ኢሳያሳ ቲንቢቴ 54:13 - ጋሞ ማጻፋ

¹³ ኔ ኣቱማ ናይቲ ኡባይ ጎዳፔ ታማርዳይታ ጊዳና፤ ኔ ናይታ ሳሮቴካ ዳራና።

Geeshsha Maxaafa

¹³ Ne attuma nayti ubbay GODAAPPE tamaardayta gidana; ne nayta saroteththika darana.

ኢሳያሳ ቲንቢቴ 54:13 Referans Kwoze

ዮሃኒሳ ሚሺራቾ 6:45

ናቤታ ማጻፋታን ኣሳይ ዉሪ ጾሳፌ ታማርዳዴ ጊዳና ጌቴቲ ጻፌቲዴስ። ሄሳ ጊሻስ ኣዋፔ ሲዪዲ ታማርዳ ኣሲ ዉሪ ታኮ ያና።

ፒሊጲሲዮሴ ኣሳስ 4:7

ኣሳ ቆፋፔ ቦላራ ዲዛ ጾሳ ሳሮቴ ኢንቴ ዎዚናኔ ኢንቴ ቆፋ ዉርሲ ዬሱስ ኪርስቶሳን ናጌስ።

ዬ ማጻፋ 119:165

ኔ ዎጋ ሲቂዛይታስ ዳሮ ሳሮቴ ዴስ፤ ኢስታ ጲዛ ሚሺ ዴና።

ኤርማሳ ቲንቢቴ 31:34

ሃይሳፌ ጉዬ ኦኒካ ባ ላጌ ዎይኮ ባ ኢሻ፥ ‹ጎዳ ኤራ› ጊዲ ታማርሴና፤ ጋሶይካ ጉፌ ዶሚዲ ጊታ ጋካናስ ኢስቲ ኡባይ ታና ኤራና፤ ታኒካ ኢስታ ቆሆ ኣቶ ጋና፤ ኢስታ ናጋራካ ናምኣን ዛራ ቆፒኬ» ጌስ ጎዳይ።

Ibirawe 8:10

«ሄሳፌ ጉዬ ኢስራኤሌ ኣሳራ ታ ጫቄታና ቃላይ ሃይሳ ማላ ጌስ ጎዳይ። ታኒ ታ ዎጋ ኢስታ ዎዚናን ዎና፤ ኢስታ ዎዚና ቦላካ ጻፋና። ታ ኢስታ ጾስ ጊዳና፤ ኢስቲካ ታ ዴሬ ጊዳና።

ጋላቲያ ኣሳስ 5:22

ኣያና ኣይፌይ ጊዲኮ ሲቆ፥ ኡፋይስ፥ ሳሮቴ፥ ዳንዳያ፥ ኪያቴ፥ ሎኤቴ፥ ኣማኔቴ፥

ኦሮሜ ኣሳስ 15:13

ኢንቴ ኢዛን ኣማኒዛ ጊሻስ ሂዶታ ጾሲ ኢንቴናን ኡፋይሲኔ ሳሮቴ ኩን፤ ሄሲካ ጺሎ ኣያና ዎልቃ ሂዶታይ ኢንቴስ ዳራናሳ።

ዮሃኒሳ ሚሺራቾ 16:33

ታ ሃይሳ ኢንቴስ ዮቲዛይ ኢንቴ ታናን ዴኢን ኢንቴስ ሳሮቴ ዳና ማላ ጋዳ ዮታይስ። ኢንቴ ሃ ኣላሜን ዲሺን ኢንቴስ ዋዬይ ዴስ፤ ጊዶ ኣቲን ኣይኮይ ባ፤ ታ ኣላሜ ጾናዲስ» ጊዴስ።

ኢሳያሳ ቲንቢቴ 26:3

ኔናን ኣማኔቲዳ ጊሻስ ኔናን ዜምፒዳ ሼምፖዮ ኔኒ ኩሜ ሳሮቴን ናጋሳ።

ኦሮሜ ኣሳስ 5:1

ሂስቲኮ ኑኒ ኣማኖን ጺሊዳ ጊሻስ ኑ ጎዳ ዬሱስ ኪርስቶሳ ባጋራ ኑስ ጾሳራ ሳሮቴ ዴስ።

1ዮሃኒሳ ኪታ 2:27

ኢንቴ ቃሴ ኢዛፔ ኤኪዳ ጺሎ ኣያናይ ኢንቴናን ዲዛ ጊሻስ ሃራይ ኦኒካ ኢንቴና ታማርሳናስ ቤሴና፤ ኢዚ ኢንቴና ታማርሳናይሲ ቱማ ኣቲን ዎርዶ ጊዴና፤ ሄሳ ጊሻስ ጺሎ ኣያናይ ኢንቴና ታማርሲዳ ማላ ኪርስቶሳን ዴኢቴ።

