ኢሳያሳ ቲንቢቴ 57:7 - ጋሞ ማጻፋ

⁷ ኔ ሂጻ ቁ ጊዳ ኣዱሳ ዙምቡላ ሁኤን ሂጻዳሳ፤ ሄን ኔ ያርሾ ሺሻና ኬዛዳሳ።

Geeshsha Maxaafa

⁷ Ne hiixa dhoqqu gida adussa zumbulla hu7en hiixxadasa; heen ne yarsho shiishshana kezadasa.

ኢሳያሳ ቲንቢቴ 57:7 Referans Kwoze

ሂዚቄላ ቲንቢቴ 23:41

ሎኢ ጊጊዳ ኣርጄታን ኡታዳሳ፤ ታ ኤጻኔዛኔ ዛይቴዛ ኔ ዎዳ ጻራጴዛ ኣርጄታ ሲንን ዎዳሳ።

ሂዚቄላ ቲንቢቴ 16:16

ኔ ማይኦታፔ ጉታ ኤካዳ ኔ ላይማታሼ ጎይኒዛሶሆታ ኣሌቂሳ ጊጊሳዳሳ፤ ሄሳ ማላ ሃኖታይ ሃይሳፌ ሲንን ሃኒቤና፤ ሃይሳፌ ጉዬንካ ሃኔና።

ኤርማሳ ቲንቢቴ 2:20

ኡባ ሃሪዛ ጎዳይ፥ «ቤኒፔ ዶማዳ ታኒ ኔ ቃምባራ ሜንዲስ፤ ኔና ቃቺዳ ሚሺካ ዱዲስ። ሂስቲንካ፥ ‹ታኒ ኔስ ኦኬ› ጋዳሳ። ሂስታዳ ቃ ዙምቡላታ ኣቻን ሚ ጋርሳን ላይማታናስ ኢቻዳሳ።

ሂዚቄላ ቲንቢቴ 16:25

ኦይዱ ኦጌ ዶናን ኡባን ጎይኒዛሶሆታ ጊጊሳዳሳ፤ ኔናቴ ኣ ቢዛ ኡባስ ላይማቴስ ሺሻዳ ኔ ፑላቴ ቱኒሳዳሳ።

ኤርማሳ ቲንቢቴ 3:6

ካዎ ኢዮሲያሲ ካዎቲዳ ላይ ጎዳይ ታስ፥ «ሃና ኣማኖይ ባይንዳ ኢስራኤሌይ ኦዳይሳ ኔኒ ቤኣዲ? ኢዛ ቃ ዙምቡላታ ቦላ ኬዛዳ ዳሻ ሚታ ጋርሳን ላይማታዱስ።

ኤርማሳ ቲንቢቴ 3:2

«ኣኔ ቁ ጋዳ ኣይኮይ ባይንዳ ዙምቡላታ ጼላ፤ ኔኒ ላይማስ ኢቾንታሶይ ሄሳን ዲዜ? ቦንቃና ባዞን ኡቲዳ ፓንጋ ማላ ኦጌ ዶናን ኡታዳ ኔ ላጌታ ናጋዳሳ፤ ሂስታዳ ኔኒ ላይማቴኒኔ ኢታቴን ቢታዮ ቱኒሳዳሳ።

ሂዚቄላ ቲንቢቴ 23:17

ባቢሎኔቲካ ኢዚኮ ዪዲ ኢዚ ሂጻኮ ጌሊዳ፤ ባንታ ዚታ ኣሞን ኢዞ ቱኒሲዳ፤ ኢዛ ኢስታን ቱኒዳፔ ጉዬ ኢዛ ኢስታ ኢጻዳ ኢስታፌ ሃራሶ ሼርኢ ጋዱስ።

ኢሳያሳ ቲንቢቴ 57:3

ጎዳይ፥ «ኢንቴኖ ማሮ ናይቶ፥ ኢንቴኖ ላጌዛይሳኔ ላይማቲዛሪ ዜሬቶ፥ ኢንቴ ሃ ዪቴ።

ኢሳያሳ ቲንቢቴ 65:7

ኢንቴ ናጋራ ሃሎኔ ኢንቴ ኣዋታ ናጋራ ሃሎ ታ ኬሳና። ኢስቲ ዙማታ ቦላ ጹጌቲዛ ያርሾ ሺሺዳ ጊሻስ፥ ዙምቡላታ ቦላ ታና ጫዪዳ ጊሻስ፥ ኢስቲ ማኪዳ ሚሻን ኢስታስ ዛሪ ማኬታና፤ ኢስቲ ካሴ ኦዳ ኦሶ ኩሼ ዛሪ ኤካና» ጌስ።

ሂዚቄላ ቲንቢቴ 16:24

ኔስ ፖጎኖ ጊጊሳዳሳ፤ ሄ ኡባን ኔስ ጎይኒዛሶሆታ ኦዳሳ።

ሂዚቄላ ቲንቢቴ 6:13

ኢስታ ኣሳፔ ሹኬቲዳይቲ ያርሾ ያርሺዛሶሆታ ዩሾ ኡባን፥ ኢስታ ኤቃ ጾሳታ ጊዶ ኡባን፥ ዙምቡላታ ቦላ ኡባን፥ ዙማታ ጼራ ቦላ ኡባን፥ ጪሊላ ሚ ጋርሳታን ኡባኒኔ ዎጋ ዎላታ ጋርሳታ ኡባን፥ ባንታ ኤቃ ጾሳታስ ሳዊዛ ያርሾ ያርሺዛሶሆታ ኡባን ዬጌቲ ኣቲዳይታ ኢንቴ ቤኢዲ ሄ ዎዴ ታኒ ጎዳ ጊዲዳይሳ ኢንቴ ኤራና።