ኢሳያሳ ቲንቢቴ 40:10 - ጋሞ ማጻፋ

¹⁰ ሄኮ ኡባ ሃሪዛ ጎዳይ ዎልቃራ ዬስ፤ ኢዛ ቄሴይ ኢዛ ጊሻስ ሃራና። ቤኢቴ ኢዛ ዎይቶይ ኢዛራ ዴስ፤ ኢዚ ጪጋና ኦሶ ዋጋይካ ኢዛራ ዴስ።

Geeshsha Maxaafa

¹⁰ Hekko Ubbaa Haariza GODAY wolqqara yees; iza qesey iza gishshas haarana. Be7ite iza woytoy izara dees; izi ciggana ooso waagaykka izara dees.

ኢሳያሳ ቲንቢቴ 40:10 Referans Kwoze

ዮሃኒሳ ኣጁታ 22:12

«ሄኮ! ታ ኤሶን ያና! ኢሳዴስ ኢሳዴስ ኢዛ ኦሶ ማላ ታ ኢዛስ ኢዛስ ኢማና ዋጋ ታኒ ታ ኩሼን ኦይካ ኡታዲስ።

ኢሳያሳ ቲንቢቴ 62:11

ቤኢቴ፥ ጎዳይ ሳኣ ጋጻ ጋካናስ፥ «ጺዮኔ ማጫ ናይስ፥ ‹ሄኮ ኔና ኣሺዛዴይ ዬስ፤ ኔ ዋጋይ ኢዛ ኩሼን ዴስ፤ ኔ ቃዳይ ኢዛኮን ዴስ› ጊቴ» ጊዲ ኣዋጂዴስ።

ዮሃኒሳ ኣጁታ 17:14

ኢስቲ ዶርሳዛ ቦላ ኦላ ዴንና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሻስ ኢዚ ኢስታ ጾናና፤ ኢዛራ ዲዛይቲ ጼይጌቲዳይታ፥ ዶሬቲዳይታኔ ኣማኔቲዳይታ» ጊዴስ።

Maatosa 28:18

ዬሱሲካ ባና ካሊዛይታኮ ሺቂዲ፥ «ሳሎኒኔ ሳኣን ጎዳቴ ታስ ኢሜቲዴስ። ሄሳ ጊሻስ ቢዲ ዴሬ ኡባ ኣዋ፥ ናዛኔ ጺሎ ኣያና ሱንን ጻማቂሼ፥ ታና ካሊዛይታ ኦቴ፤ ታ ኢንቴና ኣዛዚዳይሳ ኡባ ናጋና ማላ ታማርሲቴ። ታኒካ ኣላሜ ዉርሴ ጋካናስ ኢንቴናራ ዳይስ» ጊዴስ።

ኢሳያሳ ቲንቢቴ 49:4

ጊዶ ኣቲን ታኒ፥ «ታኒ ሜላ ጮ ዳቡራዲስ፤ ጎኣይ ባይንዳ ጮ ሃዳ ሚሻን ታ ዎልቃ ዉርሳዲስ፤ ጊዲኮካ ታ ኦሶዛስ ኩሼ ዛራናይ ጎዳ፤ ታ ዋጋይካ ታ ጾሳ ማታና» ጋዲስ።

ኢሳያሳ ቲንቢቴ 59:15

ቱማቴ ኣዋንካ ቤቴና፤ ኢታቴፌ ሃኪዛይ ቆሄቴስ፤ ጎዳይ ቤኢዲ ሱሬ ፒርዳይ ይዳ ጊሻስ ጬጪዴስ።

1ዮሃኒሳ ኪታ 3:8

ናጋራ ኦዛይ ጻላኤፔ፤ ጋሶይካ ጻላኤይ ኮይሮፔካ ናጋራ ኦዛዴ፤ ጾሳ ናይ ቆንጪዳይካ ጻላኤ ኦሶ ላላናሳ።

ዬ ማጻፋ 110:6

ካዎቴታ ቦላ ኢዚ ፒርዳና፤ ኦላ ዎሳናታካ ኣሃ ጻላ ሂስታና፤ ሳኣን ኡባን ዲዛ ካዎታ ኢዚ ሜንሬና።

Ibirawe 2:14

ናይታስ ኣሾይኔ ሱ ዲዛ ማላ ኢዚካ ኢስታ ማላ ኣሳ፤ ሄሲካ ሃይቆ ቦላ ኢዛስ ዎልቃይ ዲዛ ዳቡሎሳ ኢዚ ባ ሃይቆ ዎልቃን ዛራናሳ።

ዮሃኒሳ ሚሺራቾ 12:13

ዛምባ ሃይ ኤኪዲ ዬሱሳ ሞካና ኬዚዴስ፤ ዴሬይ ቃላ ቁ ሂስቲዲ፥ «ሆሳኢና! ጎዳ ሱንን ዪዛ ኢስራኤሌ ካዎይ ኣንጄቲዳይሳ!» ጊዴስ።

