ኢሳያሳ ቲንቢቴ 41:15 - ጋሞ ማጻፋ

¹⁵ ቤኣ ታኒ ኔና ኦራ፥ ቃራኔ ኣቻራ ዲዛ ካ ቡኪዛ ሎዳ ኦና፤ ኔኒ ዙማታ ጎያ ሊቂሳና፤ ዙምቡላታካ ዬ ሃፓ ኬሳና።

Geeshsha Maxaafa

¹⁵ Be7a tani nena oorath, qaranne achchara diza kath bukkiza loda ooththana; neni zumata goya liiqisana; zumbullatakka yedhdha happa kessana.

ኢሳያሳ ቲንቢቴ 41:15 Referans Kwoze

ሚኪያሳ ቲንቢቴ 4:13

ሃኔ ጺዮኔ ናዬ ዴንዳዳ ካ ቡካ፤ ታ ኔስ ቢራታ ካጬኔ ጻርቂማላ ጹጉን ኢማና፤ ኔካ ሃንኮ ዴሬዛ ኢዛን ሊቂሳና» ጊዴስ። ኢስቲ ጌኔን ሺሺዳይሳ ጾሳስ፥ ኢስታ ሃሮካ ኡባ ቢታ ኡባ ሃሪዛ ጎዳስ ኔ ሺሻንዳሳ።

ዛካራሳ ቲንቢቴ 4:7

«ሃይሶ ጊታ ዙማዞ ኔ ኣዜ? ኔ ዜሩባቤሌ ሲንን ቲ ጊዳ ዴምባ ጊዳና፤ ቃሴ ዜሩባቤሌይ ጾሳ ኬ ኬጺ ጊጊዲ ቁስቴ ሹቻ ፑዴ ኬሲዛ ዎዴ ኣሳይ፥ ‹ሃሹ ሃሹ ሎኦን ፖሌቲዴስ› ጊ ሳባና» ጌስ።

ኢምባቆ ቲንቢቴ 3:12

ኔኒ ቢታ ቦላ ሃንቆን ሲሜሬታዳሳ፤ ዴሬታካ ሃንቆን ዬዳሳ።

ኢሳያሳ ቲንቢቴ 21:10

ባሌን ቡኬቲዳ ታ ዴሬዞ! ኡባፌ ዎልቃማ ጎዳ ኢስራኤሌ ጾሳፌ ታ ሲዪዳ ቃላ ኔስ ዮታይስ።

ኢሳያሳ ቲንቢቴ 28:27

ኣሱታይ ሎዳን ቡኬቴና፤ ኣኑጋይ ፓራ-ጋሬን ቡኬቴና፤ ኣሱታይ ጉፌን፥ ኣኑጋይ ቄሪ ሎዳን ቡኬቴስ።

ዬ ማጻፋ 18:42

ጫርኮይ ፒቲዲ ኤፊዛ ጉዱላ ማላ ታኒ ኢስታ ኦዲስ፤ ኦጌን ዴኢዛ ኡርቃ ማላካ ኢስታ ዬታዲስ።

ኢሳያሳ ቲንቢቴ 17:13

ኣሳይ ዎልቃማ ሃ ማላ ጉሚኮካ፥ ኢዚ ኢስታ ሴሪኮ ዙምቡላ ቦላራ ጫርኮን ቢዛ ጉዱላ ማላ ጎቴ ጫርኮይ ላሊዛ ሃፓ ማላ ላሌታና።

ኢሳያሳ ቲንቢቴ 29:5

ጊዶ ኣቲን ዳሮ ኔ ሞርኬቲ ጉዱላ ሱላ ማላ፥ ሜንጼ ኢታቲ ጫርኮን ቢዛ ሃፓ ማላ ጊዳና፤ ቆፋይ ባይንዳ ዲሺን፥

ኢሳያሳ ቲንቢቴ 42:15

ታኒ ዙማታኔ ዙምቡላታ ዎዲሳና፤ ዶዛታ ኡባ ሜሊሳና። ሻፋታ ሃሩሮ ቢታ ኬሳና፤ ኤሌ ሃታካ ሚጪንቻና።

ኢሳያሳ ቲንቢቴ 64:1

ኣቤት ጎዳዉ፥ ኔኒ ሳሎታ ዳካዳ ዱጌ ዎርኪ! ዙማቲ ኔ ሲንን ኮኮሬቶ።

ኤርማሳ ቲንቢቴ 9:10

ታኒ ቃ ዴሬታስ ዬካናኔ ዋሳና፤ ባዞን ሄንሶሆታስ ካዮታና። ጋሶይካ ኢስቲ ይዳ፤ ሄራ ኢሲ ኣሲኔ ካንና። ሜሄ ዋሶይ ሲዬቴና፤ ሳሎ ካፎቲኔ ዶኣቲ ባቃቲዲ ቢቺዳ።

