ኢሳያሳ ቲንቢቴ 45:7 - ጋሞ ማጻፋ

⁷ ታኒ ፖኦ ኦዲስ፤ ማካ ሜዲስ፤ ታ ዱሬሳይሲኔ ማንቂሳይስ፤ ሃይሳ ኡባ ኦዛ ጎዳይ ታና።

Geeshsha Maxaafa

⁷ Tani poo7o ooththadis; dhumakka medhdhadis; ta duresayssinne manqisays; hayssa ubbaa ooththiza GODAY tana.

ኢሳያሳ ቲንቢቴ 45:7 Referans Kwoze

ኣሞጼ ቲንቢቴ 3:6

ካታማ ጊዶን ኦላስ ዛዬይ ፑኔቲሺን ባቦን ኮኮሮንታ ኣሲ ዲ ኤሪዜ? ጎዳ ሼኔይ ባይንዳ ዲሺን ካታማ ቦላ ኢታ ሚሺ ጋኪ ኤሪዜ?

ዬ ማጻፋ 75:7

ጊዶ ኣቲን ሱሬ ፒርዲዛይ ጾሳ፤ ኢዚ ኢሳ ቦላ ፒርዴስ፤ ኢሳ ጺሊሴስ።

ኢዮቤ ማጻፋ 2:10

ኢዮቢካ፥ «ዋናዳ ኤያ ማጫሳ ሃሳያ ሃሳያይ? ጾሲ ሎኦ ሚሽ ኢሚዛ ዎዴ ኡፋይሳን ኤኮስ፤ ሃኢ ጊዲኮ ኢታ ኢዚ ኑ ቦላ ኤሂሺን ኢዛ ቦላ ዙዙማናስ ቤሲዜ?» ጊዴስ። ኢዮቢ ሃ ኡባ ሜቶይኔ ዋዬይ ኢዛ ቦላ ጋኪንካ ኢዚ ጾሳ ቦላ ኢታ ሚሽ ሃሳይዲ ናጋራ ኦቤና።

ኣሞጼ ቲንቢቴ 4:13

ዙማታ ኦዳዴይ ጫርኮታ ሜዳዴይ ባ ቆፒዳይሳ ኣሳስ ቆንጪሲዛይ ጋላሳ ፖኦ ጌዴ ማን ላሚዛይ ቢታ ቦላ ቃሶሆን ሄሜቲዛይሳ ሱንይ ጎዳ ሳሎ ጾሳ።

ኢሳያሳ ቲንቢቴ 31:2

ኢዚ ጊዲኮ ኣ ኤራንቻ፤ ኢዚ ባሽ ኤሃና፤ ባ ቃላካ ላሜና፤ ኢታ ኦዛይታ ቦላኔ ቆሆ ኦዛይታ ማዲዛይታ ቦላ ኢዚ ዴንዳና።

ኤርማሳ ቲንቢቴ 31:35

ጋላሳን ፖኢሳና ማላ ኣርሼ ዎዳይ፥ ኦማርሳን ፖኢሳና ማላ ኣጊናኔ ጾሊንቴታ ኣዛዚዳይ፥ ዳምባላይ ጉማና ማላ ኣባ ቃዛይ ኢዛ ሱንይ ጎዳ ኡባፌ ዎልቃማ ጾሳ ጌቴቲዛይሲ፥

ኤርማሳ ቲንቢቴ 13:16

ኢዚ ማ ኤሆንታ ዲሺን ሚዳ ዙማታ ቦላ ኢንቴ ቶሆይ ጴቶንታ ዲሺን ጎዳስ ኢንቴ ጾሳስ ቦንቾ ኢሚቴ፤ ኢንቴ፥ «ፖኦይ ያና» ጊዲ ናጌታ፤ ጊዶ ኣቲን ኢዚ ማን ላማና፤ ሳካና ማ ኦና።

