ኢሳያሳ ቲንቢቴ 43:19 - ጋሞ ማጻፋ

¹⁹ ሄኮ ታ ኦራ ሚሽ ኦና፤ ኢዚካ ሃኢ ሃናና፤ ኢንቴ ዩሺ ቆፔኬቲ? ታኒ ባዞን ኦጌ ጊጊሳና፤ ታኒ ኣይኮይ ባይንዳ ባዞንካ ሻፋታ ኬሳና።

Geeshsha Maxaafa

¹⁹ Hekko ta ooraththa miish ooththana; izikka ha7i hanana; intte yuushshi qoppeketii? Tani bazzon oge giigsana; tani aykkoy baynda bazzonkka shaafata kessana.

ኢሳያሳ ቲንቢቴ 43:19 Referans Kwoze

ኢሳያሳ ቲንቢቴ 48:6

«ሃይታ ሃ ዮኦታ ኔ ሲያዳሳ፤ ኣኔ ኡባካ ጼላ፤ ኢስቲ ሊኬ ጊዲዳይሳ ኔኒ ኔ ሁኤራ ማርካቲኪ? ሃኢፔ ዶማዳ ኦራ ሚሻታ፥ ኔፔ ጌሚዳይታኔ ኔ ኤሮንታ ዮኦታ ታ ኔስ ዮታና።

ኢሳያሳ ቲንቢቴ 42:9

ቤኢቴ ቤኒ ዮኦቲ ፖሌቲዳ፤ ሃኢ ታኒ ኦራ ሚሽ ኣዋጃይስ፤ ኢዚ ሞካናፔ ሲን ታ ኢንቴስ ዮታይስ» ጌስ።

2ቆሮንቶሴ ኣሳስ 5:17

ሄሳ ጊሻስ ኦኒካ ኪርስቶሳ ባጋ ጊዲኮ ኢዚ ኦራ ሜቴ፤ ካሴ ጬጋ ሜቴ ኣዴስ፤ ኢዚ ኪቾሳን ሃራ ኦራ ሜቴ ጌሊዴስ።

ዮሃኒሳ ኣጁታ 21:5

ሄ ኣልጋ ቦላ ኡቲዳይሲካ፥ «ሄኮ ታኒ ዉርሳካ ኦራ ኬሳና!» ጊዴስ፤ ቃሴካ ታና፥ «ሃይሲ ቃላዚ ኣማኔቲዳ ቱሙ ጊዲዳ ጊሻስ ኔ ሃይሳ ጻፋ!» ጊዴስ።

ኢሳያሳ ቲንቢቴ 41:18

ታኒ ቡላቲዳ ዙምቡላታ ቦላ ሻፋታ፥ ሾባታን ፑልቶታ ሳና፤ ባዞ ቢታ ኤሌ ሃ፥ ሳሜቲዳ ቢታን ሃ ፑልቶ ኬሳና።

ኤርማሳ ቲንቢቴ 31:22

ሃኔ ካዲዳ ናዬ! ኔ ኣይዴ ጋካናስ ቶይላታኔ? ጎዳይ ሳኣ ቦላ ኦራ ሚሽ ሜና፤ ሄሲካ ማጫይ ኣዴ ዶዳና» ጌስ።

ኬሳ ማጻፋ 17:6

ታኒ ሲና ዙማን ዲዛ ዛላ ቦላ ሄን ኔ ሲንን ኤቃዳ ናጋና፤ ኔኒ ሄ ዛላ ሾጫ፤ ኣሳይ ኡያና ማላ ሃ ኢዛፔ ኬዛና» ጊን ሙሴይ ኢስራኤሌ ጪማታ ሲንን ኢዚ ጊዳ ማላ ኦዴስ።

