ኢሳያሳ ቲንቢቴ 48:1 - ጋሞ ማጻፋ

¹ ጎዳይ፥ «ኢንቴኖ ኢስራኤሌ ሱንን ጼይጌቲዳ፥ ያቆቤሶ ኣሳቶ! ዩሁዳ ዛሬፔ ቤቲዳይቶ! ኢንቴኖ ጎዳ ሱንን ጫቂዛይቶ! ቱማቴኒኔ ጺሎቴን ጊዶንታ፥ ኢስራኤሌ ጾሳ ጼይጊዛይቶ! ሃይሳ ሲዪቴ።

Geeshsha Maxaafa

¹ GODAY, «Intteno Isra7eele sunththan xeygettida, Yaaqoobeso asatoo! Yuhuda zareppe beettidaytoo! Intteno GODAA sunththan caaqqizaytoo! tumateththaninne xilloteththan gidontta, Isra7eele Xoossaa xeygizaytoo! Hayssa siyite.

ኢሳያሳ ቲንቢቴ 48:1 Referans Kwoze

ኤርማሳ ቲንቢቴ 4:2

ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።

ዬ ማጻፋ 68:26

ኢስቲ፥ «ጾሳ ኩሜ ሺቆን ጋላቲቴ፤ ኢንቴኖ ኢስራኤሌ ዜሬቶ ጎዳ ጋላቲቴ» ጌቴስ።

ኤርማሳ ቲንቢቴ 5:2

ጊዶ ኣቲን ኢስታስ፥ ‹ጎዳይ ቤዪን› ጊ ጫቂኮካ ኢስቲ ቱማፔ ዎርዶ ጫቄቴስ» ጌስ።

ኢሳያሳ ቲንቢቴ 65:16

ሄሳ ጊሻስ ቢታይ ቦላ ኣንጆ ኮይዛዴይ ቱማ ጾሳ ሱንን ኣንጄታና፤ ቢታይን ጫቂዛ ኣሲ ቱማ ጾሳ ሱንን ጫቃና፤ ካሴ ኣዳ ሜቶቲ ዶጌቲዳ፤ ታ ኣይፌፔካ ጌሚዳ» ጌስ።

ዛሬ ማጻፋ 6:13

ኢንቴ ጎዳ ጾሳስ ያዪቴ፤ ኢዛስ ጻላ ጎይኒቴኔ ኢዛ ሱንን ጻላ ጫቂቴ።

ሜቴ ማጻፋ 32:28

ኣዴዚካ ኢዛ፥ «ሃይሳፌ ሲንን ኔ ሱን ኢስራኤሌ ጌቴቶ ኣቲን ያቆቤ ጌቴቶፎ፤ ኣይስ ጊኮ ኔኒ ጾሳራኔ ኣሳራ ባጼታዳ ጾናዳሳ» ጊዴስ።

ዮሃኒሳ ኣጁታ 3:9

ሄሳ ጊሻስ ባስ ኣይሁዳ ጊዶንታ ዲሼ ባና ኣይሁዳ ጊዛይቲ ሄይቲ ጻላኤ ማባራፔ ጊዲዳ ዎርዶቲ ዪዲ ኔ ቶሆ ቦላ ኩንዳና ማላ ታ ኦና፤ ታኒ ኔና ሲቂዳይሳ ኢስቲ ኤራና ማላ ታ ኦና።

ዮሃኒሳ ኣጁታ 2:9

ታኒ ኔ ዋዬዛኔ ኔ ማንቆቴ ኤራይስ፤ ጊዲኮካ ኔኒ ዱሬኮ። ኣይሁዳ ጊዶንታ ዲሼ ባና ኑኒ ኣይሁዳኮ ጊዛ ጻላኤ ማባራ ጊዲዳይቲ ሄይቲ ኔ ሱን ሞሮይሳ ታ ኤራይስ።

