ኢሳያሳ ቲንቢቴ 35:5 - ጋሞ ማጻፋ

⁵ ሄ ዎዴ ቆቄታ ኣይፌይ ጼላና፤ ቱሌታ ሃይ ሲያና።

Geeshsha Maxaafa

⁵ He wode qooqeta ayfey xeellana; tulleta hayththi siyana.

ኢሳያሳ ቲንቢቴ 35:5 Referans Kwoze

ኢሳያሳ ቲንቢቴ 29:18

ሄ ጋላስ ቱሌይ ጻ ማጻፋ ቃላ ሲያና፤ ቆቄ ኣይፌቲካ ሻሩማፔኔ ማፔ ሻኬቲዲ ጼላና።

ዬ ማጻፋ 146:8

ጎዳይ ቆቄታ ጼሊሴስ። ጎዳይ ኩንዲዳይታ ዴንስ፤ ጎዳይ ጺሎታካ ሲቄስ።

ዮሃኒሳ ሚሺራቾ 9:39

ዬሱሲካ፥ «ቆቄቲ ጼላና ማላኔ ጼሊዛይቲ ቆቃና ማላ ፒርዳናስ ታ ሃይሳ ሃ ኣላሜ ያዲስ» ጊዴስ።

ኢሳያሳ ቲንቢቴ 50:4

ኡባ ሃሪዛ ጎዳይ ታስ ኢንጻርሳ ኤራቴ ኢሚዴስ፤ ሄሳ ጊሻስ ዳቡራንቻታስ ታ ኣይ ጋና ቤሲዛኮ ታ ኤራይስ፤ ማላዶ ማላዶ ታና ቤጎስ፤ ታማርሼ ዲዛ ታማሬ ማላ ሲያናስ ታ ሃይ ዶዬስ።

Maatosa 12:22

ሄሳፌ ጉዬ ዳይዳን ኦይኪን ጼላናሲኔ ሃሳያናስ ዳንዳዮንታ ኢሲ ኣስ ዬሱሳኮ ኤኪ ዪዳ። ዬሱሲካ ኢዛ ፓን ኣዴዚ ጼላናሲኔ ሃሳያናስ ዳንዳይዴስ።

Maatosa 21:14

ኣይፌ ቆቄታኔ ቶሆይ ሲሊዳ ኣሳታ ዬሱሳኮ ጾሳ ኬ ኤሂዳ። ኢዚካ ኢስታ ፓዴስ።

ሉቃሳ ሚሺራቾ 4:18

«ጎዳ ኣያናይ ታ ቦላ ዴስ፤ ማንቆታስ ሚሺራቾ ቃላ ዮታና ማላ ታና ቲይዴስ፤ ቃሼቲዳይታስ ቢርሼቴ፥ ቆቄቲ ጼላና ኦጌ ታ ኣዋጃና ማላ፥ ሜቶቴቲዳይታ ኣሻና ማላ፥ ዶሴቲዳ ጎዳ ላይ ኣዋጃ ታ ዮታና ማላ ታና ኪቲዴስ» ጊዛሶ ዴሚ ናባቢዴስ።

ኢሳያሳ ቲንቢቴ 42:16

ታኒ ቆቄታ ኢስቲ ኤሮንታ ኦጌ ካሌና፤ ኢስቲ ሜዜቶንታ ኦጌራካ ታ ኢስታ ኤፋና፤ ማዛ ታ ኢስታ ሲንን ፖኢሳና፤ ኩንዱኩርጮ ሶሆታ ታ ጊጊሳና፤ ሃይታንታ ኡባ ታ ኦንታ ኣጊኬ።

ኤፌሶኔ ኣሳስ 5:14

ጋሶይካ ኡባ ቤሲዛይ ፖኦ፤ ሄሳ ጊሻስ፥ «ኔኖ፥ ስኪዛይሶ ቤጋ! ሃይቆፔ ዴንዳ! ኪርስቶሲ ኔስ ፖኢሳና» ጌቴቲዴስ።

ኢሳያሳ ቲንቢቴ 43:8

ኣይፌይ ዲሺን ቆቂዳይታ፥ ሃይካ ዲሺን ቱሊዳይታ ኬሳ።

ሌሚሶ ማጻፋ 20:12

ሲዪዛ ሃይኔ ጼሊዛ ኣይፌ፥ ኢስታካ ጎዳይ ሜዴስ።

ኬሳ ማጻፋ 4:11

ጎዳይ ኢዛስ፥ «ኣሳስ ዶና ሜዳይ ኦኔ? ኣስ ዱዴ፥ ዎይኮ ቱሌ ኦዛይ ኦኔ? ጼላኔ ቆቄ ኦዛይ ኦኔ? ታና ጎዳ ጊዲኪና?

ሃዋሬታ ኦሶ 26:18

ኔ ኢስታ ኣይፌ ዶያና ማላኔ ማፔ ፖኦን ኬሳና ማላ ቃሴካ ጻላኤስ ሃሬቲዛሶፔ ጾሳኮ ኔ ዛራና ማላ ኦና፤ ኢስቲካ ታና ኣማኒዳ ጊሻስ ባ ናጋራፔ ማሬታና፤ ቃሴ ዶሬቲዳይታ ጊዶን ኢስቲ ጺንጾ ዴማና› ጊዴስ።

ዮሃኒሳ ሚሺራቾ 11:37

ኢስታ ጊዶፌ ኢሲ ኢሲ ኣሳቲ፥ «ሃይሲ ቆቄ ኣዴዛ ኣይፌ ፖግዳይሲ ሃይሳዴይ ሃይቆንታ ማላ ኦናስ ዳንዳዬኔ?» ጊዳ።

ኢሳያሳ ቲንቢቴ 48:8

ኔኒ ሲያቤካ ዎይኮ ኤራቤካ፤ ኔ ሃይ ቤኒፔካ ዶዬቲቤና። ጋሶይካ ኔኒ ካሴካ ጪሚዛዴኔ ናቴፌ ዶማዳ ኔ ማካላንቻ ጌቴቲዳይሳ ታ ኤራዲስ።

ኢዮቤ ማጻፋ 33:16

ሄ ዎዴ ኣሲ ኢዛ ቃላ ሲያና ማላ ሃይ ዶዬስ፤ ኢዚ ባ ኢሚዛ ሴራንካ ዳጋንስ።

ኤርማሳ ቲንቢቴ 6:10

ታኒ ኦናስ ዮቶ? ኦና ሴሮ? ኦኒ ታ ጊዛዝ ሲያኔ? ሄኮ ኢስታ ሃይ ቱሌ ጊዲዳ ጊሻስ ኢስቲ ሲዬቴና፤ ጎዳ ቃላይ ኢስታስ ቂስ ኬዚዴስ፤ ኢስቲ ኢዛን ኡፋዬቴቴና።

ኢሳያሳ ቲንቢቴ 42:18

ጎዳይ፥ «ኢንቴኖ ቱሌቶ ሲዪቴ! ኢንቴኖ ቆቄቶ ቤኢቴኔ ጼሊቴ!

ኢሳያሳ ቲንቢቴ 50:5

ኡባ ሃሪዛ ጎዳይ ታ ሃይ ዶይዴስ፤ ታኒ ማካላንቻ ዲኬ፤ ጉዬካ ባቃታቤኬ።