ኢሳያሳ ቲንቢቴ 52:2 - ጋሞ ማጻፋ

² ሃኔ ዬሩሳላሜ፥ ዴንዳ፤ ጉዱላ ፒታ፤ ኔ ኣራታን ኡታ። ዲኤቲዳ ጺዮኔ ናዬ፥ ኔ ቆን ቃሼቲዳ ሳንሳላታ ኬሳ ዬጋ።

Geeshsha Maxaafa

² Hanne Yerusalaame, denda; gudullaa pitta; ne araatan utta. Di7ettida Xiyoone nayee, ne qoodhen qashettida sansalata kessa yegga.

ኢሳያሳ ቲንቢቴ 52:2 Referans Kwoze

ሉቃሳ ሚሺራቾ 4:18

«ጎዳ ኣያናይ ታ ቦላ ዴስ፤ ማንቆታስ ሚሺራቾ ቃላ ዮታና ማላ ታና ቲይዴስ፤ ቃሼቲዳይታስ ቢርሼቴ፥ ቆቄቲ ጼላና ኦጌ ታ ኣዋጃና ማላ፥ ሜቶቴቲዳይታ ኣሻና ማላ፥ ዶሴቲዳ ጎዳ ላይ ኣዋጃ ታ ዮታና ማላ ታና ኪቲዴስ» ጊዛሶ ዴሚ ናባቢዴስ።

ኤርማሳ ቲንቢቴ 51:50

ኢንቴኖ ማሻፌ ኬሲ ኤኪ ኣቲዳይቶ! ቢቴ፤ ሃይሳን ታኮፍቴ፤ ሃኮ ቢታን ዲዛይቶ ጎዳ ኣኬኪቴ፤ ዬሩሳላሜካ ቆፒቴ።

ኤርማሳ ቲንቢቴ 51:45

ታ ዴሬቶ! ኢዚፔ ኬዚቴ፤ ኢንቴ ሼምፖ ኣሺቴ፤ ያሺዛ ጎዳ ሃንቆፌ ኬሲ ኤኪ ኣቲቴ።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኢሳያሳ ቲንቢቴ 51:14

ቃሼቲዳይቲ ኤሶን ቢርሼታና፤ ኢስቲ ባ ቃሼቲዳ ኦላ ጊዶን ሃይቄቴና፤ ካ ኢስታስ ፓጬና።

ዮሃኒሳ ኣጁታ 18:4

ቃሴካ ሃራ ቃላይ ሳሎፔ፥ «ታ ዴሬቶ! ኢንቴ ኢዚራ ኢዚ ናጋራን ዙፔቶንታ ማላኔ ኢዞ ጋኪዛ ቦሻ ኢንቴ ኢዚራ ጊሼቲ ኤኮንታ ማላ ኢዚፔ ሻኬቲ ኬዚቴ።

ዛካራሳ ቲንቢቴ 2:6

ጎዳይ ባ ዴራ፥ «ታ ካሴ ኢንቴና ኦይዱ ባጋ ላላዲስ፤ ሃኢ ጊዲኮ ፑዴሃ ባጋፌ ባቃቲ ኬዚቴ፤ ሃ ዪቴ።

ሉቃሳ ሚሺራቾ 21:24

ባጋ ኣሳይ ማሻን ሃይቃና፤ ባ ዴሬፔ ሃራ ዴሬ ዲኤታና፤ ዬሩሳላሜይካ ጾስ ኤሮንታ ዴሬታ ዎዴይ ፖሌታና ጋካናስ፥ ጾስ ኤሮንታ ኣሳታን ዬቲዳሮ ጊዳና።

ኢሳያሳ ቲንቢቴ 29:4

ኔኒ ዱጌ ዎና፤ ቢታ ጋርሳፌ ፑዴ ሃሳያና፤ ኔ ሃሳያይ ጉዱላ ጊዶፌ ኬዛና፤ ኔ ጬንጉርሲ ሞይቲሌ ጬንጉርሳ ማላ ቢታ ጋርሳፌ ፑዴ ኬዛና፤ ኔ ሃሳያይካ ጉዱላ ጊዶፌ ሳሱኬታና።