1ጺምቶሳስ 4:2

ሄሳ ማላ ቲሚርቴይ ኢስታ ቆፋይ ቦንቆ ቢራታን ጹጌቲዳ ማላ ጌላቴን ዶጪዳ ቆፔ ቆሞን ሃኒዛ ዎርዳንቻ ኣሳታፔ ያና።

ኦሮሜ ኣሳስ 9:8

ሄሳ ጉሲካ ጾሳ ና ጌቴቲዳይቲ ኢስቲ ኣሾን ዬሊዳይታ ጊዴቴና፤ ጊዶ ኣቲን ና ጊዳናይቲ ሂዶታ ቃላን ዮቴቲ ኡቲዳይታ።

ኦሮሜ ኣሳስ 9:6

ጊዶ ኣቲን ሄሳ ጉሲ ጾሳ ቃላይ ኣቲዴስ ጉስ ጊዴና፤ ኢስራኤሌፔ ዬሌቲዳይ ዉሪ ኢስራኤሌ ኣስ ጊዴና።

ኦሮሜ ኣሳስ 2:17

ኔ ኔና ኣይሁዳ ኣስ ጊኮ ዎጋን ኣማኔታሳኔ ኔስ ጾሳራ ዲዛ ኢሲፌቴን ጬቄታሳ።

ዮሃኒሳ ሚሺራቾ 4:24

ጾሲ ባ ሁኤስ ኣያና፤ ኢዛ ጎይኒዛይቲ ኣያናኒኔ ቱማን ጎይናናስ ቤሴስ» ጊዴስ።

ዮሃኒሳ ሚሺራቾ 1:47

ናቲናኤሌይ ዬሱሳ ቤያና ዪሺን ዬሱሲ ቤኢዲ ኢዛ፥ «ሄኮ! ጌኔይ ባይንዳ ቱሙ ኢስራኤሌ ኣሳ!» ጊዲ ኢዛ ጊሻስ ዮቲዴስ።

Maatosa 23:13

«ኢንቴኖ ቆፔ ቆሞን ሃኒዛይቶ፥ ሙሴ ዎጋ ታማርሲዛይቶ! ኢንቴኖ ፋርሳዌቶ! ኣሳይ ጾሳ ካዎቴ ጌሎንታ ማላ ኣሳ ቦላ ኢንቴ ፔንጌ ጎርዲዛ ጊሻስ ኢንቴና ኣዬ ኣና! ኢንቴ ኢንቴስ ጌሌኬታኔ ጌላናስ ኮይዛይታካ ጌልኬታ።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ሶፎናሳ ቲንቢቴ 1:5

ፎቄ ቦላ ኬዚዲ ሳሎ ሜቴታስ ጎይኒዛይታ፥ ጎዳስ ጎይኒሼኔ ኢዛ ሱንን ጫቂሼ ሲሚ ዎዲ ቃሴ ሚልኮሜ ሱንን ጫቂዛይታ፥

ኢሳያሳ ቲንቢቴ 62:8

ጎዳይ ባ ኡሻቻ ኩሼኒኔ ባ ዎልቃማ ቄሴን፥ «ሃይሳፌ ጉዬ ታ ኢንቴ ካ ኢንቴ ሞርኬታስ ቁማ ጊዳና ማላ ኢሚኬ፤ ቃሴ ኢንቴ ዳቡሪ ኬሲዳ ኦራ ኡሻ ኣላጋቲ ኡዬቴና።

ኢሳያሳ ቲንቢቴ 58:2

ኢስቲ ታና ሃች ሃች ኮዬቴስ፤ ታ ኦጌዛ ኤራናስ ላሞቲዛ ሚሳቴቴስ። ሱሬ ሚሽ ኦዳ ካዎቴ ማላኔ ባ ጾሳ ኣዛዞ ዬጊ ኣጎንታ ዴሬ ማላ፥ ኢስቲ ታና ሱሬ ፒርዳ ኦይቼቴስ፤ ጾሲ ኢስታኮ ሺቃናይሳ ኢስቲ ዶሲዛ ሚሳቴስ» ጌስ።

ኢሳያሳ ቲንቢቴ 45:23

ጉልባቴይ ኡባይ ታ ሲንን ጉልባታና፤ ኢንጻርስ ኡባይካ ታናን ጫቃና፤ ታኒ ታርካ ታ ሁኤን ጫቃዲስ፤ ጉዬ ሲሞንታ ቃላይ ታ ዶናፔ ጺሎቴን ኬዚዴስ።

ኢሳያሳ ቲንቢቴ 44:5

ኢሶይ፥ ‹ታኒ ጎዳሳ› ጋና፤ ሃራይ ባና ያቆቤ ሱንን ጼይጋና፤ ሃራይ ቃሴ ባ ኩሼ ቦላ፥ ‹ታኒ ጎዳሳ› ጊ ጻፋና፤ ኢዚ ባና ኢስራኤሌ ሱንን ጼይጋና» ጌስ።

