ኢሳያሳ ቲንቢቴ 43:5 - ጋሞ ማጻፋ

⁵ «ታኒ ኔናራ ዲዛ ጊሻስ ያዮፋ፤ ታኒ ኔ ናይታ ኣርሼይ ሞኪዛ ባጋፌ ኤሃና፤ ኔና ኣርሼይ ዉሊዛ ባጋፌ ሺሻና።

Geeshsha Maxaafa

⁵ «Tani nenara diza gishshas yayyofa; tani ne nayta arshey mokkiza baggafe ehana; nena arshey wulliza baggafe shiishshana.

ኢሳያሳ ቲንቢቴ 43:5 Referans Kwoze

ዛሬ ማጻፋ 30:3

ጎዳ ኢንቴ ጾሳይ ኢንቴስ ቃታናኔ ኢንቴፌ ዲኤቲዳ ኢንቴ ሚሻ ኢንቴስ ዛራና፤ ኢንቴ ካሴ ላሌቲ ዲዛ ዴሬፔ ዛሪ ኤሂዲ ቃሴካ ዱሬሳና።

ሉቃሳ ሚሺራቾ 13:29

ኣሳይ ኣርሼይ ሞኪዛ ባጋፌኔ ዉሊዛ ባጋፌ ፑዴሃፔኔ ዱጌሃፔ ዪዲ ጾሳ ካዎቴ ማዳን ኡታና።

ኢሳያሳ ቲንቢቴ 49:12

ሄኮ ኢስቲ ሃሆ ዴሬፔ ያና፤ ኢሲ ኢሲኔቲ ፑዴሃፔ፥ ባጋይቲ ኣርሼይ ዉሊዛ ባጋፌ፥ ሃንኮ ኣቲዳይቲ ሲኒሜፔ ያና» ጌስ።

ኢሳያሳ ቲንቢቴ 44:2

ኔና ሜዳይ፥ ኔ ኣዬይ ኡሎን ኦዳይ፥ ኔና ማዲዛ ጎዳይ፥ ‹ታ ኣሽካራ ያቆቤ! ታኒ ዶሪዳ ዪሹሩኔ! ያዮፋ።

ኢሳያሳ ቲንቢቴ 43:2

ኔኒ ሃ ጊዶራ ፒኒዛ ዎዴ፥ ታኒ ኔናራ ጊዳና። ኔኒ ፒኒሺን ሻፋይ ኔና ሚቴና፤ ኔኒ ታማ ጊዶራ ቢሺን ኔና ጹጌና፤ ታማ ላጮይካ ኔና ሜና።

ዛካራሳ ቲንቢቴ 8:7

ኡባፌ ዎልቃማ ጎዳይ፥ «ታኒ ታ ዴሬታ ኣርሼይ ሞኪዛ ባጋ ዴሬታፔኔ ዉሊዛ ባጋ ዴሬታፔ ኣሻና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኢሳያሳ ቲንቢቴ 41:8

ጎዳይ፥ «ጊዶ ኣቲን ኔኖ ታ ኣሽካራ ኢስራኤሌ፥ ታ ዶሪዳ ያቆቤ፥ ታ ላጌዛ ኣብራሃሜ ዜሬዞ፥

ዬ ማጻፋ 106:47

ኣቤት ጎዳዉ ኑ ጾሳዉ! ኑና ኣሻ። ኑኒ ኔ ጌሻ ሱን ጋላታና ማላ ካዎቴታ ጊዶፌ ኑና ሺሻ።

ዮሃኒሳ ሚሺራቾ 10:16

ሃይሳ ሃ ዶርሳ ዪሬን ጌሎንታይቲ ታስ ሃራ ዶርሳቲ ዴቴስ፤ ታ ኢስታካ ሃ ኤሃናስ ታስ ቤሴስ፤ ኢስቲካ ታ ቃላ ሲያናኔ ኢሲ ሜሄ ጊዳና። ሄሚዛይሲካ ኢሳዴ ጊዳና።

ሚኪያሳ ቲንቢቴ 2:12

«ያቆቤ! ቱማፔ ታ ኢንቴና ኢሲሶ ሺሻና፤ ኢስራኤሌታፔ ኣቲዳይታ ታ ኢሲ ቦላ ኤሃና፤ ዪሬ ጊዶን ዲዛ ሜሄ ማላኔ ዴምባን ሄሜቲዛ ሜሄ ማላ ታኒ ኢንቴና ኢሲ ቦላ ሺሻና፤ ኢንቴ ዴሬይ ዉሪ ኣስ ጻላ ጊዳና።

