ኢሳያሳ ቲንቢቴ 44:9 - ጋሞ ማጻፋ

⁹ ኤቃ ሚስሌታ ሜዛይቲ ኡባቲ ሃዳ፤ ሚስሌታ ኢስታፌ ኦዛ ሚሻቲካ ሃዳ፤ ኢስታስ ዮቲዛይቲካ ቆቄ፤ ኢስታስ ኤራቴ ዴና፤ ኢስቲ ዬላታና።

Geeshsha Maxaafa

⁹ Eeqa misleta medhdhizayti ubbati hada; misleta isttafe ooththiza miishshatikka hada; isttas yootizaytikka qooqe; Isttas erateththi deenna; istti yeellatana.

ኢሳያሳ ቲንቢቴ 44:9 Referans Kwoze

ኢሳያሳ ቲንቢቴ 41:24

ሄኮ ኢንቴ ኣይኮ ቆዳን ጌሎንታይታ፤ ኢንቴ ኦሶይ ሙሌካ ሃዳ፤ ኢንቴና ዶሪዳይቲ ሃራሲዛይታ።

ኢሳያሳ ቲንቢቴ 41:29

ቤኢቴ ኢስቲ ኡባይካ ሃዳ፤ ኢስታ ኦሶስካ ጎኣይ ዴና፤ ኢስታ ሚስሌቲካ ኣይኮይ ባይንዳ ጫርኮ ማላ» ጌስ።

ዬ ማጻፋ 97:7

ሚስሌታስ ጎይኒዛይቲኔ ኤቃ ጾሳታን ጬቄቲዛይቲ ኡባይ ዬላቴቶ! ኤቃ ጾሳቲ ኡባይ ጎዳስ ጉልባቴቶ!

ኤፌሶኔ ኣሳስ 5:8

ካሴ ኢንቴ ማ ሺን ጎዳን ሃኢ ኢንቴ ፖኦ፤ ኢንቴ ፖኦ ናይታ ማላ ዲቴ።

2ቆሮንቶሴ ኣሳስ 4:4

ጾሳ ሌሚሶ ጊዲዳ ኪርስቶሳ ቦንቾ ሚሺራቾ ቃላ ፖኦዛ ሃ ኣላሜ ኣሳይ ቤኦንታ ማላ ሃይሳ ሃ ኣላሜዛ ጾሲ ኣማኖንታ ኣሳ ዎዚና ሙሚሲዴስ።

1ቆሮንቶሴ ኣሳስ 8:4

ሄሳ ጊሻስ ኤቃስ ያርሼቲዳ ኣሾ ሙሳ ጊሻስ ታ ኢንቴስ ጊዛይ ሃይሳ ኣላሜዛን ኤቃይ ሃዳ ጊዲዳይሳኔ ኢሲ ጾሳፌ ኣቲን ሃራ ጾሲ ባይንዳይሳ ኑ ኤሮስ።

ኦሮሜ ኣሳስ 1:22

ኢስቲ ባና፥ «ኤራ» ጊዛይታ ጊዲኮካ ኤያታ ጊዲዳ።

ዳኔላ ቲንቢቴ 11:38

ኢስታሶሆን ሚጻታ ጾሳ ቦንቻና፥ ካሴ ኢዛ ኣዋቲ ኤሮንታ ጾሳስ ዎርቃ፥ ቢራ፥ ኣሌቆ ሚሻታ፥ ኣልኦ ሹቻታኔ ሃራ ዳሮ ኢሞታታ ሺሺዲ ቦንቻና።

