ኢሳያሳ ቲንቢቴ 35:10 - ጋሞ ማጻፋ

¹⁰ ጎዳይ ማዲዳይቲ ሲማና፤ ኢስቲ ዬጺሼ ጺዮኔ ጌላና፤ ሜርና ኡፋይሳ ካላቻ ማላ ጎጻና፤ ኢንጄኔ ኡፋይስ ዴማና፤ ጬጬይኔ ካዮይ ሄፔ ባቃታና።

Geeshsha Maxaafa

¹⁰ GODAY maaddidayti simmana; istti yexxishe Xiyoone gelana; mernaa ufayssa kallachcha mala goxxana; injjenne ufays demmana; ceeceynne kayoy heeppe baqatana.

ኢሳያሳ ቲንቢቴ 35:10 Referans Kwoze

ዮሃኒሳ ኣጁታ 21:4

ኢዚ ኢስታ ኣይፌፔ ኣፉን ኡባ ቁጫና፤ ካሴ ዎጋይ ኣዳ ጊሻስ ሃይቆይ ዎይኮ ሙዞቴ ዎይኮ ዬሆይ ዎይኮ ዋዬይ ሃይሳፌ ጉዬ ዴና» ጊዛ ጊታ ቃላይ ኬዚሺን ታኒ ሲያዲስ።

ኢሳያሳ ቲንቢቴ 30:19

ኢንቴኖ ዬሩሳላሜን ዴኢዛ ጺዮኔ ዴሬዞ! ሃይሳፌ ሲንን ኢንቴ ዬኬኬታ፤ ኢንቴ ኢዛኮ ዋሲሺን ኢዚ ኢንቴና ዋኒ ማሬኔ? ኢንቴ ዋሶ ኢዚ ሲዪዲ ኢንቴስ ኤሶን ዛሮ ኢማና።

ኢሳያሳ ቲንቢቴ 25:8

ሃይቆ ኢዚ ሜርናስ ሚታና፤ ኡባ ሃሪዛ ጎዳይ ኣሳ ኡባ ኣይፌፔ ኣፉን ቁጫና፤ ባ ዴራ ካዉሻቴ ቢታ ኡባፌ ዲጋና። ሃይሳ ጎዳይ ሃሳይዴስ።

ዩሁዳ ኪታ 1:21

ኑ ጎዳ ዬሱስ ኪርስቶሲ ባ ማሮቴን ኢንቴና ሜርና ዴኦን ጋናይሳ ናጌቲሼ ኢንቴናቴ ጾሳ ሲቆን ናጊቴ።

1ጺምቶሳስ 2:6

ኢዚ ባና ኣሳ ኡባስ ኣ ኢሚዴስ፤ ሄሲካ ሄራካ ዎዴይ ኣንታ ኢዛስ ማርካቲዴስ።

ኤርማሳ ቲንቢቴ 33:11

ኡፋይሳ ጬንጉርሲ፥ ሚሺራታ ጬንጉርሲ ሄሳካ ቡላቺዛይሳኔ ቡላቼቲዛሪ ቃላይ፥ « ‹ጎዳይ ኪያ፤ ኢዛ ማሮቴይካ ሜርናሳ፤ ጎዳ ኡባፌ ዎልቃማ ጾሳ ጋላቲቴ› ጊዛ ጋላታ ያርሾ ኤኪዲ ጾሳ ኬ ዪዛ ኣሳታ ጬንጉርሲ ሴቴታና፤ ሄ ቢታይፌ ዲኤቲዳ ሚሽ ካሴ ዲዛሶታ ዛራና» ጌስ።

