ኢሳያሳ ቲንቢቴ 55:11 - ጋሞ ማጻፋ

¹¹ ታ ዶናፔ ኬዚዛ ቃላይካ ጮ ሃዳ ሃ ታኮ ሲሜና፤ ጊዶ ኣቲን ኢዚ ታኒ ኮዪዳይሳ ኦስ፤ ባ ኪቴቲዳ ዋና ቆፋካ ፖሌስ።

Geeshsha Maxaafa

¹¹ ta doonappe keziza qaalaykka coo hada haa taakko simmenna; gido attiin izi tani koyidayssa ooththees; ba kiitettida waanna qofaakka polees.

ኢሳያሳ ቲንቢቴ 55:11 Referans Kwoze

Maatosa 24:35

ሳሎይኔ ሳኣይ ኣና ሺን ታ ቃላይ ጊዲኮ ሙሌካ ኣና።

ኢሳያሳ ቲንቢቴ 46:10

ዉርሴን ሃናናይሳ ኮይሮታ፥ ቡሮፔ ያናይሳ ቤኒ ዮታዲስ፤ ‹ታ ሃልቾይ ሚኖ፤ ታና ኡፋይሲዛዝ ኡባ ታ ኦና› ጋዲስ።

ኦሮሜ ኣሳስ 10:17

ሄሳ ጊሻስ ኣማኖይ ቤቲዛይ ዮቲዛ ቃላ ሲዬና፤ ዮቴቲዛ ቃላይካ ኪርስቶሳ ጊሻስ ዮቲዛ ቃላፔ።

ዮሃኒሳ ሚሺራቾ 6:63

ኣሳስ ዴኦ ኢሚዛይ ጾሳ ኣያናኮ! ኣሳ ዎልቃይ ቃሴ ኣይኮካ ጎኤና፤ ታ ኢንቴስ ዮቲዳ ቃላይ ዴኦ ኢሚዛ ኣያና።

ኢሳያሳ ቲንቢቴ 45:23

ጉልባቴይ ኡባይ ታ ሲንን ጉልባታና፤ ኢንጻርስ ኡባይካ ታናን ጫቃና፤ ታኒ ታርካ ታ ሁኤን ጫቃዲስ፤ ጉዬ ሲሞንታ ቃላይ ታ ዶናፔ ጺሎቴን ኬዚዴስ።

1ቆሮንቶሴ ኣሳስ 1:18

ማስቃሌዛ ኪታይ ያና ዲዛይታስ ኤያቴ፤ ጊዶ ኣቲን ኣታና ዲዛ ኑስ ጊዲኮ ጾሳ ዎልቃ።

1ታሶሎንቄ ኣሳስ 2:13

ኢንቴ ኑፔ ሲዪዳ ጾሳ ቃላ ኤኪዳ ዎዴ ኣማኒዛ ኢንቴ ኣቻን ቱሙ ኦዛ ጾሳ ቃላ ማላ ኤኪዴታ ኣቲን ጮ ኣሳ ቃላ ማላ ኢንቴ ኤኮንታ ኣጊዳ ጊሻስ ኑኒ ጾሳ ቃንጾይ ባይንዳ ጋላቶስ።

1ጴጽሮሳ ኪታ 1:23

ኢንቴ ናምኣን ዬሌቲዳይ ሜርናስ ሚኒ ዲዛ ዮንታ ዴኦ ጾሳ ቃላን ዮንታ ዜሬፌ ኣቲን ይዛ ዜሬፌ ጊዴና።

ያቆቤ ኪታ 1:18

ኑ ኢዛ ሜቴስ ኮይሮ ባይራታ ጊዳና ማላ ባ ሼኔኒኔ ባ ቱማ ቃላን ኑና ዬሊዴስ።

Ibirawe 6:7

ኡባ ዎዴ ኢራ ኡዪዛ ቢታያ ቃሴካ ኢዛ ጎዪዛዴስ ኣይፌ ኢሚዛ ቢታያ ጾሳ ኣቻን ኣንጄታዱስ።

ኢሳያሳ ቲንቢቴ 54:9

«ሃይሲ ታስ ኖሄ ዎዴ ሃ ቢታ ዛሪ ይሶንታ ማላ ታ ጫቆይሳ ሃኢካ ኔ ቦላ ዛራዳ ሃንቄቶንታ ማላኔ ሴሮንታ ማላ ታ ጫቃዲስ።

ዛሬ ማጻፋ 32:2

ታ ኢሚዛ ቲሚርቴይ ኢራ ማላ ቡኮ፤ ታ ሃሳያይካ ጻዛ ማላ ጾኬቶ፤ ማታ ቦላ ሎዲ ጊ ቡኪዛ ኢራ ማላ ቡኮ፤ ካ ጫሬቻ ቦላ ፑሴ ማላ ዎ።

