ኢሳያሳ ቲንቢቴ 41:14 - ጋሞ ማጻፋ

¹⁴ ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

Geeshsha Maxaafa

¹⁴ Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ኢሳያሳ ቲንቢቴ 41:14 Referans Kwoze

ኢሳያሳ ቲንቢቴ 43:14

ጎዳይ ኢንቴና ዎዚዛ ኢስራኤሌ ጌሻይ፥ «ኢንቴ ጊሻስ ባቢሎኔ ቦላ ኦላንቻታ ኪታና፤ ኢስቲ ጬቄቲዛ ማርካቤታን፥ ባቢሎኔታ ኡባ ቤታና ማላ ኦና።

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ዬ ማጻፋ 22:6

ታኒ ጉጹኔ ኣቲን ኣስ ጊዲኬ፤ ታኒ ኣሳን ካቲዳዴኔ ኢጼቲዳዴ።

ኤርማሳ ቲንቢቴ 50:34

ጊዶ ኣቲን ኢስታ ዎዚዛይ ሚኖ፤ ኢዛ ሱንይካ ጎዳ ኡባፌ ዎልቃማ ጾሳ፤ ኢስቲ ቢታስ ሼምፖ ኢማናስ ኬሂ ባጼቴስ፤ ጊዶ ኣቲን ባቢሎኔን ዲዛይታስ ሼምፖ ይሴስ» ጌስ።

ዬ ማጻፋ 19:14

ኣቤት ጎዳዉ! ታ ዜምፒዛ ዎጋ ዛላዉ! ታና ዎዚዳ ታ ጎዳዉ! ታ ዶናፔ ኬኢዛ ቃላይኔ ታ ዎዚና ቆፋይ ኔና ኡፋይሲዛይሳ ጊዶ።

ኢዮቤ ማጻፋ 25:6

ሙሳኔ ጉጹኔ ጊዳዳ ሃይቂዛ ኣሲ ሄሳፌካ ኣይ ማላ ኢታ!»

ኢዮቤ ማጻፋ 19:25

ጊዶ ኣቲን ታና ኣሺዛይሲ ፓጻ ዴኢዛ ማላ ዉርሴ ዎዴን ታና ዎዛናስ ቢታ ቦላ ኢዚ ኤቃናይሳ ታኒ ኤራይስ።

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

ኢሳያሳ ቲንቢቴ 49:26

ኔና ኡንኤዛይቲ ባንታርካ ባ ኣሾ ማና፤ ዎይኔ ኡሻን ማቲዛ ማላ ባንታርካ ባ ሱን ማታና፤ ሄሳፌ ጉዬ ኣሳ ዜሬ ኡባይ፥ ታኒ ጎዳ፥ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ሄሳን ኤራና» ጌስ።

ኢሳያሳ ቲንቢቴ 48:17

ጎዳይ ኔና ዎዚዳ ኢስራኤሌ ጌሻይ፥ «ታኒ ጎዳ ኔ ጾሳይ፥ ኔና ጎኢዛዝ ታማርሲዛይሳ፥ ባናስ ቤሲዛ ኦጌራ ኔና ካሌዛይ ታና።

ኢሳያሳ ቲንቢቴ 47:4

ኑና ዎዚዛ ኢስራኤሌ ጌሻስ፥ ሱንይ ጎዳ ኡባፌ ዎልቃማ ጾሳ።

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 44:6

ኢስራኤሌ ካዎይኔ ኢስታ ዎዚዛይ፥ ጎዳይ ኡባፌ ዎልቃማ ጾሳይ፥ «ኮይሮይ ታና፤ ዉርሴካ ታና። ታፔ ሃራ ጾሲ ባዋ።

ዮሃኒሳ ኣጁታ 5:9

ኦራ ማዛሙሬ ሂዝጊ ዬጺዳ፤ «ኔኒ ኣስ ዱማ ዱማ ኮቻፌ፥ ዱማ ዱማ ቃላን ሃሳይዛይታፔ፥ ዱማ ዱማ ቆሞፌኔ ዱማ ዱማ ዴሬፔ ጾሳስ ዎዛናስ ሹኬቲዳ ጊሻስ ሄ ጻ ማጻፋዛ ኤካናሲኔ ማታሜታካ ዶያናስ ቤሲዛዴ ጊዳዳሳ።