ዛሬ ማጻፋ 8:15

ማርዜ ሾሻይኔ ማሲማሶይ ኩሚዳ ኬሂ ሂርጊሲዛ ባዞራ ኢንቴና ካሌዴስ፤ ኢዚ ኢንቴስ ሜላ ባዞን ሚኖ ዛላፌ ሃ ፑልቲሲዴስ።

ዬ ማጻፋ 105:41

ኢዚ ዛላ ጳልቂን ሃ ፑልቲዴስ፤ ሻፋ ማላካ ዱጌ ባዞ ጎጊዴስ።

ታይቦ ማጻፋ 20:11

ሄሳፌ ጉዬ ሙሴይ ባ ጉፌዛን ዛላዛ ናምኣ ዛሪ ሾጪዴስ፤ ዎልቃማ ሃ ዛላፌ ፑልቲዴስ፤ ዴሬዚኔ ሜሄይ ሃ ኡዪዴስ።

ዬ ማጻፋ 126:4

ኣቤት ጎዳዉ! ኔጌቤ ባዞን ኢራ ቡኪሳዳ ሻፋ ሃን ኩንዛ ማላ ኑ ዱሳ ኦራ።

ኢሳያሳ ቲንቢቴ 30:25

ኣሳይ ዉሪዛ ዎልቃማ ጋላሳን ሚጻቲ ላሌቲሺን ጊታ ዙማታ ኡባታ ቦላፌኔ ዙምቡላታ ኡባታ ቦላፌ ዱጌ ሃ ጎጋና።

ኢሳያሳ ቲንቢቴ 32:2

ኣሲ ሁኤን ሁኤን ጫርኮፌ ጌሚዛሶሆ፥ ጎቴፔካ ባቃቲ ኣቲዛሶሆ ጊዳና፤ ባዞ ቢታን ሃ ፑልቶ ማላ፥ ሳሜቲዳ ቢታን ዎጋ ዛላ ኩዋ ማላ ጊዳና።

ኢሳያሳ ቲንቢቴ 33:21

ሄን ጎዳይ ኑስ ዎልቃ ጊዳና፤ ሄ ሶሆይ ዳልጋ ሻፋኔ ካንቼ ጊዳና፤ ዎጎሎይ ኢዛ ቦላራ ባናስ ዳንዳዬና፤ ጊታ ማርካቤቲካ ኢዛ ቦላራ ቤቴና።

ኢሳያሳ ቲንቢቴ 35:1

ባዞይኔ ሜላ ቢታይ ኡፋዬታና፤ ኣይኮይ ባይንዳ ባዞይ ኡፋዬታና፤ ጪሻ ማላካ ጪያና።

ኢሳያሳ ቲንቢቴ 41:19

ባዞ ቢታን ዚጋ፥ ኦዶሮ፥ ባርሴኔቴኔ፥ ዎጋራ ሚ ሞይዛና፤ ኣይኮይ ባይንዳ ባዞን ጺዳ፥ ጉንኔ ኦን ቶካና።

ኢሳያሳ ቲንቢቴ 49:10

ኢስቲ ጋፌቴቴና ዎይኮ ሳሜቴቴና፤ ኢስታ ባዞ ቢታ ሴላይ ዎይኮ ኣዋ ሴላይ ቆሄና። ኢስታስ ቃቲዛይ ኢስታ ካሌና፤ ሃ ፑልቶይ ዲዛሶን ኢስታ ሄማና።

ኢሳያሳ ቲንቢቴ 51:3

«ጎዳይ ጺዮኖ ቱሙ ሚንና፤ ኢዚ ላሌቴ ቃታን ጼላና፤ ኢዚ ባዞ ቢታዛ ኤዴኔ ማላ፥ ኢዚ ባዞ ቢታዛ ጎዳ ኣታኪልቴሶሆ ማላ ኦና፤ ኢሻሎይኔ ኡፋይሲ፥ ጋላታይኔ ዬ ጬንጉርሲ ኢዚን ሴቴታና።

ኤርማሳ ቲንቢቴ 23:7

ሄሳ ጊሻስ ኣሳይ ሃይሳፌ ጉዬ ኢዛ፥ ‹ኢስራኤሌ ኣሳ ጊብጼ ቢታፌ ኬሲዲ ኤሂዳ ጎዳይ ቤኢን› ጊ ጫቆንታ ዎዴይ ያና ጌስ ጎዳይ።

ኢሳያሳ ቲንቢቴ 48:5

ሄሳ ጊሻስ ሃይታ ሃ ዮኦታ ቤኒ ታ ኔስ ዮታዲስ፤ ኢስቲ ፖሌታናፔ ሲንን ታ ኔና ኤሪሳ ዎዲስ፤ ሄሲካ፥ ‹ታ ኤቃ ጾሳቲ ሃይሳ ኦዳ፤ ሚፌ ማሴቲዳ ሚስሌቲኔ ቢራታፔ ኦሴቲዳ ታ ጾሳቲ ሃይሳ ታስ ኣዛዚዳ› ጎንታ ማላሳ።

ኤርማሳ ቲንቢቴ 31:9

ታኒ ኢስታ ዛራዳ ኤሂዛ ዎዴ ኢስቲ ዬኪሼኔ ዎሲሼ ያና። ታኒ ኢስታ ፑልቶ ሃ ኣቻራ ሱሬ ኦጌራ ካሌና። ጋሶይካ ታኒ ኢስራኤሌስ ኣዋ፤ ኤፍሬሜይካ ታስ ባይራ ና።