ኢሳያሳ ቲንቢቴ 44:11 - ጋሞ ማጻፋ

¹¹ ኤቃ ጾስ ሜዛይ ኣስ ኣቲን ሃራ ጊዴና፤ ኢዚኔ ኢዛ ሚሳቲዛይቲ ዬላታና፤ ኡባይካ ሺቂዲ ኢሲ ቦላ ኤቄቶ፤ ኢስቲ ዳጋማናኔ ዬላታና።

Geeshsha Maxaafa

¹¹ Eeqa xoos medhdhizay as attiin hara gidenna; izinne iza misatizayti yeellatana; ubbayka shiiqidi issi bolla eqqetto; istti dagammananne yeellatana.

ኢሳያሳ ቲንቢቴ 44:11 Referans Kwoze

ኢሳያሳ ቲንቢቴ 42:17

ኤቃ ጾሳታን ኣማኔቲዛይቲ ጊዲኮ ሚስሌታካ፥ ‹ኢንቴ ኑ ጾሳታ› ጊዛይቲ ጉዬ ሲማና፤ ኢስቲ ሙሌራ ካዉያና» ጌስ።

ኢሳያሳ ቲንቢቴ 45:16

ኤቃ ጾሳታ ሜዛይቲ ኡባይ ዬላታና፥ ጉጻና ኢሲ ቦላ ካዉያና።

ኢሳያሳ ቲንቢቴ 1:29

ካሴ ኢንቴ ዶሲዛ ካሻታን ኢንቴ ዬላታና፤ ካሴ ኢንቴ ዶሪዳ ኣታኪልቴሶሆታን ኢንቴ ካዉያና።

ዬ ማጻፋ 97:7

ሚስሌታስ ጎይኒዛይቲኔ ኤቃ ጾሳታን ጬቄቲዛይቲ ኡባይ ዬላቴቶ! ኤቃ ጾሳቲ ኡባይ ጎዳስ ጉልባቴቶ!

ኤርማሳ ቲንቢቴ 51:17

«ኣስ ኡባይ ዳማኔ ኤራቴ ባይንዳይሳ ጊዲዴስ፤ ዎርቃ ሴሪሲዛይቲ ኡባይ ባ ኦዳ ኤቃ ሚስሌታን ዬላቲዳ፤ ኢስቲ ጊግሲዳ ሚስሌቲ ዎርዶኔ ሼምፖይ ባይንዳይታ።

ኤርማሳ ቲንቢቴ 10:14

ኣሲ ኡባይ ኤራ ይዲ ዳሚዴስ፤ ዎርቃ ሴሪሲዛ ኣሲ ኡባይ ባ ኦዳ ኤቃ ጾሳታን ዬላቲዴስ። ጋሶይካ ኤቃ ጾሳቲ ዎርዶ፤ ኢስታስ ሼምፖይ ዴና።

1ካዎታ ማጻፋ 18:40

ሄሳፌ ጉዬ ኤላሲ ኢስታስ፥ «ባኣሌ ናቤታ ኦይኪቴ። ኢስታፌ ኢሲ ኣሲካ ኬሲ ኤኪ ቦፖ» ጊዴስ፤ ሂስቲን ዴሬዚ ኢስታ ኦይኪዴስ፤ ኤላሲ ኢስታ ቂሶኔ ሻፋ ኤፊዲ ሹኪሲዴስ።

ኢሳያሳ ቲንቢቴ 44:9

ኤቃ ሚስሌታ ሜዛይቲ ኡባቲ ሃዳ፤ ሚስሌታ ኢስታፌ ኦዛ ሚሻቲካ ሃዳ፤ ኢስታስ ዮቲዛይቲካ ቆቄ፤ ኢስታስ ኤራቴ ዴና፤ ኢስቲ ዬላታና።

ኢሳያሳ ቲንቢቴ 65:13

ሄሳ ጊሻስ፥ ኡባ ሃሪዛ ጎዳይ፥ «ቤኢቴ፥ ታ ኣሽካራቲ ማና፤ ኢንቴ ጊዲኮ ጋፋና፤ ታ ኣሽካራቲ ኡያና፤ ኢንቴ ጊዲኮ ሳሜታና፤ ታ ኣሽካራቲ ኡፋዬታና፤ ኢንቴ ጊዲኮ ዬላታና።

ዛሬ ማጻፋ 4:28

ሄን ኢንቴ ሚፌኔ ሹቻፌ ኣሳ ኩሼን ኦሴቲዲ ጼሎንታ፥ ሲዮንታ፥ ሞንታኔ ሲንጎንታ ኤቃ ጾሳታስ ጎይናና።

ሆሴኤ ቲንቢቴ 13:2

ሃኢካ ናጋራ ቦላ ናጋራ ጉጂዳ፤ ባንታ ጪንጫቴን ሚስሌታ ባስ ጊግሲዳ፤ ቢራፔ ኤቃ ጾሳታ ባንታስ ሜዳ፤ ሄይቲ ዉሪካ ኣሳ ኩሼን ኦሴቲዳይታ፤ ሃይታ ሃ ኣሳታ ጊሻስ፥ «ኣስ ያርሾ ሂስቲ ሺሼቴስ፤ ማራ ሚስሌን ኦሴቲዳ ኤቃ ጾሳታ ዬሬቴስ» ጌቴቲዴስ።