ኢሳያሳ ቲንቢቴ 49:25 - ጋሞ ማጻፋ

²⁵ ጊዶ ኣቲን ጎዳይ፥ «ቱሙካ ኦላንቻቲ ዲኢ ኤፊዳ ሚሽ ኬሲ ኤካናስ፥ ሜንጼ ኢታታ ኩሼፔ ዲኤቲዳይታ ኣሻናስ ዳንዳዬቴስ፤ ኔናራ ኦሌቲዛይታራ ታ ኦሌታና፤ ኔ ናይታካ ታኒ ኣሻና።

Geeshsha Maxaafa

²⁵ Gido attiin GODAY, «Tumukka olanchchati di7i efida miish kessi ekkanaas, menxe iitata kusheppe di7ettidayta ashshanaas dandayettees; nenara olettizaytara ta olettana; ne naytakka tani ashshana.

ኢሳያሳ ቲንቢቴ 49:25 Referans Kwoze

ኢሳያሳ ቲንቢቴ 35:4

ዎዚናን ያሻይ ዲዛይታ «ሚኒቴ! ያዮፍቴ! ኢንቴ ጾሲ ዪዲ ሃሎ ኬሳና፤ ኢዚ ኢንቴና ኣሻናሲኔ ሃሎ ኬሳናስ ያና» ጊቴ።

ኢሳያሳ ቲንቢቴ 54:13

ኔ ኣቱማ ናይቲ ኡባይ ጎዳፔ ታማርዳይታ ጊዳና፤ ኔ ናይታ ሳሮቴካ ዳራና።

ዛካራሳ ቲንቢቴ 14:12

ዬሩሳላሜ ኦላና ዴንዲዛ ዴሬ ቦላ ጎዳይ ቦሻ ሃርጌ ኤሃና፤ ኢስታ ሼምፖራ ፓጻ ዲሺን ኢስታ ኣሾይ ዎቃና፤ ኢስታ ኣይፌይኔ ኢንጻርሳይ ሄን ባ ዲዛሶን ዎቃና።

ኢሳያሳ ቲንቢቴ 14:2

ካዎቴቲ ኤፊዲ ኢስታ ኢስታ ቢታ ዛራና። ኢስራኤሌ ኣሳይ ካዎቴታ ባስ ኦይኪዲ ማጫሳኔ ኣቱማሳ ኣይሌ ሂስቲዲ ጎዳ ቢታን ሃራና። ባና ዲኢዳይታ ዛሪ ዲኣና፤ ባና ኡንኤዳይታ ዛሪዲ ሃራና።

ኢሳያሳ ቲንቢቴ 10:27

ሄ ጋላስ ኢስታ ቶሆይ ኔ ሃሼፔ፥ ኢስታ ቃምባራይ ኔ ሞርጌፌ ኪቻና፤ ኔ ኦርዴቴፌ ዴንዲዳይሳን ኢዛ ቃምባራይ ሜቃና» ጌስ።

ሜቴ ማጻፋ 12:3

ኔና ኣንጂዛይታ ታ ኣንጃና፤ ኔና ቃንጊዛይታካ ታ ቃንጋና፤ ቢታ ቦላ ዲዛ ኣሲ ዉሪ ኔ ባጋራ ኣንጄታና» ጊዴስ።

1ዮሃኒሳ ኪታ 3:8

ናጋራ ኦዛይ ጻላኤፔ፤ ጋሶይካ ጻላኤይ ኮይሮፔካ ናጋራ ኦዛዴ፤ ጾሳ ናይ ቆንጪዳይካ ጻላኤ ኦሶ ላላናሳ።

ዛካራሳ ቲንቢቴ 9:11

ታ ኔናራ ሱን ጫቄቲዳ ጫቆዛ ጊሻስ ሃ ባይንዳ ኦላን ቃሼቲዳ ኣሳታ ታ ቢርሻዳ ዬዳና።

ኤርማሳ ቲንቢቴ 29:10

«ጎዳይ፥ ‹ኢንቴ ባቢሎኔን ዳና ላፑን ታሙ ላይ ፖሌቲዳፔ ጉዬ ታ ኢንቴና ሞካ ጼላና፤ ታኒ ኢንቴና ሃ ቢታ ዛራ ኤሃና ጊዳ ሎኦ ቃላዮካ ኢንቴስ ፖላና።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ዮሃኒሳ ኣጁታ 18:20

ሳሎዞ! ኢዚ ጋሶን ኔ ኡፋዬታ፤ ጾሲ ኢንቴ ጊሻስ ኢዚ ቦላ ፒርዲዳ ጊሻስ ኢንቴ ጌሻቲ፥ ሃዋሬቲኔ ናቤቲካ ኡፋዬቲቴ።

ጋላቲያ ኣሳስ 4:26

ፑዴ ቦላ ሳሎን ዲዛ ዬሩሳላሜይ ጊዲኮ ጎቃ ጊዳዳ ዳዉስ፤ ኢዛካ ኑ ኣዮ።

ዛካራሳ ቲንቢቴ 14:3

ሄሳፌ ጉዬ ጎዳይ ካሴ ኦላ ጋላስ ኦሌቲዛ ማላ ሄ ካዎቴታ ኦላናስ ዴንዳና።

ማርቆሳ ሚሺራቾ 3:27

«ሄሳ ጋሶን ኢሳዴይ ኮይሮቲዲ ዎልቃማ ኣስ ቃቾንታ ዲሼ ዎልቃማዛ ሶ ጌላናሲኔ ኢዛ ሚሼ ቦንቃናስ ዳንዳዬና፤ ኢዛ ኣቆ ቦንቃናስ ዳንዳዬቲዛይ ዎልቃማዛ ቃቺኮ ጻላላ።

