ኢሳያሳ ቲንቢቴ 43:10 - ጋሞ ማጻፋ

¹⁰ «ኢንቴ ታና ኤራና ማላኔ ኣማናና ማላ፥ ኢዚ ታና ጊዲዳይሳ ኢንቴ ኣኬካና ማላ፥ ታ ማርካቲኔ ታ ዶሪዳ ታ ኣይሌቲ ኢንቴና። ታፔ ካሴ ሃራ ጾሲ ኦሴቲቤና፤ ታፔ ጉዬንካ ሃራ ጾሲ ዴና።

Geeshsha Maxaafa

¹⁰ «Intte tana erana malanne ammanana mala, izi tana gididayssa intte akeekana mala, ta markkatinne ta doorida ta aylleti inttena. Taappe kase hara xoossi oosettibeenna; taappe guyenkka hara xoossi deenna.

ኢሳያሳ ቲንቢቴ 43:10 Referans Kwoze

ኢሳያሳ ቲንቢቴ 41:4

ሃይሳ ኦዳይኔ ፖሊዳይ ዬሌታ ቤኒሶፌ ጼይጊዳይ ኦኔ? ጎዳይ ኮይሮይታራካ ዉርሴይታራካ ዲዛይ ታና» ጌስ።

ኢሳያሳ ቲንቢቴ 45:6

ሄሲካ ኣሳይ ኣርሼይ ሞኪዛሶፔ ቢዲ ኣርሼይ ዉሊዛሶ ጋካናስ ታፔ ሃራይ ባይንዳይሳ ኤራና ማላሳ። ታኒ ጎዳ፤ ታፔ ሃራይ ኦኒካ ዴና።

ኢሳያሳ ቲንቢቴ 43:12

ታኒ ቆንጪሳዲስ፤ ኣሻዲሲኔ ዮታዲስ፤ ኢንቴ ጊዶን ሃራ ኣላጋ ጾሲ ዴኢቤና። ታኒ ጾሳ ጊዲዳይሳስ ኢንቴ ታ ማርካታ።

ሃዋሬታ ኦሶ 1:8

ጊዶ ኣቲን ጺሎ ኣያናይ ኢንቴ ቦላ ዎዳ ዎዴ ኢንቴ ዎልቃ ኤካና። ዬሩሳላሜንካ፥ ዩሁዳንካ፥ ሳማሪያንካ ኡባሶን ቢታ ጋጻ ጋካናስ ኢንቴ ታስ ማርካታ ጊዳና» ጊዴስ።

ፒሊጲሲዮሴ ኣሳስ 2:7

ጊዶ ኣቲን ኣይሌ ሜ ኤኪዲ ኣስ ሚሳቲዲ ባርካ ባና ኤያ ኣስ ኬሲዴስ።

ኢሳያሳ ቲንቢቴ 42:1

ጎዳይ፥ «ታኒ ካ ኦይኪዳ ታ ኣሽካራይ፥ ታ ኢዛን ኡፋዬቲዛ ሙሩታይ ሃይሳ፤ ታኒ ታ ኣያና ኢዛ ቦላ ዎዲስ፤ ኢዚ ካዎቴታስ ሱሬ ፒርዳ ኤሃና።

ኢሳያሳ ቲንቢቴ 41:20

ሄሳ ጊሻስ ኣሳይ ሄሳ ቤኣናኔ ኤራና፤ ጎዳ ኩሼይ ሃይሳ ኦዳይሳ፥ ኢስራኤሌ ጌሻይ ሜዳይሳ ኢስቲ ኢሲፌ ዩሺ ቆፓናኔ ኣኬካና» ጌስ።

ዮሃኒሳ ኣጁታ 1:2

ዮሃኒሲካ ጾሳ ቃላ ጊሻሲኔ ዬሱስ ኪርስቶሲ ታማርሲዳ ቱማ ጊሻስ ቃሴካ ኢዚ ባ ኣይፌን ቤኢዳይሳካ ኡባ ማርካቲዴስ።

ዮሃኒሳ ሚሺራቾ 20:31

ጊዶ ኣቲን ዬሱሲ ኢዚ ማሲሄ፥ ጾሳ ና ጊዲዳይሳ ኢንቴ ኤራና ማላኔ ኢንቴ ኢዛ ሱንን ኣማኒዲ ዴኦ ዴማና ማላ ሃይሲ ጻፌቲዴስ።

ዮሃኒሳ ሚሺራቾ 15:27

ኢንቴ ኮይሮፔካ ታናራ ዲዛ ጊሻስ ታስ ኢንቴካ ማርካታንዴታ» ጊዴስ።

ኢሳያሳ ቲንቢቴ 41:8

ጎዳይ፥ «ጊዶ ኣቲን ኔኖ ታ ኣሽካራ ኢስራኤሌ፥ ታ ዶሪዳ ያቆቤ፥ ታ ላጌዛ ኣብራሃሜ ዜሬዞ፥

1ቆሮንቶሴ ኣሳስ 15:15

ሄሳፌካ ቦላራ፥ «ጾሲ ኪርስቶሳ ሃይቆፔ ዴንዴስ» ጊዲ ኑ ማርካቲዳ ማርካይካ ኑና ዎርዶ ጾሳ ማርካታ ኬሲዴስካ? ሃይቂዳ ኣሳይ ሃይቆፔ ዴንዶንታ ጊዲኮ ጾሲ ኪርስቶሳካ ዴንቤና ጉሳ።

