ኢሳያሳ ቲንቢቴ 37:19 - ጋሞ ማጻፋ

¹⁹ ኢስታ ጾሳታ ታማን ጹጊዳ፤ ኢስታ ጾሳቲ ዎኒካ ሚፌኔ ሹቻፌ ኣሳ ኩሼን ማሴቲ ኬዚዳ ሚስሌፔ ኣቲን ጾሳታ ጊዴቴና።

Geeshsha Maxaafa

¹⁹ Istta xoossata taman xuuggida; istta xoossati wonikka miththafenne shuchchafe asa kushen masetti kezida misleppe attiin xoossata gidettenna.

ኢሳያሳ ቲንቢቴ 37:19 Referans Kwoze

ሆሴኤ ቲንቢቴ 8:6

ሂላንቻይ ማራ ሚስሌ ሜዳ ኤቃ ጾሳቲ ጾስ ጊዳናስ ዳንዳዬቴና። ሄሳ ጊሻስ ማር ሚሳቲ ኦሴቲዳ ሳማሪያ ኤቃ ጾሳቲ ሜቄሬቲ ዎና።

ኤርማሳ ቲንቢቴ 10:11

ጎዳይ፥ «ኢንቴካ፥ ‹ሄይቲ ሳሎኔ ሳኣ ሜንታ ጾሳቲ ሳኣፔኔ ሳሎ ጋርሳፌ ያና› ጌታ» ጌስ።

ኢሳያሳ ቲንቢቴ 44:17

ቃሴ ኣቲዳ ሚዛ ባስ ኤቃ ጾስ ጊጊሴስ፤ ሆኪዲ ኢዛስ ዚጌስ፤ ኢዛካ ጎይኔስ፤ ኢዛ ዎሲሼ፥ «ኔኒ ታ ጾሳ ጊዲዳ ጊሻስ ታና ኣሻ» ጌስ።

ኢሳያሳ ቲንቢቴ 41:29

ቤኢቴ ኢስቲ ኡባይካ ሃዳ፤ ኢስታ ኦሶስካ ጎኣይ ዴና፤ ኢስታ ሚስሌቲካ ኣይኮይ ባይንዳ ጫርኮ ማላ» ጌስ።

ኢሳያሳ ቲንቢቴ 41:24

ሄኮ ኢንቴ ኣይኮ ቆዳን ጌሎንታይታ፤ ኢንቴ ኦሶይ ሙሌካ ሃዳ፤ ኢንቴና ዶሪዳይቲ ሃራሲዛይታ።

ኢሳያሳ ቲንቢቴ 41:7

ሂላንቻይ ዎርቃ ኦዛይሳ ሚንስ፤ ናሪቃን ቆጺ ሌኢሲዛዴይ ቢራታ ማርጮን ሴሪሲዛይሳ ሚንስ፤ ቢራታ ሴሪሲ ኦይሴይ፥ «ሎኦ» ጌስ፤ ኤቃ ጾሳ ሚስሌይ ኩንዶንታ ማላ ሚሲማሬን ቶርጌስ።

ኢሳያሳ ቲንቢቴ 26:14

ኢስቲ ሃይቂዳ፤ ሲሚዲ ሼምፖራ ፓጻ ዴኤቴና፤ ኢስታ ሼምፖይ ሲሚ ዬና፤ ኔኒ ኢስታ ቃጻያዳሳኔ ይሳዳሳ፤ ኢስታ ሃሳኢሲዛ ሚሽ ኡባ ፒታ ይሳዳሳ።