ዬ ማጻፋ 35:1

ኣቤት ጎዳዉ! ታናራ ኤቄቲዛይታራ ኔኒ ኤቄታ፤ ታናራ ኦሌቲዛይታራ ኔኒ ኦሌታ።

ኢሳያሳ ቲንቢቴ 5:29

ኢስታ ጻጎይካ ጋሞ ጻጎ ማላ፤ ዎዳላ ጋሞታ ማላ ጻጌቴስ፤ ባንታስ ሚዛ ሚሽ ሻንካቲ ኦይኪዲ ጻጌቴስ፤ ኢስቲ ኦይኪዳይሳ ቶኪ ኤኪ ቤቴስ፤ ኢስታፌ ዎ ኤካናይ ኦኒካ ዴና።

ኢሳያሳ ቲንቢቴ 10:6

ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 14:1

ጎዳይ ያቆቤስ ናምኣን ቃታና፤ ኢስራኤሌካ ዛሬዲ ዶራና። ኢስታ ኢስታ ቢታን ዎና፤ ኢማቲ ዪዲ ያቆቤሶ ኣሳራ ዋላኬታና።

ኢሳያሳ ቲንቢቴ 19:20

ሄሲ ኡባፌ ዎልቃማ ጎዳስ ጊብጼ ቢታን ማላታኔ ማርካ ጊዳና፤ ኢስቲ ባንታና ኡንኤዛይታፔ ዴንዲዳይሳን ጎዳኮ ዋሲዛ ዎዴ ኢዚ ኢስታ ኣሺዛዴኔ ማዲዛዴ ኪቲዲ ኢስታ ኣሻና።

ኢሳያሳ ቲንቢቴ 25:4

ኔኒ ሂዬሳታስ ዜምፖ፤ ሜቶታንቻታስ ሜቶ ዎዴ ኔኒ ዜምፖ፤ ጎቴ ጫርኮፌ ጌሚ ኣቲዛሶ፤ ኣዋ ሴላፔ ኩዋቲዛሶ ጊዳዳሳ። ጋሶይካ ሜንጼ ኢታታ ፔኖይ ኬ ጎዳራ ኢጬቲዛ ጎቴ ጫርኮ ማላ።

ኢሳያሳ ቲንቢቴ 33:22

ጎዳይ ኑስ ፒርዲዛ ዳና፤ ጎዳይ ኑስ ዎጋ ኢሚዛዴ፤ ጎዳይ ኑስ ካዎ፤ ኑና ኣሻናይካ ኢዛ።

ኢሳያሳ ቲንቢቴ 40:2

ዬሩሳላሜስካ ሹጎ ቃላራ ዮቲቴ፤ ኢዚስ ኣዋጂቴ፤ ኢዛ ኣይሌቴን ኦዛ ዎዴይ ዉሪዴስ፤ ኢዚ ናጋራ ዋጋይ ጪጌቲዴስ፤ ኢዛ ባ ናጋራ ኡባ ጊሻስ ጎዳፔ ናምኡ ኩሼ ቂጻቴ ኤካዱስ» ጌስ።

ኢሳያሳ ቲንቢቴ 51:22

ባ ዴራ ኣሺዛ ኔ ጎዳይ ኡባፌ ዎልቃማ ጾሳይ፥ «ቤኣ፤ ኔና ጋንዲጋርሲዛ ኡሻ ኔ ኩሼፔ ታ ኤካዲስ፥ ታ ሃንቆ ጹኣፔ ናምኣን ኡያካ።

ኤርማሳ ቲንቢቴ 15:21

ኢታታ ኩሼፔ ታኒ ኔና ዎዛና፤ ሜንጼ ኢታታ ቆሆፔካ ታ ኔና ኣሻና» ጌስ።

ናሆሜ ቲንቢቴ 2:13

ኡባፌ ዎልቃማ ጎዳይ፥ «ታ ኢንቴ ቦላ ዴንዳዲስ፤ ኢንቴ ፓራ-ጋሬታካ ጹጋና፤ ኢንቴ ጋሞ ማራታ ማሻይ ማና፤ ኢንቴስ ማና ሚሺካ ቢታ ቦላ ኣሽኬ፤ ኢንቴ ኪቲዛይታ ጬንጉርሲ ሃይሳፌ ጉዬ ሴቴቴና» ጊ ኣዋጄስ።

ሌዌታ ማጻፋ 25:54

« ‹ሄሳ ሃኒዲ ዎዜታናስ ዳንዳዮንታ ኣጊኮ ሲንፌ ያና ኣይሌቴፌ ዎዜቲዛ ላይን ኢዚኔ ኢዛ ናይቲ ሜላ ዬዴቴቶ።

ኢሳያሳ ቲንቢቴ 51:14

ቃሼቲዳይቲ ኤሶን ቢርሼታና፤ ኢስቲ ባ ቃሼቲዳ ኦላ ጊዶን ሃይቄቴና፤ ካ ኢስታስ ፓጬና።

ኤርማሳ ቲንቢቴ 31:11

ጋሶይካ ጎዳይ ያቆቤ ዎዛና፤ ኢዛፔ ሚኒዛይታ ኩሼፔ ኢዛ ኬሲ ኤካና።