ኢሳያሳ ቲንቢቴ 5:11 - ጋሞ ማጻፋ

¹¹ ማሲዛ ኡሹ ኮያናስ ማላዶ ጉራራ ዴንዲዲ ዎይኔ ኡሻን ጹጌታና ጋካናስ፥ ሳኣ ቃሚሲዛይታስ ኣዬ ኣና!

Geeshsha Maxaafa

¹¹ Maththosiza ushshu koyanaas maalado guurara dendidi woyne ushshan xuugettana gakkanaas, sa7aa qamisizaytas aayye ana!

ኢሳያሳ ቲንቢቴ 5:11 Referans Kwoze

ኦሮሜ ኣሳስ 13:13

ጋላሳራ ሄሜቲዛ ማላ ኣኔ ዎጋራ ሄሜቶስ፤ ማጉልሳኒኔ ማን ጊዶፖ፤ ላይማ ኣሞኒኔ ላይማን ጊዶፖ፤ ቃናቴቴኒኔ ፓላማን ጊዶፖ።

ኢሳያሳ ቲንቢቴ 5:22

ዎይኔ ኡሻን ኤሬቲዳይታሲኔ ማሲዛ ኡሹ ዋላካናስ ጎቢዛይታስ ኣዬ ኣና!

ሌሚሶ ማጻፋ 20:1

ማሲዛ ኡሺ ኡዪዛይ ቂልጪዛዴኔ ኤያ ጊዴስ፤ ሃይታንታን ባሌቲዳ ኡባይ ኣ ኤራንቻ ጊዴና።

ጋላቲያ ኣሳስ 5:21

ሚቃይኔቴ፥ ማቴ፥ ኣላሜ ማዛሙሬ ዬጼኔ ሄይታንታ ሚሳቲዛይታ። ታኒ ኢንቴስ ካሴ ዮቲዳ ማላ ሃኢካ ኢንቴ ናጌታና ማላ ቆፍሳይስ፤ ሄሳ ማላ ዱስ ዲዛይቲ ዉሪካ ጾሳ ካዎቴ ላቴቴና።

1ቆሮንቶሴ ኣሳስ 6:10

ዎይኮ ካይሶቲ፥ ጋጲጋጲዛይቲ፥ ማቲዛይቲ፥ ኣስ ጫዪዛይቲኔ ቦንቂዛይቲ ጾሳ ካዎቴ ላቴቴና።

ሉቃሳ ሚሺራቾ 21:34

«ሂስቲኮ ዎጋይ ባይንዳ ዱሳን፥ ዳሮ ኡሻኒኔ ዱሳስ ሂርጋን ኢንቴ ዎዚናይ ዳቡሮፖ፤ ሄሳ ኦንታ ኢጺኮ ሄ ጋላሳይ ኢንቴ ቆፖንታ ናርጻ ማላ ኢንቴ ቦላ ጋኮንታ ማላ ናጌቲቴ።

ኢሳያሳ ቲንቢቴ 28:1

ኤፍሬሜን ዲዛ ማቲዛይታስ፥ ኦቶሬቴስ፥ ካላቻ ጊዲዳሪስ፥ ጪሊላ ሾባ ሁኤን ኪፒ ጋ ኡቲዳ፥ ኢዛስ ቦንቾ ሴሎ ጊዲዳ ሹላ ጪሻይስ፥ ዎይኔ ኡሻይ ኢስታ ዜሬስ ኦቶሬቴስ ጊዲዳ ካታማይስ ኣዬ ኣና!

ኢምባቆ ቲንቢቴ 2:15

«ኣሳ ካሎቴ ቤያናስ ባ ላጌታ ኡሹ ኡሺዛዴሲኔ ኢስቲ ኡዪዲ ማታና ጋካናስ ዎይኔ ኡሹ ዱቂዛዴስ ኣዬ ኣና!

ሌሚሶ ማጻፋ 23:32

ዉርሴን ኢዚ ሾሻ ማላ ዱኬስ፤ ጎፔ ሾሻ ማላካ ባ ዪሻ ፑኬስ።

1ሳሜላ ማጻፋ 25:36

ኣቢጋላ ጉዬ ሶ ሲማ ቢሺን ናባሌይ ካዎ ኬን ጊጊዛ ጊቢራ ማላ ጊቢራ ጊግሲዳይሳ ቤያዱስ። ኢዚካ ኬሂ ማቲዲ ኡፋይሳን ኩሚ ኡቲዴስ። ሄሳ ጊሻስ ጋዴይ ዎንታናሼ ጋካናስ ኢዛስ ኣይኮካ ዮታቤኩ።

2ሳሜላ ማጻፋ 19:35

ታኒ ሃኢ 80 ላይ ጪማ፤ ሂስቲን ታኒ ኢታኔ ኪያ ሻካ ኤራና ዳንዳያኔ? ሃይሳፌ ጉዬ ኔ ኣይሌይ ሚዛይሳኔ ኡዪዛይሳ ማልኦ ሻኪ ኤራኔ? ኣቱማ ናይታ ጬንጉርሲኔ ማጫ ናይታ ጬንጉርስ ሃኢ ታ ሲያና ዳንዳያኔ? ሂስቲን ኔ ኣይሌይ ታ ጎዳ ካዎዛስ ኣይስ ቦላራ ሃራ ቶሆ ጊዳኔ?

ኢሳያሳ ቲንቢቴ 22:13

ጊዶ ኣቲን ኢንጄኔ ኡፋይስ፥ ቦራኔ ርሾ ሹካይ፥ ኣሾ ሙሲኔ ዎይኔ ኡሺ ዴስ፤ «ኑኒ ዎንቶ ሃይቃና ጊሻስ ኣኔ ሞሲኔ ኡዮስ» ጊዴታ።

ኢሳያሳ ቲንቢቴ 24:9

ሃይሳፌ ጉዬ ኢስቲ ዬጺሼ ዎይኔ ኡሹ ኡዬቴና፤ ኡሻይካ ኡዪዛይታ ጫማና።

ኢሳያሳ ቲንቢቴ 28:3

ማቲዛ ኤፍሬሜ ኣሳታ ኦቶሮ ካላቻይ ቶሆን ዬታና።

ኢሳያሳ ቲንቢቴ 56:12

ኢስቲ ኢሶይ ኢሳራ፥ «ሃ ዪቴ፤ ዎይኔ ኡሹ ኣኔ ኡዮስ። ኣኔ ማታና ጋካናስ ኡዮስ! ዎንቶይካ ሃቻ ማላ ጊዳና፤ ዎይኮ ሃቺፌካ ኣ ሎኦ ጊዳና» ጌቴታና።

ኢምባቆ ቲንቢቴ 2:5

ዱሬቴ ኣስ ባሌስ፤ ኦቶራንቻስ ሙሌካ ሼምፖይ ዴና፤ ኢዚ ዱፎ ማላ ዮራ፤ ዎዛ ሃይቆ ማላካ ካሎ ኤሬና፤ ዴሬ ኡባ ሺሼሲኔ ዲኢ ኤኪ ቤስ።