2ሳሜላ ማጻፋ 5:21

ፊሊስጼሜ ኣሳይ ባ ኤቃ ጾሳታ ዬጊ ኣጊዲ ባቃቲዳ ጊሻስ ዳዊቲኔ ኢዛ ካሊዛ ኣሳይ ዲኢ ኤኪ ቢዳ።

ኬሳ ማጻፋ 32:20

ኣሳይ ሜዳ ማራካ ኤኪዲ ታማን ጹጊዴስ፤ ሄሳፌ ጉዬ ሊቂሲ ጋጪ ሃን ማዲ ኢስራኤሌ ኣሳይ ኡያና ማላ ኦዴስ።

ጋላቲያ ኣሳስ 4:8

ኢንቴ ጾስ ኤራናፔ ካሴ ጾስ ጊዶንታ ኤቃታስ ኣይሌታ።

ኢሳያሳ ቲንቢቴ 2:8

ኢስታ ቢታን ኤቃ ጾሳቲ ኩሚዳ፤ ባንታ ኩሼን ኦ ኬሲዳ ሚሻስ ጎይኔቴስ።

ኢሳያሳ ቲንቢቴ 17:8

ኢስቲ ባንታ ኩሼን ኦዳ ያርሾሶሆታ ጼሌቴና፤ ኢስቲ ባንታ ኤቃታስ ኤጻኔ ጩኣሲዛሶሆታሲኔ ኣሼሪስ ጎይናና ኤሲዳ ቱሳታስ ቦንቾ ኢሜቴና።

ኤርማሳ ቲንቢቴ 1:16

«ዩሁዳ ኣሳይ ታና ኣጊዲ፥ ሃራ ኤቃ ጾሳታስ ኤጻኔ ጩዋሲዳ ጊሻስ፥ ባ ኩሼን ኦ ኬሲዳይታ ጎይኒዳ ጊሻስ ታ ዴራ ቦላ ፒርዳ ኣዋጃዲስ።

ኤርማሳ ቲንቢቴ 2:11

ኢስቲ ቱሙ ጾሳታ ጊዶንታ ኣጊኮካ ባ ኤቃ ጾሳታ ላሚዳ ካዎቴ ዲዜ? ታ ዴሬይ ጊዲኮ ኢስታስ ቦንቾ ጊዲዳይሳ ላሚዴስ» ጌስ።

ኤርማሳ ቲንቢቴ 16:20

ኣሲ ባስ ጾስ ሜናስ ዳንዳይዜ? ኤ ዳንዳያናሺን ኢስቲ ሜዛይቲ ቱሙ ጾስ ጊዴቴና!» ጋና።

ዳኔላ ቲንቢቴ 5:23

ሄሳፌ ቦላራካ ሳሎ ጎዳ ቦላ ኔ ኦቶሬታዳ ኔርካ ኔና ቁ ቁ ሂስታዳሳ፤ ጾሳ ኬፌ ዲኤቲ ዪዳ ዎርቃፌኔ ቢራፔ ኦሴቲዳ ሚሻታ ኔኒ ኤሂሳዳ፥ ኔኒ ኔ ሹሜቲ፥ ኔ ማቼቲኔ ኔ ላጌቲ ኢሲፌ ኢስታን ዎይኔ ኡሹ ኡዪዴታ፤ ሂስቲዲ ጼላናስ፥ ሲያናስ፥ ኣኬካናስ ዳንዳዮንታይታ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዴታ፤ ኔ ሼምፖኔ ኔ ኦጌ ባ ኩሼን ኦይኪዳ ጾሳ ቦንቻቤካ።

ዳኔላ ቲንቢቴ 11:8

ኢስታ ኤቃ ጾሳታ ሚስሌታ፥ ቢራፔኔ ዎርቃፌ ኦሴቲዳ ሚሻታ ዲኢ ኤኪዲ ዱጌ ጊብጼ ኤፋና፤ ጉ ላይታስ ዱጌሃ ባጋ ካዎይ ፑዴሃ ባጋ ካዎራ ኦሌቴ ኤሳና።

ኢሳያሳ ቲንቢቴ 10:7

ጊዶ ኣቲን ኣሶሬ ካዎይ ሃይሳ ሃልቺቤና፤ ኢዛ ዎዚናን ሃይሳ ማላ ቆፋይ ዴና፤ ኢዛ ሃልቾይ ዳሮ ካዎቴታ ባሻናሲኔ ሙሌራ ይሳናሳ።