ኢሳያሳ ቲንቢቴ 46:7 - ጋሞ ማጻፋ

⁷ ዴንዲ ባንታ ሃሼን ቶኬቴስ፤ ዛሪዲ ሄ ዴንዳ ሶሆን ዎቴስ፤ ኢዚካ ሄን ኤቃ ጌስ፤ ሄፔ ኣዋካ ቃጼና፤ ኦኒካ ኢዛኮ ዋሲኮ ዛሮ ኢሜና፤ ሜቶፔካ ኢዛ ኣሼና።

Geeshsha Maxaafa

⁷ Denththidi bantta hashen tookkeettes; zaaridi he denththida sohon woththeettes; izikka heen eqqaa gees; heeppe awakka qaaxxenna; oonikka izakko waassiko zaaro immenna; metoppeka iza ashshenna.

ኢሳያሳ ቲንቢቴ 46:7 Referans Kwoze

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኤርማሳ ቲንቢቴ 10:5

ኢስታ ኤቃ ጾሳቲ ኢስታ ካ ጊዶን ዶኣ ዳጋንናስ ኤሲዛ ሚስሌ ማላ። ሃሳያናስ ዳንዳዬቴና። ሄሜታናስ ኢስቲ ዳንዳዮንታ ጊሻስ ኣሳይ ኢስታ ቶኬስ። ኢስቲ ኢታ ጊዲን ዎይኮ ሎኦ ሚሽ ኢንቴ ቦላ ኦናስ ዳንዳዮንታ ጊሻስ ኢስታስ ሙሌካ ያዮፍቴ» ጌስ።

ኢሳያሳ ቲንቢቴ 46:1

ቤሌይ ካዉዪዴስ፤ ኔቦይ ኬሂ ጉጺዴስ፤ ኢስታ ኤቃ ጾሳቲ ጫና ሜሄታን ጫኔቲዳ፤ ኢስቲ ኦይኪ ዩዪዛ ሚስሌቲ ቶሆ፤ ዳቡርዳ ሜዶሳታስ ዴጾ ባኦ።

ዮናሳ ቲንቢቴ 1:5

ሂስቲን ማርካቤዛን ዲዛ ኣሳይ ባቢዳ ጊሻስ ዉሪካ ባ ጾሳኮ ዋሲዴስ፤ ቃሴ ማርካቤዚ ካዉያና ማላ ኢዛ ጊዶን ዲዛ ጫና ዴንዲ ኣባን ኦሊዳ፤ ጊዲኮካ ዮናሲ ማርካቤዛስ ጋርሳ ኪፊሌ ዎዲ ሄን ዴጾ ስኮ ዎዴስ።

ዳኔላ ቲንቢቴ 3:1

ካዎ ናቡካዳናጾሬይ ጌሳይ 60 ዋ፥ ጎምፓይ 6 ዋ ጊዲዳ ዎርቃ ሚስሌ ኦሲሲዲ ባቢሎኔ ዴሬን ዱራ ዴምባን ኤሲዴስ።

ኤርማሳ ቲንቢቴ 2:28

ሂስቲን ኣኔ ኢንቴ ኢንቴስ ሜዳ ጾሳቲ ኣዋን ዲዞ? ዩሁዳ፥ ኢንቴ ሜቶቲዛ ዎዴ ኢስቲ ኢንቴና ኣሻናስ ዳንዳይኮ ኣኔ ኢንቴና ዪዲ ኣሼቶ! ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ማላ ጮራ» ጊዴስ።

1ካዎታ ማጻፋ 18:40

ሄሳፌ ጉዬ ኤላሲ ኢስታስ፥ «ባኣሌ ናቤታ ኦይኪቴ። ኢስታፌ ኢሲ ኣሲካ ኬሲ ኤኪ ቦፖ» ጊዴስ፤ ሂስቲን ዴሬዚ ኢስታ ኦይኪዴስ፤ ኤላሲ ኢስታ ቂሶኔ ሻፋ ኤፊዲ ሹኪሲዴስ።

1ካዎታ ማጻፋ 18:26

ኢስቲ ባስ ኢሜቲዳ ኮርማ ኤኪዲ ጊግሲዳ። ማላዶፔ ሴታ ጋላስ ጋካናስ ባኣሌ ሱን ጼይጊዲ፥ «ሃኢ ባኣሌ! ኑ ዎሳ ሲያ» ጊዲ ዎሲዳ፤ ጊዶ ኣቲን ሲዬቲዛ ጬንጉርሲ ዴና፤ ዛሮ ኢሚዛይካ ዴና። ሂስቲን ባንቲ ጊግሲዳ ያርሺዛሶ ዱሪሼ ዩዪዳ።

