ኢሳያሳ ቲንቢቴ 56:8 - ጋሞ ማጻፋ

⁸ ላሌቲዳ ኢስራኤሌ ሺሺዛ፥ ኡባ ሃሪዛ ጎዳይ፥ «ሺቂዳይታ ቦላ ጉጃ፥ ታኒ ሃራታካ ዛራ ሺሻና» ጌስ።

Geeshsha Maxaafa

⁸ Laalettida Isra7eele shiishshiza, Ubbaa Haariza GODAY, «Shiiqidayta bolla gujja, tani haratakka zaara shiishshana» gees.

ኢሳያሳ ቲንቢቴ 56:8 Referans Kwoze

ዮሃኒሳ ሚሺራቾ 10:16

ሃይሳ ሃ ዶርሳ ዪሬን ጌሎንታይቲ ታስ ሃራ ዶርሳቲ ዴቴስ፤ ታ ኢስታካ ሃ ኤሃናስ ታስ ቤሴስ፤ ኢስቲካ ታ ቃላ ሲያናኔ ኢሲ ሜሄ ጊዳና። ሄሚዛይሲካ ኢሳዴ ጊዳና።

ኢሳያሳ ቲንቢቴ 54:7

«ጉ ዎዴ ታኒ ኔና ኣጋዲስ፤ ጊዶ ኣቲን ጊታ ቃታን ታ ኔና ዛራ ሺሻና።

ኤፌሶኔ ኣሳስ 1:10

ቡሮፔ ዎዴ ዉርሴን ሃናናስ ዲዛ ኢዛ ቆፋይ ሳሎ ቦላኔ ቢታ ቦላ ዲዛይታስ ኡባስ ሁኤ ጊዲዳ ዬሱስ ኪርስቶሳፔ ኡባ ጋርስ ኣናሳ።

ኤርማሳ ቲንቢቴ 31:10

«ኢንቴኖ ካዎቴቶ ጎዳ ቃላ ሲዪቴ! ሃሆን ዲዛ ኣባ ጋጻታንካ፥ ‹ኢስራኤሌ ላሊዳይ ኢዚ ኢስታ ዛሪ ሺሻና፤ ባ ዉዴዛካ ሄንንቻ ማላ ኢዚ ሄማና› ጊዲ ኣዋጂቴ።

ሜቴ ማጻፋ 49:10

ዴሬ ሃሪዛዴይ ያና ጋካናሼ፥ ካዎቴ ኣልጋይ ዩሁዳፔ፥ ሃላቃቴ ጉፌይ ኢዛ ኬፌ ሻኬቴና። ቃሴ ዴሬ ኣሳይ ኢዛስ ኣዛዜታና።

ዮሃኒሳ ሚሺራቾ 11:52

ኢዚ ሃይቃናይ ሄ ዴሬ ኣሳስ ጻላ ጊዶንታ ካሴ ላሌቲዳ ጾሳ ናይታካ ኢሲ ቦላ ሺሻናሳ።

ሚኪያሳ ቲንቢቴ 4:6

ጎዳይ፥ «ታኒ ሄ ጋላስ ጉንዲዳይታ ሺሻና፤ ቤቴ ቢዳይታኔ ሙዞታና ማላ ታ ኣ ኢሚዳይታ ኡባ ኢሲሶ ሺሻና።

ሆሴኤ ቲንቢቴ 1:11

ሄ ዎዴ ዩሁዳ ኣሳይኔ ኢስራኤሌ ኣሳይ ሲሚዲ ኢሲኖ ጊዳና። ናምኣቲ ባንታና ኣይሳናዴ ኢሲ ኣስ ዶራና። ቃሴካ ኢስቲ ባንታ ዴሬን ዲቻኒኔ ዱሬቴን ዴኣና። ኢዝራኤሌ ጋላሳይ ጊታ ጊዳና።

ኤርማሳ ቲንቢቴ 30:17

ኢንቴና ጊዲኮ ታኒ ዛራዳ ፓዪሳና፤ ኢንቴ ማዱንካ ፓና። ጋሶይካ ኢስታስ፥ ‹ካቲዳሮ፤ ኦኒካ ኮዮንታ ጺዮኖ› ጊዳ ጊሻሳ» ጌስ ጎዳይ።

ኢሳያሳ ቲንቢቴ 49:22

ኡባ ሃሪዛ ጎዳይ፥ «ቤኣ፥ ታኒ ካዎቴታ ማላታን ጼይጋና፤ ታኒ ታ ባንዲራ ኣሳስ ቁ ሂስታ ኤሳና፤ ኔ ኣቱማ ናይታ ኢስቲ ኢዲሚ ኤሃና፤ ኔ ማጫ ናይታካ ባንታ ሃሼን ቶኪዲ ኤሃና።

ኢሳያሳ ቲንቢቴ 49:12

ሄኮ ኢስቲ ሃሆ ዴሬፔ ያና፤ ኢሲ ኢሲኔቲ ፑዴሃፔ፥ ባጋይቲ ኣርሼይ ዉሊዛ ባጋፌ፥ ሃንኮ ኣቲዳይቲ ሲኒሜፔ ያና» ጌስ።

ኢሳያሳ ቲንቢቴ 43:6

ታኒ ፑዴሃ ባጋ፥ ‹ሃማ› ዱጌሃ ባጋካ፥ ‹ዬዳ› ጋና፤ ታ ኣቱማ ናይታ ሃሆፔ፥ ታ ማጫ ናይታካ ቢታ ጋጻፔ፥

ዬ ማጻፋ 147:2

ጎዳይ ዬሩሳላሜ ኦራጺሳና፤ ኢስራኤሌፔ ቤቲዳይታካ ሺሻና።

ዬ ማጻፋ 106:47

ኣቤት ጎዳዉ ኑ ጾሳዉ! ኑና ኣሻ። ኑኒ ኔ ጌሻ ሱን ጋላታና ማላ ካዎቴታ ጊዶፌ ኑና ሺሻ።

ዮሃኒሳ ሚሺራቾ 7:35

ሄሳ ጊሻስ ኣይሁዳታ ዳናቲ ባ ጊዶን ኢሶይ ኢሳራ፥ «ሃይሲ ኣዴዚ ኑ ዴሞንታ ማላ ኣዋ ባኔሻ? ኦኔ ኤሪዛይ ጊሪኬታ ጊዶን ላሌቲ ዲዛ ኣይሁዳታኮ ቢዲ ጊሪኬታ ታማርሳኔሻ?

ሂዚቄላ ቲንቢቴ 34:12

ሄንንቻይ ባ ዉዴታራ ዲሼ ላሌቲዳ ዉዴታ ኮይዛ ማላ ታኒካ ታ ዉዴታ ኮያና፤ ሻራ ጋላሲኔ ማ ጋላስ ኢስቲ ላሌቲዳሶ ኡባፌ ታ ኢስታ ሺሻና።

ኢሳያሳ ቲንቢቴ 49:6

«ኔኒ ታስ ኦሳንቻ ጊዴ፥ ያቆቤ ቆሞታ ኔ ዛራናይሲኔ ታ ናጊዳ ኢስራኤሌ ዛራዳ ኔ ኤሃናይሲ ሄሲ ኔና ዴጼና፤ ቃሴካ ታ ኣቶቴ ቢታ ጋጻ ኔ ጋና ማላ፥ ታኒ ኔና ካዎቴታስ ፖኦ ሂስታና» ጌስ።