ዮሃኒሳ ኣጁታ 3:14

«ሎዶቂያ ዎሳ ኬ ኪታንቻስ፥ ሃይሲ፥ ‹ኣሚን› ጊዳይሳፌ፥ ቱሙ ኣማኔቲዳ ማርካ ጊዲዳዴፌ፥ ጾሳ ሜቴ ዉሪ ኢዛፔ ቤቲዳዴፌ ዮቴቲዳይሳ።

ቆላሲያሴ ኣሳስ 1:7

ሄሳካ ሃኢ ኑ ጊሻስ ጊዲዲ ኪርስቶሳስ ኣማኔቲዳ ኦሳንቻ ጊዲዳይሲኔ ኑናራ ኢሲፌ ኦዛኔ ሲቂዛ ኤጳፊራይ ኢንቴና ታማርሲዴስ።

ኢሳያሳ ቲንቢቴ 55:4

ቤኢቴ፥ ታኒ ኢዛ ዴራስ ማርካ፥ ካሌዛዴኔ ኦላ ጋዳዋ ኦዲስ።

ዛሬ ማጻፋ 4:35

ጎዳይ ኢዛ ጻላ ጊዲዳይሳ ኢንቴ ኤራና ማላ ሃይሳ ኢዚ ኢንቴና ቤሲዴስ፤ ኢዛፔ ኣቲን ሃራ ጾሲ ዴና።

ዛሬ ማጻፋ 32:39

«ታኒ ጻላ ጾስ ጊዲዳይሳ ኤሪቴ፤ ታፔ ሃራ ጾሲ ዴና፤ ዎዛይካ ፓጻ ዎዛይካ ታና፤ ታኒ ማዱንይሲኔ ፓይስ፤ ታ ኩሼፔ ኦኒካ ኢንቴና ኣሼና።

ዬ ማጻፋ 102:27

ጊዶ ኣቲን ኣዉዴካ ኔኒ ኔና፤ ኔ ላይይ ሙሌካ ዉሬና።

ኢሳያሳ ቲንቢቴ 45:5

ታኒ ጎዳ፤ ታፔ ሃራይ ኦኒካ ዴና፤ ታፔ ሃራ ጾሲ ዴና፤ ኔ ታና ኤሮንታ ኣጊኮካ ታ ኔና ሚንና።

ኢሳያሳ ቲንቢቴ 48:12

«ኔኖ ያቆቤ፥ ታኒ ጼይጊዳ ኢስራኤሌ ታኒ ጊዛ ሲያ። ታኒ ኢዛ፤ ኮይሮይካ ታና፤ ዉርሴይካ ታና።

ኢሳያሳ ቲንቢቴ 49:23

ካዎቲ ኔና ዲቺዛ ኣዋታ ጊዳና፤ ኢስታ ማቼቲ ኔና ዲቺዛ ኣዬታ ጊዳና፤ ኢስቲ ጉፋኒዲ ኔስ ጎይናና፤ ኔ ቶሆ ቦላፌ ባናካ ላጫና፤ ኔካ ታኒ ጎዳ ጊዲዳይሳ ኤራና፤ ታናን ሂዶታ ኦዛይቲ ዬላቴቴና» ጌስ።

ሃጌ ቲንቢቴ 2:23

ሄ ጋላስ ታኒ ታ ኣይሌ ሳላቲያሌ ና ዜሩባቤሌ ታ ኔና ኤካና፤ ታ ኔና ታስ ማታሜ ሾጪዛ ቃላባቴ ሂስታና፤ ታ ኔና ዶራዲስ» ጊዴስ።

ኬሳ ማጻፋ 8:6

ሂስቲን ኣሮኔይ ጊብጼ ሃታ ቦላ ባ ኩሼ ፒዲሲን ኦቃርሲ ኬዚዲ ጊብጼ ቢታ ማይኢዴስ።

ዛሬ ማጻፋ 4:39

«ሄሳ ጊሻስ ሳሎንካ ሳኣንካ ጎዳይ ኢዚ ጻላ ጾስ ጊዲዳይሳኔ ኢዛፔ ሃራ ጾሲ ባይንዳይሳ ኤሪቴ፤ ኢንቴ ዎዚናን ዎቴ።