ኤርማሳ ቲንቢቴ 51:20

ጎዳይ፥ «ባቢሎኔ ኔኒ ታ ጻምኣኔ ኦላ ማሳራ፤ ኔናን ጎኤታዳ ታኒ ዴሬ ኡባ ሜንሬዲስ፤ ቃሴ ካዎቴታካ ይሳዲስ።

ኤርማሳ ቲንቢቴ 51:33

ኡባፌ ዎልቃማ ጎዳ ኢስራኤሌ ጾሳይ፥ «ባቢሎኔ ማጫ ናይቲ ካ ቡካናስ ጊጊዛ ባሌ ማላ፤ ካ ሺሾ ዎዴይ ኢዚ ቦላ ኤሶን ጋካና» ጌስ።

ሂዚቄላ ቲንቢቴ 33:28

ታኒ ቢታዮ ቡላኔ ኣሲ ባይንዳ ካይስ ኬሳና፤ ኢዛ ጬቄቲዛ ዎልቃይ ኢዚፔ ዉራና፤ ኢስራኤሌ ዙማቲ ኦኒካ ኢዛራ ካን ቦንታ ማላ ቡላ ጊዳና።

ዳኔላ ቲንቢቴ 2:35

ሄራካ ቢራታዚ፥ ማና ኡርቃዚ፥ ጻርቂማላዚ፥ ቢራዚኔ ዎርቃዚ ዉሪ ሜቄሬቲ ዎዳ፤ ቦኔ ካ ባሌን ዲዛ ሱላ ማላ ጊዲዳ፤ ጫርኮይ ኢስታ ኢሲኖካ ኣሾንታ ፒቲ ኤፊዴስ፤ ሚስሌዛ ቦላ ኩንዲዳ ሹቻዚ ጊዲኮ ኢዚ ቢታ ኩማናሼ ጋካናስ ጊታ ዙማ ጊዲዴስ።

ሚኪያሳ ቲንቢቴ 5:8

ዎራ ዶኣታ ጊዶን ዲዛ ጋሞይ፥ ባ ቶሆራ ኢጪ ሜንሬሼ ቢዛ ማላ፥ ሜንሬይሳካ ኢዛፔ ኦኒካ ዎ ኤካናስ ዳንዳዮንታይሳ ማላ፤ ዳሮ ዶርሳ ጊዶን ዲዛ ዎዳላ ጋሞ ማላ፤ ያቆቤ ዜሬፌ ኣቲዳይቲ ሃንኮ ዴሬታ ጊዶኒኔ ዳሮ ኣሳ ጊዶን ሄሳ ማላ ጊዳና።

ኢያሶ ማጻፋ 17:18

ሄሳ ጊሻስ ጌዜ ቢታይካ ኢንቴሳ፤ ቢዲ ቄጺቴ፤ ዉርሴ ጋጻ ጋካናስ ዲዛይሲ ኢንቴስ ጊዳና፤ ካናኔታስ ቢራታ ፓራ-ጋሬቲ ዲኮካ፥ ኢስቲ ሚኖ ጊዲኮካ ኢንቴ ኢስታ ሄፔ ኬሳና» ጊዴስ።

ዳናታ ማጻፋ 6:16

ጎዳይካ፥ «ቱማፔ ታኒ ኔናራ ጊዳና፤ ኢሲ ኣስ ሾጪዛ ማላ ኔኒ ሚዲያሜ ኣሳ ሾጫዳ ጾናና» ጊዴስ።

ኢዮቤ ማጻፋ 41:30

ኢዛስ ኡሎ ጋልባ ሃንቻዚ ኢዚ ኡርቃ ጊዶራ ቢሺን ቢታ ማራሻ ማላ ቦኬስ።