ዬ ማጻፋ 107:3

ኣርሼይ ሞኪዛሶፔኔ ዉሊዛሶፔ፥ ፑዴሃፔኔ ዱጌሃፔ ዴሬ ኡባፌ ኢዚ ሺሺዳይቲ ሂዝጊ ሃሳዬቶ።

ኢሳያሳ ቲንቢቴ 8:10

ኦላስ ዞሬቲቴ፤ ጊዶ ኣቲን ኢንቴስ ሱሬና፤ ሃልቾ ኬሲቴ፤ ጊዶ ኣቲን ኢንቴስ ሚኔና። ጋሶይካ ጾሳይ ኑናራ ዴስ።

ኢሳያሳ ቲንቢቴ 41:9

ታኒ ኔና ቢታ ጋጻፔ ኤሂዳይሶ፥ ሳሎይ ዳንጾሶፔ ጼይጊዳይሶ፥ ‹ታ ኔና ታ ኣይሌዞ› ጊዳይሶ ታ ኔና ዶራዲስ ኣቲን ኦላጋቤኬ።

ኢሳያሳ ቲንቢቴ 43:1

ሃኢ ጊዲኮ ያቆቤ፥ ኔና ሜዳይ፥ ኢስራኤሌ! ኔና ጊግሲዳ ጎዳይ፥ «ታኒ ኔና ዎዚዳ ጊሻስ ያዮፋ። ታኒ ኔና ኔ ሱንን ጼይጋዲስ፤ ኔኒ ታሳ።

ኢሳያሳ ቲንቢቴ 49:18

ኣኔ ቁ ጋዳ ኔ ዩሾ ጼላ፤ ኔ ናይቲ ኡባይ ኢሲፌ ሺቂዲ ኔኮ ያና። ታኒ ጎዳይ ታ ዴኦን ጫቃይስ፤ ኔኒ ኢስታ ኡባ ኣሌቆ ማላ ማይኣና፤ ኔ ኢስታ ሚሺራ ማይኦ ማላ ማይኣና» ጌስ።

ኢሳያሳ ቲንቢቴ 54:3

ኔኒ ኡሻቻ ባጋራኔ ሃዲርሳ ባጋራ ኣካና፤ ኔ ዛሬቲ ካዎቴታ ላታና፤ ሂስቲዲ ኣይኮይ ባይንዳ ኢስታ ካታማታን ኢስቲ ዳና።

ኢሳያሳ ቲንቢቴ 54:7

«ጉ ዎዴ ታኒ ኔና ኣጋዲስ፤ ጊዶ ኣቲን ጊታ ቃታን ታ ኔና ዛራ ሺሻና።

ኢሳያሳ ቲንቢቴ 61:9

ኢስታ ዛሬቲ ካዎቴታ ጊዶን፥ ኢስታ ናይቲ ዴሬ ጊዶን ኤሬቲዳይታ ጊዳና፤ ኢስቲ ቤኢዛ ኡባይ ጎዳይ ኣንጂዳ ዴሬ ጊዲዳይሳ ኤራና፤

ኤርማሳ ቲንቢቴ 23:8

ጊዶ ኣቲን፥ ‹ኢስራኤሌ ዛሬታ ፑዴሃ ባጋ ቢታፌኔ ኢዚ ኢስታ ላሊዳ ሃራ ዴሬታፔ ኬሲዳ ዴኦ ጎዳይ ቤኢን› ጊ ጫቃና ዎዴይ ያና፤ ሄሳፌ ጉዬ ኢስቲ ባንታ ዴሬን ዳና» ጌስ።

ኤርማሳ ቲንቢቴ 29:14

ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኤርማሳ ቲንቢቴ 42:11

ኢንቴ ሃኢ ባቢሲዳ ባቢሎኔ ካዎስ ባቦፍቴ! ታ ኢንቴና ኢዛ ኩሼፔ ዎ ኤካናሲኔ ኣሻናስ ኢንቴናራ ዲዛ ጊሻስ ያዮፍቴ!

ኤርማሳ ቲንቢቴ 51:46

ዎሬይ ቢታይን ሴቴቲሺን ሂዶታ ቃንጾፍቴኔ ባቦፍቴ፤ ካዎይ ካዎ ቦላ ዴንዲዛይሳ፥ ማካላቴ ቢታይ ቦላ ዲዛይሳ ኢሲ ዎሬይ ሃ ላይን፥ ሃራይ ላይ ካሊዲ ያና።

ኢዩኤሌ ቲንቢቴ 3:7

«ሄኮ ታኒ ሃኢ ኢስቲ ባይዜቲ ዲዛሶፔ ኢስታ ዴንዳ ዛራና፤ ኢንቴ ኢስታ ቦላ ጋዳ ቆሆዛ ታ ኢንቴ ቦላ ዛራ ኤሃና።

ኤርማሳ ቲንቢቴ 3:18

ሄ ጋላሳታን ዩሁዳ ኣሳቲ ኢስራኤሌ ኣሳታራ ጋይቲዲ ፑዴሃ ባጋ ቢታፌ ታኒ ካሴ ኢንቴ ኣዋታስ ጺንጾ ሂስታ ኢሚዳ ቢታ ኢሲፌ ያና» ጌስ።

ኤርማሳ ቲንቢቴ 23:7

ሄሳ ጊሻስ ኣሳይ ሃይሳፌ ጉዬ ኢዛ፥ ‹ኢስራኤሌ ኣሳ ጊብጼ ቢታፌ ኬሲዲ ኤሂዳ ጎዳይ ቤኢን› ጊ ጫቆንታ ዎዴይ ያና ጌስ ጎዳይ።