ኢሳያሳ ቲንቢቴ 42:25 - ጋሞ ማጻፋ

²⁵ ሄሳ ጊሻስ ኤጺዛ ባ ሃንቆዛ፥ ኢታ ኦላ ኢስታ ቦላ ዬዲዴስ፤ ታማ ላጮን ኢስታ ጊዶዴስ፤ ኢስቲ ጊዲኮ ሄሳ ኣኬኪቤቴና፤ ኢስታ ጹጊዴስ ሺን ኢስቲ ዎዚናን ዎቤቴና።

Geeshsha Maxaafa

²⁵ Hessa gishshas eexxiza ba hanqoza, iita ola istta bolla yeddides; tama lacon istta giddoththides; istti gidikko hessa akeekibeettenna; istta xuuggides shin istti wozinan woththibeettenna.

ኢሳያሳ ቲንቢቴ 42:25 Referans Kwoze

ሆሴኤ ቲንቢቴ 7:9

ኣላጋቲ ኢስታ ዎልቃ ሚዳ፤ ጊዶ ኣቲን ኢስቲ ሄሳ ኤሪቤቴና። ኢዛ ሁኤይ ፑሉን ጫዲዴስ፤ ጊዶ ኣቲን ኢዚ ሄሳ ኤሪቤና።

ኢሳያሳ ቲንቢቴ 57:11

«ኔኒ ታስ ዎርዶቲዳይ፥ ኦናስ ያያዳ? ኦናስ ሂርጋዳ? ኔ ታና ቆፖንታ ኣጊዳይ፥ ሃይሳካ ኔ ዎዚናን ቁምኦንታ ኣጊዳይ፥ ታስ ኔ ያዮንታ ኢጺዳይ፥ ታኒ ጮኡ ጊዳ ጊሻስ ጊዴኔ?

ሚልካሳ ቲንቢቴ 2:2

ኢንቴ ታ ጊዛዝ ሲዮንታ ኢጺኮኔ ኢንቴ ኢንቴ ዎዚና ታ ሱን ቦንቻናስ ጊጊሶንታ ኣጊኮ ታ ኢንቴ ቦላ ቃንጌ ዬዳና፤ ታ ኢንቴና ኣንጃና ኣንጆዛ ቃንጌን ላማና፤ ኢንቴ ታና ቦንቻናስ ኢንቴ ዎዚና ጊጊሶንታ ኣጊዳ ጊሻስ ኣዳፌ ታ ሃይሳ ኡባ ኢንቴ ቦላ ኦና» ጌስ ኡባፌ ዎልቃማ ጎዳይ።

ኢሳያሳ ቲንቢቴ 57:1

ጺሎ ኣሲ ሃይቄስ፤ ሄሳ ኦኒካ ዎዚናን ዎና፤ ጾሳስ ኣቂዛ ኣሳታ ሼምፖይ ኤኬቴስ፤ ጺሎቲ ኢታፔ ኣታና ማላ ኤኬቲዳይሳ ኦኒካ ኣኬኬና።

2ካዎታ ማጻፋ 25:9

ጎዳ ኬ፥ ካዎቴ ኬኔ ዬሩሳላሜን ዲዛ ኬታ ኡባ ጹጊዴስ፤ ኤሬቲዳ ጊታ ኬታካ ታማን ጹጊዴስ።

ናሆሜ ቲንቢቴ 1:6

ኢዛ ሃንቆራ ኤቄታና ዳንዳይዛይ ኦኔ? ኢዛ ሃንቆ ሚኖዛ ቶካና ዳንዳይዛይ ኦኔ? ኢዛ ሃንቆይ ታማ ማላ ኤጺዴስ፤ ዛላቲካ ኢዛ ሲንፌ ዛኢዳ።

ሂዚቄላ ቲንቢቴ 20:34

ካዎቴታ ጊዶፌ ታኒ ኢንቴና ኬሳና፤ ኢንቴ ላሌቲዳ ቢታ ኡባፌ ታ ሚኖ ቄሴኒኔ ሚጬቲዳ ታ ኩሼን ሃንቆ ጉሳሼ ኢንቴ ላሌቲ ቢዳ ዴሬ ኡባፌ ታ ኢንቴና ሺሻና።

ኤርማሳ ቲንቢቴ 5:3

ኣቤት ጎዳዉ! ኔ ኣይፌቲ ቱማ ጼሌቴኔ? ኔኒ ኢስታ ሾጫዳሳ ሺን ኢስታ ሳኪቤና። ኔኒ ኢስታ ኪንቼሬዳሳ፤ ጊዶ ኣቲን ኢስቲ ሲሚቤቴና፤ ኢስቲ ባንታ ዎዚና ሹቻፌ ኣ ሚንዳ፤ ባንታ ናጋራፔካ ሲሞንታ ኢጺዳ።