ጋላቲያ ኣሳስ 3:13

«ሚ ቦላ ካቄቲዛ ኣሲ ቃንጌቲዳዴ» ጌቴቲ ጻፌቲዳ ጊሻስ ኪርስቶሲ ኑ ጊሻስ ቃንጌቲዳዴ ጊዲዲ ኑና ዎጋ ቃንጌፌ ዎዚዴስ።

ሉቃሳ ሚሺራቾ 12:32

«ኢንቴኖ ጉ ዉዴ ሜሄ ማላ ጊዲዳይቶ! ካዎቴ ኢንቴስ ኢማናስ ኢንቴ ኣዋስ ሎኦ ቆፋ ጊዲዳ ጊሻስ ባቦፍቴ።

Maatosa 7:14

ዴኦስ ጋዛ ኦጌይ ጊዲኮ ጹን፤ ፔንጌይካ ጹን፤ ጌላናይቲካ ጉታ ጻላ።

ኢሳያሳ ቲንቢቴ 63:16

ኣብራሃሜይ ኑና ኤሮንታ ኣጊኮ፥ ኢስራኤሌይካ ኑና ኣኬኮንታ ኣጊኮካ ኔኒ ኑስ ኣዋ። ኣቤት ጎዳዉ፥ ኔኒ ኑስ ኣዋ፤ ቤኒሶፌካ ዶሚዲ ኔ ሱንይ ኑና ዎዚዛይሳ።

ኢሳያሳ ቲንቢቴ 60:16

ኔኒ ካዎቴታ ማ ኡያና፤ ካዎታ ንካ ማና። ሄሳፌ ጉዬ ታኒ ጎዳይ ኔና ኣሺዛይሳ፥ ኔና ዎዚዛይሳኔ ያቆቤ ዎልቃማ ጊዲዳይሳ ኔኒ ኤራና።

ኢሳያሳ ቲንቢቴ 59:20

ጎዳይ፥ «ዎዚዛዴይ ጺዮኔሲኔ ያቆቤ ዛሬታን ባንታ ናጋራ ፓጺዳይታኮ ያና» ጌስ።

ኢሳያሳ ቲንቢቴ 54:8

ታ ጉ ዎዴስ ኬሃ ሃንቄቲዳ ጊሻስ፥ ታ ኣይፌሶ ኔፔ ጌንዲስ፤ ጊዶ ኣቲን ታ ሜርና ኪያቴን ኔስ ቃታና» ጌስ ኔና ዎዚዛ ጎዳይ።

ኢሳያሳ ቲንቢቴ 49:7

ካቲዳይሳሲኔ ካዎቴን ኢጼቲዳይሳስ፥ ዴሬ ሃሪዛይታ ኣሽካራ ጊዲዳ ኔስ፥ ጎዳይ፥ ኢስራኤሌ ኣሺዛ ጌሻይ፥ «ካዎቲ ኔና ቤኢዲ ዴንዲ ኤቃና፤ ካዎ ናይቲ ኔና ቤኢዲ ኔስ ዚጋና፤ ጋሶይካ ኔና ዶሪዳ ጎዳይ፥ ኢስራኤሌ ጌሻይ ኣማኔቲዳዴ» ጌስ።

ኦሮሜ ኣሳስ 9:27

ኢሳያሲካ ኢስራኤሌ ናይታ ጊሻስ፥ «ኢስራኤሌ ናይታ ቆዳይ ኣባ ኣጬ ማላ ዳሪኮካ ጉቲ ጻላላ ኣታና።

ዛሬ ማጻፋ 7:7

ጎዳይ ኢንቴና ሲቂዳይኔ ዶሪዳይ ኢንቴ ሃራ ኣሳፔ ቆዳን ዳሪዛ ጊሻስ ጊዴና፤ ኢንቴ ሃራ ዴራፔ ቆዳን ኬሂ ጉታ።

ዬ ማጻፋ 46:5

ጾሲ ኢዚ ጊዶን ዲዛ ጊሻስ ሄ ካታማያ ቃጹኩ፤ ዎንታ ማላዶራ ጾሲ ኢዞ ማዳና።

ዬ ማጻፋ 78:35

ኢስቲ ጾሲ ኢስታስ ዛላ ጊዲዳይሳኔ ኡባፌ ቃ ጾሲ ኢስታ ዎዚዳይሳ ሃሳኢዳ።

ኢሳያሳ ቲንቢቴ 35:10

ጎዳይ ማዲዳይቲ ሲማና፤ ኢስቲ ዬጺሼ ጺዮኔ ጌላና፤ ሜርና ኡፋይሳ ካላቻ ማላ ጎጻና፤ ኢንጄኔ ኡፋይስ ዴማና፤ ጬጬይኔ ካዮይ ሄፔ ባቃታና።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኢሳያሳ ቲንቢቴ 44:22