ናሆሜ ቲንቢቴ 1:8

ጊዶ ኣቲን ኢዚ ናናዌ ዎልቃማ ዲኦ ሃን ይሳና፤ ባ ሞርኬታ ማይ ዲዛሶ ዬዴና።

ኤርማሳ ቲንቢቴ 51:20

ጎዳይ፥ «ባቢሎኔ ኔኒ ታ ጻምኣኔ ኦላ ማሳራ፤ ኔናን ጎኤታዳ ታኒ ዴሬ ኡባ ሜንሬዲስ፤ ቃሴ ካዎቴታካ ይሳዲስ።

ሃዋሬታ ኦሶ 4:28

ሃይሳንካ ኔ ዎልቃኒኔ ኔ ሼኔን ካሴ ኔ ቆፒዳይሳ ኢስቲ ፖሊዳ።

ኣሞጼ ቲንቢቴ 5:6

ሃ ጾሳኮ ሲሚቴ፤ ሂስቲኮ ኢንቴ ሼምፖራ ፓጻ ዴኣና፤ ኣካይ ጊኮ ጾሲ ታማ ማላ ኢስራኤሌ ዴራ ማና፤ ቤቴሌን ዲዛይታካ ታማይ ማና፤ ሄ ታማ ቶይሳናይ ኢስታስ ቤቴና።

ሂዚቄላ ቲንቢቴ 32:8

ሳሎን ፖኢሲዛ ፖኦታ ኡባ፥ ኔ ቦላ ታ ሚሳና፤ ኔ ቢታ ቦላ ታ ማ ኤሃና› ጌስ።

ዬ ማጻፋ 29:11

ጎዳይ ባ ዴራስ ዎልቃ ኢሜስ። ባ ኣሳካ ሳሮቴን ኣንጄስ።

ዬ ማጻፋ 8:3

ኔኒ ኔ ኩሼን ሜዳ ሳሎታ፥ ሶሆን ሶሆን ኔኒ ዎዳ ኣጊናኔ ጾሊንቴታ ታኒ ቤኢዛ ዎዴ፥

ኢዮቤ ማጻፋ 34:29

ጾሲ ጮኡ ጊኮ ኦኔ ኢዛ ቦላ ፒርዳናይ? ኢዚ ባ ዞኮ ዛሪኮ ኦኔ ኢዛ ቤያናይ?

ኬሳ ማጻፋ 14:20

ጊብጼ ኣሳሲኔ ኢስራኤሌ ናይታስ ጊዶን ኣ ኤቂዴስ። ሄ ሻራይ ኦማርስ ኢሲ ባጋራ ሚሲዲ ሃንኮ ባጋራ ፖኢሲዴስ፤ ሂስቲን ኦማርስ ኩሜ ኢሶይ ኢሳኮ ሺቃና ዳንዳይቤቴና።

ዩሁዳ ኪታ 1:13

ኢስቲ ዬላቺዛ ባ ኦሶዛ ዎልቃማ ኣባ ዳምባላ ማላ ጎፖንቶ ጮፑ ሂስቲዛይታ፤ ጊርዲ ጊዳ ማይ ኢስታ ሜርናስ ናጊዛይሳኔ ጮ ሜላ ዋዬቲዛ ጾሊንቴታ ማላኮ!

ዩሁዳ ኪታ 1:6

ሄሳካ ባ ቦንቾ ናጎንታ ኢጺዲ ባ ዲዛሶ ዬዲዳ ኪታንቻታ ኢንቴ ዩሺ ቆፒቴ፤ ጾሲ ኢስታ ጊታ ፒርዳ ጋላስ ጋካናስ ሜርና ቃሾስ ጊርዲ ጊዳ ማን ናጊ ዎዴስ።