ኢሳያሳ ቲንቢቴ 47:7

ኔኒ፥ ‹ታኒ ሜርናስ ጎዳቶ ጊዳና› ጋዳሳ። ጊዶ ኣቲን ሃይታንታ ኣኬካቤካ፤ ኢስታ ዉርሴ ኣይ ጊዳናኮ ቆፓቤካ።

ኢሳያሳ ቲንቢቴ 29:13

ጎዳይ፥ «ሃይሲ ዴሬይ ዶናን ጻላ ታኮ ሺቄስ፤ ባ ሜቴርሻን ጻላ ታና ቦንቼስ፤ ጊዶ ኣቲን ኢዛ ዎዚናይ ታፔ ሃኮን ዴስ። ኢስቲ ኣሲ ታማርሲዳኔ ኣሲ ዎዳ ዎጋን ታስ ጎይኔቴስ።

ኢሳያሳ ቲንቢቴ 9:13

ዴሬዚ ጊዲኮ ባና ሾጪዳ ጎዳኮ ሲሚቤና፤ ኡባፌ ዎልቃማ ጎዳካ ኮዪቤና።

ዛሬ ማጻፋ 32:22

ታ ሃንቆይ ታማ ማላ ኤጻና፤ ቢታኔ ቢታ ቦላ ዲዛ ኡባ ጹጋና፤ ሄ ታማይ ሲኦሌ ጪማ ጋካናስ ኤጻና፤ ታማዚ ዙማስ ዮች ጋካናስ ማና።

ኢዮቤ ማጻፋ 40:11

ኦቶራንቻታ ቤያዳ ካዉሻ፤ ኔ ሃንቆዛ ኢስታ ቦላ ጉሳ።

ኢሳያሳ ቲንቢቴ 5:25

ጎዳ ሃንቆይ ኢዛ ዴራ ቦላ ኤጺ ኬኢዴስ፤ ኢዚ ባ ኩሼ ዴንዲ ኢስታ ሾጪዴስ። ዙማቲ ቃጺዳ፤ ሃይቂዳ ኣሳ ኣሃይ ኦጌ ቦላ ፒቲ ዬጊዳ ቡራ ማላ ጊዲዴስ፤ ሂስቲ ፔኢንካ ኢዛ ሃንቆይ ሲሚቤና፤ ኢዛ ኩሼይ ሃኢካ ዴንዲዳ ማላ ዴስ።

ኢሳያሳ ቲንቢቴ 9:19

ኡባፌ ዎልቃማ ጎዳ ሃንቆን ቢታይ ጹጌታና፤ ዴሬይካ ታማን ጌሊዛ ሚ ማላ ጊዳና፤ ኢሻይ ኢሻስ ቃቴና።

ኢሳያሳ ቲንቢቴ 48:8

ኔኒ ሲያቤካ ዎይኮ ኤራቤካ፤ ኔ ሃይ ቤኒፔካ ዶዬቲቤና። ጋሶይካ ኔኒ ካሴካ ጪሚዛዴኔ ናቴፌ ዶማዳ ኔ ማካላንቻ ጌቴቲዳይሳ ታ ኤራዲስ።

ኤርማሳ ቲንቢቴ 7:20

ሄሳ ጊሻስ ኡባፌ ዎልቃማ ጎዳይ፥ «ታ ዪሎይኔ ታ ሃንቆይ ሃ ሶሆ ቦላ፥ ሜዶሳታ ቦላ፥ ጋዴን ዲዛ ሚ ቦላኔ ካ ቦላ ጉካና፤ ሂስቲዲ ኤጻና፤ ቶኣናስካ ዳንዳዬና» ጌስ።

ኤርማሳ ቲንቢቴ 12:11

ሄ ቢታይ ታ ሲንን ባዞ፥ ቡላኔ ሜላ ቢታ ጊዳና፤ ኢዚስ ቆፒዛይ ባይንዳ ጊሻስ ቢታያ ባዞ ጊዳና።

ኤርማሳ ዚላስ 2:3

ኢዚ ባ ጊታ ሃንቆን ኢስራኤሌ ዎልቃ ሊቂሲዴስ፤ ሞርኬይ ኢዛ ኦላናስ ዪዛ ዎዴ ባ ማዶ ኩሼ ኢስታፌ ዴንዴስ፤ ባ ዩሾን ዲዛ ኡባ ሚዛ ታማ ላጮ ማላ ኢዛ ሃንቆይ ያቆቤ ቦላ ኤጺ ኬዚዴስ።

ኤርማሳ ዚላስ 2:4

ኢዚ ሞርኬ ማላ ዎንዳፌ ዳፊ ኦይኪዴስ፤ ኢዛ ኡሻቻ ኩሼይ ዪሻ ዬዳናስ ጊግሲዴስ፤ ባና ሎኢዛይታ ኡባ ሞርኬ ማላ ሹኪዴስ፤ ጺዮኔ ዱንካኔታ ቦላካ ባ ሃንቆ ታማ ማላ ቆሊዴስ።