ኢሳያሳ ቲንቢቴ 55:12 - ጋሞ ማጻፋ

¹² ኢንቴ ኡፋይሳን ኬዛና፤ ሳሮን ሞይዜታና። ዙማቲኔ ዙምቡላቲ ኢንቴ ሲንን ኢሊሊሳራ ዬጻና፤ ዴምባን ዲዛ ሚቲ ኡባይካ ባንታ ኩሼ ባቃና።

Geeshsha Maxaafa

¹² Intte ufayssan kezana; saron moyzettana. Zumatinne zumbullati intte sinththan ililisara yexxana; demban diza miththati ubbayka bantta kushe baqqana.

ኢሳያሳ ቲንቢቴ 55:12 Referans Kwoze

ጋላቲያ ኣሳስ 5:22

ኣያና ኣይፌይ ጊዲኮ ሲቆ፥ ኡፋይስ፥ ሳሮቴ፥ ዳንዳያ፥ ኪያቴ፥ ሎኤቴ፥ ኣማኔቴ፥

ኢሳያሳ ቲንቢቴ 44:23

ጎዳይ ሃይሳ ኦዳ ጊሻስ ሳሎቶ ዬጺቴ፤ ጪማ ቢታቶ ኡፋይሳን ኢሊሊቴ። ኢንቴኖ ዙማቶ፥ ኢንቴኖ ዎራቶ፥ ሚቶ ኡባይ ኢሊሊቴ፤ ጋሶይካ ጎዳይ ያቆቤ ዎዚዴስ፤ ባ ቦንቾ ኢስራኤሌ ቦላ ቆንጪሲዴስ።

ዬ ማጻፋ 105:43

ኢዚ ባ ኣሳ ኡፋይሳን፥ ባ ዶሪዳይታ ኢሊሊሳን ኬሲዴስ።

ኦሮሜ ኣሳስ 15:13

ኢንቴ ኢዛን ኣማኒዛ ጊሻስ ሂዶታ ጾሲ ኢንቴናን ኡፋይሲኔ ሳሮቴ ኩን፤ ሄሲካ ጺሎ ኣያና ዎልቃ ሂዶታይ ኢንቴስ ዳራናሳ።

ኢሳያሳ ቲንቢቴ 49:13

ሳሎቶ ኢንቴ፥ ኢሊሊ ጊቴ፤ ቢታዬ ኔኒ ኡፋዬታ። ኢንቴኖ ዙማቶ ኡፋይሳን ዬጺቴ፤ ጋሶይካ ጎዳይ ባ ዴራ ሚንስ፤ ሜቶታንቻታስ ቃቴስ።

ኢሳያሳ ቲንቢቴ 35:10

ጎዳይ ማዲዳይቲ ሲማና፤ ኢስቲ ዬጺሼ ጺዮኔ ጌላና፤ ሜርና ኡፋይሳ ካላቻ ማላ ጎጻና፤ ኢንጄኔ ኡፋይስ ዴማና፤ ጬጬይኔ ካዮይ ሄፔ ባቃታና።

ዬ ማጻፋ 65:13

ዴምባታን ዉዴ ሜሄይ ኩሚዴስ፤ ሾባታን ካ ኩሚዴስ፤ ኡባቲካ ኡፋይሳን ኢሊሊሼ ዬጼቴስ።

ኦሮሜ ኣሳስ 5:1

ሂስቲኮ ኑኒ ኣማኖን ጺሊዳ ጊሻስ ኑ ጎዳ ዬሱስ ኪርስቶሳ ባጋራ ኑስ ጾሳራ ሳሮቴ ዴስ።

ኤርማሳ ቲንቢቴ 33:6

«ጊዶ ኣቲን ታኒ ኢዚስ ፓጻቴኔ ፓያቴ ዛራ ኢማና፤ ታ ዴሬዛካ ፓና፤ ታ ኢስታ ዳሮ ሳሮቴኒኔ ዎፓቴን ዎና።

ኢሳያሳ ቲንቢቴ 54:10

ዙማቲ ቃጺኮ፥ ዙምቡላቲ ባ ዲዛሶፔ ኪቺኮካ፥ ኔስ ዲዛ ታ ሲቆይ ቃጼና፤ ኔናራ ታ ጫቂዳ ሳሮቴ ቃላይ ላሌቴና» ጌስ ኔና ማሪዛ ጎዳይ።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ቆላሲያሴ ኣሳስ 1:11

