ኢሳያሳ ቲንቢቴ 51:12 - ጋሞ ማጻፋ

¹² ጎዳይ፥ «ኢንቴና ሚንዛይ ታኒ ጻላ ኢዛ፤ ሃይቂዛ ኣሳ ዜሬ፥ ማታ ማላ ሹሊዛ ኣሳ ናስ ኣይስ ባባይ?

Geeshsha Maxaafa

¹² GODAY, «Inttena minththizay Tani xalla Iza; hayqqiza asa zereth, maata mala shulliza asa naas ays babbay?

ኢሳያሳ ቲንቢቴ 51:12 Referans Kwoze

ዬ ማጻፋ 118:6

ጎዳይ ታናራ ዲዛ ጊሻስ ታኒ ያዪኬ። ኣሲ ታና ኣይ ኦኔ?

1ጴጽሮሳ ኪታ 1:24

ጌሻ ማጻፋይ ጊዛ ማላ፥ «ኣሾ ማይኢዳይ ዉሪካ ማታ ማላ፤ ኢዛ ቦንቾይካ ዉሪካ ዎራ ጪሻ ማላ፤ ማታይካ ሜሌስ፤ ጪሻይካ ቆኬስ።

ኢሳያሳ ቲንቢቴ 2:22

ሼምፖይ ሲራ ኬዚን ኣሃ ጊዲዛ ኣሳን ኣማኔቶፍቴ፤ ኣሲ ኣይ ማዳኔ?

ዮሃኒሳ ሚሺራቾ 14:18

«ኣዋይኔ ኣያ ባይንዳ ናይታ ማላ ታ ኢንቴና ጻላ ኣጊኬ፤ ታ ሲማዳ ሃ ኢንቴኮ ያና።

ኢሳያሳ ቲንቢቴ 66:13

ኣያ ባ ና ኣልኢሲዛ ማላ ታካ ኢንቴና ኣልኢሳና፤ ኢንቴ ዬሩሳላሜን ሚኔታና» ጌስ።

Maatosa 10:28

ኣሾ ዎኮፌ ኣቲን ሼምፖ ዎናስ ዳንዳዮንታይታስ ባቦፍቴ፤ ሄሳፌ ኣሾኔ ሼምፖ ጋ ጋናሜ ታማን ይሳናስ ዳንዳይዛይሳስ ባቢቴ።

ኢሳያሳ ቲንቢቴ 51:3

«ጎዳይ ጺዮኖ ቱሙ ሚንና፤ ኢዚ ላሌቴ ቃታን ጼላና፤ ኢዚ ባዞ ቢታዛ ኤዴኔ ማላ፥ ኢዚ ባዞ ቢታዛ ጎዳ ኣታኪልቴሶሆ ማላ ኦና፤ ኢሻሎይኔ ኡፋይሲ፥ ጋላታይኔ ዬ ጬንጉርሲ ኢዚን ሴቴታና።

ኢሳያሳ ቲንቢቴ 43:25

«ታ ጊሻስ ጋዳ ኔ ቆሆዛ ይሲዛይ ታኒ ታና፤ ኔ ናጋራ ታ ቆፒኬ።

ሌሚሶ ማጻፋ 29:26

ዳሮቲ ዴሬ ሃሪዛይታ ሲንን ኤሬታና ኮዬቴስ፤ ጊዶ ኣቲን ኣሳስ ሱሬ ፒርዳይ ጎዳ ኣቻፌ ቤቴስ።

ዬ ማጻፋ 146:4

ኢስታ ሼምፖይ ኬዚዛ ዎዴ ኢስቲ ቢታን ሲማና፤ ኢስታ ሃልቾይ ኡባይ ሄ ጋላስ ኣታና።

ዬ ማጻፋ 92:7

ኢታቲ ማታ ማላ ዲጪኮካ፥ ጌኔ ኦዛ ኡባቲ ጪይኮካ ኢስቲ ሜርናስ ያና።

ሃዋሬታ ኦሶ 9:31

ሄ ዎዴ ዩሁዳኒኔ ጋሊላን፥ ሳማሪያንካ ዲዛ ኣማኒዛይቲ ሳሮን ዲዲ ካሴፔ ሚኒዳ፤ ቃሴካ ጾሳ ያሻቴን ሲሜሬቲሼ ጺሎ ኣያናን ሚኔቲዳኔ ካሴፔ ቆዳን ዳሪ ዳሪ ቢዳ።

1ሳሜላ ማጻፋ 15:24

ሄሳፌ ጉዬ ሳኦሊ ሳሜላስ፥ «ታኒ ናጋራ ኦዲስ፤ ጎዳ ኣዛዞኔ ኔ ኢሚዳ ዎጋ ሞራዲስ፤ ታኒ ዴራስ ያዪዳ ጊሻስ ኢስታስ ኣዛዜታዲስ።

2ካዎታ ማጻፋ 1:15

ጎዳ ኪታንቻዚ ኤላሳ፥ «ኔኒ ኢዛራ ዱጌ ዎ፤ ኢዛስካ ባቦፋ!» ጊዴስ። ሄሳ ጊሻስ ኤላሲ ኢዛራ ኢሲፌ ካዎዛኮ ዱጌ ዎዴስ።

ኢሳያሳ ቲንቢቴ 40:1

ኢንቴ ጾሳይ፥ «ሚንቴ! ታ ዴሬዛ ሚንቴ!

