ኢሳያሳ ቲንቢቴ 37:16 - ጋሞ ማጻፋ

¹⁶ «ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

Geeshsha Maxaafa

¹⁶ «Abeet GODAWU, Ubbaafe Wolqqama Xoossawu, kirubetappe giddon uttiza Isra7eele Xoossawu, sa7aa kawoteththata ubbaa bolla ne xalla Xoossaa. Salonne sa7a neni medhdhadasa.

ኢሳያሳ ቲንቢቴ 37:16 Referans Kwoze

ዬ ማጻፋ 99:1

ጎዳይ ካዎቲዴስ! ሄሳ ጊሻስ ኣሳይ ኮኮሮ! ኪሩቤታ ጊዶን ካዎቴ ኣራታን ኡቲዴስ፤ ሄሳስ ቢታይካ ቃጾ።

ኬሳ ማጻፋ 25:22

ጫቆ ቃላ ማርካይ ኢዛን ዲዛ ታቦታ ካማ ቦላ ዲዛ ናምኡ ኪሩቤታፔ ጊዶን ታኒ ኔናራ ጋጋዳ ኢስራኤሌ ኣሳስ ኢሚዛ ኣዛዞ ኡባ ሄን ታ ኔስ ኢማና።

ዬ ማጻፋ 86:10

ኔኒ ጊታ፤ ማላሊሲዛ ሚሽ ኦሳ። ኔኒ ጻላ ጾሳ።

ዬ ማጻፋ 80:1

ኣቤት ኢስራኤሌ ሄንንቻዉ! ዮሴፌ ናይታ ዉዴ ማላ ካሌዛይሶ! ኔኒ ኑ ዎሳ ሲያ፤ ኪሩቤታ ቦላራ ዲዛ ኣራታን ኡቲዳይሶ! ኔ ፖኦን ቆንጫ።

1ሳሜላ ማጻፋ 4:4

ሄሳ ጊሻስ ዴሬዚ ጌዴ ሴሎ ኣስ ኪቲዲ፥ ኪሩቤ ጊዶን ባ ኣራታ ቦላ ኡቲዳ ጎዳ ኡባፌ ዎልቃማ ጾሳ ጫቆ ቃላ ታቦታ ኤሂሲዳ። ኤሌ ና ናምኣቲ ኣፊኔይኔ ፊኒሃሲ ጫቆ ቃላ ታቦታራ ሄን ዴቴስ።

Ibirawe 4:16

ሄሳ ጊሻስ ኑኒ ማሮቴ ኤካናሲኔ ኑና ኮሺዛ ዎዴ ኑና ማዲዛ ኢዛ ኪያቴ ኑ ዴማና ማላ ጌዴ ኢዛ ማሮቴ ኣልጋኮ ኣኔ ኣማኖን ሺቆስ።

ቆላሲያሴ ኣሳስ 1:16

ሜቴ ዉሪ ኢዛን ሜቲዴስ። ሳሎኒኔ ሳኣን ዲዛይቲ፥ ኣይፌን ቤቲዛይቲኔ ቤቶንታይቲ ጊዲንካ፥ ዎልቃማታ ጊዲንካ፥ ሃሪዛይቲ ጊዲንካ ዎይኮ ጎዳቴ ዲዛይቲ ሃኒዳይ ዉሪካ ኢዛን ኢዛስ ሜቲዳ።