ሉቃሳ ሚሺራቾ 24:45

ሄ ዎዴ ጌሻ ማጻፋታ ኢስቲ ኤራና ማላ ዎዚና ኢስታስ ዶይዴስ።

ኦሮሜ ኣሳስ 14:17

ጾሳ ካዎቴ ጺሎ ኣያናን ቤቲዳ ጺሎቴ፥ ሳሮቴኔ ኡፋይሳፌ ኣቲን ሙሳ ዮኦኔ ኡሻ ዮኦ ጊዴና።

ሂዚቄላ ቲንቢቴ 34:28

ሄሳፌ ጉዬ ሃራ ካዎቴቲ ኢስታ ቦንቄቴና፤ ዎራ ዶኣቲካ ኢስታ ፑዜቴና፤ ኢስቲ ሳሮን ዳና፤ ኢስታ ባቢሳና ሚሺ ዴና

Maatosa 16:17

ዬሱሲ፥ «ዮና ና ሲሞና! ኔኒ ኣንጄቲዳዴ! ኔስ ሃይሳ ቆንጪሲዳይ ሳሎን ዲዛ ታ ኣዋፔ ኣቲን ኣሾኔ ሱ ጊዴና።

ኢሳያሳ ቲንቢቴ 48:18

ኔኒ ታ ኣዛዞ ሲዪዳ ጊዲዳኮ፥ ኔስ ሳሮቴ ሻፋ ማላ፥ ኔስ ጺሎቴካ ኣባ ዳምባላ ማላ ጊዳናሺን።

1ዮሃኒሳ ኪታ 2:20

ኢንቴና ቃሴ ኪርስቶሲ ጺሎ ኣያናን ቲይዴስ፤ ሄሳ ጊሻስ ኢንቴ ዉሪካ ቱማ ኤሬታ።

1ታሶሎንቄ ኣሳስ 4:9

ኢሻታ ሲቆቴ ጊሻስ ኢንቴስ ኦኒካ ጻፋናስ ኮሼና፤ ጋሶይካ ኢንቴ ኢንቴ ጊዶን ሲቄታና ማላ ኢንቴ ኢንቴ ባጋራ ጾሳፌ ታማርዴታ።

1ቆሮንቶሴ ኣሳስ 2:10

ጾሲ ጊዲኮ ሄሳ ባ ኣያና ባጋራ ኑስ ቆንጪሲዴስ፤ ኣያናይካ ጾሳስ ዲዛ ጪማ ዮኦ ኣሾንታ ኡባ ፒልጊ ጼሌስ።

ሂዚቄላ ቲንቢቴ 37:26

ታኒ ኢስታራ ሳሮቴ ጫቆ ቃላ ጌላና፤ ሄ ጫቆ ቃላይካ ሜርናስ ጊዳና። ታኒ ኢስታ ሚንና፤ ጮሪሳና፤ ታ ኬካ ኢስታ ጊዶን ሜርናስ ዎና።

ኤርማሳ ቲንቢቴ 33:6

«ጊዶ ኣቲን ታኒ ኢዚስ ፓጻቴኔ ፓያቴ ዛራ ኢማና፤ ታ ዴሬዛካ ፓና፤ ታ ኢስታ ዳሮ ሳሮቴኒኔ ዎፓቴን ዎና።

ኢሳያሳ ቲንቢቴ 11:9

ጌሺ ጊዲዳ ታ ዙማ ቦላ ቆሄቴና ዎይኮ ኦኒካ ዬና፤ ሃ ኣባ ኩሚዛ ማላ ሳኣ ኡባይ ጎዳ ኤሮን ኩማና።

ዬ ማጻፋ 71:17

ኣቤት ጾሳዉ! ኔኒ ታና ዬላጋቴፌ ዶማዳ ታማርሳዳሳ፤ ታኒካ ሃኖ ጋካናዉ ማላሊሲዛ ኔ ኦሶዛ ኣዋጃይስ።

ኢሳያሳ ቲንቢቴ 55:12

ኢንቴ ኡፋይሳን ኬዛና፤ ሳሮን ሞይዜታና። ዙማቲኔ ዙምቡላቲ ኢንቴ ሲንን ኢሊሊሳራ ዬጻና፤ ዴምባን ዲዛ ሚቲ ኡባይካ ባንታ ኩሼ ባቃና።

ኤፌሶኔ ኣሳስ 4:21

ኤ ቱሙካ ኢንቴ ኢዛ ጊሻስ ሲዪዴታኔ ዬሱሳን ዲዛ ቱማ ኢዛፔ ታማርዴታ።

ሂዚቄላ ቲንቢቴ 34:25

« ‹ታኒ ኢስታራ ሳሮቴ ጫቆ ቃላ ጌላና፤ ሄሳፌ ጉዬ ታኒ ኢስታ ዎራ ዶኣታፔ ሼምፒሳና፤ ኢስቲካ ባዞ ቢታን ሳሮን ዴኣና፤ ዎራ ጊዶንካ ዎፓን ኢቻና።