ታኒ ኔ ሞሮ ሻራ ማላ፥ ኔ ናጋራካ ማላዶ ቱላላ ማላ ቁጫ ይሳዲስ፤ ታኒ ኔና ዎዚዳ ጊሻስ ሃ ታኮ ሲማ› » ጌስ።

ኤርማሳ ቲንቢቴ 46:27

«ታ ኦሳንቻ ያቆቤ ያዮፋ፤ ኢስራኤሌ ሺሮቶፓ፤ ታ ኔና ሃሆ ቢታፌ ኔ ዛሬካ ዲኤቲ ቢዳሶፔ ኣሻና። ያቆቤይካ ሲሚዲ ሳሮቴን ዎፑ ጊ ዳና፤ ኢዛ ባቢሳና ሚሺካ ዴና።

ኤርማሳ ዚላስ 3:57

ታ ኔና ጼይጊዳ ዎዴ ኔ ታኮ ሺቃዳ፥ «ያዮፋ» ጋዳሳ።

ዳኔላ ቲንቢቴ 10:12

ቃሴካ ኢዚ ታስ፥ «ዳኔላ ኔኒ ባቦፋ፤ ኔኒ ኣኬካ ዴማናሲኔ ኔና ኔ ጾሳ ሲንን ኔ ሁኤ ካዉሾ ዶሚዳ ኮይሮ ጋላሳፌ ሃ ሲሚን ኔ ቃላይ ሲዬቲዴስ፤ ታኒ ኔ ቃላስ ዛሮ ኤካዳ ሃ ኔኮ ኪቴታ ያዲስ።

ሆሴኤ ቲንቢቴ 11:9

ታኒ ኢንቴ ጊዶን ዲዛ ጌሻ ጾሳ ኣቲን ኣስ ጊዲኬ። ታ ሃንቆራ ኢንቴኮ ዪኬ፤ ታ ቦሻ ሃንቆ ኢንቴ ቦላ ዬዲኬ፤ ኤፍሬሜ ዛራዳ ይሲኬ።

ኢያሶ ማጻፋ 17:18

ሄሳ ጊሻስ ጌዜ ቢታይካ ኢንቴሳ፤ ቢዲ ቄጺቴ፤ ዉርሴ ጋጻ ጋካናስ ዲዛይሲ ኢንቴስ ጊዳና፤ ካናኔታስ ቢራታ ፓራ-ጋሬቲ ዲኮካ፥ ኢስቲ ሚኖ ጊዲኮካ ኢንቴ ኢስታ ሄፔ ኬሳና» ጊዴስ።

ኢሳያሳ ቲንቢቴ 37:4

ዴኦ ጾሳ ጫያና ማላ ኢዛ ጎዳ ኣሶሬ ካዎይ ኪቲዳ ኦላ ጋዳዋ ቃላ ጎዳ ኔ ጾሳይ ሲዮንታ ኣጌና። ቃሴ ጎዳ ኔ ጾሳይ ሄ ሲዪዳ ቃላ ጋሶን ኢዛ ቃጻዮንታ ኣጌና። ሄሳ ጊሻስ ኔኒ ሼምፖራ ፓጻ ኣቲዳ ጫሻታ ጊሻስ ዎሳ› ጌስ» ጊዳ።

ኢሳያሳ ቲንቢቴ 43:3

ጋሶይካ ታኒ ጎዳ ኔ ጾሳይ፥ ኢስራኤሌ ጌሻይ ኔስ ሌ፤ ታ ኔ ጊሻስ ጊብጼ ዎዞ ኢማና፤ ቶጵያኔ ሴባ ኔ ጊሻስ ኣ ኢማና።