ኢሳያሳ ቲንቢቴ 53:12

ሄሳ ጊሻስ ኢዛ ጋኪዛ ጊሻ ጊታ ኣሳታ ጊሻራ ኢሲፌ ሂስታና፤ ዲኢ ኤሂዳይሳ ዎልቃማታራ ኢዚ ኢሲፌ ጊሼታና፤ ኢዚ ባ ሼምፖ ሃይቆስ ኣ ኢሚዲ፥ ኢታ ኦዛይታራ ኢሲፌ ቆዴቲዳ ጊሻስ፥ ዳሮታ ናጋራ ቶኪዴስ፤ ቆሂዳይታ ጊሻስ ጋናቲዴስ» ጋና።

ዬ ማጻፋ 66:3

ጾሳስ፥ «ኔ ኦሶቲ ኣይ ኬና ማላሊሲዞ! ኔ ዎልቃይ ዳሮ ጊዲዳ ጊሻስ ኔ ሞርኬቲ ያሻን ኔ ሲንን ኮኮሬቴስ።

ዮሃኒሳ ኣጁታ 20:11

ሄሳፌ ጉዬ ኢሲ ጊታ ቦ ኣልጋኔ ሄ ኣልጋ ቦላ ኡቲዳይሳ ቤያዲስ፤ ቢታይኔ ሳሎይ ኢዛ ሲንፌ ባቃቲዳ ሺን ኢስቲ ቢዲ ጌላናሶይ ቤቲቤና።

ሚልካሳ ቲንቢቴ 3:1

«ሄኮ ታኒ ባና ኦጌ ባሳና ኣስ ታፔ ሲንራ ዬዳና፤ ኢንቴ ኮይዛ ጎዳይ ኢንቴ ቆፖንታ ጾሳ ኬ ጋኪ ዎና፤ ኢንቴ ኡፋይሳን ናጊዛ ጫቆ ቃላ ኪታ ኤኪ ዪዛ ታ ኪቲዳዴይ ያና።

ኢሳያሳ ቲንቢቴ 28:2

ቤኢቴ፥ ጎዳስ ዎልቃማኔ ሚኖ ጊዲዳ ኢሶይ ዴስ፤ ሄሲካ ሻቻ ኡሾ ማላ፥ ይሲዛ ጎቴ ጫርኮ ማላ፥ ዎልቃማ ዳምባላ ማላኔ ዎልቃማ ኢራ ማላ ዎልቃን ኢዚ ኢዞ ዱጌ ቢታን ዬጋና።

ኢሳያሳ ቲንቢቴ 33:2

ኣቤት ጎዳዉ! ኑና ማራ፤ ኑኒ ኔና ሂዶታ ኦዶስ፤ ማላዶ ማላዶ ኑስ ዎልቃ ጊዳ፤ ሜቶ ዎዴካ ኑና ኣሺዛዴ ጊዳ።

ኢሳያሳ ቲንቢቴ 51:5

ታ ጺሎቴይ ኤሶቲ ዬ ቦላ፥ ታ ኣቶቴይ ማቲሼ ዴስ፤ ታ ቄሴይ ካዎቴታስ ቱማ ፒርዳ ኤሃና፤ ሃሩሮቲ ታኮ ጼላና፤ ታ ቄሴካ ሂዶታ ኦና።

ኢሳያሳ ቲንቢቴ 59:16

ኦኒካ ባይንዳይሳ ቤኢዴስ፤ ኢዛኮ ጋናቲዛይ ባይንዳይሳ ቤኢዲ ማላሌቲዴስ፤ ሄሳ ጊሻስ ኢዛ ቄሴይ ኢዛስ ኣቶቴ ኤሂዴስ፤ ኢዛ ጺሎቴ ኢዛ ካፊ ኦይኪዴስ።

ኢሳያሳ ቲንቢቴ 59:18

ኢስታ ኦሶ ማላ ሃንቆ ባ ባልጋራታስ፥ ፒርዳ ባ ሞርኬታስ ኢዚ ቃንጻና። ሃሩሮ ቢታታስ ኢስታ ኦሶ ኦሶ ማላ ኢማና።

ኢሳያሳ ቲንቢቴ 63:5

ታኒ ጼላዲስ ሺን ማዲዛይ ቤቲቤና፤ ማዲዛዴይ ባይንዳ ጊሻስ ታኒ ማላሌታዲስ ታስ ኣቶቴ ኤሂዴስ፤ ታ ሃንቆይካ ታና ሚንዴስ።

ሜቴ ማጻፋ 15:1

ሄሳፌ ጉዬ ጎዳ ቃላይ ኣጁታን ኣብራሜኮ ዪዲ፥ «ኣብራሜ፥ ባቦፋ! ታኒ ኔስ ጎንዳሌ፤ ኔ ኣንጆይ ኬሂ ጊታ» ጊዴስ።

ኤርማሳ ቲንቢቴ 31:16

ጎዳይ፥ «ዬኮፋኔ ኣፉንጾፋ፤ ኔ ዳቡራይ ጮ ሃዳ ኣቴና፤ ሞርኬታ ቢታፌ ኢስቲ ሲማና።