ዳኔላ ቲንቢቴ 5:23

ሄሳፌ ቦላራካ ሳሎ ጎዳ ቦላ ኔ ኦቶሬታዳ ኔርካ ኔና ቁ ቁ ሂስታዳሳ፤ ጾሳ ኬፌ ዲኤቲ ዪዳ ዎርቃፌኔ ቢራፔ ኦሴቲዳ ሚሻታ ኔኒ ኤሂሳዳ፥ ኔኒ ኔ ሹሜቲ፥ ኔ ማቼቲኔ ኔ ላጌቲ ኢሲፌ ኢስታን ዎይኔ ኡሹ ኡዪዴታ፤ ሂስቲዲ ጼላናስ፥ ሲያናስ፥ ኣኬካናስ ዳንዳዮንታይታ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዴታ፤ ኔ ሼምፖኔ ኔ ኦጌ ባ ኩሼን ኦይኪዳ ጾሳ ቦንቻቤካ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 2:11

ኢስቲ ቱሙ ጾሳታ ጊዶንታ ኣጊኮካ ባ ኤቃ ጾሳታ ላሚዳ ካዎቴ ዲዜ? ታ ዴሬይ ጊዲኮ ኢስታስ ቦንቾ ጊዲዳይሳ ላሚዴስ» ጌስ።

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኢሳያሳ ቲንቢቴ 44:20

ኤያ ዎዚናይ ኢዛ ባሌን ኢዚ ቢዲን ቃምኤስ፤ ባና ኣሻና ዳንዳዬና፤ «ሃይሲ ታስ ኡሻቻ ኩሼን ዲዛይ ዎርዶ ጊዴኔ? ጋናስ ዳንዳይቤና።»

ኢሳያሳ ቲንቢቴ 44:18

ኢስቲ ኣይኮካ ኤሬቴናኔ ኣኬኬቴና፤ ኢስቲ ጼሎንታ ማላ ኢስታ ኣይፌይ ጎዜቲዴስ፤ ኢስቲ ዩሺ ቆፖንታ ማላ ኢስታ ዎዚናይ ጎርዴቲዴስ።

ኢሳያሳ ቲንቢቴ 43:8

ኣይፌይ ዲሺን ቆቂዳይታ፥ ሃይካ ዲሺን ቱሊዳይታ ኬሳ።

ኢሳያሳ ቲንቢቴ 42:18

ጎዳይ፥ «ኢንቴኖ ቱሌቶ ሲዪቴ! ኢንቴኖ ቆቄቶ ቤኢቴኔ ጼሊቴ!

ዬ ማጻፋ 135:18

ኢስታ ሜዳይቲኔ ኢስታን ኣማኔቲዛይቲ ኡባይ ኢስታ ማላ ጊዴቶ።

ዬ ማጻፋ 115:8

ኢስታ ሜዛይቲኔ ኢስታን ኣማኔቲዛይቲ ኡባይ ኢስታ ማላ ጊዴቶ።

ኤፌሶኔ ኣሳስ 4:18

ኢስታ ዎዚናይ ሙሚዳ ጊሻሲኔ ዩሺ ቆፖንታ ጊሻስ ኢስታ ዎዚና ኣይፌይ ቆቂዴስ፤ ኢስቲ ጾሳ ዴኦፔ ሻኬቲዳ።

ዳናታ ማጻፋ 10:14

ቢዲ ኢንቴ ዶሪዳ ጾሳታስ ዋሲቴ፤ ኢንቴ ሜቶቲዳ ዎዴ ኢስቲ ኢንቴና ኣሼቶ» ጊዲ ዛሪዴስ።

ዛሬ ማጻፋ 27:15

«ጎዳይ ኤቃ ጾሳታስ ጎይኖ ኢጺዛ ጊሻስ፥ ሚፌ ማሲዲ ሹቻፌ ቆጺዲኔ ቢራታ ሴሪሲዲ ኤቃ ጾስ ጊግሲዲ ጌማን ጎይኒዛዴይ ኦኒካ ቃንጌቲዳዴ ጊዶ!» ዴሬዚ ዉሪካ፥ «ኣሚን!» ጎ።

