ኢሳያሳ ቲንቢቴ 57:2 - ጋሞ ማጻፋ

² ሱሬቴን ቢዛይቲ ሳሮን ጌላና፤ ሃይቂዲካ ባ ሂን ሳሮን ሼምፓና።

Geeshsha Maxaafa

² Suureteththan bizayti saron gelana; hayqqidikka ba hiiththan saron shemppana.

ኢሳያሳ ቲንቢቴ 57:2 Referans Kwoze

ዮሃኒሳ ኣጁታ 14:13

ታኒ ሳሎፔ ሂዝጊዛ ቃላ ሲያዲስ፤ «ሃይሳፌ ጉዬ ጎዳ ዬሱሳይታ ጊዲዲ ሃይቃናይቲ ኢስቲ ኣንጄቲዳይታ።» ጺሎ ኣያናይካ፥ «ኤ፥ ኢስቲ ባ ዳቡርሳፌ ሼምፓና ማላ ኢስታ ኦሶይ ኢስታ ካላና» ጌስ።

2ቆሮንቶሴ ኣሳስ 5:1

ኑኒ ኢዛን ቢታ ቦላ ዲዛ ዱንካኔይ ላሌቲኮካ ኣሳ ኩሼን ጊዶንታ ጾሳ ኩሼን ኦሴቲዳ ሜርና ኬ ኑስ ሳሎን ዲዛይሳ ኑ ኤሮስ።

ሉቃሳ ሚሺራቾ 2:29

«ጎዶ! ኔ ጫቂዳ ቃላ ማላ ሃኢ ታኒ ኔ ኣይሌይ ኔ ኣሺዛይሳ ታ ኣይፌራ ቤኢዳ ጊሻስ ሂኣ ታና ሳሮን ኤካ፤ ኣሳ ኡባ ሲንን ኔ ጊግሲዳ ኣቶቴ ሃኢ ታኒ ታ ኣይፌራ ቤያዲስ።

ኢዮቤ ማጻፋ 3:17

ሄን ኢታታ ዋዪሶይ ኣታና፤ ዳቡርሲዛ ኦሶን ዴኢዳይቲ ሼምፓና።

2ቆሮንቶሴ ኣሳስ 5:8

ኑኒ ኣሾፔ ሻኬቲዲ ጎዳራ ዱስ ዶራናይሳ ታ ሲንታ ዮታይስ።

ሉቃሳ ሚሺራቾ 7:50

ዬሱሲካ ማጫሳዮ፥ «ኔና ኔ ኣማኖይ ኣሺዴስ፤ ሳሮን ባ!» ጊዴስ።

Maatosa 25:21

ኢዛ ጎዳይካ፥ ‹ሎኦ ኦዳሳ፤ ኔኖ ሎኦ ኣማኔቲዳ ኣሽካራዞ! ኔኒ ጉ ሚሻን ኣማኔቲዳ ኣስ ጊዲዳ ጊሻስ ታ ኔና ዳሮ ሚሻ ቦላ ሹማና፤ ጌዴ ኔ ጎዳ ኡፋይሳሶ ጌላ› ጊዴስ።

ኤራንቻታ ማጻፋ 12:7

ቢታይ ዱጌ ቢታን ሲሞንታ ዲሺን፥ ሼምፖይ ኢሚዳ ጾሳኮ ሲሞንታ ዲሺን፥ ኔና ሜዳ ጾሳኮ ሲማ።

2ታሪኬ ማጻፋ 16:14

ኣሲ ባስ ዳዊቴ ካታማን ሹች ዎጪዲ ጊግሲዳ ዱፎን ዎዳ። ሂስቲዲ ዱማ ዱማ ሺቶይኔ ሳዎይ ዴኢዛ ኣርሳ ቦላ ኢዛ ኣሃ ዎዳ። ኢዛ ቦንቾስ ዳሮ ሚ ዶሪዲ ታማ ኤሼ ኬሂ ዬኪዳ።

ሉቃሳ ሚሺራቾ 16:22

«ሄ ማንቆ ኣዴዚ ሃይቂን ሳሎ ኪታንቻቲ ኣብራሃሜ ኪኦ ኤኪ ቢዳ፤ ቃሴ ዱሬ ኣዴዚካ ሃይቂዲ ሞጌቲዴስ።

ሂዚቄላ ቲንቢቴ 32:25

ኢዚ ዱፎ ዩሾን ዲዛ ኩሜ ኦላንቻታራ ሹኬቲዳይታ ጊዶን ሂጻይ ኢዚስ ጊጌቲዴስ። ኢስቲ ኡባይ ኣማኖንታይታኔ ማሻን ሲፌቲዳይታ፤ ኢስታ ሺሮይ ሼምፖራ ፓጻ ዲዛይታ ቢታን ዎሬኬቲዳ ጊሻስ ዱጌ ዱፎን ጌሊዛይታራ ኢሲ ቦላ ዬላ ማይኣና፤ ሹኬቲዳይታ ጊዶን ኢስቲ ኢቻና።

ፒሊጲሲዮሴ ኣሳስ 1:23

ሃ ናምኡ ሃኖታን ሜቶቴታዲስ፤ ታ ባዳ ኪርስቶሳራ ዳናስ ላሞታይስ፤ ሄሲ ሃራ ኡባፌ ኬሂ ሎኦ።

ኢሳያሳ ቲንቢቴ 26:7

ጺሎታ ኦጌይ ሞሌ። ኔኖ ሱሬዞ፥ ኔኒ ጺሎታ ኦጌ ሞሊሳሳ።

ኢሳያሳ ቲንቢቴ 14:18

ካዎቴታ ካዎቲ ኡባይ ቦንቾን ስኪዳ፤ ባ ዱፎን ዱፎን ሼምፒዳ።

ሜቴ ማጻፋ 17:1

ኣብራሜ ላይ ኡዱፉን ታማኔ ኡዱፉን ጊዲሺን ጎዳይ ኢዛስ ቆንጪዲ፥ «ታኒ ኡባ ዳንዳይዛ ጾሳ፤ ኔ ታ ሲንን ሱሬ ሄሜታ።

ዬ ማጻፋ 37:37

ኣኔ ሎኦ ኣስ ኣኬካ፤ ሱሬ ኣስ ቤኣ፤ ሳሮ ኣሳስ ዉርሴ ሎኦ ጊዳና።

ዳኔላ ቲንቢቴ 12:13

«ዳኔላ! ኔኒ ዉርሴ ጋካናስ ባ፤ ሄሳፌ ጉዬ ኔ ሼምፓና፤ ዉርሴ ጋላስ ኔስ ጊጊዳ ጺንጾ ኔ ላታና» ጊዴስ።

ኤርማሳ ቲንቢቴ 6:16

ጎዳይ፥ «ዳጋላ ኦጌ ቦላ ኤቂ ጼሊቴ፤ ቤኒ ኦጌዮ ኦይቺቴ፤ ሎኦ ኦጌይ ኣዋሪ? ኢዚራ ቢቴ፤ ኢንቴ ኢንቴ ሼምፖስ ሼምፖ ዴማና፤ ኢንቴ ጊዲኮ፥ ‹ኑ ኢዚራ ቦኮ!› ጊዴታ።