ኢሳያሳ ቲንቢቴ 42:1 - ጋሞ ማጻፋ

¹ ጎዳይ፥ «ታኒ ካ ኦይኪዳ ታ ኣሽካራይ፥ ታ ኢዛን ኡፋዬቲዛ ሙሩታይ ሃይሳ፤ ታኒ ታ ኣያና ኢዛ ቦላ ዎዲስ፤ ኢዚ ካዎቴታስ ሱሬ ፒርዳ ኤሃና።

Geeshsha Maxaafa

¹ GODAY, «Tani kaafa oykkida ta ashkaray, ta izan ufayettiza muurutay hayssa; tani ta Ayana iza bolla woththadis; izi kawoteththatas suure pirda ehana.

ኢሳያሳ ቲንቢቴ 42:1 Referans Kwoze

ሉቃሳ ሚሺራቾ 3:22

ጺሎ ኣያናይካ ሃራጴ ሚሳቲዲ ኢዛ ቦላ ዎዴስ። «ሳሎፔ፥ ‹ታ ዶሲዛ ናይ ኔና፤ ኔናን ታኒ ኡፋዬታይስ› » ጊዛ ቃላይ ዪዴስ።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኢሳያሳ ቲንቢቴ 52:13

ጎዳይ፥ «ቤኢቴ፥ ታ ኣሽካራይ ኣኬካን ኦና፤ ኢዚ ኤሬቲዳዴ ጊዳና፥ ኢዚ ቁ ቁ ጋና፤ ኢዚ ኬሂ ቦንቼታና።

ፒሊጲሲዮሴ ኣሳስ 2:7

ጊዶ ኣቲን ኣይሌ ሜ ኤኪዲ ኣስ ሚሳቲዲ ባርካ ባና ኤያ ኣስ ኬሲዴስ።

ኢሳያሳ ቲንቢቴ 43:10

«ኢንቴ ታና ኤራና ማላኔ ኣማናና ማላ፥ ኢዚ ታና ጊዲዳይሳ ኢንቴ ኣኬካና ማላ፥ ታ ማርካቲኔ ታ ዶሪዳ ታ ኣይሌቲ ኢንቴና። ታፔ ካሴ ሃራ ጾሲ ኦሴቲቤና፤ ታፔ ጉዬንካ ሃራ ጾሲ ዴና።

Maatosa 17:5

ኢዚ ቡሮ ሃሳያን ዲሺን ፖኢዛ ሻራይ ኢስታ ካሚዴስ፤ ሻራ ጋራ፥ «ታኒ ኢዛን ኡፋዬቲዛ ታ ዶሲዛ ታ ናይ ሃይሳ፤ ኢዚ ጊዛይሳ ሲዪቴ» ጊዛ ቃላ ጊሪስ ሲዪቴ።

ኢሳያሳ ቲንቢቴ 53:11

ኢዛ ሼምፖይ ዋዬቲዳፔ ጉዬ ኢዚ ዴኦ ፖኦ ቤኣናኔ ኡፋዬታና። ታ ጺሎ ኣይሌዚ ባ ኤራቴን ዳሮታ ጺሊሳና፤ ኢስታ ሞሮካ ቶካና።

1ጴጽሮሳ ኪታ 2:4

ሄሳ ጊሻስ ጌዴ ዴኦ ሹች ጊዲዳ ዬሱሳኮ ሺቂቴ፤ ሄ ሹቻይ ኣሳይ ሌቂ ኣጊዳይሳ ሺን ጾሳ ኣቻን ጊዲኮ ዶሬቲዳይሳኔ ቦንቾ ዋጋይ ዲዛይሳ።

ኤፌሶኔ ኣሳስ 3:8

ታ ቃሴ ሃንኮ ኣማኒዛ ኣሳፔ ላፋ ጊዲኮካ ኦኒካ ዛዋይ ባይንዳ ኪርስቶሳ ዱሬቴ ኣይዛቤታስ ሳባካና ማላ ጾሳ ኪያቴን ሃይሲ ታስ ኢሜቲዴስ።

