ኢሳያሳ ቲንቢቴ 33:2 - ጋሞ ማጻፋ

² ኣቤት ጎዳዉ! ኑና ማራ፤ ኑኒ ኔና ሂዶታ ኦዶስ፤ ማላዶ ማላዶ ኑስ ዎልቃ ጊዳ፤ ሜቶ ዎዴካ ኑና ኣሺዛዴ ጊዳ።

Geeshsha Maxaafa

² Abeet GODAWU! Nuna maara; nuni nena hidota ooththidos; maalado maalado nuus wolqqa gida; meto wodekka nuna ashshizaade gida.

ኢሳያሳ ቲንቢቴ 33:2 Referans Kwoze

ኢሳያሳ ቲንቢቴ 59:16

ኦኒካ ባይንዳይሳ ቤኢዴስ፤ ኢዛኮ ጋናቲዛይ ባይንዳይሳ ቤኢዲ ማላሌቲዴስ፤ ሄሳ ጊሻስ ኢዛ ቄሴይ ኢዛስ ኣቶቴ ኤሂዴስ፤ ኢዛ ጺሎቴ ኢዛ ካፊ ኦይኪዴስ።

ኢሳያሳ ቲንቢቴ 25:9

ሄ ጋላስ ኢስታስ፥ «ቤኢቴ ኑ ጾሳይ ሃይሳ፤ ኑኒ ኢዛን ኣማኔቲዶስ፤ ኢዚካ ኑና ኣሺዴስ፤ ሃይሲ ጎዳ፤ ኑኒ ኢዛን ኣማኔቲዶስ፤ ኢዚ ኣሺዳይሳን ኡፋዬቶስ፤ ኡፋይሳን ሆምቦጮስ» ጋና።

ዬ ማጻፋ 60:11

ኣሳፔ ጊዲዳ ማዶይ ሃዳ፤ ሄሳ ጊሻስ ኑ ሞርኬታ ቦላ ኑስ ጾኖ ኢማ።

ዬ ማጻፋ 62:8

ኣሶ! ኡባ ዎዴ ጾሳን ኣማኔቲቴ፤ ኢዚ ኑስ ቆቴቲ ኣቲዛሶ ጊዲዳ ጊሻስ ኢንቴ ዎዚና ቆፋ ኢዛስ ዮቲቴ።

ዬ ማጻፋ 62:1

ታ ሼምፖያ ጾሳን ጻላ ሼምፖ ዴማዉስ፤ ታስ ኣቶቴ ኢዛፔ ዬስ።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

ኬሳ ማጻፋ 14:27

ሙሴይ ባ ኩሼ ኣባ ቦላ ፒዲሲዴስ፤ ጋዴይ ዎንቲሺን ኣባይ ካሴ ባ ዲዛ ሶሆ ጉዬ ሲሚዴስ፤ ጊብጼ ኣሳይ ጌዴ ኢዛ ጊዶ ባቃቲሺን ጎዳይ ጊብጼ ኣሳ ሄን ኣባ ጊዶን ዬጊዴስ።

ሆሴኤ ቲንቢቴ 14:2

ፓጼ ቃላ ኤኪ ጎዳኮ ሲሚዲ፥ «ኑ ናጋራ ኡባ ኣቶ ጋ፤ ኑኒ ኑ ዶናፔ ጋላታ ሺሻና ማላ ኔ ማሮቴን ኑና ኤካ።

ኤርማሳ ዚላስ 3:23

ኢስቲ ማላዶ ማላዶ ኦራ፤ ኔ ኣማኔቴይካ ዳሮ።

ኤርማሳ ቲንቢቴ 14:8

ኣቤት ኢስራኤሌ ሂዶታዉ! ሜቶ ዎዴ ኣሺዛይሶ! ኔኒ ቢታን ኢማ ማላ፥ ኢሲ ኦማርስ ኣቂዲ ቢዛ ኦጌ ኣሳ ማላ ኣይስ ሃናይ?

ኢሳያሳ ቲንቢቴ 40:10

ሄኮ ኡባ ሃሪዛ ጎዳይ ዎልቃራ ዬስ፤ ኢዛ ቄሴይ ኢዛ ጊሻስ ሃራና። ቤኢቴ ኢዛ ዎይቶይ ኢዛራ ዴስ፤ ኢዚ ጪጋና ኦሶ ዋጋይካ ኢዛራ ዴስ።

ኢሳያሳ ቲንቢቴ 26:16

ኣቤት ጎዳዉ! ኢስቲ ሜቶቲዳ ዎዴ ኔኮ ዪዳ፤ ኔኒ ኢስታ ሴሪዳ ዎዴ፥ ሳሱኪ ኔና ዎሴቴስ።

ኢሳያሳ ቲንቢቴ 26:8

ኣቤት ጎዳዉ! ኔ ዎጋ ኦጌራ ሄሜቲሼ ኑኒ ኔና ሂዶታ ኦዶስ፤ ኔ ሱንኔ ኔ ጊታቴ ኑ ዎዚናስ ኣሞ።

ኢሳያሳ ቲንቢቴ 25:4

ኔኒ ሂዬሳታስ ዜምፖ፤ ሜቶታንቻታስ ሜቶ ዎዴ ኔኒ ዜምፖ፤ ጎቴ ጫርኮፌ ጌሚ ኣቲዛሶ፤ ኣዋ ሴላፔ ኩዋቲዛሶ ጊዳዳሳ። ጋሶይካ ሜንጼ ኢታታ ፔኖይ ኬ ጎዳራ ኢጬቲዛ ጎቴ ጫርኮ ማላ።

