ኢሳያሳ ቲንቢቴ 55:13 - ጋሞ ማጻፋ

¹³ ኣጉን ጊሻስ ጺዳይ፥ ኪንዲቾ ጊሻስ ባርሲኔቴ ጌቴቲዛ ሚ ሞካና፤ ሄሲካ ጎዳ ሃሳኢሲዛ ሚሺ ዮንታ ማላ ሜርናስ ማላታ ጊዳና» ጌስ።

Geeshsha Maxaafa

¹³ Agunththa gishshas xiidday, kindichcho gishshas barsineete geetettiza miththi mokkana; hessika GODAA hassa7issiza miishshi dhayontta mala mernaas malata gidana» gees.

ኢሳያሳ ቲንቢቴ 55:13 Referans Kwoze

ኢሳያሳ ቲንቢቴ 41:19

ባዞ ቢታን ዚጋ፥ ኦዶሮ፥ ባርሴኔቴኔ፥ ዎጋራ ሚ ሞይዛና፤ ኣይኮይ ባይንዳ ባዞን ጺዳ፥ ጉንኔ ኦን ቶካና።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ኢሳያሳ ቲንቢቴ 61:3

ቃሴካ ጺዮኔን ካዮቲዛይታ ዶሺሳና ማላ፥ ቢዲን ጊሻስ ፑላቴ ካላቻ፤ ዬሆ ጊሻስ ኡፋይሳ ዛይቴ ኢስታ ሁኤን ታ ጉሳና ማላ፥ ጬጬ ኣያና ጊሻስ ጋላታ ሴሎ ታ ኢስታ ቦላ ጎጳና ማላ ታና ኪቲዴስ፤ ኢስቲካ ኢዛ ቦንቾ ቆንጪሳና ማላ ጎዳይ ቶኪዳ ጺሎ ሚ ጌቴቲ ጼይጌታና።

2ቆሮንቶሴ ኣሳስ 5:17

ሄሳ ጊሻስ ኦኒካ ኪርስቶሳ ባጋ ጊዲኮ ኢዚ ኦራ ሜቴ፤ ካሴ ጬጋ ሜቴ ኣዴስ፤ ኢዚ ኪቾሳን ሃራ ኦራ ሜቴ ጌሊዴስ።

ኢሳያሳ ቲንቢቴ 60:13

ታ ኬይ ዲዛሶ ኣሌቂሳናስ፥ ሊባኖሴ ቦንቾይ ጉጋን፥ ጺዳይኔ ባርሴኔቴይ ኔኮ ያና፤ ታ ቶሆይ ኤቂዛሶዛ ታ ቦንቻና።

ኦሮሜ ኣሳስ 6:19

ሃይሳ ታኒ ኣሳ ቃላን ኢንቴስ ቆንጬን ዮቲዛይ ኢንቴ ዬሌቴን ዳቡራንቻ ጊዲዳ ጊሻሳ። ኢንቴ ካሴ ዎዴ ኢንቴ ኣሳቴ ኣይሌቴሲኔ ካሴፔ ኣ ኢታና ማላ ኦ ኢሚዳ ማላ ሃኢ ቃሴ ጌሻቴኮ ኤፊዛ ጺሎቴስ ኣይሌ ሂስቲ ሃሪሲቴ።

1ጴጽሮሳ ኪታ 4:11

ታማርሲዛዴይ ጾሳ ቃላ ታማርሲዛ ማላ ታማርሶ፤ ሃጋዚዛዴይ ጾሲ ኢዛስ ኢሚዛ ዎልቃን ሃጋዞ፤ ሄሳ ማላን ጾሲ ዬሱስ ኪርስቶሳ ባጋራ ሃኒዛ ኡባን ጋላቴታና፤ ቦንቾይኔ ጎዳቴ ሜርናፔ ሜርና ጋካናስ ኢዛስ ጊዶ። ኣሚን!

