ኢሳያሳ ቲንቢቴ 42:3 - ጋሞ ማጻፋ

³ ዲንጬቲዳ ማቃ ኢዚ ሜንና፤ ጩዋቲዛ ሙቃዳ ኢዚ ቶይሴና፤ ኣማኔቴን ኢዚ ሱሬ ፒርዳ ኤሃና።

Geeshsha Maxaafa

³ Dinccettida maqqa izi menththenna; cuwattiza muqaadda izi toyssenna; ammaneteththan izi suure pirda ehana.

ኢሳያሳ ቲንቢቴ 42:3 Referans Kwoze

ሂዚቄላ ቲንቢቴ 34:16

ታኒ ይዳይሳ ኮያና፤ ቶይላቲዳይሳካ ዛራና፤ ሜቂዳይሳ ኮላና፤ ዳቡርዳይሳካ ሚንና። ጊዶ ኣቲን ታኒ ሞዳይታኔ ሚኒዳይታ ይሳና፤ ዉዴዛ ዎጋራ ሄማና።

Maatosa 11:28

«ቶሆይ ዴጺዳይቶ፥ ዳቡርዳይቶ፥ ኢንቴ ዉሪካ ታኮ ሃ ዪቴ፤ ታኒካ ኢንቴስ ሼምፖ ኢማና።

ኤርማሳ ቲንቢቴ 31:25

ታኒ ላባኒዳ ሼምፖዮ ኦራጺሳና፤ ዳቡርዳሮካ ሚንና» ጌስ።

ኢሳያሳ ቲንቢቴ 40:11

ኢዚ ባ ዉዴ ሄንንቻ ማላ ሄሜስ፤ ባ ላቃታካ ባ ቄሴን ቶኬስ፤ ባ ኪኦንካ ኢዲሜስ፤ ንዛይታካ ሎዳራ ካሌስ።

ዬ ማጻፋ 147:3

ዎዚናይ ሜቂዳይታ ኢዚ ኮሌስ፤ ኢስታ ማዱንካ ኢዚ ፓስ።

ዮሃኒሳ ሚሺራቾ 5:30

«ታኒ ታ ሼኔን ኣይኮካ ኦናስ ዳንዳይኬ፤ ጊዶ ኣቲን ታ ኣዋፔ ታ ሲዪዳ ማላ ፒርዳይስ። ታና ኪቲዳይሳ ሼኔ ኦይስ ኣቲን ታ ሼኔን ታ ኦንታ ጊሻስ ታ ፒርዳን ባላይ ባ።

ዮሃኒሳ ኣጁታ 19:11

ሄሳፌ ጉዬ ሳሎይ ዶዬቲዳይሳ ታ ቤያዲስ፤ ቃሴካ ቦ ፓራካ ቤያዲስ፤ ሄ ፓራዛ ቶጊዳይሲ ኣማኔቲዳዴኔ ቱማንቻ ጌቴቲዛዴ፤ ኢዚ ቃሴ ቱማ ፒርዴሲኔ ኦሌቴስ።

ኢሳያሳ ቲንቢቴ 50:10

ኢንቴ ጊዶፌ ጎዳስ ያዪዛይ፥ ኢዛ ኣይላ ቃላስ ኣዛዜቲዛይ ኦኔ? ሄሳዴይ ማን ቢዛ ጊዲኮኔ ፖኦይ ኢዛስ ባይንዳ ኣጊኮ ኢዚ ጎዳ ሱንን ኣማኔቶ፤ ባ ጾሳንካ ዜምፖ።

ዬ ማጻፋ 98:9

ጎዳይ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን ኣሳ ቦላካ ሱሬቴን ፒርዳና።

ዬ ማጻፋ 96:13

ኣይስ ጊኮ ጎዳይ ያና፤ ኢዚ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን፥ ኣሳ ቦላካ ቱማቴን ፒርዳና።

ዮሃኒሳ ሚሺራቾ 20:27

ሄሳፌ ጉዬ ቶማሳ፥ «ኔ ቢራ ሃ ኤሃዳ ታ ኩሼታ ቤያ። ኔ ኩሼ ሃ ኤሃዳ ታ ሚሌን ጌል ኣማና ኣቲን ኣማኖንታዴ ጊዶፓ» ጊዴስ።

ሚኪያሳ ቲንቢቴ 7:9

ታ ኢዛ ቆሂዳ ጊሻስ ኢዚ ታ ጊሻስ ኤቃና ጋካናሲኔ ታስ ፒርዳና ጋካናስ ጾሳይ ሃንቄቲኮካ ታ ዳንዳያና፤ ኢዚ ታና ፖኦን ኬሳና፤ ታኒካ ኢዛ ጺሎቴ ቤያና።

ኢሳያሳ ቲንቢቴ 66:2

ሃይታ ኡባ ታ ኩሼይ ኦቤኔ? ሃይቲ ቤታና ማላ ኦዳይ ታና ጊዲኪና? ታኒ ኣሽኬ፤ ዎዚናይ ሜቂዳዴኔ ታ ቃላስካ ኮኮሪዛዴኮ ታ ጼላይስ።

ኢሳያሳ ቲንቢቴ 50:4

ኡባ ሃሪዛ ጎዳይ ታስ ኢንጻርሳ ኤራቴ ኢሚዴስ፤ ሄሳ ጊሻስ ዳቡራንቻታስ ታ ኣይ ጋና ቤሲዛኮ ታ ኤራይስ፤ ማላዶ ማላዶ ታና ቤጎስ፤ ታማርሼ ዲዛ ታማሬ ማላ ሲያናስ ታ ሃይ ዶዬስ።

ዬ ማጻፋ 54:5

ኣቤት ጾሳዉ! ታ ሞርኬታስ ኢስታ ኢታቴ ማላ ኢስታስ ዛራ። ኔ ኣማኔቴን ኔ ኢስታ ይሳ።

ዬ ማጻፋ 94:15

ፒርዳይ ሲሚዲ ጺሎ ፒርዳስ ዮች ጊዳና፤ ጺሎቲ ኡባይ ቱማ ፒርዳ ካላና።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ኢሳያሳ ቲንቢቴ 42:2

ዋሴና፤ ባ ቃላ ቂሴና፤ ባ ጬንጉርሳካ ኦጌ ቦላ ኬሂ ሲሴና።

ኢሳያሳ ቲንቢቴ 2:4

ኢዚ ካዎቴታ ጊዶን ፒርዳና፤ ዳሮ ኣሳታ ጋርሳን ዲዛ ፓላማ ኢዚ ዲጋና። ኢስቲ ባንታ ጊ ማሻ ማራሻ፥ ባንታ ቶራካ ባጫ ቆጺ ኬሳና። ዴሬይ ዴሬ ቦላ ማሻ ዴንና፤ ሄሳፌ ጉዬ ኢስቲ ኦላ ታማሬቴና።

ኢሳያሳ ቲንቢቴ 63:1

ኤዶሜ ቢታን ዲዛ ቦጺራ ካታማፔ ዞኦ ሴሎ ማይኦ ማይኢዲ ዪዛይ ሄሲ ኢዚ ኦኔ? ሃይሲ ቦንቾ ማይኢዲ ባ ዎልቃ ጊታቴን ሄሜቲሼ ዪዛይ ኢዚ ኦኔ? «ጺሎ ሃሳይዛይኔ ኣሻናስ ዎልቃይ ዲዛይ ታና ጊዲኪና!» ጌስ ጎዳይ።