ኢሳያሳ ቲንቢቴ 41:8

ጎዳይ፥ «ጊዶ ኣቲን ኔኖ ታ ኣሽካራ ኢስራኤሌ፥ ታ ዶሪዳ ያቆቤ፥ ታ ላጌዛ ኣብራሃሜ ዜሬዞ፥

ኤፌሶኔ ኣሳስ 1:6

ሄሲካ ባ ዶሲዛዴ ባጋራ ጮ ሜላ ኑስ ኢሜቲዳ ቦንቾ ኪያቴ ጋላቴታና ማላሳ።

ዮሃኒሳ ሚሺራቾ 3:34

ጾሲ ኪቲዳዴይ ጾሳ ቃላ ዮቴስ። ጾሲካ ኢዛዴስ ባ ኣያና ማኪ ኢሜና።

ቆላሲያሴ ኣሳስ 1:13

ኢዚ ኑና ማን ሃሬቴፌ ኣሺዲ ጌዴ ባ ዶሲዛ ናዛ ካዎቴን ፒንዴስ።

ኤፌሶኔ ኣሳስ 1:4

ኑ ኢዛ ሲንን ጌሺኔ ዎሶይ ባይንዳይታ ጊዳና ማላ ቡሮ ኣላሜይ ሜታናፔ ካሴ ባ ሲቆን ኪርስቶሳ ባጋራ ኑና ዶሪዴስ።

ሃዋሬታ ኦሶ 10:38

ጾሲ ናዚሬቴ ዬሱሳ ጺሎ ኣያናኒኔ ዎልቃን ቲይዴስ፤ ኢዚካ ጾሲ ኢዛራ ዲዛ ጊሻስ ባ ጋኪዳሶን ኡባን ሎኦ ኦሼ ጻላኤ ጎዳቴ ጊዶን ዲዛይታ ኡባ ፓዴስ።

ኢሳያሳ ቲንቢቴ 59:21

ቃሴካ ጎዳይ፥ «ታ ባጋራ ታሲኔ ኢስታስ ዲዛ ጫቆ ቃላይ ሃይሳ፤ ኢንቴ ቦላ ዲዛ ታ ኣያናይኔ ታኒ ኢንቴ ዶናን ዎዳ ታ ቃላይ ሃቺፌ ዶሚዲ ሜርና ጋካናስ፥ ኢንቴ ዶናፔ፥ ኢንቴ ናይታ ዶናፔኔ ኢንቴ ዜሬ ዶናፔ ሻኬቴና» ጌስ።

1ጴጽሮሳ ኪታ 2:6

ጌሻ ማጻፋን፥ «ሄኮ ዶሬቲዳ ቦንቾ ጊዲዳ ኬስ ጉላን ኡቲዛ ሹች ታኒ ጺዮኔን ዎና፤ ኢዛን ኣማኒዛዴይ ዬላቴና» ጊዛ ቃላይ ጻፌቲ ኡቲዴስ።

ሃዋሬታ ኦሶ 28:28

«ሂስቲኮ ጾሲ ኣስ ኣሺዛ ኪታይ ኣይዛቤታስካ ኪቴቲዳይሳ ኢንቴ ኤሪቴ፤ ኢስቲካ ኤሮ ጊዲ ኤኬቴስ» ጊዴስ።

ሃዋሬታ ኦሶ 9:15

ጎዳይካ ኢዛስ፥ «ኔ ባ! ሃይሲ ኣዴዚ ኣይዛቤታ ሲንኒኔ ካዎታ ሲንን ሄሳካ ኢስራኤሌ ዴሬ ሲንን ታ ሱን ቶካና ማላ ኢዚ ታስ ዶሬቲዳይሳ።

ሉቃሳ ሚሺራቾ 9:35

ሻራ ጊዶፌካ፥ «ታኒ ዶሪዳ ታ ናይ ሃይሳ፤ ኢዛ ሲዪቴ» ጊዛ ቃላይ ሴቴቲዴስ።

ዛካራሳ ቲንቢቴ 3:8

«ሃይሶ ቄሴታ ሃላቃ ኢያሶ ሲያ! ኔ ማታን ኔና ኦ ማዲዛይቲ ቡሮ ሲንፌ ሃናና ሎኦ ማላታ ጊዲዳ ጊሻስ ኢስቲካ ሲዬቶ፤ ሄኮ ታኒ ቡሮ ፑርጪዛ ታ ኣይሌዛ ኤሃና።

ኢሳያሳ ቲንቢቴ 2:4

ኢዚ ካዎቴታ ጊዶን ፒርዳና፤ ዳሮ ኣሳታ ጋርሳን ዲዛ ፓላማ ኢዚ ዲጋና። ኢስቲ ባንታ ጊ ማሻ ማራሻ፥ ባንታ ቶራካ ባጫ ቆጺ ኬሳና። ዴሬይ ዴሬ ቦላ ማሻ ዴንና፤ ሄሳፌ ጉዬ ኢስቲ ኦላ ታማሬቴና።

ሃዋሬታ ኦሶ 11:18

ኢስቲ ሄሳ ሲዪዳ ዎዴ ኢስታስ ጊዛዚ ዪን ጮኡ ጊ ሲሚዲ፥ «ሃይሳ ማላ ጊዲኮ ኣይዛቤቲካ ሃ ኦራ ዴኦኮ ያና ማላ ጾሲ ኣሳስ ማሮቴ ኢሚዴስ ጉሳ» ጊዲ ጾሳ ጋላቲዳ።

