ኢሳያሳ ቲንቢቴ 48:18 - ጋሞ ማጻፋ

¹⁸ ኔኒ ታ ኣዛዞ ሲዪዳ ጊዲዳኮ፥ ኔስ ሳሮቴ ሻፋ ማላ፥ ኔስ ጺሎቴካ ኣባ ዳምባላ ማላ ጊዳናሺን።

Geeshsha Maxaafa

¹⁸ Neni ta azazo siyidaa gididaakko, nees saroteththi shaafa mala, nees xilloteththika abba dambala mala gidanashin.

ኢሳያሳ ቲንቢቴ 48:18 Referans Kwoze

ዛሬ ማጻፋ 5:29

ኢስታሲኔ ኢስታ ዜሬታስ ሜርናስ ኡባ ሚሺ ሎኦ ጊዳና ማላ ኢስቲ ታስ ያያናሲኔ ታ ኣዛዞታ ኡባ ዎዴ ናጋናስ ሃይሳ ማላ ዎዚናይ ዲዛኮ ኣይ ማላ ሎኦሻ!

ኢሳያሳ ቲንቢቴ 66:12

ጎዳይ፥ «ቤኢቴ፥ ታኒ ኢዚስ ሳሮቴ ጊታ ሻፋ ማላ ጎጊሳና፤ ካዎቴታ ኣቆታ ሻፋ ሃ ማላ ጎጊሳና ኢንቴ ኢዚ ኪኦን ኢዲሜቲ ማና፤ ኢዚ ኪኦን ኡቲዲ ኢንቴ ጉፓና።

ዬ ማጻፋ 119:165

ኔ ዎጋ ሲቂዛይታስ ዳሮ ሳሮቴ ዴስ፤ ኢስታ ጲዛ ሚሺ ዴና።

ዛሬ ማጻፋ 32:29

ኢስቲ ኤራታ ጊዲዳኮ ሃይሳ ኢስቲ ካሴቲዲ ቆፓና፤ ባንታ ዉርሴንካ ሃናናይሳ ዩሺ ቆፓናሺን!

ኢሳያሳ ቲንቢቴ 45:8

ኢንቴኖ ሳሎቶ፥ ቦላፌ ጺሎቴ ቡኪሲቴ፤ ሻራቲካ ዱጌ ጾኪሲቴ፤ ቢታይ ዶዬቶ፤ ኣቶቴ ሞኮ። ጺሎቴካ ኢዛራ ኢሲፌ ዲጮ። ታኒ ጎዳይ ሄሳ ሜዲስ።

ዬ ማጻፋ 36:8

ኢስቲ ኔሶን ኩሚዳ ማዳፌ ሚዲ ካሌቴስ፤ ኔኒ ኔ ኣንጆ ሻፋፔ ኢስታ ኡሻሳ።

ኦሮሜ ኣሳስ 14:17

ጾሳ ካዎቴ ጺሎ ኣያናን ቤቲዳ ጺሎቴ፥ ሳሮቴኔ ኡፋይሳፌ ኣቲን ሙሳ ዮኦኔ ኡሻ ዮኦ ጊዴና።

ኣሞጼ ቲንቢቴ 5:24

ጊዶ ኣቲን ቱሙ ፒርዳይ ጎጊዛ ሃ ማላ፤ ጺሎቴካ ሚጮንታ ፑልቶ ማላ ጎጎ።

Maatosa 23:37

«ሃኔ ዬሩሳላሜ! ናቤታ ዎዛሬ! ኔኮ ኪቴቲዳይታ ሹቻራ ጫዲዛሬ! ሃኔ ዬሩሳላሜ፥ ኩቶ ኣያ ባ ጪዬታ ባ ቄፌ ጊዶ ሺሺዛ ማላ ታ ኔ ናይታ ሺሻናስ ኣፑን ዎዴ ኮያዲናሺን ኔ ጊዲኮ ኮያቤካ።

ኢሳያሳ ቲንቢቴ 33:21

ሄን ጎዳይ ኑስ ዎልቃ ጊዳና፤ ሄ ሶሆይ ዳልጋ ሻፋኔ ካንቼ ጊዳና፤ ዎጎሎይ ኢዛ ቦላራ ባናስ ዳንዳዬና፤ ጊታ ማርካቤቲካ ኢዛ ቦላራ ቤቴና።

ኢሳያሳ ቲንቢቴ 42:24

ያቆቤይ ቦጌታና ማላ፥ ኢስራኤሌይ ዲኤታና ማላ ኦዳይ ኦኔ? ናጋራ ኦዲ ኑ ቆሂዳ ጎዳ ጊዴኔ? ኢስቲ ኢዛ ኦጌ ካላናሲኔ ኢዛ ዎጋስ ኣዛዜታና ኮዮንታ ኣጊዳ ጊሻሳ።

ኢሳያሳ ቲንቢቴ 54:13

ኔ ኣቱማ ናይቲ ኡባይ ጎዳፔ ታማርዳይታ ጊዳና፤ ኔ ናይታ ሳሮቴካ ዳራና።

ኢሳያሳ ቲንቢቴ 61:10

ታኒ ጎዳን ኬሂፔ ኡፋዬታይስ፤ ታ ሼምፖያካ ታ ጾሳን ሆምቦጫዉስ፤ ሚሺራይ ባ ሁኤን ካላቻ ጎጺዛ ማላ፥ ሚሺራያካ ባና ኢንቁን ሴሌዛ ማላ ኣቶቴ ማይኦ ታና ማይዚዴስ፤ ጺሎቴ ሴሎካ ታ ቦላ ጎጲዴስ።

ኢሳያሳ ቲንቢቴ 61:11

ቢታይ ጫሬች ጫሪሲዛ ማላ፥ ኣታኪልቴሶሆይ ፑቴ ፑቲሲዛ ማላ፥ ኡባ ሃሪዛ ጎዳይ ካዎቴታ ኡባ ሲንን ጺሎቴኔ ጋላታ ጫሪሳና።

ኢሳያሳ ቲንቢቴ 62:1

ኢዚ ጺሎቴ ማላዶ ፖኦ ማላ ጶላናሼ ጋካናስ፥ ኢዚ ኣቶቴ ጾምፔ ማላ ፖኣናሼ ጋካናስ ታ ጺዮኒ ጊሻስ ጮኡ ጊኬ፤ ዬሩሳላሜ ጊሻሲካ ሲርጲ ጊኬ።

ሆሴኤ ቲንቢቴ 10:12

ጎዳይ ዪዲ ጺሎቴ ኢንቴ ቦላ ኢራ ማላ ቡኪሳና ጋካናስ ሃና ኢንቴ ኢዛ ኮይዛ ዎዴ ጊዲዳ ጊሻስ ኦ ጎዪቴ፤ ኢንቴስ ጺሎቴ ዜሪቴ፤ ሚኖ ሲቆ ኣይፌ ማጺቴ።