ኢሳያሳ ቲንቢቴ 45:14 - ጋሞ ማጻፋ

¹⁴ ጎዳይ፥ «ጊብጼ ዱሬቴኔ ቶጵያ ዛልኤይ፥ ቃሴ ጌሳን ኣዱስ ጊዲዳ ሳባ ኣሳቲካ ኔኮ ያና፤ ኔይታ ጊዳና። ኢስቲ ኔና ካላና፤ ሳንሳላታን ቃሼቲ ኔኮ ዪዲ ኔስ ጎይናና፤ ኢስታስ፥ ‹ቱማፔ ጎዳይ ኔናራ ዴስ፤ ኢዛፔ ኣቲን ሃራ ጾሲ ዴና› ጊዲ ዎሳና» ጌስ።

Geeshsha Maxaafa

¹⁴ GODAY, «Gibxe dureteththinne Tophphiya zal7ey, qasse geesan adus gidida Saaba asatikka neekko yaana; neyta gidana. Istti nena kaallana; sansalatan qashetti neekko yiidi nees goynnana; isttas, ‹Tumappe GODAY nenara dees; izappe attiin hara Xoossi deenna› giidi woossana» gees.

ኢሳያሳ ቲንቢቴ 45:14 Referans Kwoze

ኢሳያሳ ቲንቢቴ 49:23

ካዎቲ ኔና ዲቺዛ ኣዋታ ጊዳና፤ ኢስታ ማቼቲ ኔና ዲቺዛ ኣዬታ ጊዳና፤ ኢስቲ ጉፋኒዲ ኔስ ጎይናና፤ ኔ ቶሆ ቦላፌ ባናካ ላጫና፤ ኔካ ታኒ ጎዳ ጊዲዳይሳ ኤራና፤ ታናን ሂዶታ ኦዛይቲ ዬላቴቴና» ጌስ።

1ቆሮንቶሴ ኣሳስ 14:25

ኢዛዴይ ባ ዎዚናን ቆቲ ዎዳዚ ዉሪ ቆንጫናኔ ኢዚካ ባ ባጋራ፥ «ቱማፔ ጾሲ ኢንቴናራ ዴስ» ጊዲ ጉፋኒ ጾሳስ ጎይናና።

ኤርማሳ ቲንቢቴ 16:19

ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

ዮሃኒሳ ኣጁታ 3:9

ሄሳ ጊሻስ ባስ ኣይሁዳ ጊዶንታ ዲሼ ባና ኣይሁዳ ጊዛይቲ ሄይቲ ጻላኤ ማባራፔ ጊዲዳ ዎርዶቲ ዪዲ ኔ ቶሆ ቦላ ኩንዳና ማላ ታ ኦና፤ ታኒ ኔና ሲቂዳይሳ ኢስቲ ኤራና ማላ ታ ኦና።

ኢዩኤሌ ቲንቢቴ 3:8

ኢንቴ ማጫ ናይቲኔ ኣቱማ ናይቲ ዩሁዳ ኣሳስ ባይዜታና ማላ ታ ኦና፤ ኢስቲካ ሃሆ ዴሬን ዲዛ ሳባኔ ኣሳስ ኣ ባይዛና፤ ሃይሳ ዉርሳ ዮቲዳይ ታና ጎዳ።

ሂዚቄላ ቲንቢቴ 23:42

«ካኢዛ ኣሳታ ካቺ ኢዚ ዩሾን ዴስ፤ ሺሮ ሜዛ ኣሳታራ ባዞፌ ዪዳ ማቲዛይቲ ዴቴስ፤ ማጫሳይ ቦላኔ ኢዚ ሚቼይ ቦላ ሳጋዮ፥ ኢስታ ሁኤንካ ካይሺዛ ካላቻ ዎዳ።

ኢሳያሳ ቲንቢቴ 43:3

ጋሶይካ ታኒ ጎዳ ኔ ጾሳይ፥ ኢስራኤሌ ጌሻይ ኔስ ሌ፤ ታ ኔ ጊሻስ ጊብጼ ዎዞ ኢማና፤ ቶጵያኔ ሴባ ኔ ጊሻስ ኣ ኢማና።

ኢሳያሳ ቲንቢቴ 23:18

ጊዲኮካ ኢዛ ዴሚዳ ኡባይኔ ዎይ ጎዳስ ዱማታና፤ ዳጋቴናኔ ሱዴና፤ ኢዚ ዎይ ጎዳ ሲንን ዴኢዛይታስ ፓላሂዳ ካኔ ሎኦ ማይኦ ጊዳና።

ኢሳያሳ ቲንቢቴ 18:7

ሄ ዎዴ ጎዳስ ኡባፌ ዎልቃማ ጾሳስ ኣዱሳኔ ሊቆ ኣሳፔ፥ ማታፔ ሃሆፔ ያዪዛ ዴሬፔ፥ ዎልቃማኔ ኢዛ ቃላይ ኤሬቶንታ ዴሬፔ፥ ሻፋቲ ሻኪ ቢዛ ካዎቴፌ ኢሞታይ ያና፤ ሜቴ ጎዳይ ዲዛሶ ፑዴ ጺዮኔ ዙማ ቦላ ያና።