ዮሃኒሳ ሚሺራቾ 16:32

ጊዶ ኣቲን ኢንቴ ኢንቴ ባጋራ ባጋራ ላሌቲዲ ታና ጻላ ኣጋና ዎዴይ ጋኪዴስ፤ ሄ ሳቴያካ ሃኢ ጋካዱስ። ጊዶ ኣቲን ኣዋይ ታናራ ጊዲዳ ጊሻስ ታ ታርካ ዲኬ።

ዮሃኒሳ ሚሺራቾ 6:27

ያና ካስ ኦፍቴ። ጊዶ ኣቲን ሄሳፌ ኣዲ ጾሳይ ኣዋይ ኣማንዛ ማታሜ ኢዛ ቦላ ሾጪዳ ጊሻስ ኣሳ ናይ ኢንቴስ ኢሚዛ ሜርና ዴኦስ ጊዲዛ ካስ ኦቴ» ጊዴስ።

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

ኢሳያሳ ቲንቢቴ 32:16

ሄሳፌ ጉዬ ባዞ ቢታን ሱሬ ፒርዳይ ዴኣና፤ ኣራዳ ቢታንካ ጺሎቴ ዳና።

ሉቃሳ ሚሺራቾ 4:18

«ጎዳ ኣያናይ ታ ቦላ ዴስ፤ ማንቆታስ ሚሺራቾ ቃላ ዮታና ማላ ታና ቲይዴስ፤ ቃሼቲዳይታስ ቢርሼቴ፥ ቆቄቲ ጼላና ኦጌ ታ ኣዋጃና ማላ፥ ሜቶቴቲዳይታ ኣሻና ማላ፥ ዶሴቲዳ ጎዳ ላይ ኣዋጃ ታ ዮታና ማላ ታና ኪቲዴስ» ጊዛሶ ዴሚ ናባቢዴስ።

ሜቴ ማጻፋ 49:10

ዴሬ ሃሪዛዴይ ያና ጋካናሼ፥ ካዎቴ ኣልጋይ ዩሁዳፔ፥ ሃላቃቴ ጉፌይ ኢዛ ኬፌ ሻኬቴና። ቃሴ ዴሬ ኣሳይ ኢዛስ ኣዛዜታና።

ኢሳያሳ ቲንቢቴ 41:9

ታኒ ኔና ቢታ ጋጻፔ ኤሂዳይሶ፥ ሳሎይ ዳንጾሶፔ ጼይጊዳይሶ፥ ‹ታ ኔና ታ ኣይሌዞ› ጊዳይሶ ታ ኔና ዶራዲስ ኣቲን ኦላጋቤኬ።

ኢሳያሳ ቲንቢቴ 42:2

ዋሴና፤ ባ ቃላ ቂሴና፤ ባ ጬንጉርሳካ ኦጌ ቦላ ኬሂ ሲሴና።

ሃጌ ቲንቢቴ 2:23

ሄ ጋላስ ታኒ ታ ኣይሌ ሳላቲያሌ ና ዜሩባቤሌ ታ ኔና ኤካና፤ ታ ኔና ታስ ማታሜ ሾጪዛ ቃላባቴ ሂስታና፤ ታ ኔና ዶራዲስ» ጊዴስ።

ዬ ማጻፋ 72:4

ሜቶቲዳይታ ጊሻስ ኢዚ ሞቴታና፤ ሂዬሳታ ኢዚ ኣሻና፤ ኡንኤዛይሳካ ኢዚ ሊቂሳና።

ዬ ማጻፋ 89:4

‹ታኒ ኔ ዛሬታ ሜርናስ ካዎሳና፤ ኔ ካዎቴ ኣልጋ ዬሌታ ኡባስ ሚንና› ጋ ጫቃዲስ» ጋዳሳ።

ኢሳያሳ ቲንቢቴ 50:10

ኢንቴ ጊዶፌ ጎዳስ ያዪዛይ፥ ኢዛ ኣይላ ቃላስ ኣዛዜቲዛይ ኦኔ? ሄሳዴይ ማን ቢዛ ጊዲኮኔ ፖኦይ ኢዛስ ባይንዳ ኣጊኮ ኢዚ ጎዳ ሱንን ኣማኔቶ፤ ባ ጾሳንካ ዜምፖ።

ኢሳያሳ ቲንቢቴ 63:1

ኤዶሜ ቢታን ዲዛ ቦጺራ ካታማፔ ዞኦ ሴሎ ማይኦ ማይኢዲ ዪዛይ ሄሲ ኢዚ ኦኔ? ሃይሲ ቦንቾ ማይኢዲ ባ ዎልቃ ጊታቴን ሄሜቲሼ ዪዛይ ኢዚ ኦኔ? «ጺሎ ሃሳይዛይኔ ኣሻናስ ዎልቃይ ዲዛይ ታና ጊዲኪና!» ጌስ ጎዳይ።