ኢሳያሳ ቲንቢቴ 40:15 - ጋሞ ማጻፋ

¹⁵ ቤኢቴ ካዎቴቲ ጎምቦ ጊዶን ጾኪዳ ሃ ማላ፤ ኢስቲ ሜዛኔ ቦላ ዲዛ ጉዱላ ማላ ቆዴቴቴስ፤ ሃሩሮታ ሊቆ ቢታ ማላ ጌዳሬስ።

Geeshsha Maxaafa

¹⁵ Be7ite kawoteththati gombo giddon xokkida haaththa mala; istti meezaane bolla diza gudulla mala qoodetteettes; harurota liiqo biitta mala geeddarees.

ኢሳያሳ ቲንቢቴ 40:15 Referans Kwoze

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ኢሳያሳ ቲንቢቴ 40:22

ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

ኢሳያሳ ቲንቢቴ 29:5

ጊዶ ኣቲን ዳሮ ኔ ሞርኬቲ ጉዱላ ሱላ ማላ፥ ሜንጼ ኢታቲ ጫርኮን ቢዛ ሃፓ ማላ ጊዳና፤ ቆፋይ ባይንዳ ዲሺን፥

ኢሳያሳ ቲንቢቴ 11:11

ሄ ዎዴ ጎዳይ ናምኣን ባ ኩሼ ሚጪዲ ኣቲዳ ኣሳ ኣሶሬፔ፥ ፑዴሃ ጊብጼፔ፥ ዱጌሃ ጊብጼፔ፥ ቶጵያፔ፥ ኤላሜፔ፥ ሳናኦሬፔ፥ ሃማቴፔኔ ኣባ ጋጻን ዲዛ ዴሬታፔ ሺሻና።

ኢሳያሳ ቲንቢቴ 59:18

ኢስታ ኦሶ ማላ ሃንቆ ባ ባልጋራታስ፥ ፒርዳ ባ ሞርኬታስ ኢዚ ቃንጻና። ሃሩሮ ቢታታስ ኢስታ ኦሶ ኦሶ ማላ ኢማና።

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።

ዳኔላ ቲንቢቴ 11:18

ሄሳፌ ጉዬ ኣባ ኣቻን ዲዛ ዴሬታ ቦላ ሜቶ ጋዲ ኢስታ ሃራና፤ ጊዶ ኣቲን ኦላንቻታ ሃላቃይ ኢዛ ኦቶሬቴ ፑርሺሳና፤ ኢዚ ኦዳ ኡባ ኢዛ ቦላ ዛራና።

ኢሳያሳ ቲንቢቴ 66:19

ታኒ ኢስታ ጊዶን ማላታ ኦና፤ ኢስታፌ ኣቲዳ ኢሲ ኢሲኔታ ጌዴ ካዎቴታኮ፥ ታርሴሴ፥ ፑጼ፥ ዎንዳፌን ኦሌቲዛ ኤሬቲዳ ሉዴታኮ፥ ቱባሌኔ ያዋኔ ሄሳካ ታ ጎባቴ ሲዮንታይታኮኔ ታ ቦንቾ ቤዮንታይታኮ ሃኮን ዲዛ ኣባ ጊዶን ዲዛ ሃሩሮታኮ ታ ዬዳና፤ ታ ቦንቾ ካዎቴታ ጊዶን ዮታና።

ኢሳያሳ ቲንቢቴ 41:5

ሃሩሮቲ ቤኢዲ ያዪዳ፤ ሳኣ ጋጻቲካ ኮኮሪዳ፤ ኢሲ ቦላ ሺቂዲ ሲን ዪዳ።

ሜቴ ማጻፋ 10:5

ሃይታንታፌ ኣባ ዶናን ዲዛ ኣሳይ ዉሪ ባ ቢታን ቢታን፥ ባ ቃላን ቃላን፥ ባ ቆሞን ቆሞኒኔ ባ ካዎቴን ካዎቴን ሻኬቲዴስ።

ዬ ማጻፋ 62:9

ቦንቾሶፔ ዬሌቴ ማዴና፤ ካቲዳሶፔ ዬሌቴካ ኡባይ ሃዳ። ኢስቲ ሜዛኔ ዴንንታ ጫርኮ ማላ፤ ኢስቲ ኢሲ ቦላ ጫርኮ ማላ ካዉሻ።

ኢሳያሳ ቲንቢቴ 2:22

ሼምፖይ ሲራ ኬዚን ኣሃ ጊዲዛ ኣሳን ኣማኔቶፍቴ፤ ኣሲ ኣይ ማዳኔ?

ኢሳያሳ ቲንቢቴ 17:13

ኣሳይ ዎልቃማ ሃ ማላ ጉሚኮካ፥ ኢዚ ኢስታ ሴሪኮ ዙምቡላ ቦላራ ጫርኮን ቢዛ ጉዱላ ማላ ጎቴ ጫርኮይ ላሊዛ ሃፓ ማላ ላሌታና።

ዳኔላ ቲንቢቴ 4:35

ቢታ ቦላ ዲዛ ዴሬቲ ዉሪካ ኢዛ ኣቻን ቄሪ ኡኤ ማላ፤ ሳሎን ዲዛ ኦሳንቻታ ቦላኔ ቢታ ቦላ ዲዛ ዴራ ቦላ ኢዚ ባ ዶሲዳዝ ኦስ፤ ኢዛ ሼኔ ዲጋናስ ዳንዳይዛይኔ ‹ኔ ሃይሳ ኣዛስ ኦይ?› ጋናይ ኦኒካ ዴና።

ዬ ማጻፋ 62:10

ቦንቃን ኣማኔቶፍቴ፤ ካይሲ ሺሺዳ ዱሬቴን ሂዶታ ኦፍቴ። ኢንቴስ ዱሬቴ ዳሪኮካ ኢንቴ ዎዚና ኢዛ ቦላ ዎፍቴ።

ዳኔላ ቲንቢቴ 4:32

ኔኒ ዴሬዛ ጋርሳፌ ጎዴታና፤ ኔስ ዱሳሶይ ዎራ ዶኣታራ ጊዳና፤ ላፑን ላይ ኩማና ጋካናስ ኔኒ ሜሄ ማላ ማታ ማና፤ ሄሲካ ሃናናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ካዎቴ ዉርሲካ ኢዚ ባ ዶሲዳዴስ ኢሚዛይሳ ኔ ሻካ ኤራና ጋካናሳ» ጊዛ ቃላይ ዪዴስ።