሚን ጊምባናስ ኢንቴ ሄ ኬዚቤኬታ።

ሚኪያሳ ቲንቢቴ 7:11

ኢንቴ ኢንቴ ካታማ ጊምቤ ጊምቢዛ ዎዴይኔ ኢንቴ ሲካ ኣሲዛ ጋላሲ ያና።