ኢሳያሳ ቲንቢቴ 49:22 - ጋሞ ማጻፋ

²² ኡባ ሃሪዛ ጎዳይ፥ «ቤኣ፥ ታኒ ካዎቴታ ማላታን ጼይጋና፤ ታኒ ታ ባንዲራ ኣሳስ ቁ ሂስታ ኤሳና፤ ኔ ኣቱማ ናይታ ኢስቲ ኢዲሚ ኤሃና፤ ኔ ማጫ ናይታካ ባንታ ሃሼን ቶኪዲ ኤሃና።

Geeshsha Maxaafa

²² Ubbaa Haariza GODAY, «Be7a, tani kawoteththata malatan xeygana; tani ta bandira asaas dhoqqu histta essana; ne attuma nayta istti idimmi ehana; ne macca naytakka bantta hashen tookkidi ehana.

ኢሳያሳ ቲንቢቴ 49:22 Referans Kwoze

ሉቃሳ ሚሺራቾ 13:29

ኣሳይ ኣርሼይ ሞኪዛ ባጋፌኔ ዉሊዛ ባጋፌ ፑዴሃፔኔ ዱጌሃፔ ዪዲ ጾሳ ካዎቴ ማዳን ኡታና።

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ኢሳያሳ ቲንቢቴ 66:20

ጎዳስ ያርሾ ጊዳና ማላ ኢንቴ ኢሻታ ኡባታ ካዎቴታፔ ቦንቼቲዳ ታ ዙማ ዬሩሳላሜ ፓራን፥ ፓራ-ጋሬኒኔ ጋሬን፥ ባቁሎኒኔ ጋሜላን ኢስታ ኤሃና። ኢስራኤሌ ኣሳይ ካ ያርሾ ዎጋን ዲዛ ማላ ጌሻ ሚሻን ዎዲ ጎዳ ኬ ሺሺዛ ማላ ሃይታካ ሺሻና።

ኢሳያሳ ቲንቢቴ 49:12

ሄኮ ኢስቲ ሃሆ ዴሬፔ ያና፤ ኢሲ ኢሲኔቲ ፑዴሃፔ፥ ባጋይቲ ኣርሼይ ዉሊዛ ባጋፌ፥ ሃንኮ ኣቲዳይቲ ሲኒሜፔ ያና» ጌስ።

ኢሳያሳ ቲንቢቴ 14:2

ካዎቴቲ ኤፊዲ ኢስታ ኢስታ ቢታ ዛራና። ኢስራኤሌ ኣሳይ ካዎቴታ ባስ ኦይኪዲ ማጫሳኔ ኣቱማሳ ኣይሌ ሂስቲዲ ጎዳ ቢታን ሃራና። ባና ዲኢዳይታ ዛሪ ዲኣና፤ ባና ኡንኤዳይታ ዛሪዲ ሃራና።

ዬ ማጻፋ 72:17

ካዎዛ ሱን ሜርናስ ሚኒ ዴኦ፤ ኣርሼይ ዴኢዛ ኬና ጼይጌቲሼ ጋምኦ። ካዎቴ ኡባይ ኢዛ ባጋራ ኣንጄቶ፤ ዴሬ ኡባይ ኢዛ፥ «ኔ ኣንጄቲዳዴ» ጊ ኣንጆ።

ዬ ማጻፋ 72:8

ኣባፌ ቢዲ ኣባ ጋካናስ፥ ኤፊራጺሴ ሻፋፔ ሳኣ ጋጻ ጋካናስ ኢዚ ሃራና።

ዬ ማጻፋ 22:27

ሳኣ ጋጻ ጋካናስ ዲዛ ኣሳይ ኢዛ ጊሻስ ዩሺ ቆፓና፤ ጎዳኮ ሲማና። ኣሳ ዜሬ ኡባይ ኢዛስ ጎይናና።

ዬ ማጻፋ 102:22

ዴሬቲኔ ካዎቲ ኢሲፌ ሺቂዲ ጎዳስ ሄ ዎዴ ጎይናና።

ኢሳያሳ ቲንቢቴ 18:3

ኢንቴኖ ሳኣ ቦላ ዲዛ ኣስ ኡባቶ! ዙማታ ቦላ ማላታይ ካቄቲሺን ኢንቴ ቤኣና፤ ዛዬይ ፑኔቲሺን ኢንቴ ሲያና።

ኢሳያሳ ቲንቢቴ 43:6

ታኒ ፑዴሃ ባጋ፥ ‹ሃማ› ዱጌሃ ባጋካ፥ ‹ዬዳ› ጋና፤ ታ ኣቱማ ናይታ ሃሆፔ፥ ታ ማጫ ናይታካ ቢታ ጋጻፔ፥

ኢሳያሳ ቲንቢቴ 62:10

ኣቴ! ኢዛ ፔንጌታ ባጋራ ካን ቢቴ፤ ዴራስ ኦጌ ባሲቴ፤ ጊግሲቴ፤ ሹቻታ ዲጊቴ፤ ካዎቴታስ ማላታ ኤሲቴ።

ኢሳያሳ ቲንቢቴ 66:19

ታኒ ኢስታ ጊዶን ማላታ ኦና፤ ኢስታፌ ኣቲዳ ኢሲ ኢሲኔታ ጌዴ ካዎቴታኮ፥ ታርሴሴ፥ ፑጼ፥ ዎንዳፌን ኦሌቲዛ ኤሬቲዳ ሉዴታኮ፥ ቱባሌኔ ያዋኔ ሄሳካ ታ ጎባቴ ሲዮንታይታኮኔ ታ ቦንቾ ቤዮንታይታኮ ሃኮን ዲዛ ኣባ ጊዶን ዲዛ ሃሩሮታኮ ታ ዬዳና፤ ታ ቦንቾ ካዎቴታ ጊዶን ዮታና።

ዛካራሳ ቲንቢቴ 8:22

ዳሮ ዴሬይኔ ዎልቃማ ካዎቲካ ኡባፌ ዎልቃማ ጎዳ ኮያናሲኔ ኢዛ ዎሳናስ ዬሩሳላሜ ያና።