ኢሳያሳ ቲንቢቴ 40:31 - ጋሞ ማጻፋ

³¹ ጊዶ ኣቲን ጎዳ ሂዶታ ኦዛይቲ ባንታ ዎልቃ ኦራጺሴቴስ፤ ኢስቲ ጎሌ ማላ ፒራና፤ ኢስቲ ዳቡሮንታ ዎጻና፤ ኢስቲ ባና፤ ኣርጋጬቴና።

Geeshsha Maxaafa

³¹ Gido attiin GODAA hidota ooththizayti bantta wolqqa ooraxisseettes; istti golle mala piradhdhana; istti daaburontta woxxana; istti baana; argacettenna.

ኢሳያሳ ቲንቢቴ 40:31 Referans Kwoze

2ቆሮንቶሴ ኣሳስ 4:16

ሄሳ ጊሻስ ኑ ሂዶታ ቃንጾኮ፤ ኑስ ካሬ ባጋ ኣሳቴይ ዪ ዪ ቢኮካ ኑስ ጋ ባጋ ኣሳቴይ ጋላስ ጋላስ ኦራጺ ኦራጺ ቤስ።

ዬ ማጻፋ 103:5

ጎሌ ካፎ ኔኒ ኦራጻና ማላ ኢዚ ኔ ኣሞ ኡባ ሎኦ ሚሻን ኩንና።

Ibirawe 12:1

ሄሳ ጊሻስ ሻራ ማላ ኑና ዩዪ ኣዳ ዳሮ ማርካቲ ኑስ ዲሺን ኑና ዴጺዛ ቶሆኔ ቃሴ ኑና ቃቺ ኦይኪዛ ናጋራ ዉርሲ ኑፔ ዎራ ዬጊዲ ኑ ሲንን ዲዛ ዎ ጌንጫኒኔ ዳንዳያን ኣኔ ዎጾስ።

ጋላቲያ ኣሳስ 6:9

ኣኔ ኑ ሎኦ ኦሶ ኦናስ ኣዛሎኮ፤ ኑ ኡፋይስ ቃንጾንታ ኣጊኮ ዎዴይ ጋኪሺን ጋኪዳ ካ ኑ ማጻና።

ኦሮሜ ኣሳስ 8:25

ጊዶ ኣቲን ኑኒ ቡሮ ኑ ኣይፌን ቤኦንታ ሚሽ ሂዶታን ናጊዛዝ ጊዲኮ ሳሌታይ ባይንዳ ናጎስ።

ኢሳያሳ ቲንቢቴ 30:18

ጊዶ ኣቲን ጎዳይ ኢንቴስ ኪያ ኦናስ ናጌስ፤ ኢንቴና ባ ቃቴ ቤሳናስ ዴንዴስ፤ ጎዳይ ቱሙ ፒርዲዛ ጾሳ ጊዲዳ ጊሻስ ኣማኔቲዲ ኢዛ ናጊዛይቲ ኣንጄቲዳይታ።

ዬ ማጻፋ 84:7

ኢስቲ ዎልቃ ቦላ ዎልቃ ጉጂ ጉጂ ባና፤ ኢስቲ ጾሳ ሲንን ጺዮኔን ቤታና።

ዬ ማጻፋ 37:34

ጎዳ ሂዶታ ኦ፤ ኢዛ ኣዛዞካ ናጋ፤ ኢዚ ኔና ቢታ ላቲሳና፤ ዛሪዲካ ቦንቻና፤ ኢታ ኣሳቲ ሚ ይሺን ኔ ቤያና።

ሉቃሳ ሚሺራቾ 18:1

ባና ካሊዛይቲ ኣዛሎንታ ኡባ ዎዴ ዎሳናስ ቤሲዛይሳ ኤሪሳናስ ዬሱሲ ሃ ሌሚሶዛ ኢስታስ ዮቲዴስ።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ዬ ማጻፋ 138:3

ታኒ ጼይጊዳ ጋላስ ታስ ኮያዳሳ፤ ኔ ሚኖቴን ታና ሚን።

ዬ ማጻፋ 25:5

ኔኒ ታና ኣሺዛ ጾሳ፤ ኔ ቱማቴን ታና ካሌኔ ታማርሳ፤ ኡባ ዎዴ ታ ሂዶታይ ኔና።

ዬ ማጻፋ 25:3

ኔና ሂዶታ ኦዛይቲ ዬላቴቴና፤ ጊዶ ኣቲን ጌኔ ኦዛይቲ ዬላታና።

ኬሳ ማጻፋ 19:4

‹ታኒ ጊብጼ ኣሳ ቦላ ኣይ ኦዳኮ ቃሴ ጎሌ ካፎይ ባ ና ባ ቄፌን ቶኪዛ ማላ ታኒ ኢንቴና ዎስታ ቶካዳ ታኮ ኤሂዳኮ ኢንቴ ኢንቴ ኣይፌራ ቤዪዴታ።