ኢሳያሳ ቲንቢቴ 26:13

ኣቤት ጎዳዉ ኑ ጾሳዉ! ኔፔ ሃራ ኣላጋ ጾሳቲ ኑና ሃሪዳ፤ ኑኒ ጊዲኮ ኔ ሱን ጻላ ቦንቾስ።

ሌሚሶ ማጻፋ 5:16

ቤታ ቤታ ማጫሲ ኡዪዛ ፑልቶ ሃ ጊዶፓ።

ዬ ማጻፋ 66:3

ጾሳስ፥ «ኔ ኦሶቲ ኣይ ኬና ማላሊሲዞ! ኔ ዎልቃይ ዳሮ ጊዲዳ ጊሻስ ኔ ሞርኬቲ ያሻን ኔ ሲንን ኮኮሬቴስ።

ዬ ማጻፋ 63:11

ጊዶ ኣቲን ካዎይ ጾሳን ኡፋዬታና፤ ጾሳ ሱንን ጫቂዛ ኡባይ ኢዛ ጋላታና፤ ዎርዶ ሃሳይዛይታ ዶናይ ጊዲኮ ጎርዴታና።

2ካዎታ ማጻፋ 17:34

ሄ ሎሴዛ ሃች ጋካናስ ኣጊቤቴና፤ ጎዳስ ቤሲዛ ማላ ጎይኔቴና፤ ኢስራኤሌ ጊ ጼይጊዳ ያቆቤ ቆሞታስ ኢዚ ኢሚዳ ማራታኔ ዞሬታ፥ ዎጋታኔ ኣዛዞታ ካሌቴና።

ዛሬ ማጻፋ 33:28

ሄሳ ጊሻስ ኢስራኤሌ ኣሳይ ሳሎፔ ኢራይ ኢዚን ቡኪዛ ቢታይን፥ ካኔ ዎይኔ ኡሺ ኢዚን ኩሚዳ ቢታይን ሂርጋይ ባይንዳ ሳሮን ዴኣና።

ዛሬ ማጻፋ 10:20

ጎዳ ኢንቴ ጾሳስ ያዪቴ፤ ኢዛስ ጻላ ጎይኒቴ፤ ኢዛን ኣማኔቲዲ ኢዛ ሱንን ጫቂቴ።

ዛሬ ማጻፋ 5:28

«ጾሳይካ ኢንቴ ሄሳ ጊሺን ሲዪዲ ታስ፥ ‹ሃ ኣሳቲ ኔስ ዮቲዳይሳ ኡባ ታኒ ሲያዲስ፤ ኢስቲ ጊዳይሲ ኡባይ ሊኬ።

ታይቦ ማጻፋ 24:7

ኢራይ ኡባ ዎዴ ኢስታስ ቡኪዛ ጊሻስ ኢስታ ሃ ኩሚ ፓላሄስ፤ ዜሬ ዎዴ ኢስታስ ጊዲዛ ሃ ዴስ፤ ኢስታ ካዎይ ኣጋጌፔ ኣ ጊዳና፤ ኢስታ ካዎቴ ቁ ቁ ጋና።

ሌዌታ ማጻፋ 19:12

« ‹ታ ሱንን ዎርዶራ ጫቆፍቴ፤ ዎርዶ ጫቂዲ ኢንቴ ጾሳ ሱን ቱኒሶፒቴ፤ ታኒ ጎዳ ኢንቴ ጾሳ።

ኬሳ ማጻፋ 23:13

«ታኒ ኢንቴና ጊዳይሳ ኡባ ሚንዲ ኦቴ፤ ሃራ ጾሳታ ሱን ጼይጎፒቴኔ ኢስታ ዎሶፍቴ።

ሜቴ ማጻፋ 35:10

ጾሲ ኢዛ፥ «ሃኢ ጋካናስ ኔ ሱን ያቆቤ፤ ጊዶ ኣቲን ሃይሳፌ ጉዬ ሙሌካ ያቆቤ ጌቴታካ፤ ኔ ሱን ኢስራኤሌ ጌቴታና» ጊዲ ኢዚ ኢዛ ኢስራኤሌ ጊ ሱንዴስ።