1ሳሜላ ማጻፋ 5:3

ኣሽዶዴ ዴሬ ኣሳይ ዎንቴ ጋላስ ማላዶራ ዴንዲዲ ጼሊሺን ዳጎኔይ ጾሳ ጫቆ ቃላ ታቦታ ሲንን ጉፋኒ ዲዛይሳ ቤኢዳ፤ ኢስቲ ኢዛ ዴንዲ ካሴ ኢዚ ዲዛሶን ዎዳ።

ኢሳያሳ ቲንቢቴ 37:38

ሳናኪሬሚ ባ ጾሳ ኒስራኬ ኬን ጎይኒሼ ዴኢሺን፥ ኢዛ ናይቲ ኣዲራሜሌኬይኔ ሳርሳሬይ ማሻን ኢዛ ዎዳ። ሂስቲዲ ኣራራቴ ቢታ ባቃቲዳ። ኢዛ ና ኣሴራዶኔይ ኢዛሶሆን ካዎቲዴስ።

1ቆሮንቶሴ ኣሳስ 12:2

ኢንቴ ኣማናናፔ ካሴ ጮ ሜላ ያኔ ሃ ጉሳን ኢንቴ ኤሮንታ ካሊዲ ዶና ዱዴ ጊዲዳ ኤቃታኮ ቢዳይሳ ኢንቴካ ኤሬታ።

ኢሳያሳ ቲንቢቴ 40:20

ሄሳ ማላ ያርሾ ሺሻናስ ዳንዳዮንታ ማንቆ ኣሲ ሙሶንታ ሚ ዶሬስ፤ ኩንዶንታ ሚስሌ ኤሳናስ ኤሬቲዳ ሂላ ኮዬስ።

ኢሳያሳ ቲንቢቴ 41:7

ሂላንቻይ ዎርቃ ኦዛይሳ ሚንስ፤ ናሪቃን ቆጺ ሌኢሲዛዴይ ቢራታ ማርጮን ሴሪሲዛይሳ ሚንስ፤ ቢራታ ሴሪሲ ኦይሴይ፥ «ሎኦ» ጌስ፤ ኤቃ ጾሳ ሚስሌይ ኩንዶንታ ማላ ሚሲማሬን ቶርጌስ።

ኢሳያሳ ቲንቢቴ 41:28

ታኒ ጼሊዛ ዎዴ ኦኒካ ዴና፤ ኢስታ ጊዶን ዞራንቻይ ባዋ፤ ታ ኦይቺዳ ዎዴ ዛሮ ኢሚዛይካ ዴና።

ኢሳያሳ ቲንቢቴ 44:12

ቢራታ ቆጺዛይ ናሪቃ ኦይኬስ፤ ጺፋ ቦንቆ ቦላ ዎ ኦስ፤ ኤቃ ጾስ ናሪቃን ቆጺዲ ሚስሌ ጊጊሴስ፤ ባ ሚኖ ቄሴን ጊጊሴስ። ሄሳፌ ጉዬ ጋፌስ፤ ዎልቃ ዬስ፤ ሃ ሳሜቴስ፤ ዳቡሬስ።

ኢሳያሳ ቲንቢቴ 47:15

ናቴፌ ዶማዳ ኔ ኢስታራ ዳቡርዳይቲ፥ ኔ ኢስታራ ዛልኢዳይቲ፥ ኢስቲ ኦና ዳንዳይዛይ ሃይሳ ጻላ፤ ኢሶይ ኢሶይ ባ ሞሮ ጉጂ ጉጂ ባና፤ ጊዶ ኣቲን ኔና ኣሻናይ ዴና» ጌስ።

1ካዎታ ማጻፋ 18:29

ሴታ ጋላሲ ኣን ኦማርሳ ያርሾ ሺሺዛ ዎዴይ ጋካናስ ኢስቲ ሃፓኔ ቡራ ቲንቢቴ ሃሳይዳ ሺን ኣይኮ ዛሮካ ዴሚቤቴና፤ ኢስታ ጬንጉርሳ ሲዪዲ ዛሮ ኢሚዛይ ባዋ።

ኢሳያሳ ቲንቢቴ 41:29

ቤኢቴ ኢስቲ ኡባይካ ሃዳ፤ ኢስታ ኦሶስካ ጎኣይ ዴና፤ ኢስታ ሚስሌቲካ ኣይኮይ ባይንዳ ጫርኮ ማላ» ጌስ።

ኤርማሳ ቲንቢቴ 11:12

ሄ ዎዴ ዩሁዳ ካታማታ ኣሳቲኔ ዬሩሳላሜ ኣሳቲ ቢዲ ባንቲ ኤጻኔ ጩዋሲዛ ኤቃ ጾሳታስ ዋሳና፤ ጊዶ ኣቲን ሜቶ ዎዴ ሄ ጾሳቲ ሙሌካ ኢስታ ማዴቴና።