ያቆቤ ኪታ 1:17

ሎኦ ኢሞቴኔ ኩሜ ኣንጆይ ዉሪ ቦላ ሳሎ ፖኦታ ኣዋፔ ዎቴስ፤ ኢዛ ኣቻን ያኔ ሃ ዩዪዛ ኤሾይካ ዴና።

2ቆሮንቶሴ ኣሳስ 4:6

ኪርስቶሳ ሲንን ጾሲ ባ ቦንቾ ኤራቴ ፖኦ ኑስ ኢማናስ፥ «ፖኦይ ማን ፖኦ» ጊዳ ጾሲ ባ ፖኦ ኑ ዎዚናን ፖኢሲዴስ።

ኢዩኤሌ ቲንቢቴ 2:2

ሄ ጋላሳይ ማኔ ቱላላ ጋላሳ፤ ሻራኔ ሳካና ማ ጋላሳ፤ ዎንታ ፖኦይ ኤሶን ዙማታ ጋኪዛ ማላ ዎልቃማ ቦሌይ ቢታ ኡባን ማይኣና፤ ሄሳ ማላይ ሃይሳፌ ካሴ ሃኒቤና፤ ሃይሳፌ ጉዬንካ ሃኔና።

2ካዎታ ማጻፋ 19:25

«ዳሮ ዎዴፔ ሲንን ኔኒ ጊምቤቲዳ ካታማታ ቆቆፋዳ፥ ሹቻ ኬላ ኬሳና ማላ፥ ታኒ ቆፋ ቃቻ ዎዳይሳ ሲያቤኪ? ቤኒ ሃልቻ ዎዳይሳ ሃኢ ፖላይስ።

ዬ ማጻፋ 105:28

ጎዳይ ማ ኪቲዲ ሄ ቢታ ሚሲዴስ፤ ጊዶ ኣቲን ጊብጼ ኣሳቲ ኢዛ ኣዛዞ ኢጺስ ጊዳ።

ኢሳያሳ ቲንቢቴ 42:16

ታኒ ቆቄታ ኢስቲ ኤሮንታ ኦጌ ካሌና፤ ኢስቲ ሜዜቶንታ ኦጌራካ ታ ኢስታ ኤፋና፤ ማዛ ታ ኢስታ ሲንን ፖኢሳና፤ ኩንዱኩርጮ ሶሆታ ታ ጊጊሳና፤ ሃይታንታ ኡባ ታ ኦንታ ኣጊኬ።

ኢሳያሳ ቲንቢቴ 47:11

ባሺ ኔ ቦላ ያና፤ ኔኒ ዎስታ ሙሬና ዛራናኮ ኤራካ፤ ኔ ቃንጾ ኢማዳ ኔ ዳንዳዮንታ ቆሆይ ኔ ቦላ ጋካና። ኔ ቆፖንታ ሜቶይ ኔ ቦላ ዲንጋቴ ያና።

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።

ኤርማሳ ዚላስ 3:38

ኢታ ጊዲን ዎይኮ ሎኦ ጊዲን ባ ጊዳዝ ፖሊዛይ ኡባፌ ቃ ጾሳ ጊዴኔ?

ዳኔላ ቲንቢቴ 2:22

ኢዚ ጪማ ጊዲዳ ጹራ ዮኦታኔ ጌሚዳይታ ቆንጪሴስ፤ ኡባ ዎዴ ኢዛ ማታን ፖኦይ ዴስ፤ ሄሳ ጊሻስ ኢዚ ማን ዲዛዝ ኤሬስ።

ኢዮቤ ማጻፋ 10:13

«ሄኮ ሃይታ ሃ ሚሻታ ኔ ዎዚናን ቆታ ዎዳ ዳሳ፤ ኔ ቆፋይካ ሃይሳ ጊዲዳይሳ ታ ኤራዲስ።

ዬ ማጻፋ 74:16

ጋላሳይ ኔሳ፤ ቃማይካ ኔሳ፤ ቃሴ ኣርሼኔ ኣጊና ኢስቲ ዲዛሶን ሚን ዎዳይ ኔና።

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።