ኢሳያሳ ቲንቢቴ 46:12

«ኢንቴኖ ዎዚና ሹቻቶ፥ ጺሎቴፌካ ሃኪዳይቶ፥ ታና ሲዪቴ።

ኢሳያሳ ቲንቢቴ 64:6

ኑኒ ኡባይካ ቱና ኣሳ ማላ ጊዲዶስ፤ ኑ ጺሎቴ ኦሶ ኡባይ ቱኒዳ ጫርቃ ማላ። ኑኒ ኡባይካ ቦንጮ ማላ ቆኪዶስ፤ ኑ ናጋራይ ኑና ጫርኮ ማላ ፒቲ ኤፊዴስ።

ኤርማሳ ቲንቢቴ 44:26

ኢንቴኖ ጊብጼ ቢታን ዲዛ ዩሁዳ ኣሳቶ! ጎዳ ቃላ ሲዪቴ! ጎዳይ፥ ‹ሃይሳፌ ጉዬ ጊብጼ ቢታን ኣዋ ባጋንካ ዲዛ ዩሁዳ ኣሲ ኦኒካ ዴኦ ጎዳይ ቤኢን!› ጊዲ ታ ሱን ጼይጊ ጫቆንታ ማላ ታኒ ታ ጊታ ሱንን ጫቃዲስ።

ዛካራሳ ቲንቢቴ 5:3

ኢዚካ ታስ፥ «ሃ ጻ ማጻፋ ጊዶን ቢታ ኡባ ቦላ ያና ቃንጌ ጻፌቲ ኡቲዴስ፤ ሄ ማጻፋን ኢሲ ባጋራ፥ ‹ካይሶ ኡባይ ቢታ ቦላፌ ያና› ጌቴቲ ጻፌቲዴስ፤ ቃሴካ ሃንኮ ባጋራ፥ ‹ዎርዶ ጫቂዛ ኡባይ ያና› ጌቴቲ ጻፌቲዴስ።

2ካዎታ ማጻፋ 5:20

ጾሳ ናቤዛ ኣሽካራ ጊያዜይ፥ «ታ ጎዳይ ሃይሲ ኣራሜ ዴሬ ኣስ ኒኢማኔይ ኢዛስ ኤሂዳይሳ ኤኮንታ ጮ ሜላ ዬዲዴስ፤ ዴኦ ጎዳይ ቤዪን ታ ኢዛ ካላ ባዳ ኢዛፔ ኢሲ ሚሽ ኤካናስ ቤሴስ» ጊ ቆፒዴስ።

ዬ ማጻፋ 68:27

ሄ ጪፍራን ኡባፌ ካሎቲዛ ቢኒያሜ ዛሬቲ ካሌቴስ። ካሊዲ ዩሁዳ ዳናቲ ባንታ ቡቴን ቡቴን ቤቴስ፤ ዉርሴን ዛቢሎኔ ዳናቲኔ ኒፍታሌሜ ዳናቲ ካሌቴስ።

ኢሳያሳ ቲንቢቴ 51:1

«ኢንቴኖ ጺሎቴ ካሊዛይቶ፥ ጎዳ ኮይዛይቶ ሲዪቴ። ኢንቴ ኢዛፔ ጳልቄቲ ኬዚዳ ዛላዛኔ ኢንቴ ቦኬቲ ኬዚዳ ኦላ ጼሊቴ።

ኢሳያሳ ቲንቢቴ 51:2

ኢንቴ ኣዋ ኣብራሃሜኮ፥ ኢንቴና ዬሊዳ ሳራኮ ጼሊቴ። ኢዚ ባርካ ዲሺን ታኒ ኢዛ ጼይጋዲስ፤ ታኒ ኢዛ ኣንጃዲሲኔ ዳርሳዲስ።

ሚኪያሳ ቲንቢቴ 2:7

«ያቆቤ ሶ ኣሳቶ ሄሳ ጌቴታናስ ቤሲዜ? ጾሳ ኣያናይ ኣጊ ኣሬኔ? ሄይታንታ ማላካ ኦዜ?» ጊ ኦይቻና፤ «ሱሬ ኦጌ ሄሜቲዛይታስ ታ ቃላይ ሎኦ ኦ ኤሬኔ?