ኢሳያሳ ቲንቢቴ 10:33

ቤኢቴ ጎዳይ፥ ኡባፌ ዎልቃማ ጎዳይ ባ ጊታ ዎልቃን ሃጋታ ቃንጼሬና፤ ኣዱሳ ሚቲካ ሺሬቲ ዎና፤ ቁ ቁ ጊዳይቲካ ኩንዳና።

ዬ ማጻፋ 149:8

ኢስታ ካዎታ ሳንሳላታን፥ ኢስታ ኦላ ቃራታካ ቢራታን ቃቻና።

ኬሳ ማጻፋ 11:8

ኔ ሱንዳ ዳናቲ ዉሪ ታኮ ዪዲ፥ ታ ሲንን ጉፋኒ ዚጊዲ፥ ‹ኬዛዳ ባርኪ! ኔና ካሊዛ ኣሳይ ዉሪካ ቦ!› ጋና። ሄሳፌ ጉዬ ታኒ ባና» ጊዴስ። ሙሴይ ዳሮ ሃንቄቲዲ ኢዛ ሲንፌ ኬዚዲ ቢዴስ።

1ታሶሎንቄ ኣሳስ 1:9

ኢንቴ ኑና ዎስቲ ሞኪ ኤኪዳኮኔ ዴኦን ዲዛ ቱሙ ጾሳስ ኦናስ ኢንቴ ኤቃታፔ ጾሳኮ ዋኒ ሲሚዳኮ ኣሳይ ኢንቴ ጊሻስ ሃሳዬስ።

ሂዚቄላ ቲንቢቴ 31:3

ኢዛ ሃጋይ ዎራስ ኩዋ ጊዲዲ ዳሮ ሉሌ ጊዲዲ ኢዛ ጼራይ ሳሎ ጋኪ ዲቺዛ ሊባኖሴ ዚጋ ሚሳቲዛ ኣሶሬ ጼሊቴ።

ኢሳያሳ ቲንቢቴ 61:9

ኢስታ ዛሬቲ ካዎቴታ ጊዶን፥ ኢስታ ናይቲ ዴሬ ጊዶን ኤሬቲዳይታ ጊዳና፤ ኢስቲ ቤኢዛ ኡባይ ጎዳይ ኣንጂዳ ዴሬ ጊዲዳይሳ ኤራና፤

ኢሳያሳ ቲንቢቴ 45:24

«ኢስቲ ታ ጊሻስ ሃሳይሼ፥ ‹ጺሎቴኔ ዎልቃይ ጎዳን ጻላ ዴስ› ጋና» ጌስ። ኢዛ ቦላ ሃንቆን ዴንዲዳይቲ ኡባይ ኢዛኮ ዪዲ ዬላታና።

ኢሳያሳ ቲንቢቴ 44:8

ያዮፍቴ፤ ዳጋሞፍቴ። ሃይሳ ታኒ ኢንቴስ ዮታቤኪና? ቤኒሶፌ ታ ኢንቴና ኤሪሳቤኪና? ሄሳስ ኢንቴ ታ ማርካታ። ታፔ ኣቲን ሃራ ጾሲ ዲዜ? ሙሌካ ዴና፤ ዎይኮ ሃራ ዛላይ ዲዜ? ዴና፤ ታ ኦናካ ኤሪኬ» ጌስ።

ዬ ማጻፋ 149:6

ኢስታ ዶናን ጾሳ ጋላታይ፥ ኢስታ ኩሼንካ ቃራ ጊ ማሻይ ዴኦ።

ኢዮቤ ማጻፋ 1:15

ሳባ ዴሬ ኣሳቲ ዪዲ ኑ ቦላ ኦላ ዴንዲ ኡባካ ዲኢ ኤኪ ቢዳ፤ ኔ ኣይሌታ ኡባታካ ማሻን ዎዳ፤ ታኒ ጻላላ ኣታዳ ሃኒዳ ኡባ ኔስ ዮታናስ ያዲስ» ጊዴስ።