Ibirawe 12:3

ሂስቲኮ ኢንቴ ዳቡርዲ ሂዶታ ቃንጾንታ ማላ ሄሳካ ናጋራንቻታፔ ካሴ ኢዛ ቦላ ጋኪዳ ሄሳ ማላ ኤቄቴ ዳንዳይዳ ዬሱሳ ቆፒቴ።

ኢዮቤ ማጻፋ 17:9

ጊዶ ኣቲን ጺሎቲ ቱማ ኦጌፔ ካሬ ኬኤቴና፤ ጌሻቲ ሚኖቴ ቦላ ሚኖቴ ጉጄቴስ።

ዬ ማጻፋ 40:1

ታኒ ጎዳ ዳንዳያን ናጋዲስ፤ ኢዚ ታኮ ሲሚዲ ታ ዎሳ ሲዪዴስ።

ዮሃኒሳ ኣጁታ 2:3

ኔኒ ዳንዳያን ሚና ኤቂዳይሳኔ ታ ሱን ጊሻስ ሳሌቶንታ ኔ ዋዬ ቤኢዳይሳ ታ ኤራይስ።

ዬ ማጻፋ 25:21

ኔ ታስ ሂዶታ ጊዲዳ ጊሻስ ሱሬቴይኔ ቱማቴይ ታና ናጎ።

ዬ ማጻፋ 123:2

ኣሽካራይ ባ ጎዳ ኩሼ ጼሊዛ ማላ፥ ኣሽካራያካ ባ ጎዳቴይ ኩሼ ጼሊዛ ማላ፥ ኑኒካ ኢዚ ኑና ማራና ጋካናስ ኑ ጎዳኮ ፑዴ ጼሎስ።

ዛካራሳ ቲንቢቴ 10:12

ታኒ ኢስታ ጎዳን ሚንና፤ ኢስቲካ ኢዛ ሱንን ሲሜሬታና» ጌስ።

2ቆሮንቶሴ ኣሳስ 4:1

ጾሳ ማሮቴ ዳሮፔ ዴንዲዳይሳን ሃይሲ ሃ ኦሶዚ ኑስ ዲዛ ጊሻስ ኑኒ ሂዶታ ቃንጾኮ።

ኢሳያሳ ቲንቢቴ 8:17

ታኒ ባ ሲን ያቆቤ ዛሬታፔ ጌንዳ ጎዳ ናጋና፤ ኢዛካ ሂዶታ ኦና።

ዬ ማጻፋ 92:13

ኢስቲ ጎዳ ኬን ቶኬቲዳ፤ ኢስቲ ጾሳ ኬ ዛጎ ጋካናስ ዳያና።

1ታሶሎንቄ ኣሳስ 1:10

ቃሴካ ጾሲ ሃይቆፔ ዴንዳይሳ ቡሮ ያና ሃንቆፌ ኑና ኣሻና ሳሎፔ ያና ጾሳ ና ዬሱሳ ዩሳ ኢንቴ ዎስቲ ናጊዛኮ ኣሳይ ሃሳዬስ።

ዳናታ ማጻፋ 16:28

ሄ ዎዴ ሳምሶኔይ ጎዳ ዎሲዲ፥ «ኣቤት ኡባ ሃሪዛ ጎዳዉ! ሃኢ ታና ቆፓርኪ! ኣቤት ጾሳዉ፥ ፊሊስጼሜቲ ታ ኣይፌ ናምኣታ ዎጪ ኬሲዳይሳ ሃሎ ታኒ ኬሳና ማላ ሃኢ ታና ኢሲቶ ሚንርኪ!» ጊዴስ።

ዬ ማጻፋ 92:1

ጎዳ ጋላቶይ ሎኦ፤ ኣቤት ኡባፌ ቃ ጾሳዉ! ኔ ሱንስ ማዛሙሬ ሺሾይ ሎኦ።

Siiqo Saba 8:5

«ባ ሲቆ ላጌዛ ቦላ ዜምፓዳ፥ ባዞፌ ዪዛራ ሃና ኦኔ?» ጊዳ። «ቤኒ ኔ ኣያ ኔና ሚጻታ ዬሊዳ ኣፒሌ ሚ ጋርሳፌ ታ ኔና ቤጎ ዴንዲስ።