ኢሳያሳ ቲንቢቴ 3:26

ጺዮኔ ፔንጌቲ ካሎ ጋዴን ዎ ኡታዳ ዬኪዛ ማጫሳ ማላ ዬካናኔ ዚላላና።

ኢሳያሳ ቲንቢቴ 51:23

ታኒ ሄሳ ኔና ኡንኤዛይታ ኩሼን ዎና። ኢስቲ ኔና፥ ‹ኑኒ ኔ ቦላራ ሄሜቲዲ ኣና ማላ ዛቁላ› ጊዳ። ሂስቲን ኢስቲ ኣና ጋካናስ ኔ ዞኮ ኢስታስ ቢታ ማላኔ ኦጌ ማላ ኦዳሳ» ጌስ።

ኢሳያሳ ቲንቢቴ 49:21

ኔኒ ኔ ዎዚናን፥ ‹ሃይታ ታስ ዬሊዳይ ኦኔ? ታኒ ጬጪዛዴኔ ማይኔ፤ ታኒ ጎዴቲዳዴኔ ኢጼቲዳዴ ጊዳ ዲሺን ሃይታንታ ዲቺዳይ ኦኔ? ታኒ ታርካ ኣታዲስ ሺን ሂስቲን ሃይታንቲ ኣዋፔ ዪዶ?› ጋሳ» ጌስ።

ኤርማሳ ቲንቢቴ 51:6

«ባቢሎኔፔ ባቃቲ ኬዚቴ! ኤሌሊዲ ኢንቴ ሼምፖ ኣሺቴ፤ ኢዚ ናጋራ ጋሶን ዮፒቴ፤ ሃይሲ ጎዳይ ሃሎ ኬሲዛ ዎዴ ኢዚ ኦሶ ማላ ኢዚስ ኢማና።

ኢሳያሳ ቲንቢቴ 9:4

ካሴ ኔኒ ሚዲያሜ ቢታ ጾኒዳ ማላ ኢስታ ዴጺዛ ቃምባራ፥ ኢስታ ሃሼ ቦላ ዎዳ ዱርቃኔ ኢስታ ዋዪሲ ሃሪዳ ጉፌ ሜንዳሳ።

ኢሳያሳ ቲንቢቴ 10:27

ሄ ጋላስ ኢስታ ቶሆይ ኔ ሃሼፔ፥ ኢስታ ቃምባራይ ኔ ሞርጌፌ ኪቻና፤ ኔ ኦርዴቴፌ ዴንዲዳይሳን ኢዛ ቃምባራይ ሜቃና» ጌስ።

ኢሳያሳ ቲንቢቴ 14:25

ታኒ ኣሶሬ ታ ቢታ ቦላ ሊቂሳና፤ ታኒ ኢዛ ታ ዙማ ቦላ ዬና፤ ኢዛ ቃምባራይ ታ ዴሬዛ ቦላፌ ዴንዳና፤ ኢዛ ቶሆይካ ኢስታ ሃሼፔ ኪቻና» ጊ ጫቂዴስ።

ኢሳያሳ ቲንቢቴ 60:1

ጎዳይ፥ «ኔ ፖኦይ ዪዳ ጊሻስ ዴንዳዳ ፖኢሳ፤ ጎዳ ቦንቾይ ኔ ቦላ ፖኢዴስ።

ሂዚቄላ ቲንቢቴ 34:27

ጋዴን ዲዛ ሚቲ ኣይፌ ኢማና፤ ቢታይካ ካ ሞይዛና፤ ኣስ ኡባይ ባ ቢታ ቦላ ሳሮን ዳና። ታ ኢስታ ቃምባራ ሜንዳ ኢስታ ኣይሌቴን ሃሪዳይታ ኩሼፔ ዎዚዛ ዎዴ ታኒ ጎዳ ጊዲዳይሳ ኢስቲ ኤራና።

ዛካራሳ ቲንቢቴ 2:7

ሃኔ ጺዮኔ ሃ ያ፤ ባቢሎኔ ማጫ ናይታራ ዴኢዛሬ ኢስታ ጊዶፌ ባቃታ።