ኢሳያሳ ቲንቢቴ 42:14 - ጋሞ ማጻፋ

¹⁴ ጎዳይ፥ «ታኒ ኣዱሳ ዎዴሶፌ ጮኡ ጋዲስ፤ ሲርጲ ጋዲስ፤ ታና ቁምኣ ኦይካዲስ፤ ሃኢ ጊዲኮ ሚጻ ኦይኬቲዳ ማጫሳ ማላ ዋሳይስ፤ ሼኖታይሲኔ ባናካይስ።

Geeshsha Maxaafa

¹⁴ GODAY, «Tani adussa wodeesofe co7u gadis; sirphi gadis; tana qum7a oykkadis; ha7i gidikko miixa oykettida maccassa mala waassays; sheenottayssinne bannakays.

ኢሳያሳ ቲንቢቴ 42:14 Referans Kwoze

2ጴጽሮሳ ኪታ 3:15

ኑ ጎዳ ዳንዳያይ ኢንቴና ኣሻናስ ጊዲዳይሳ ኢንቴ ኤሪቴ፤ ኑ ሲቆ ኢሻ ጳዉሎሲ ባስ ኢሜቲዳ ኤራቴ ማላ ኢዚ ኢንቴስ ጻፊዳይሲ ሃይሳ።

ሉቃሳ ሚሺራቾ 18:7

ጾሲ ቃማ፥ ጋላሲኔ ኦማርስ ኢዛኮ ዋሲዛ ዶሬቲዳይታስ ፒርዴኔዬ? ታና ኣይ ሜቲዴ! ጊዲ ባ ማዶ ጋምኢሳንዴ?

ኤርማሳ ቲንቢቴ 44:22

ኢንቴ ኦዳ ኢታኔ ሃራሲዛ ኦሶ ጎዳይ ጮኡ ጋናስ ዳንዳዮንታ ጊሻስ ሃች ኢንቴ ቤኢዛ ማላ ኢንቴ ቢታይ ቃንጌስ ማላታ፥ ኣሲ ባይንዳ ባዞ ቢታ ጊዲዴስ።

ኤርማሳ ቲንቢቴ 15:6

«ኔ ታና ኣጋዳሳ፤ ጉዬ ጉዬ ባሳ፤ ሄሳ ጊሻስ ታኒ ኔ ቦላ ታ ኩሼ ዴንዳ ኔና ይሳና፤ ሃይሳፌ ጉዬ ኔስ ቃቲኬ።

ዬ ማጻፋ 50:2

ሙሌራ ሎኦ ጊዲዳ ጺዮኒፔ ጾሲ ፖኢሴስ።

ኢዮቤ ማጻፋ 32:20

ኣኔ! ታኒ ሃይሳፌ ሃሳያዳ ሼምፓይስ፤ ታ ዶና ዶያዳ ታኒ ሃሳያናስ ቤሴስ።

ኢዮቤ ማጻፋ 32:18

ታ ሃሳያናስ ቤሲዛዚ ዳሮይ ዲዛ ጊሻስ፤ ታናን ዲዛ ኣያናይ ታና ዎልቃራ ሃሳይሴስ።

ዬ ማጻፋ 50:21

ኔኒ ሃይሳ ኡባ ኦዛ ዎዴ ታኒ ጮኡ ጋዲስ፤ ሄሳ ጊሻስ ኔኒ ታና ኔ ማላ ጋዳ ቆፓዳሳ፤ ጊዶ ኣቲን ሃኢ ታኒ ኔና ዋላሳይስ፤ ቃሴካ ታ ኔና ቆንጬን ሴራይስ።

ኢሳያሳ ቲንቢቴ 30:18

ጊዶ ኣቲን ጎዳይ ኢንቴስ ኪያ ኦናስ ናጌስ፤ ኢንቴና ባ ቃቴ ቤሳናስ ዴንዴስ፤ ጎዳይ ቱሙ ፒርዲዛ ጾሳ ጊዲዳ ጊሻስ ኣማኔቲዲ ኢዛ ናጊዛይቲ ኣንጄቲዳይታ።

ኢሳያሳ ቲንቢቴ 57:11

«ኔኒ ታስ ዎርዶቲዳይ፥ ኦናስ ያያዳ? ኦናስ ሂርጋዳ? ኔ ታና ቆፖንታ ኣጊዳይ፥ ሃይሳካ ኔ ዎዚናን ቁምኦንታ ኣጊዳይ፥ ታስ ኔ ያዮንታ ኢጺዳይ፥ ታኒ ጮኡ ጊዳ ጊሻስ ጊዴኔ?

ኢሳያሳ ቲንቢቴ 64:12

ኣቤት ጎዳዉ፥ ሃይሲ ኡባይ ሃኒንካ ኔ ሲሚኪ? ኔኒ ጮኡ ጋዳ ኑና ዛዋይ ባይንዳ ቂጻቴ ቃጻያይ?

ኢሳያሳ ቲንቢቴ 65:6

«ቤኢቴ፥ ታ ሲንን ጻፌቲ ኡቲዴስ፤ ታ ጮኡ ጊኬ፤ ጊዶ ኣቲን ኢዛ ኦሶ ኦሶ ማላ ታ ኢዛስ ኢማና፤ ኢስታ ሃኖ ማላ ታ ኢስታስ ጪጋና።

ኤርማሳ ቲንቢቴ 4:31

ታኒ ኮይሮ ባይራ ና ዬላናስ ሚጻቲዛ ማጫሳ ማላ ኔ ዋሲሺን ታ ሲያዲስ፤ ዬሩሳላሜ ማጫ ናያ ፔኖይ ቱጬታናሼ ጋካናስ ዋሲሺኒኔ ባ ኩሼ ሚጫዳ፥ «ታ ዋኖ! ሄኮ ታና ዎና ጌቴስ!» ጊሺን ሲያዲስ።