ዮሃኒሳ ሚሺራቾ 1:3

ሜቴ ዉሪ ኢዛን ሜቲዴስ። ሜቲዳዛን ኢዚ ባይንዳ ሜቲዳይ ኢሲናካ ዱኩ።

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ኢሳያሳ ቲንቢቴ 45:22

«ኢንቴኖ ቢታ ጋጻን ዴኢዛ ኡባቶ! ታኮ ሲሚዲ ኣቲቴ። ታኒ ጾሳ፤ ታፔ ኣቲን ሃራይ ዴና።

ኢሳያሳ ቲንቢቴ 44:6

ኢስራኤሌ ካዎይኔ ኢስታ ዎዚዛይ፥ ጎዳይ ኡባፌ ዎልቃማ ጾሳይ፥ «ኮይሮይ ታና፤ ዉርሴካ ታና። ታፔ ሃራ ጾሲ ባዋ።

ኢሳያሳ ቲንቢቴ 40:28

ኔ ኤራቤኪ? ኔ ሲያቤኪ? ጎዳይ ሜርና ጾሳ፤ ኢዚ ቢታ ኡባካ ሜዳይሳ። ኢዚ ዳቡሬና፤ ኣዛሌና፤ ኢዛ ኣኬካይካ ኦናንካ ፒልጌቴና።

ኢሳያሳ ቲንቢቴ 37:20

ሃኢካ ኣቤት ጎዳዉ፥ ኑ ጾሳዉ ኔኒ ጎዳይ ጻላ ጾሳ ጊዲዳይሳ ሳኣ ካዎቴቲ ኡባይ ኤራና ማላ ኑና ኢዛ ኩሼፔ ኣሻ!» ጊ ዎሲዴስ።

ኢሳያሳ ቲንቢቴ 8:13

ኢንቴ ዱማሳና ቤሲዛይ ኡባፌ ዎልቃማ ጎዳ ጻላ፤ ኢንቴ ያያናሲኔ ኮኮራናስ ቤሲዛይ ኢዛ።

ኢሳያሳ ቲንቢቴ 6:3

ኢሶይ ኢሳራ፥ «ጌሻዉ፥ ጌሻዉ፥ ጌሻዉ ኡባፌ ዎልቃማ ጎዳ ጾሳዉ! ሳኣ ኡባይ ኢዛ ቦንቾን ኩሚዴስ» ጊዳ።

ዬ ማጻፋ 146:6

ጎዳይ ሳሎኔ ሳኣ፥ ጊታ ኣባኔ ኢስታ ጊዶን ዲዛ ኡባ ሜዳይሳ፤ ኢዚ ባ ኣማኔቴ ሜርናስ ናጊዛይሳ።

ዬ ማጻፋ 46:11

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

ዬ ማጻፋ 46:7

ኡባፌ ዎልቃማ ጎዳይ ኑናራ ዴስ፤ ያቆቤ ጾሲ ኑ ቆቴቲ ኣቲዛ ቆልኣ።

2ካዎታ ማጻፋ 5:15

ሄሳፌ ጉዬ ኒኢማኔይ ባና ካሊ ዪዳ ኣሳ ኡባራ ጌዴ ጾሳ ናቤኮ ሲሚ ቢዴስ፤ ኢዛ ሲንን ኣ ኤቂዲ፥ «ሄኮ ኢስራኤሌ ዴሬንፔ ኣቲን ኩሜ ኣላሜን ኡባን ሃራ ጾሲ ባይንዳይሳ ታኒ ኤራዲስ፤ ሄሳ ጊሻስ ኔኒ ታፔ ኔ ኣይሌዛፔ ኢሞታ ኤካና ማላ ታ ኔና ዎሳይስ» ጊዴስ።

1ካዎታ ማጻፋ 18:32

ሂስቲዲ ጎዳ ሱንስ ሄ ሹቻታን ያርሾሶሆ ጊምቢዴስ፤ ያርሾ ያርሺዛሶዛ ዩዪ ኣናስ ታማኔ ኦይዱ ሊቲሮ ሃ ኦይኪዛ ኦላ ቦኪዴስ።

2ሳሜላ ማጻፋ 7:26

ሄሳ ጊሻስ ኔ ሱን ሜርናስ ጊታ ጊዳና፤ ኣሳይካ፥ ‹ኡባፌ ዎልቃማ ጎዳይ ኢስራኤሌ ጾሳ› ጋና። ኔ ኣይሌ ዳዊቴ ኬይ ኔ ሲንን ሚኖ ጊዳና።

ዛሬ ማጻፋ 10:17

ጎዳ ኢንቴ ጾሳይ ጾሳ ጌቴቲዛ ኡባፌ ቦላ፤ ጎዳታስ ጎዳ፤ ኢዚ ጊታ፥ ሚኖኔ ያሺዛ ጾሳ፤ ኢዚ ማዲ ፒርዶንታ ጾሳኔ ማጋንጾ ኤኮንታ ጾሳ።

ሜቴ ማጻፋ 1:1

ጾሲ ኮይሮ ሳሎኔ ሳኣ ሜዴስ።

ኢዝራ ማጻፋ 1:3

ኢንቴ ጊዶፌ ጾሳ ኣስ ጊዲዳይሳራ ጾሲ ጊዶ፤ ዩሁዳ ዴሬን ዲዛ ዬሩሳላሜ ካታማ ቢዲ ጎዳ ኢስራኤሌ ጾሳ ኬ ኬጾ።

ኢሳያሳ ቲንቢቴ 37:15

ሂስቲዲ ጎዳ ዎሲሼ፥

ኢሳያሳ ቲንቢቴ 40:22

ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

ኢሳያሳ ቲንቢቴ 42:5

ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ኢሳያሳ ቲንቢቴ 45:12

ሳኣ ኦዳይ ታና፤ ኣሲካ ኢዚ ቦላ ሜዲስ። ሳሎታ ታኒ ታ ኩሼን ቶላዲስ፤ ኢስታ ቦላ ሳሎ ሜታታ ዎዲስ።

1ካዎታ ማጻፋ 8:6

ሄሳፌ ጉዬ ቄሴቲ ታቦታ ጾሳ ኬ ጊዶን ዲዛ ኡባፌ ዱማቲዳ ጊዶ ቆልኣን ኪሩቤ ሚስሌታ ቄፌታፔ ጋርሳ ባጋራ ዎዳ።