ኢሳያሳ ቲንቢቴ 65:19

ታኒ ዬሩሳላሜን ኡፋዬታና፤ ታኒ ታ ዴሬዛን ሆምቦጫና፤ ሃይሳፌ ጉዬን ዬሆይኔ ዋሶይ ሄን ሴቴቴና።

ዮሃኒሳ ሚሺራቾ 16:22

ሄሳ ኢንቴካ ሃኢ ሙዞቴታ፤ ቃሴ ታ ኢንቴና ቤያና ኢንቴ ዎዚናይካ ኡፋዬታና፤ ኢንቴ ኡፋይሳ ዛሪ ኤካናዴይ ዴና።

Maatosa 20:28

ኣሳ ናይ ኣሳይ ኢዛስ ኦና ማላ ጊዶንታ ኢዚ ኣሳስ ኦናሲኔ ባ ሼምፖ ዳሮታ ጊሻስ ኣ ኢማናስ ዪዴስ» ጊዴስ።

ዬ ማጻፋ 84:7

ኢስቲ ዎልቃ ቦላ ዎልቃ ጉጂ ጉጂ ባና፤ ኢስቲ ጾሳ ሲንን ጺዮኔን ቤታና።

ዮሃኒሳ ኣጁታ 18:20

ሳሎዞ! ኢዚ ጋሶን ኔ ኡፋዬታ፤ ጾሲ ኢንቴ ጊሻስ ኢዚ ቦላ ፒርዲዳ ጊሻስ ኢንቴ ጌሻቲ፥ ሃዋሬቲኔ ናቤቲካ ኡፋዬቲቴ።

ኢሳያሳ ቲንቢቴ 60:20

ኔ ኣርሼይ ሃይሳፌ ጉዬ ጌሌና፤ ኔ ኣጊናይካ ፖኦ ኢሞ ኣጌና። ጎዳይ ኔስ ሜርና ፖኦ ጊዳና፤ ኔ ጬጪዳ ጋላሳቲ ጊዳና።

ዬ ማጻፋ 51:8

ኔኒ ታና ኡፋይሲኔ ሃሹ ጊሲዛ ሚሽ ሲሳ፤ ኔ ሜንሬዳ ታ ሜቄታካ ፓ።

ዬ ማጻፋ 107:2

ጎዳይ ኢስታ ዎዚዳይቲ፥ ኢስታ ሞርኬታ ኩሼፔ ኢዚ ኣሺዳይቲ ሂዝጌቶ፤

ዬ ማጻፋ 126:5

ዬኪሼ ዜሪዳይቲ ኡፋይሳን ዬጺሼ ሺሻና።

ኢሳያሳ ቲንቢቴ 1:27

ጺዮና ሱሬ ፒርዳን፥ ማሮቴን ሲሚዛይቲ ጺሎቴን ዎዜታና።

ኢሳያሳ ቲንቢቴ 9:3

ኔኒ ካዎቴ ዳርሳዳሳ፤ ኢስታስ ኡፋይሳ ቦላ ኡፋይስ ጉጃዳሳ፤ ኣሳይ ካ ሺሺሼኔ ዲኢ ኤኪዳ ሚሽ ጊሼቲሼ ኡፋዬቲዛ ማላ ኢስቲካ ኔ ሲንን ኡፋዬታና።

ኢሳያሳ ቲንቢቴ 35:2

ኢዚ ዳሮ ኡፋዬታናኔ ሚጫና፤ ሊባኖሴ ቦንቾይ ኢዛስ ኢሜታና፤ ቃርሜሎሴኔ ላሻሮኔ ቴማ ኢዚ ማይኣና፤ ኑ ጎዳ ቦንቾኔ ጾሳ ጊታቴ ኢስቲ ቤኣና።

ኢሳያሳ ቲንቢቴ 41:14

ኔኖ ጉጹኔዞ ያቆቤ፥ ኔኖ ቄሪ ኢስራኤሌ፥ ‹ያዮፋ ታኒ ኔና ማዳና› ጌስ። ኔና ዎዚዛይ ኢስራኤሌ ጌሻዛ።

ኢሳያሳ ቲንቢቴ 41:16

ኔኒ ኢስታ ሱራጋና፤ ጫርኮይ ኢስታ ፒቲ ኤፋና፤ ጎቴይካ ኢስታ ላላና። ጊዶ ኣቲን ኔኒ ጎዳን ኡፋዬታና፤ ቃሴ ኢስራኤሌ ጌሻን ቦንቼታና።

ኢሳያሳ ቲንቢቴ 65:18

ጊዶ ኣቲን ታኒ ሜዛይሳን ኡፋዬቲቴ፤ ሜርናስ ሆምቦጪቴ፤ ታኒ ዬሩሳላሜ ኡፋይሳስ፥ ኢዚ ዴራካ ሆምቦጬስ ሜና።

ኤርማሳ ቲንቢቴ 30:19

ኢስታፌ ጋላታ ዬይኔ ኢሊሊሳ ጬንጉርሲ ሲዬታና፤ ታኒ ኢስታ ዳርሳና፤ ኢስታ ቆዳይካ ፓጬና፤ ታኒ ኢስታ ቦንቼቲዳ ዴሬ ኦና፤ ኢስቲ ካቲዳይታ ጊዴቴና።

ዬ ማጻፋ 14:7

ኢስራኤሌስ ኣቶቴ ጺዮኔፔ ዪዳኮ! ጎዳይ ኢስታ ዱሳ ዛሪዛ ዎዴ ያቆቤ ዜሬቲ ኡፋዬታና፤ ኢስራኤሌ ኣሳይ ኡፋይሳን ጋላታና።

ዬ ማጻፋ 126:2

ሄ ዎዴ ኑ ዶናይ ሚቻን ኩሚዴስ፤ ኑ ኢንጻርሲካ ኡፋይሳ ማዛሙሬ ዬጺዴስ፤ ሂስቲን ካዎቴቲ ባንታ ጊዶን፥ «ጎዳይ ኢስታስ ጊታ ሚሽ ኦዴስ» ጊዳ።

ኢሳያሳ ቲንቢቴ 61:7

ታ ዴሬይ ዬላቲዳይሳ ቆ ናምኡ ኩሼ ኤካና፤ ካዉዪዳይሳ ቆ ባንታ ጺንጾን ኡፋዬታና፤ ባንታ ቢታስ ናምኡ ኩሼ ላታና፤ ሜርና ኡፋይሲ ኢስታስ ጊዳና።