ዬ ማጻፋ 123:2

ኣሽካራይ ባ ጎዳ ኩሼ ጼሊዛ ማላ፥ ኣሽካራያካ ባ ጎዳቴይ ኩሼ ጼሊዛ ማላ፥ ኑኒካ ኢዚ ኑና ማራና ጋካናስ ኑ ጎዳኮ ፑዴ ጼሎስ።

ዬ ማጻፋ 91:15

ኢዚ ታና ጼይጊዛ ዎዴ ታኒ ኢዛስ ኮያና፤ ኢዚ ሜቶቲዳ ዎዴ ታኒ ኢዛራ ኢሲፌ ጊዳና፤ ታኒ ኢዛ ኣሻናኔ ቦንቻና።

ዬ ማጻፋ 90:15

ኔኒ ኑና ሜቶዳ ጋላሳታ ኬናኔ ኑኒ ቱጋ ቤኢዳ ላይታ ሊኬ ኑና ኡፋይሳ።

ዬ ማጻፋ 62:5

ታ ሼምፖዬ! ዎፑ ጋዳ ጾሳ ጻላ ናጋ፤ ታስ ሂዶታይ ኢዛፔ ያና።

ዬ ማጻፋ 50:15

ሜቶ ጋላስ ኔ ታና ጼይጋ፤ ታ ኔና ኣሻና፤ ኔካ ታና ቦንቻና» ጌስ።

ዬ ማጻፋ 46:5

ጾሲ ኢዚ ጊዶን ዲዛ ጊሻስ ሄ ካታማያ ቃጹኩ፤ ዎንታ ማላዶራ ጾሲ ኢዞ ማዳና።

ዬ ማጻፋ 37:39

ጺሎታስ ኣቶቴ ጎዳፔ ዬስ፤ ሜቶ ዎዴ ኢዚ ኢስታስ ጌሚዛሶ።

ዬ ማጻፋ 25:3

ኔና ሂዶታ ኦዛይቲ ዬላቴቴና፤ ጊዶ ኣቲን ጌኔ ኦዛይቲ ዬላታና።

ዬ ማጻፋ 143:8

ታኒ ኔና ኣማኔቲዛ ጊሻስ ማላዶ ማላዶ ኔ ሲቆ ታና ቤሳ፤ ታኒ ታ ሼምፖ ኔስ ሃዳራዲስ፤ ሄሳ ጊሻስ ታ ባና ኦጌ ታና ታማርሳ።

ዬ ማጻፋ 27:1

ጎዳይ ታስ ፖኦኔ ታና ኣሺዛይሳ፤ ሂስቲን ታኒ ኦናስ ያያኔ? ጎዳይ ታ ሼምፖይስ ኣቲዛ ሚጻ፤ ሂስቲን ታኒ ኦናስ ባባኔ?

ኢሳያሳ ቲንቢቴ 17:10

ኔና ኣሺዛ ጾሳ ባላዳሳ፤ ኔ ኢዛን ቆቴታ ኣቲዛ ኔ ዛላካ ኣኬካቤካ፤ ሄሳ ኔኒ ዶሬቲዳ ኣታኪልቴ ቶኪኮካ፥ ኦራ ዜሬ ኔ ዜሪኮካ፥

ኢሳያሳ ቲንቢቴ 37:3

ኢስቲካ ኢሳያሳስ ቢዲ፥ «ሂዝቂያሲ፥ ‹ሃ ጋላሳይ ጬጬ፥ ቂጻቴኔ ካዉሻቴ ጋላሳ፤ ሄሲካ ናይ ዬሌታና ሃኒሺን ኣቤይ ኢጺዛ ጋላሳ ማላ ጊዲዴስ።

ኢሳያሳ ቲንቢቴ 51:5

ታ ጺሎቴይ ኤሶቲ ዬ ቦላ፥ ታ ኣቶቴይ ማቲሼ ዴስ፤ ታ ቄሴይ ካዎቴታስ ቱማ ፒርዳ ኤሃና፤ ሃሩሮቲ ታኮ ጼላና፤ ታ ቄሴካ ሂዶታ ኦና።

ዬ ማጻፋ 33:22

ኣቤት ጎዳዉ! ኑኒ ኔናን ሂዶታ ኦዛይሳ ማላ ሜርና ኔ ሲቆይ ኑናራ ጊዶ።

ኢሳያሳ ቲንቢቴ 8:17

ታኒ ባ ሲን ያቆቤ ዛሬታፔ ጌንዳ ጎዳ ናጋና፤ ኢዛካ ሂዶታ ኦና።