ኤርማሳ ቲንቢቴ 50:5

ኢስቲ ጺዮኔ ኤፊዛ ኦጌ ኦይቻና፤ ባንታ ሲን ሄ ዛራና፤ ዪዲ ሙሌራ ዶጌቶንታ ሜርና ጫቆ ቃላን ጎዳራ ኦይኬታና።

ዮሃኒሳ ሚሺራቾ 15:8

ዳሮ ኣይፌ ኢንቴ ኣይፊሺን ታ ኣዋይ ቦንቼቴስ፤ ኢንቴ ታና ካሊዛይታ ጊዲዳይሲ ሄሳን ኤሬታና።

ሉቃሳ ሚሺራቾ 2:14

«ቦላ ሳሎን ጾሳስ ቦንቾይ ጊዶ፤ ሳሮቴካ ቢታ ቦላን ኢዚ ዶሲዛ ኣሳ ኡባስ ጊዶ» ጊዳ።

ኤርማሳ ቲንቢቴ 13:11

ዳንጮይ ኣሳ ጼሳ ባቂ ኦይኪዛ ማላ ዩሁዳ ኣሳይ ኡባይኔ ኢስራኤሌ ኣሳይ ኡባይ ታኮ ሺጵ ጋና ማላኔ ታ ሱንስ ጋላታኔ ቦንቾ ኢማና ማላ ታ ኦን ኢስቲ ታ ጊዛዝ ሲዪቤቴና» ጌስ።

ኢሳያሳ ቲንቢቴ 63:12

ቦንቼቲዳ ዎልቃማ ቄሴ፥ ሙሴስ ኡሻቻ ኩሼ ቦላ ዎዴስ፤ ባስ ሜርናስ ሱን ኬሳናስ፥ ሃታ ኢስታ ሲንን ሻኪዴስ።

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ኢሳያሳ ቲንቢቴ 54:10

ዙማቲ ቃጺኮ፥ ዙምቡላቲ ባ ዲዛሶፔ ኪቺኮካ፥ ኔስ ዲዛ ታ ሲቆይ ቃጼና፤ ኔናራ ታ ጫቂዳ ሳሮቴ ቃላይ ላሌቴና» ጌስ ኔና ማሪዛ ጎዳይ።

ኢሳያሳ ቲንቢቴ 43:21

ታኒ ታስ ጊግሲዳ ዴሬይ ታ ጋላታ ኣዋጃና ማላ ታ ሃይሳ ኦና።

ሚኪያሳ ቲንቢቴ 7:4

ኢስታ ጋርሳፌ ሎኦ ጌቴቲዳዴይ ኣጉን ማላ ኬሂ ሎኦ ጌቴቲዛዴይ ቃሴ ኪንዲቾ ማላ ኢንቴና ናጊዛይታስ ዎዴይ ጋኪዴስ፤ ጾሳ ፒርዳ ጋላሳይ ጋኪዴስ፤ ኣሳይ ሺሮታና ዎዴይ ጋኪዴስ፤