ዮሃኒሳ ኣጁታ 4:7

ኮይሮ ዶኣዚ ጋሞ ሚሳቴስ፤ ናምኣንዚ ቦራ ሚሳቴስ፤ ሄንዛ ኣይፌሶይ ኣሳ ኣይፌሶ ሚሳቴስ፤ ኦይዳንዚ ፒራዛ ጎሌ ካፎ ሚሳቴስ።

ዮሃኒሳ ኣጁታ 12:14

ማጫሳያካ ባስ ጊጌቲ ዲዛሶ ፒራዳ ዱጌ ባዞ ባና ማላ ኢዚስ ጊታ ጎሌ ቄፌ ሚሳቲዛ ናምኡ ቄፌቲ ኢሜቲዳ፤ ኢዛ ሄን ዳዌዛ ሲንፌ ሃካዳ ሄ ላይኔ ባጋ ጋካናስ ሎኦ ቦንቾን ናጌታዱስ።

ዛሬ ማጻፋ 32:11

ጎሌ ካፎይ ባ ጪዬታ ፒራ ታማርሲዛ ማላ፥ ባ ቄፌ ሚጫዳ ጋካ ኦይካ ኣሺዛ ማላ፥ ጎዳይ ባ ቄፌን ሃጵዲ ኢስታ ኣሺዴስ።

ኢሳያሳ ቲንቢቴ 41:1

ጎዳይ፥ «ኢንቴኖ ሃሩሮቶ፥ ጮኡ ጊቴ፤ ካዎቴቲ ባ ዎልቃ ኦራቶ፤ ሺቂዲ ሃሳዬቶ፤ ኣኔ ፒርዳ ሺሎታ ሲንን ጋይቶስ።

ኢሳያሳ ቲንቢቴ 64:4

ቤኒሶፌ ዶሚዲ ሂዶታ ኦ ናጊዛይታስ ጋኪዛ ማላታ ኦዳይ ኔፔ ኣቲን ሃራ ጾስ ቤኢዳ ኣይፌይኔ ሲዪዳ ሃይ ሙሌካ ዴና።

ኤርማሳ ቲንቢቴ 48:15

ቤኢቴ ሞኣቤ ቢታይ ያና፤ ኢዚ ካታማቲካ ዎራጄታና፤ ዶሬቲዳ ኢዚ ዬላጋ ናይቲካ ሹኬታናስ ዱጌ ዎና፤ ኢዛ ሱንይ ጎዳይ ኡባፌ ዎልቃማ ጾሳይ፥

ዛሬ ማጻፋ 33:25

ኢስታ ካታማታ ፔንጌቲ ቢራታኒኔ ጻርቂማላን ሚኒ ጎርዴቴቶ፤ ባ ዲዛ ላይ ኡባን ኢስቲ ዎልቃማ ጊዴቶ» ጊዴስ።

ኢያሶ ማጻፋ 14:11

ጊዲኮካ ሃኢ ታስ ዲዛ ሚኖቴይ ቤኒ ሙሴይ ታና ኪቲዛ ዎዴ ዲዛ ሚኖቴ ማላ። ታስ ሃኢካ ኦሌታና ባናስ ቤኒ ዎልቃይኔ ሚኖቴ ዴስ።

ዬ ማጻፋ 20:9

ኣቤት ጎዳዉ! ካዎዛስ ጾኖ ኢማ፤ ኑኒካ ኔና ጼይጊዛ ዎዴ ሲያ።

ዬ ማጻፋ 84:8

ኣቤት ኡባፌ ዎልቃማ ጎዳዉ! ታ ዎሳ ኔኒ ሲያ። ኣቤት ያቆቤ ጾሳዉ! ታ ጊዛዝ ኤዝጋ።

ሌሚሶ ማጻፋ 30:19

ሄሳንቲካ ጎሌቲ ሳሎራ ፓሊዛ ፓሎ፥ ሾሺ ሹቻ ቦላራ ሶሎሉ ጊ ቡስ፥ ማርካቤይ ኣባ ቦላራ ቢዛ ቡስ ኣዴይ ማጫ ና ሲቆ ዴማናስ ሃኒዛ ሃኖታ።

ኢሳያሳ ቲንቢቴ 30:15

ኡባ ሃሪዛ ጎዳይ፥ ኢስራኤሌ ጌሻይ፥ «ኢንቴ ታኮ ሲሞኒኔ ታናን ሼምፖን ኣታና፤ ዎፓኒኔ ኣማኖን ኢንቴ ሚናና፤ ኢንቴ ጊዲኮ ሄሳ ኦቤኬታ።