ኢሳያሳ ቲንቢቴ 49:13

ሳሎቶ ኢንቴ፥ ኢሊሊ ጊቴ፤ ቢታዬ ኔኒ ኡፋዬታ። ኢንቴኖ ዙማቶ ኡፋይሳን ዬጺቴ፤ ጋሶይካ ጎዳይ ባ ዴራ ሚንስ፤ ሜቶታንቻታስ ቃቴስ።

ኢሳያሳ ቲንቢቴ 57:11

«ኔኒ ታስ ዎርዶቲዳይ፥ ኦናስ ያያዳ? ኦናስ ሂርጋዳ? ኔ ታና ቆፖንታ ኣጊዳይ፥ ሃይሳካ ኔ ዎዚናን ቁምኦንታ ኣጊዳይ፥ ታስ ኔ ያዮንታ ኢጺዳይ፥ ታኒ ጮኡ ጊዳ ጊሻስ ጊዴኔ?

ኤርማሳ ቲንቢቴ 38:19

ቃሴካ ካዎ ሴዴቂያሲ ኤርማሳስ፥ «ባቢሎኔ ባቃቲ ቢዳ ኣይሁዳቲ ታ ቦላ ቂ ካኦንታ ማላ ታና ኢስታ ኩሼን ኣ ኢማናኮ ጋዳ ባባይስ» ጊዴስ።

ኤርማሳ ቲንቢቴ 41:18

ኢስቲ ጊብጼ ቢዳይ ባቢሎኔ ኣሳፔ ኬሲ ኤኪ ኣታናሳ፤ ናታኒያ ና ኢስማኤሌይ ባቢሎኔ ካዎይ ቢታዮ ሃራና ማላ ሹሚ ዎዳ ኣኪቃሜ ና ጎዶሊያሳ ዎዳ ጊሻስ ኢስቲ ባቢሎኔታስ ባቢዳ።

ሂዚቄላ ቲንቢቴ 2:6

ሃይሶ ኣሳ ናዉ! ኢስታስ ዎይኮ ኢስታ ቃላስ ባቦፋ! ኣጉንኔ ኪንዲቾይ ኔ ዩሾን ዲኮካ ቃሴ ማሲማሶታ ጊዶን ኔ ኡቲኮካ ባቦፋ። ኢስቲ ማካላንቻ ዛሬ ጊዲኮካ ኢስቲ ኔና ጊዛይሳስ ባቦፋ፤ ኢስታስ ዳጋሞፋ።

1ሳሜላ ማጻፋ 17:11

ሳኦሊኔ ኢስራኤሌ ኣሳይ ኡባይ ሃ ፊሊስጼሜ ኣዴዚ ሃሳይዳ ቃላ ሲዪዲ ኬሂ ባቢዳኔ ዳጋሚዳ።

1ሳሜላ ማጻፋ 21:13

ሄሳ ጊሻስ ኢስታ ሲንን ዎዚናይ ባቄቲዳ ኣሳ ማላ ጊዲዴስ፤ ኢስቲ ኢዛ ኦይኪዳ ማላ ካታማይ ፔንጌ ኢቢ ቃጬሬሼ ቡቻ ቦላራ ባ ሳሶ ጎጊሲሼ ጎሻ ኣሳ ማላ ጊዲዴስ።

ኢሳያሳ ቲንቢቴ 8:12

«ሃይሲ ኣሳይ፥ ‹ኢታ ማቆ› ጊ ጼይጊዛ ሚሽ ኢንቴ ኣይኮካ፥ ‹ኢታ ማቆ› ጎፒቴ፤ ኢስቲ ባቢዛይሳስ ኢንቴ ባቦፍቴ፤ ኢዛስ ያርኪያርኮፍቴ።

ኢሳያሳ ቲንቢቴ 12:2

‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ኢሳያሳ ቲንቢቴ 52:9

ኢንቴኖ ዬሩሳላሜን ቆሌቲዳ ሶሆቶ! ኢንቴ ኢሲ ቦላ ኢሊሊሳን ዬጺቴ፤ ጎዳይ ባ ዴራ ሚንዴስ፤ ዬሩሳላሜ ካታማካ ዎዚዴስ።

ኢሳያሳ ቲንቢቴ 61:2

ዶሴቲዳ ጎዳ ላይ፥ ኑ ጾሳይ ሃሎ ኬሲዛ ጋላሳ ኣዋጃና ማላኔ ዬኪዛይታ ኡባ ሚንና ማላ ታና ኪቲዴስ።