ኣስቴሪ ማጻፋ 8:17

ካዎዛ ኣዋጃይ ጋኪዳ ዴሬታኒኔ ካታማታ ኡባን ኣይሁዳታስ ኡፋይሲኔ ሚቻ፥ ጊቢራ ጋላሲኔ ካሳ ጋላስ ጊዲዴስ፤ ሃራ ካዎቴቲ ኡባይ ኣይሁዳታስ ባቢዳ ጊሻስ ኣይሁዳቴን ላሜቲዳ።

2ሳሜላ ማጻፋ 21:20

ቃሴካ ጌቴን ዴንዲዳ ኦላን ኢዛስ ኢሲ ኢሲ ኩሼ ቦላኔ ኢሲ ኢሲ ቶሆ ቦላ ኡሱፑን ቢራይ፥ ኢሲ ቦላ ናምኡ ታማኔ ኦይዱ ቢራቲ ዲዛ ኢሲ ዎልቃማ ኣሲ ዴስ፤ ኢዚ ኤራፋዬ ዜሬ።

ታይቦ ማጻፋ 13:32

ኢስቲ ጾሞሲ ጼላና ቢዳ ዴሬዛ ጊሻስ ኢስራኤሌ ኣሳስ ኤሂ ዮቲዳ ዮኦይ ኣሳስ ዲዛ ሂዶታ ቃንጺሲዛ ዮኦ፤ ኢስቲ ቃሴካ፥ «ኑኒ ኢዞ ጾሞሲ ጼሊዳ ቢታያ ኢዚን ዳናስ ቢዛ ኣስ ሚቲዛ ቢታ፤ ኑኒ ሄን ቤይዳ ኣሳይካ ጌሳኔ ጉባ ጊታ።

ሜቴ ማጻፋ 27:29

ካዎቴቲ ኔስ ሃሬቴቶ፤ ኣሲ ዉሪ ኔስ ጉልባቶ፤ ኔኒ ኔ ኢሻታስ ጎዳ ጊዳ፤ ኔ ኣዬይ ዜሬ ኔስ ጉልባቶ፤ ኔና ቃንጊዛይ ቃንጌቲዳዝ ጊዶ፤ ኔና ኣንጂዛይ ኣንጄቲዳይሳ ጊዶ» ጊዴስ።

ኢዮቤ ማጻፋ 11:19

ኔ ኦናስካ ባቦንታ ኢቻና፤ ዳሮ ኣሳቲካ ኔ ሲንን ቦንቾ ዴማናስ ኮያና።

ኢሳያሳ ቲንቢቴ 18:1

ቶጵያ ሻፋታ ማታን ዲዛ ጊሬቲዛ ቄፌይ ዲዛ ቢታይስ ኣዬ ኣና!

ኢሳያሳ ቲንቢቴ 19:21

ጎዳይ ባና ጊብጼታስ ቆንጪሳና፤ ኢስቲካ ሄ ጋላስ ጎዳ ኤራና፤ ያርሾኒኔ ካ ያርሾን ኢዛ ጎይናና። ኢስቲ ጎዳስ ኣዲኔታና፤ ባ ኣዲኔቲዳይሳካ ጋና።

ኢሳያሳ ቲንቢቴ 19:22

ጎዳይ ጊብጼ ቦሻን ሾጫና፤ ዛሪዲካ ኢስታ ፓና፤ ኢስቲካ ጎዳኮ ሲማና፤ ኢዚካ ኢስታ ዎሳ ሲዪዲ ኢስታ ፓና።

ኢሳያሳ ቲንቢቴ 54:3

ኔኒ ኡሻቻ ባጋራኔ ሃዲርሳ ባጋራ ኣካና፤ ኔ ዛሬቲ ካዎቴታ ላታና፤ ሂስቲዲ ኣይኮይ ባይንዳ ኢስታ ካታማታን ኢስቲ ዳና።

ኢሳያሳ ቲንቢቴ 55:5

ቤኣ፥ ኔኒ ኤሮንታ ካዎቴታ ጼይጋና፤ ኔና ኤሮንታ ካዎቴቲ ኔኮ ኤሶን ያና። ጋሶይካ ጎዳ ኔ ጾሳይ ኢስራኤሌ ጌሻይ ባ ቦንቾን ኔና ቁ ቁ ሂስቲዴስ» ጌስ።

ኢሳያሳ ቲንቢቴ 60:3

ካዎቴቲ ኔ ፖኦኮ፥ ካዎቲካ ኔ ዎንታ ጻልቄኮ ያና።