ጎዳይ ባ ጊታ ዎልቃን ባ ሚኖቴ ኡባ ኢንቴስ ኢሞ፤ ዉርሲካ ኢንቴ ዳንዳያና ማላኔ ኡፋይሳን ጊጌቲዳይታ ጊዳና ማላ ኢንቴና ኢዚ ማዶ።

ኤርማሳ ቲንቢቴ 30:19

ኢስታፌ ጋላታ ዬይኔ ኢሊሊሳ ጬንጉርሲ ሲዬታና፤ ታኒ ኢስታ ዳርሳና፤ ኢስታ ቆዳይካ ፓጬና፤ ታኒ ኢስታ ቦንቼቲዳ ዴሬ ኦና፤ ኢስቲ ካቲዳይታ ጊዴቴና።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

ኢሳያሳ ቲንቢቴ 14:8

ሃራይ ኣቲን ዚጋቲካ፥ ሊባኖሴ ጺዳቲካ ኡፋዬቲዳ፤ ኔካ ኩንዳዳሳ፤ ሚ ቃንጺዛዴይካ ሃይሳፌ ጉዬ ካልታ ኑ ቦላ ዴንና።

ሉቃሳ ሚሺራቾ 15:10

ታ ኢንቴስ ዮታይስ፤ ‹ሄሳካ ማሮታን ጌሊዛ ኢሲ ናጋራንቻ ኣሳን ጾሳ ኪታንቻታ ኣቻን ኡፋይስ ጊዳና።›

ኤርማሳ ቲንቢቴ 33:11

ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

ዬ ማጻፋ 47:1

ካዎቴ ኡባይ ኢንቴ ኩሼ ባቂቴ፤ ኢንቴ ቃላ ቁ ኦዲ ጾሳስ ኢሊሊ ጊቴ።

ኦሮሜ ኣሳስ 5:11

ሄሳ ጻላላ ጊዴና፤ ቃሴካ ኑኒ ሃኢ ኢዛራ ጊጋ ዴሚዳ ኑ ጎዳ ዬሱስ ኪርስቶሳ ባጋራ ጾሳንካ ኡፋይስ ኦስ።

ኢሳያሳ ቲንቢቴ 54:13

ኔ ኣቱማ ናይቲ ኡባይ ጎዳፔ ታማርዳይታ ጊዳና፤ ኔ ናይታ ሳሮቴካ ዳራና።

ዬ ማጻፋ 65:12

ሜሄ ሄሚዛሶሆን ጪሊላ ማታይ ኩሚዴስ፤ ዙምቡላቲ ኡፋይሳን ኩሚዳ።

ዬ ማጻፋ 69:34

ሳሎይኔ ሳኣይ፥ ኣባይኔ ኢዛ ጊዶን ዎጺ ቃጺዛ ኡባቲ ጾሳ ጋላቴቶ።

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

ኤርማሳ ቲንቢቴ 29:11

ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና።

ሂዚቄላ ቲንቢቴ 17:24

ዎራ ሚ ኡባይ፥ ኣዱሳ ሚታ ዚቂ ሂስቲዛይ፥ ቃን ሚታ ቁ ሂስቲዛይ ታና ጎዳ ጊዲዳይሳ ኢስቲ ሄ ዎዴ ኤራና፤ ጪሊላ ሚታ ታኒ ሜሊሳይስ፤ ሜላ ሚታ ታኒ ጪሊሊሳይስ› ጌስ። «ታኒ ጎዳይ ሃይሳ ሃሳያዲስ፤ ኢዛካ ኦና» ጊዴስ።