ታይቦ ማጻፋ 23:19

ጾሲ ኣሳ ማላ ዎርዶቴና፤ ኢዛ ቆፋይ ኣሳ ቆፋ ማላ ላሜቴና፤ ኢዚ ባ ኢሚዳ ሂዶታ ኡባ ፖሌስ፤ ኢዚ ባ ዮቲዳ ኡባ ኦስ።

ኢሳያሳ ቲንቢቴ 40:8

ማታይ ሜሌስ፤ ጪሻይካ ቆኬስ፤ ጊዶ ኣቲን ኑ ጾሳ ቃላይ ሜርናስ ሚኒ ዴስ» ጋዳ ዋሳ ጊዴስ።

ኢሳያሳ ቲንቢቴ 53:10

«ኢዛ ሊቄኔ ዋዬዚ ጎዳ ሼኔ ጊዲዴስ፤ ጎዳይ ኢዛ ሼምፖ ናጋራ ያርሾ ኦኮካ ኢዚ ባ ዜሬ ቤኣና፤ ጎዳ ሼኔይ ኢዛ ኩሼን ፖሌታና።

ኢሳያሳ ቲንቢቴ 59:21

ቃሴካ ጎዳይ፥ «ታ ባጋራ ታሲኔ ኢስታስ ዲዛ ጫቆ ቃላይ ሃይሳ፤ ኢንቴ ቦላ ዲዛ ታ ኣያናይኔ ታኒ ኢንቴ ዶናን ዎዳ ታ ቃላይ ሃቺፌ ዶሚዲ ሜርና ጋካናስ፥ ኢንቴ ዶናፔ፥ ኢንቴ ናይታ ዶናፔኔ ኢንቴ ዜሬ ዶናፔ ሻኬቴና» ጌስ።

ኤርማሳ ቲንቢቴ 23:20

ኢዛ ዎዚና ቆፋ ሙሌራ ፖሎንታ ዲሼ ኢዛ ሃንቆይ ጮ ሃዳ ሲሜና፤ ጉዬፔ ዪዛ ላይታን ሃይሳ ቆንጬን ኢንቴ ኤራና።

ሂዚቄላ ቲንቢቴ 24:14

« ‹ታኒ ጎዳይ ሃይሳ ዮታዲስ፤ ታ ኦናስ ዎዴይ ጋኪዴስ፤ ታ ጉዬ ጊኬ፤ ቃቲኬኔ ሲኬ፤ ኔ ኦጌ ማላኔ ኔ ኦሶ ማላ ኔ ቦላ ፒርዴታና› ጌስ» ጊዴስ።

ኣሞጼ ቲንቢቴ 6:11

ጎዳ ኣዛዞን ዎጋ ኬቲ ላሌታና፤ ጉ ኬቲካ ላሌቲ ኣታና።

1ሳሜላ ማጻፋ 3:19

ሳሜሊ ዲጪ ዲጪ ቢዴስ፤ ጎዳይ ኢዛራ ዲዛ ጊሻስ ኢዚ ዮቲዛ ቃላፔ ኢሲናካ ሳኣን ኩንዳ ኤሩኩ።

ኤርማሳ ቲንቢቴ 1:11

ጎዳ ቃላይ ታኮ ዪዲ፥ «ኤርማሳ! ኔ ኣይ ቤኣይ?» ጊ ኦይቺዴስ። ታኒካ፥ «ኦቾሎኔ ሃጋ ቤኣይስ» ጋዲስ።

ኤርማሳ ቲንቢቴ 1:12

ጎዳይ ታና፥ «ኔኒ ሊኬ ቤኣዳሳ። ታኒካ ታ ቃላይ ፖሌታናይሳ ቲሺ ሂስታ ቤኣይስ» ጊዴስ።

ኤርማሳ ቲንቢቴ 1:13

ጎዳ ቃላይ ቃሴካ ታኮ ዪዲ፥ «ሃራይ ኣዚ ኔስ ቤቲዜ?» ጊ ኦይቺዴስ። ታኒካ ዛራዳ፥ «ኢሲ ፔንቲዛ ኦቶይ ፑዴሃ ባጋፌ ሃ ጌዲ ጊ ኡቲዳይሲ ቤቴስ» ጋዲስ።

ኤርማሳ ቲንቢቴ 25:13

ታኒ ሄ ቢታ ቦላ ሃሳይዳይሳ ኡባ፥ ሃ ማጻፋዛን ጻፌቲዳይሳ፥ ኤርማሲ ካዎቴታ ኡባ ቦላ ዮቲዳ ቲንቢቴታ ኤሃና።

ዛካራሳ ቲንቢቴ 1:6

ጊዶ ኣቲን ታኒ ታ ናቤታ ባጋራ ዮቲዳ ቃላቲኔ ዎጋቲ ኢንቴ ኣዋታ ቦላ ጋኪቤቴኔ? ‹ኢስቲካ ማሮቴን ጌልሼ ኡባፌ ዎልቃማ ጎዳይ ባ ኮዪዳ ማላ ኑ ኦሶ ማላኔ ኑ ኦጌ ማላ ኑስ ቤሲዛዝ ኑ ቦላ ኦዴስ› » ጊዳ።