ኢሳያሳ ቲንቢቴ 2:3

ዳሮ ኣሳይ ዪዲ፥ «ዎጋይ ጺዮኔፔ፥ ጎዳ ቃላይ ዬሩሳላሜፔ ኬዚዛ ጊሻስ ሃ ዪቴ! ጎዳ ዙማ፥ ያቆቤ ጾሳ ኬ ኣኔ ፑዴ ኬዞስ። ኢዚ ኮይዛይሳ ኑኒ ባና ማላ ኢዚ ኑና ባ ኦጌ ታማርሳና» ጋና።

ሆሴኤ ቲንቢቴ 2:18

ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ሃዋሬታ ኦሶ 2:39

ኡፋይሳ ቃላይ ኢንቴሲኔ ኢንቴ ናይታሳ፤ ቃሴካ ጎዳ ጾሲ ባኮ ጼይጊዛ ሃሆን ዲዛይታሳራ ኡባሳ» ጊዴስ።

Ibirawe 8:11

ሃይሳፌ ጉዬ ኣሲ ባ ጉታ ኣሳ ዎይኮ ባ ኢሻ፥ ‹ኔ ጎዳ ኤራ› ጊ ታማርሴና። ጋሶይካ ኣሲ ጉፌ ጊታታ ጋካናስ ዉሪካ ታና ኤራና።

ዬ ማጻፋ 147:14

ኢዚ ኔ ዛዋ ሳሮቴን ናጌስ፤ ኔና ኬሂፔ ሎኢዛ ጊስቴ ካልሴስ።

ኢሳያሳ ቲንቢቴ 28:9

ኢስቲ፥ «ኢዚ ኦና ታማርሲዜ? ኪታካ ኦስ ቆንጪሲዜ? ማ ኣጊዳ ናይታሴዬ ን ዱሶ ናይታሴ?

ኢሳያሳ ቲንቢቴ 29:24

ኣያናን ባሊዳይቲ ሲሚዲ ኣኬካና፤ ዙዙሚዛይቲካ ቲሚርቴ ኤካና» ጌስ።

ኢሳያሳ ቲንቢቴ 50:4

ኡባ ሃሪዛ ጎዳይ ታስ ኢንጻርሳ ኤራቴ ኢሚዴስ፤ ሄሳ ጊሻስ ዳቡራንቻታስ ታ ኣይ ጋና ቤሲዛኮ ታ ኤራይስ፤ ማላዶ ማላዶ ታና ቤጎስ፤ ታማርሼ ዲዛ ታማሬ ማላ ሲያናስ ታ ሃይ ዶዬስ።

ኢሳያሳ ቲንቢቴ 54:12

ታኒ ኔ ቁስቴ ዞኦ ኢንቁን፥ ኔ ፔንጌታ ጾልቂዛ ኢንቁታን፥ ኔ ዲርሳታ ቦንቼቲዳ ሹቻታን ኦና።

ኢሳያሳ ቲንቢቴ 66:12

ጎዳይ፥ «ቤኢቴ፥ ታኒ ኢዚስ ሳሮቴ ጊታ ሻፋ ማላ ጎጊሳና፤ ካዎቴታ ኣቆታ ሻፋ ሃ ማላ ጎጊሳና ኢንቴ ኢዚ ኪኦን ኢዲሜቲ ማና፤ ኢዚ ኪኦን ኡቲዲ ኢንቴ ጉፓና።

ሚኪያሳ ቲንቢቴ 4:2

ዳሮ ካዎቴቲ ኢዛኮ ዪዲ፥ «ጾሳ ዙማኮ ሃ ዪቴ፤ ያቆቤ ጎዳኮ ኣኔ ቦስ፤ ኑ ኢዛ ኦጌራ ባና ማላ ኑና ኢዚ ባ ኦጌ ታማርሳና» ጊዳ፤ ዎጋይ ጺዮኔፔ፥ ጾሳ ቃላይ ቃሴ ዬሩሳላሜፔ ያና።

ዛካራሳ ቲንቢቴ 10:7

ኤፍሬሜ ኣሳይ ዎልቃማ ኣሳ ማላ ጊዳና፤ ኢስታ ዎዚናይ ዎይኔ ኡሹ ኡዪዳ ኣሳ ማላ ኡፋዬታና፤ ኢስታ ናይቲ ኢስታ ቤያናኔ ኡፋዬታና፤ ኢስቲካ ጎዳን ኡፋዬታና።

ዬ ማጻፋ 119:33

ኣቤት ጎዳዉ! ኔ ኣዋጃታ ታና ታማርሳ፤ ታኒ ዉርሴ ጋካናስ ኢዛ ናጋና።