ኢሳያሳ ቲንቢቴ 45:12 - ጋሞ ማጻፋ

¹² ሳኣ ኦዳይ ታና፤ ኣሲካ ኢዚ ቦላ ሜዲስ። ሳሎታ ታኒ ታ ኩሼን ቶላዲስ፤ ኢስታ ቦላ ሳሎ ሜታታ ዎዲስ።

Geeshsha Maxaafa

¹² Sa7a ooththiday tana; asikka izi bolla medhdhadis. Salota tani ta kushen toladis; istta bolla salo medhetata woththadis.

ኢሳያሳ ቲንቢቴ 45:12 Referans Kwoze

ኤርማሳ ቲንቢቴ 27:5

ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 42:5

ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ናሂሚያ ማጻፋ 9:6

ሄሳፌ ጉዬ ኢስራኤሌ ኣሳይ፥ «ጾሶ፥ ኔ ጻላ ጎዳ፤ ሳሎኔ ሳሎ ቦላ ዲዛይታ፥ ሳኣኔ ሳኣ ቦላ ዲዛይታ፥ ጊታ ኣባኔ ኢዛ ጊዶን ዲዛይታ ኡባ ሜዳይ ኔና። ኡባስ ዴኦ ሼምፖ ኢማዳሳ፤ ሳሎ ሜቴቲ ኡባይ ኔስ ጎይኔቴስ።

ሜቴ ማጻፋ 2:1

ሳሎ ቦላኔ ሳኣ ቦላ ዲዛይ ዉሪ ሃይሳ ኦሴቲ ፖሌቲዴስ።

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ኢሳያሳ ቲንቢቴ 45:18

ሳሎታ ሜዳይ ኢዚ ጎዳ፤ ቢታ ጊግሲዲ ሜዳይ፥ ሳኣስ ዮች ዬጊዳይ፥ ኢዛ ኣሳ ዱሳሶ ጊዳና ማላ ኣቲን ጮ ሜላ ዎናስ ሜንታ ጎዳይ፥ ታኒ ጎዳ፤ ታፔ ሃራይ ዴና።

Ibirawe 11:3

ሃይሲ ሃ ኣላሜይ ጾሳ ቃላን ሜቲዳይሳ ኑኒ ኣማኖን ኤሮስ፤ ሄሳካ ኣይፌን ቤቲዛይሲ ሜቲዳይ ቤቲዛ ሚሻፌ ጊዶንታይሳ ኑኒ ኤሮስ።

ኢሳያሳ ቲንቢቴ 40:28

ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

ዛካራሳ ቲንቢቴ 12:1

ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤

ኢሳያሳ ቲንቢቴ 40:22

ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

ኢሳያሳ ቲንቢቴ 40:12

ሃታ ባ ኩሼ ኩጴን ማኪዳይ፥ ሳሎታ ታኪዳይ፥ ባና ዳቾን ማኪ ኦይኪዳይ፥ ዙማታ ባ ሜዛኔን፥ ዙምቡላታካ ሜዛኔን ዎዳይ ኦኔ?

ዬ ማጻፋ 102:25

ኔኒ ቤኒ ሳኣ ሜዳሳ፤ ሳሎቲካ ኔ ኩሼ ኦሶ።

ዛሬ ማጻፋ 4:32

«ጾሳይ ኣሴ ቢታ ቦላ ሜሶፌ ዶሚዲ ኢንቴ ዬሌታናፔ ካሴ ኣዳ ዎዴታ ጾሞሲቴ፤ ቢታ ጋጻፔ ጋጻ ጋካናስ ፒልጊ ጼሊቴ፤ ሃይሳፌ ካሴ ሃይሳ ማላ ጊታ ሚሺ ሙሌካ ሃኒ ኤሪዜ? ዎይኮ ሲዬቲ ኤሪዜ?

ኢዝራ ማጻፋ 1:2

ፓሪሴ ካዎ ቂሮሲ ኣዋጃን ኬሲዳ ኣዛዞይ፥ «ጎዳ ሳሎ ጾሳይ ታና ቢታ ካዎቴታ ኡባ ኣይሳና ማታ ታስ ኢሚዴስ፤ ዩሁዳ ቢታን ዲዛ ጾሳ ኬ ዬሩሳላሜን ታ ኢዛስ ኬጻና ማላ ኣዛዚዴስ።

ኢዮቤ ማጻፋ 37:18

ጾሲ ሳሎ ሴሪዳ ማስቶቴ ማላ ሚጪኮ፥ ኔኒ ኢዛ ማታን ኡታዳ ማዳናዉ ዳንዳያይ?

ዬ ማጻፋ 104:2

ኔኒ ኣፋላ ማላ ፖኦ ቁማኣዳሳ፤ ሳሎታካ ዱንካኔ ማላ ቶላዳሳ።

ኢሳያሳ ቲንቢቴ 37:16

«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

ኢሳያሳ ቲንቢቴ 48:13

ቢታስ ዮች ዬጊዳይ ታ ኩሼ፤ ሳሎታ ሚጪዳይ ታ ኡሻቻ ኩሼ። ታ ኢስታ ጼይጊዛ ዎዴ ኢስቲ ኡባይካ ኢሲ ቦላ ኤቄቴስ።

ኢሳያሳ ቲንቢቴ 51:13

ኔና ሜዳይሳ፥ ሳሎታ ቶሊዳይሳ፥ ሳኣስ ዮች ዬጊዳይሳ ኔ ባላዳሳ፤ ኔና ይሳናስ ጊጌቲዳ ሜንጼ ኢታዛ ጋሶፔ ዴንዲዳይሳን ኡባ ጋላስ ሺሮን ዳሳ፤ ሂስቲን ሄ ሜንጼ ኢታዛ ሃንቆይ ሃኢ ኣዋን ዲዜ?

ኢሳያሳ ቲንቢቴ 40:26

ኢንቴ ኣይፌ ቁ ሂስቲዲ ፑዴ ሳሎ ጼሊቴ፤ ሃይታንታ ኡባ ሜዳይ ኦኔ? ሳሎ ጾሊንቴታ ኢሳ ኢሳ ኬሲዛይ፥ ኢስታ ሱንን ሱንን ጼይጊዛይ ኢዛ። ኢዚ ባ ጊታቴኒኔ ባ ኤራቴ ሚኖቴፌ ዴንዲዳይሳን ኢስታፌ ኢሶይካ ዬና።