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ዬ ማጻፋ 96:12

ጎሻ ጋዴይኔ ኢዛ ቦላ ዲዛ ኡባይ ኡፋዬቶ! ዎራን ዲዛ ሚ ኡባይ ኢዛ ሲንን ኡፋይሳን ዬጻና።

ኢሳያሳ ቲንቢቴ 7:11

«ጎዳይ ኔ ጾሳ ኔስ ቦላ ሳሎፔ፥ ዎይኮ ሳኣፔ፥ ጋርስ ጪማፌ ኢሲ ማላታ ኢማና ማላ ኦይቻ» ጊዴስ።

ኢሳያሳ ቲንቢቴ 7:19

ኢስቲ ኡባይካ ዪዲ ባዞ ሾባን፥ ሹቻ ጎንጎሎን፥ ኣጉን ቱሻኒኔ ሃ ኦላታን ጋዉኣና።

ኢሳያሳ ቲንቢቴ 7:24

ቢታ ኡባን ኪንዲቾይኔ ኣጉን ኩሚዳ ጊሻስ ኣሳይ ሄ ቢዛ ዎዴ ዎንዳፌኔ ዪሽ ኦይኪ ባና።

ኢሳያሳ ቲንቢቴ 19:20

ሄሲ ኡባፌ ዎልቃማ ጎዳስ ጊብጼ ቢታን ማላታኔ ማርካ ጊዳና፤ ኢስቲ ባንታና ኡንኤዛይታፔ ዴንዲዳይሳን ጎዳኮ ዋሲዛ ዎዴ ኢዚ ኢስታ ኣሺዛዴኔ ማዲዛዴ ኪቲዲ ኢስታ ኣሻና።

ኢሳያሳ ቲንቢቴ 32:13

ታ ዴራ ቢታ ጊሻስ፥ ኣጉንኔ ኪንዲቾይ ሞኪዳ ቢታ ጊሻስ፥ ሆምቦጬን ኢስታን ጉፒዛ ኬታ ኡባ ጊሻስ፥ ሆምቦጬን ኢዚን ጉፒዛ ካታማይስ ዬኪቴ።

ኢሳያሳ ቲንቢቴ 35:1

ባዞይኔ ሜላ ቢታይ ኡፋዬታና፤ ኣይኮይ ባይንዳ ባዞይ ኡፋዬታና፤ ጪሻ ማላካ ጪያና።

ኢሳያሳ ቲንቢቴ 35:2

ኢዚ ዳሮ ኡፋዬታናኔ ሚጫና፤ ሊባኖሴ ቦንቾይ ኢዛስ ኢሜታና፤ ቃርሜሎሴኔ ላሻሮኔ ቴማ ኢዚ ማይኣና፤ ኑ ጎዳ ቦንቾኔ ጾሳ ጊታቴ ኢስቲ ቤኣና።

ኢሳያሳ ቲንቢቴ 56:5

ታ ኬኒኔ ታ ጊምቤታ ጊዶን ኣቱማ ናይታፔኔ ማጫ ናይታፔ ኣዛ ሃሳኢሲዛ ሚሺኔ ሱን ኢስታስ ኢማና፤ ሜርናስ ዮንታ ሱን ታ ኢስታስ ኢማና።

ኢሳያሳ ቲንቢቴ 63:14

ዱጌ ዙሌ ዎዛ ሜሄ ዉዴ ማላ፥ ጎዳ ኣያናይ ኢስታስ ሼምፖ ኢሚዴስ፤ ኢዚ ዴራ ሄሳ ካሌዳይ፥ ኔ ሱን ቦንቺሳናሳ።

ሂዚቄላ ቲንቢቴ 28:24

« ‹ሃይሳፌ ጉዬ ኢስራኤሌ ኣሳ ኡንኤዛ ኪንዲቾይኔ ጫዲዛ ኣጉን ጊዲዳ ሾሮቲ ኢስታ ዩሾን ዴቴና፤ ሄሳን ታኒ ኡባ ሃሪዛ ጎዳ ጊዲዳይሳ ኢስቲ ኤራና› ጌስ» ጊዴስ።

ዛካራሳ ቲንቢቴ 1:8

ኦማርሳ ዎዴ ኣጁታን ዞኦ ፓራ ቶጊዳ ኢሳዴ ቤኣዲስ፤ ሄ ኢዚካ ሾባ ጊዶን ባርሲኔቴ ሚታ ጋርሳን ኤቂዴስ፤ ቃሴ ኢዛ ጉዬራ ዳማ፥ ዞኦኔ ቦ ፓራቲ ዴቴስ።

ኢሳያሳ ቲንቢቴ 60:17

ጻርቂማላ ሶሆን ዎርቃ፥ ቢራታ ሶሆን ቢራ ኤሃና፤ ሚ ሶሆን ጻርቂማላ፥ ሹቻ ሶሆን ቢራታ ኤሃና፤ ሳሮቴ ኔና ኣይሲዛዴ፥ ጺሎቴካ ኔስ ሃላቃ ሂስታና።