2ካዎታ ማጻፋ 19:18

ኢስታ ኤቃ ጾሳታካ ታማን ዬጊ ጹጊ ይሲዳ፤ ኢስቲካ ኣሳ ኩሼን ሚፌኔ ሹቻፌ ኦሴቲዳይታ ኣቲን ጾስ ጊዴቴና።

ኢሳያሳ ቲንቢቴ 26:11

ኣቤት ጎዳዉ! ኔ ቄሴይ ቁ ቁ ጊዴስ። ኢስቲ ጊዲኮ ቤኤቴና፤ ኔ ኣሳስ ኔ ሚሼቲዛይሳ ቤኤቶኔ ዬላቴቶ፤ ኔ ሞርኬታስ ጊጊዳ ታማይ ኢስታ ሞ።

ኢሳያሳ ቲንቢቴ 42:17

ኤቃ ጾሳታን ኣማኔቲዛይቲ ጊዲኮ ሚስሌታካ፥ ‹ኢንቴ ኑ ጾሳታ› ጊዛይቲ ጉዬ ሲማና፤ ኢስቲ ሙሌራ ካዉያና» ጌስ።

ኢሳያሳ ቲንቢቴ 43:9

ካዎቴቲ ኡባይ ኢሲፌ ሺቄቶ፤ ኣሳይካ ኢሲ ቦላ ሺቆ፤ ኢስታፌ ካሴቲዲ ሃይሳ ኑስ ዮቲዳይ ኦኔ? ቤኒ ሚሽ ኑስ ኣዋጂዳይ ኦኔ? ሃራቲ ሲዪዲ፥ «ሃይሲ ቱማ» ጋና ማላ፥ ኢስታ ቱማቴይካ ቆንጫና ማላ ባንታ ማርካታ ኤሄቶ።

ኢሳያሳ ቲንቢቴ 44:11

ኤቃ ጾስ ሜዛይ ኣስ ኣቲን ሃራ ጊዴና፤ ኢዚኔ ኢዛ ሚሳቲዛይቲ ዬላታና፤ ኡባይካ ሺቂዲ ኢሲ ቦላ ኤቄቶ፤ ኢስቲ ዳጋማናኔ ዬላታና።

ኢሳያሳ ቲንቢቴ 45:16

ኤቃ ጾሳታ ሜዛይቲ ኡባይ ዬላታና፥ ጉጻና ኢሲ ቦላ ካዉያና።

ኢሳያሳ ቲንቢቴ 65:13

ሄሳ ጊሻስ፥ ኡባ ሃሪዛ ጎዳይ፥ «ቤኢቴ፥ ታ ኣሽካራቲ ማና፤ ኢንቴ ጊዲኮ ጋፋና፤ ታ ኣሽካራቲ ኡያና፤ ኢንቴ ጊዲኮ ሳሜታና፤ ታ ኣሽካራቲ ኡፋዬታና፤ ኢንቴ ጊዲኮ ዬላታና።

ዛሬ ማጻፋ 4:28

ሄን ኢንቴ ሚፌኔ ሹቻፌ ኣሳ ኩሼን ኦሴቲዲ ጼሎንታ፥ ሲዮንታ፥ ሞንታኔ ሲንጎንታ ኤቃ ጾሳታስ ጎይናና።

ዬ ማጻፋ 115:4

ጊዶ ኣቲን ኢስታ ኤቃ ጾሳቲ ቢራፔኔ ዎርቃፌ ኣሳ ኩሼን ኦሴቲዳይታ።

ኢሳያሳ ቲንቢቴ 57:12

ታኒ ኔ ጺሎቴኔ ኔ ኦሶ ቆንጪሳና፤ ኢስቲካ ኔና ጎኤቴና።

ኤርማሳ ቲንቢቴ 2:26

«ካይሶይ ኦይኬቲዲ ዬላቲዛ ማላ ኢስራኤሌ ኣሳይ ዬላቲዴስ፤ ኢስቲካ፥ ኢስታ ካዎቲ፥ ኢስታ ሹሜቲ፥ ኢስታ ቄሴቲኔ ኢስታ ናቤቲ ኡባይ ሄሳ ዬላታና።